Жедел жәрдем көлігі

Алматы орталығында бойжеткенді өлтіріп, өртеп жіберген полиция түсініктемесі

2632
(Жаңартылды 10:15 08.11.2021)
Алматы қаласының полиция департаменті кісі өлімін растады. Іс Медеу ауданы полиция бөлімінде қаралып жатыр

АЛМАТЫ, 8 қараша – Sputnik. Әлеуметтік желіде Алматыда тұрғын үй кешендерінің бірінде қызды өлтіріп, артынша өртеп жібергені туралы ақпарат тарады, деп хабарлайды Sputnik Қазақстан.

Посмотреть эту публикацию в Instagram

Публикация от Жалобы Алматы🇰🇿 (@zhaloby.almaty)

Жазбаға сәйкес, оқиға "Латифа" тұрғын үй кешенінде болған.

"Алматыда Достық, 138 мекенжайында орналасқан "Латифа" тұрғын үй кешенінде қызды өлтірген. Алдымен тұншықтырып, кейін өртеп жіберген. Учаскелік полицияға бұған дейін тәулікке берілетін пәтерлерде притон бар екенін бірнеше рет айттық. Бірақ олар тұрғындардың сөзін елемеді. Қазір учаскелік полицейлер оның жезөкше болғанын айтып жатыр", - делінген желідегі жазбада.

Алматы қаласының полиция департаменті кісі өлімін растады.

Полиция ақпаратына сәйкес, аталған дерек қылмыстық кодекстің 99-бабы 2-бөлігі ("Адам өлтіру") бойынша сотқа дейінгі тергеп-тексерудің бірыңғай тізіміне тіркелді. Іс Медеу ауданы полиция бөлімінде қаралып жатыр.

"Арнайы жедел-тергеу тобы құрылды. Күдіктінің жеке басы анықталды, оны ұстауға бағытталған кешенді іс-шаралар жүргізіліп жатыр. Сонымен қатар жәбірленушінің жеңіл жүрісті әйел болғаны туралы ақпарат шындыққа жанаспайды. Қылмыстың мән-жайы мен себебі анықталып жатыр", - деп мәлімдеді полиция.

2632
Кілт сөздер:
Алматы, бойжеткен, өлтіру, өртеу
Тақырып бойынша
"Қасақана өлтірмедім": Шымкентте кәсіпкерді өртеп жіберген ер адам сотта жылап жіберді
Павлодарда әйелін өртеп жіберген ер адам қамауға алынды
Алматыда ер адам өзін өртеп жібермекші болды – оқиға немен аяқталды
Мәйіттерді өртеп жіберген: Такси жүргізушілерді өлтіргендер өмір бойына сотталды
"Өртеп кетемін": Түркістан облысында жаға жыртысқан екі мұғалімнің ісі полицияға түсті
әскерилер

Жамбыл облысында өзіне қол салған офицердің ата-анасы неден күдіктенетінін айтты

337
(Жаңартылды 15:56 27.11.2021)
Марқұмның денесін әкелген кезде жеке заттары, онымен қоса ұялы телефоны да ата-анасына қайтарылмаған

НҰР-СҰЛТАН, 27 қараша – Sputnik. Жамбыл облысындағы гвардиялық гарнизон әскери бөлімшесінде өз-өзіне қол жұмсаған офицердің туыстары оған қысым жасалуы мүмкін дейді. 

"Астана" арнасына сұхбат берген марқұмның ата-анасы аға лейтенант шеніндегі ұлының біреудің қолынан қаза тапқанына сенімді.

Олардың айтуынша, оқиғаның көлеңкелі тұстары көп.

Бауыр еті баласынан қапыда айырылып қалған ана марқұмның денесін алуға, істің мән-жайын білуге өзі бармақшы болған. Бірақ әскери бөлімшедегілер "келмеңіздер" деп тосқауыл қойған көрінеді.    

"Не себепті келмеңіздер деп жатырсыздар деген уақытта хаты бар, соңғы хатын сіздерге апарып береміз деді. Бірақ бізге әкелген де жоқ. Тіпті киім-кешегін де әкеліп бермеді. Мәйітті ғана әкелді, шығарып салуға да жарамады", - дейді марқұмның анасы Анаргүл Демеуова.

Әкесі де ұлым өзін-өзі өлтіруі мүмкін емес дейді.   

"Өте ауыр. Осындай жақсы баламнан айырылғаныма. Жұмыс істеп жүрген. Осындай жағдайға ұшырағанына өте өкінемін", - дейді Ербаған Омаров.

Ол бар-жоғы 24 жасында бақилық болды. Әскери академияны бітірген соң 4 жыл Жамбыл облысындағы Отар әскери бөлімінде еңбек еткен. Жақында ғана шені көтерілген.

Бауырын өзінің бес саусағындай білетін ағасы Елдос та аяқ астынан болған бұл жағдайға күдікпен қарайды.

"Шу шығарғаннан кейін хатты телефонмен жіберді. Оны оқып бітпей жатып өшіріп тастады. Онда былай жазылған "Мама, кешіріңізші. Командирлеріме зиянымды тигізгім келмейді". Егер командирлеріне зиян тигізгісі келмесе неге ол жұмыс орнында атылады? Букмекерлік кеңседе 8 миллион қарызы болған дейді. Оның ешқандай қарызы жоқ. Біз тексердік бәрін", - дейді Елдос Омаров.

Марқұмның денесін әкелген кезде жеке заттары, онымен қоса ұялы телефоны да ата-анасына қайтарылмаған.

"Жандос таңғы 5-те қайтыс болса, сол күні түнде оның әлеуметтік желідегі парақшасына біреу кірген. Бұл да көңілімізге күдік ұялатады", - дейді туыстары.

Бірақ қорғаныс министрлігі бұған қатысты тек ресми ақпарат беріп отыр.

"22 қараша күні Гвардейск гарнизонындағы әскери бөлімнің офицері өзіне қол жұмсады. Қайтыс болған жігіттің өлер алдында жазған хаты табылды. Қазіргі уақытта аталған факті бойынша тергеу жүргізіліп жатыр. Тергеу мүддесіне және туыстарының өтінішіне сай өзге ақпараттар жариялануға жатпайды", - дейді қорғаныс министрлігі әскери полиция басқармасы басшысының орынбасары Бекен Шынтілеуов.

Ал ата-анасы болса ұлының мұндай әрекетке барғанына бәрібір сенбейді. Бұған дейін ол жұмысына қатысты ешқандай шағым айтпаған. Олар жұмбақ өлімнің себебін құзырлы орындар анықтаса, тергеу жұмыстары әділ жүрсе дейді.

Естеріңізге сала кетейік, қайғылы оқиға 22 қарашада Жамбыл облысындағы Гвардейск гарнизонының әскери бөлімінде болған.

Оқи отырыңыз: 

"Басына бес оқ тиген": Теміртауда көз жұмған сарбаздың анасы күтпеген мәлімдеме жасады

Теміртауда қатардағы жауынгер өзіне оқ атып, көз жұмды

337
Кілт сөздер:
Отар, офицер, суицид, видео
Каршеринг қызметінің жүргізушісі екі жаяу жүргіншіні қағып кетті

Газды тежегішпен шатастырып алған: Алматыда жүргізуші екі жаяу жүргіншіні қағып кетті

78
(Жаңартылды 21:43 26.11.2021)
Жол апатына ұшыраған жаяу жүргіншілер көптеген дене жарақатымен ауруханаға жеткізілді

НҰР-СҰЛТАН, 26 қараша – Sputnik. Алматыда Anytime каршеринг қызметінің жүргізушісі жаяужолда тұрған екі адамды қағып кетті, деп хабарлайды Sputnik Қазақстан.

Жүргізушінің айтуынша, ол газды тежегішпен шатастырып алған.

Водитель каршеринга наехал на двух пешеходов
© Sputnik / Стрингер
Каршеринг қызметінің жүргізушісі екі жаяу жүргіншіні қағып кетті

Оқиға Жібек жолы көшесінде болған. Жүргізуші тежегіштің орнына газды басып, Сефуллин даңғылына өтіп кеткен, жиектасқа шығып, темір бағананы құлатып, сол сәтте жаяу жүргіншілер жолында тұрған екі адамды қаққан. Содан кейін аллеямен жүріп өтіп, орындықты, қоқыс жәшігін қиратып, көпқабатты үйдің бетон қабырғасына соғылған.  

Водитель каршеринга наехал на двух пешеходов
© Sputnik / Стрингер
Каршеринг қызметінің жүргізушісі екі жаяу жүргіншіні қағып кетті

Екі жаяу жүргінші де көтеген жарақатпен жақын маңдағы ауруханаға жатқызылды.

Жол полициясының қызметкерлері апаттың мән-жайын анықтау үшін оқиға орнында жұмыс істеп жатыр.

Оқи отырыңыз: Көлікпен қағып, жолда тастап кеткен: Талғарда болған оқиға видеоға түсіп қалды 

78
Кілт сөздер:
жол апаты, Алматы
далада сауда-саттық жүргізіп отырғандар

Сатушыларға заңсыз айыппұл салған 87 полицей жазаланды Бас прокуратура

1000
(Жаңартылды 16:27 27.11.2021)
Бас прокуратура белгіленбеген жерде сауда-саттық жасағандарды қандай жағдайда жазалауға болмайтынын түсіндірді

НҰР-СҰЛТАН, 27 қараша – Sputnik. Белгіленбеген жерде сауда жүргізгендерге заңсыз айыппұл салған полицейлер мен әкімдік қызметкерлері жазаланды.

Бас прокуратура белгіленбеген жерде сауда жүргізгені үшін бизнес және азаматтарды жазаға тартудың негізділігін зерделеген. Олардың көбінесе заңсыз жауапқа тартылғаны анықталды.

Бас прокурордың орынбасары Болат Дембаевтың айтуынша, сауда үшін арнайы орындар анықталған кезде ғана жауапкершілік белгіленеді.

"Оларды облыстық, қалалық және аудандық әкімдер анықтайды ("Жергілікті мемлекеттік басқару туралы" Заңның 27, 31-баптары). Алайда, көптеген өңірде мұндай орындар болған жоқ, бірақ адамдарға 12-ден 27 мың теңгеге дейін айыппұл салынды", - дейді ол.

Мысалы, Жезқазған қаласында сауда орны белгіленбеген, бұған қарамастан кәсіпкерлер жауапкершілікке тартылды. Прокуратураның қолға алған шаралары бойынша 38 іс тоқтатылып, қалада сауда орындары анықталған.

Еліміздің басқа өңірінде – Ақмола облысының Зеренді ауданында прокурордың актісі бойынша сауда орындары анықталды. Жауапқа тарту туралы 26 заңсыз қаулының күші жойылды.

Жалпы прокуратураның шаралары бойынша 14 мыңнан астам заңсыз әкімшілік іс тоқтатылды, әкімдіктердің шешімімен еліміздің барлық өңірінде 4126 сауда орны анықталды. Бұл жұмыс жалғасып жатыр.

Олқылыққа жол берген 87 полицей мен 26 әкімдік қызметкері тәртіптік жауапкершілікке тартылған.

Бас прокуратураның бастамасымен Сауда және интеграция министрлігі осы мәселені бақылауға алды.

1000
Тақырып бойынша
Шығыс Қазақстанда рөлде ұйықтап кеткен полицей жол апатын жасады
150 мың теңге сұраған: көлікті себепсіз тоқтатқан екі полицей жұмыстан қуылды
Сыртынан жауып кеткен: полицей әйел өрт шыққан пәтердегі төрт баланы құтқарды
Коронавирустан 34 полицей қайтыс болды – Тұрғымбаев