Аттракцион

Қарағандыда аттракционнан секірген әйел көз жұмды - видео

6725
(Жаңартылды 10:22 11.10.2021)
Әйел "Созвездие" қонақүйінің төбесінде орналасқан аттракционнан секірген. Оның биіктігі 30 метр

НҰР-СҰЛТАН, 11 қазан – Sputnik. Қарағандыда роупджампинг аттракционынан секірген әйел көз жұмды, деп хабарлайды "Новый вестник".

Басылымның мәліметінше, 33 жастағы қарағандылық "Созвездие" қонақүйінің шатырынан секірген. Оның биіктігі 30 метр. Қонақүй төбесінде экстремалды аттракцион орналасқан. 

Әйел көптеген жарақатпен көпсалалы ауруханаға жеткізілді. Алайда шұғыл түрде ота жасалғанына қарамастан, жарақат салдарынан ауруханада қайтыс болды. 

Оқи отырыңыз: 

 

6725
Кілт сөздер:
аттракцион, Қарағанды, апат
Тақырып бойынша
Астана саябағында жаңа аттракцион іске қосылады
Адам толы аттракцион қақ бөлініп, жерге құлады – қорқынышты видео
Астанадағы "Аттракцион Плэйхаус" тәуелсіз театры
Полиция көлігі

Рөлде полицей отырған: Қарағандыда жол апатынан бір жасар бала көз жұмды

1052
(Жаңартылды 08:57 20.10.2021)
Қайғылы оқиға 19 қазан болған. Қылмыстық іс тіркеліп, полицей уақытша ұстау изоляторына қамалғаны хабарланып отыр

НҰР-СҰЛТАН, 20 қазан — Sputnik. Қарағандыда полиция қызметкері ауысымнан кейін үйге оралып, қиылыста бағдаршамның сары түсіне қозғалып кетті. Ол ішінде бір жасар бала бар көлікпен соқтығысты.

Қайғылы оқиға 19 қазан сағат 21:45-те Республика даңғылы мен Дүйсембеков көшесінің қиылысында болған. Қарағанды облыстық полиция департаментінің баспасөз қызметі хабарлағандай, Mercedes көлігінің тізгінінде отырған 37 жастағы полиция қызметкері қиылыста сары түске өткен. Рөлде 29 жастағы жүргізуші отырған "ВАЗ-2114" көлігімен соқтығысты.

"Жол апаты салдарынан "ВАЗ-2114" көлігінде болған бір жасар бала алған жарақаттан көз жұмды. Автокөлік жүргізушісі мен 27 жастағы жолаушы түрлі жарақатпен медициналық мекемеге жеткізілді",- деп хабарлады облыстық ведомствоның баспасөз қызметі.

Қылмыстық кодекстің 345-бабы 3-бөлігі бойынша қылмыстық іс тіркелді.

Полицей уақытша ұстау изоляторына қамалды.

Оқи отырыңыз: 

1052
Кілт сөздер:
Қарағанды, полицей, апат, бала
Тақырып бойынша
"Неге үйіне келіп естіртпеді?": Оққа ұшқан полицейдің туысы жанайқайын жеткізді
"Істемегендері жоқ": Қаза болған полицейдің әйелі 8 ай бойы қорлық көргенін айтты
Атыс кезінде қайтыс болған алматылық полицейдің бес баласы қалды
Алматыда мас жүргізуші полицейдің екі аяғын сындырды
Ішкі істер министрлігі полицейдің үстінен түскен шағымға қатысты түсініктеме берді
супермаркет

Алматы облысында сатушы дүкенге келген адамды өлтірді

75
Алматы облысының полициясы дүкенге келген ер адамды өлтірген сатушыны ұстады. Қазір тергеу амалдары жүріп жатыр

АЛМАТЫ, 19 қазан – Sputnik. Алматы облысында полиция сатушыны ұстады, ол дүкенге мас күйінде келген адамды өлтірді деген күдікке ілінді, деп хабарлады полиция департаменті.

"17 қазан сағат 10 шамасында Қарасай ауданы полиция бөліміне Қарасай ауданы Тұрар ауылындағы дүкендердің бірінен зорлық-зомбылық белгілері бар ер адамның мәйіті табылғаны туралы хабар түсті. Оқиға орнына барған жедел тергеу тобы ақпаратты растады", - деді Алматы облысының полициясы.

Тәртіп сақшылары марқұмның кім екенін анықтады – ол Тұрар ауылының 54 жастағы тұрғыны болып шықты.

Содан кейін олар күдіктіні – Жібек Жолы ауылының 39 жастағы тұрғынын ұстады. Ол бастапқыда кісі өлтіру фактісін жоққа шығарды, алайда айғақтар көрсетілген соң қылмысын мойындады. Ол қылмыс құралы пышақты тәртіп сақшыларына тапсырды.

Күдікті дүкенде жұмыс істеген, ал мас күйінде дүкенге келген ер адам жанжал шығарған.

"Жанжал кезінде ол ер адамның кеуде тұсына пышақ сұққан, ол қайтыс болды. Күдікті уақытша ұстау изоляторына қамалды", - деді полиция.

Басқа ақпарат тергеу мүддесіне сай жарияланбайды.

Оқи отырыңыз: 

 

75
Кілт сөздер:
дүкен, адам өлтіру, Алматы облысы
Мемлекет басшысы Ұлытау ауданындағы Жошы хан тарихи-мәдени кешенін аралап көрді

Президент Алтын ордаға байланысты халықаралық конференция өткізу туралы ұсыныс айтты

0
Президент Жошы хан кесенесі үнемі ғалымдардың назарында болып, ғылыми айналымға түсуі керек екеніне баса мән берді

НҰР-СҰЛТАН, 18 қазан — Sputnik. Мемлекет басшысы Қасым-Жомарт Тоқаев Қарағанды облысына жұмыс сапары аясында Ұлытау ауданындағы "Жошы хан" тарихи-мәдени кешенін аралап көрді.

Президентке Жошы хан кесенесі, мұражай, Жошы хан ескерткіші, жорық шатыры және қонақ үйден тұратын кешеннің заманауи технологиялық мүмкіндіктері мен қордағы құнды жәдігерлер таныстырылды.

Мемлекет басшысы қасиетті тарихи нысанның үнемі ғалымдардың назарында болып, ғылыми айналымға түсуі керек екеніне баса мән берді.

"Келесі жылы шетелдің және еліміздің белгілі ғалымдарын шақырып, Алтын Ордаға байланысты үлкен халықаралық конференция өткізу керек", – деді Қасым-Жомарт Тоқаев.

Облыс әкімі Жеңіс Қасымбек өңірдің туристік әлеуеті туралы баяндама жасап, Президентке курорттық аймақтар мен тарихи-мәдени кешендерді дамыту жоспарын ұсынды. Жоспарға сәйкес Ұлытау, Қарқаралы аудандарының, Балқаш қаласының туризм саласындағы әлеуеті артып, сервистік және туристік инфрақұрылымдары дамитын болады.

Оқи отырыңыз: 

 

0
Кілт сөздер:
президент, Қарағанды облысы