архивтегі сурет

Үш баламен терезеден секірген әйелдің ата-енесі келіні жайлы айтты видео

15255
(Жаңартылды 10:33 24.11.2021)
Марқұмның қайын атасы "Гүлім" деп еркелеткен келінінің мұндай қадамға қалай барғанын түсіне алар емес

НҰР-СҰЛТАН, 24 қараша – Sputnik. Алматыда үш баласын терезеден лақтырып, артынша өзі де секіріп кеткен келіншектің ата-енесі келіннің мұндай қадамға баруына жоқшылық себеп болуы мүмкін емес дейді. 

Сүйіп қосылған ерлі-зайыптының арасында ұрыс-керіс болмағанын айтады. Олар енді ұлының өміріне де алаңдаулы, деп хабарлады "Астана" арнасы.

Бір күнде төрт адамынан айырылған Оразовтар отбасы ұлымыз да өз-өзіне қол сала ма деп қорқады. Бауырлары күндіз-түні қасында, бір елі ажырап жатқан жоқ, деді Нұрсұлтанның әкесі.

Үш немересі мен келінінен айрылып, есеңгіреген Бауыржан Оразов "Гүлім" деп еркелеткен келінінің мұндай қадамға қалай барғанын түсіне алар емес.

"Екеуі өзі сүйіп үйленді, үш балалы болды. Нұрсұлтанды жаман бала деп айтпаймын. Көршілерім біледі, жора-жолдастары біледі. Мысалы ішпейтін, шекпейтін бала. Келін де алтын адам еді. Нұрсұлтан - отбасының тұңғышы", - дейді марқұмның қайын атасы Бауыржан Оразов.

Оның айтуынша, ұлы базарда сауда-саттық жасайды. Келінінің суицидке баруына жоқшылық себеп болды деуге негіз жоқ. Несиелері де жоқ көрінеді.

26 жыл ішкі істер саласында еңбек еткен азамат келіні қалдырған хатында кімдерді меңгезені өздеріне де жұмбақ болып тұрғанын айтады.

"Бұл өмірдің тауқыметіне шыдай алмадым. Бірақ ешкімге қояр кінәм жоқ. Бірақ кінәлілер өздері біледі, деп жазып кетіпті. Оған менің де басым жетпеді. Не болды, не қойды?", - дейді ол.

Марқұмның қүйеуінің туысы Ғалымжан Оразов та Нұрсұлтанның арақ ішпейтінін айтты.

"Мінезі салмақты. Келінге ұрысып айқайлап жатқанын көрген емеспіз. Құдайға шүкір тұрмыстық жағдайы жақсы ол баланың. Бізге келіп бір нанға ақша берші деп жатқан жоқ. Өзімізге құпия болып тұр бұл жағдай", - дейді ол.

Ал анасының шешімімен көкке ұшып кете барған үш періштенің үлкені биыл ғана бірінші сыныпқа барыпты, екінші қызы дайындық тобында оқыған. Ал кенже ұл жақында екі жасқа толар еді. 

Бауыржан Оразовтың айтуынша, ұлы мен келіні үйленгелі Алматыда тұрады. Тамыз айында ғана мектепке жақын болсын деп тоғызыншы қабаттағы пәтерді 120 мың теңгеге жалға алыпты. Балалардың қауіпсіздігі үшін терезесіне тор орнату керек деп айтқан да екен.

"Алғашында немерелерім қолымда оқыса деген тілегімді де айтқанмын, бірақ жастар құлақ аспады", - деген өкініші де бар әкенің. 

Ал "31 арнаның" хабарлауынша, Бақтыгүл Қыдырбаева микрокредиттік ұйымдардан үш рет қарыз алған. Ең соңғы рет әйел қазанда 15 мың теңге берешек алған, алайда отбасы бұл қарызын қайтара алмаған. Оның алдындағы екі несиесі бойынша да төлеу мерзімін өткізіп алған. Марқұмның күйеуінің айтуынша, ол жұмыссыз болғандықтан қарызды төлей алмаған. Ол қайғылы жағдай алдында әйелімен жанжалдаспағанын айтты. Алайда дәл сол күні ол үйде болмапты, жұмыссыз қалғандықтан, кетіп қалған.

Ал Бақытгүл Қыдырбаеваның туыстары оның мінезінен алаңдайтын өзгеріс байқамағанын айтты. Олар әдеттегідей хат алмасқан. Бақытгүлдің әпкесінің айтуынша, оның көңіл-күйі жақсы болған, баласына алған жаңа комбинезонының фотосын, қызының мақтау қағазын көрсеткен.

Сондай-ақ Бақытгүлдің әпкесі бұған дейін марқұмның екі рет анафилактикалық шок алғанын айтты.

"Түсініксіз аллергиясы болды. Кейінгі екі айда преднизолон қабылдап, әрең аман қалды", - дейді Жанар Қыдырбаева.

Әйел үш баласымен бірге секіріп кетті

Алматыда 22 қараша Жетісу-1 шағын ауданындағы көпқабатты үйлердің бірінде 28 жастағы әйел үш баласымен бірге 9-қабаттан секіріп кетті. Төртеуі де көз жұмды.

Алматылық келіншек өлер алдында хат қалдырған. Ол сынаққа шыдай алмағанын, кінәлілердің өзі білетінін айтқан.

Алматы қаласының полиция департаменті қайғылы жағдайдың алдын ала себебін хабарлады.

"Бұл әрекетке отбасылық-тұрмыстық қарым-қатынас кезінде күйеуі екеуінің арасындағы жанжал себеп болған", - делінген полиция хабарламасында.

Жедел-тергеу тобы құрылды. Оқиға бойынша Қылмыстық кодекстің ("Өз-өзіне қол жұмсауға жеткізу") бабы бойынша тергеу жүргізіліп жатыр.

Оқи отырыңыз: 

15255
Кілт сөздер:
Алматы, трагедия, терезе, әйел, бала, суицид, видео
Жедел жәрдем көлігі

Ақтөбеде "Land Cruiser" жүргізушісі оқушыны қағып кетті

203
(Жаңартылды 17:52 04.12.2021)
Полиция департаменті баспасөз қызметінің мәліметінше, оқиға 3 желтоқсанда кешке болған. Жаяу жүргінші алған дене жарақатынан оқиға орнында көз жұмды

НҰР-СҰЛТАН, 4 желтоқсан — Sputnik. Ақтөбеде Land Cruiser жол талғамайтын көлігінің жүргізушісі  оқушыны қағып кетті.

Полиция департаменті баспасөз қызметінің мәліметінше, оқиға 3 желтоқсанда кешке болған.

"Land Cruiser Prado автокөлігінің 32 жастағы жүргізушісі Пацаев көшесі бойымен Ақтөбе жедел медициналық жәрдем станциясына қарама-қарсы реттелмейтін жаяу жүргіншілер жолында жаяу жүргіншіге жол бермеді.  2006 жылы туған кәмелетке толмаған жасөспірімді қағып кетті", - делінген ақпаратта.

Апат салдарынан жаяу жүргінші алған дене жарақатынан оқиға орнында көз жұмды.

Қылмыстық кодекстің 345-бабының 3-бөлігі ("жол қозғалысы ережелерін бұзу") бойынша тергеу амалдары жүргізілуде. Жүргізуші уақытша ұстау изоляторына қамалды.

Сондай-ақ, 3 желтоқсанға қараған түні BMW тізгіндеген ақтөбелік бойжеткен автобус аялдамасына соғылған. 

Зардап шеккен жүргізуші Ақтөбе жедел медициналық жәрдем ауруханасына жеткізілді.

Оқи отырыңыз: 

203
Кілт сөздер:
Ақтөбе, жүргізуші, оқушы
Тақырып бойынша
Талғарда 3 оқушыны көлік қағып кетті: дәрігерлер олардың жағдайы туралы айтты
Жүргізуші әйел мас болған: Ақтөбеде жол апатына түскен көлік өртеніп кетті – видео
Ақтауда көлік ағаштарды қиратып, қызды қақты – оқиғаның видеосы жарияланды
Алматыда тамырымен жұлынып кеткен ағаш көлік үстіне құлады – видео
Ақтауда көлік қаққан қыздың жағдайы белгілі болды
Көлік дөңгелегі

Ақтауда көлік ағаштарды қиратып, қызды қақты оқиғаның видеосы жарияланды

5435
(Жаңартылды 16:41 03.12.2021)
Облыстық полиция департаменті бұл оқиға сотқа дейінгі тергеудің бірыңғай тізіміне енгізілгенін хабарлады

НҰР-СҰЛТАН, 3 желтоқсан – Sputnik. Ақтауда жаяу жүргіншілер жолында тұрғынды көлік қақты. Желіде осы сәттің видеосы тарады.

Кадрда қатты жылдамдықпен келе жатқан көлік тротуарға шығып кетіп, жас ағаштарды сындырғаны көрінеді. Машина қызды соққанға дейін бірнеше метр жүріп өтті. Кейбір адамдар көліктен қашып үлгерді, деп жазады Lada.kz.

Оқиға 2 желтоқсанда кешкі он шамасында 12-ші шағын ауданда болған. Toyota Sienna жүргізушісі рөлге ие бола алмай қалған. Куәгерлер рөлде әйел отырғанын айтты.

Зардап шеккен 28 жастағы тұрғын аса ауыр хәлде жансақтау бөлімінде жатыр. 

Облыстық полиция департаменті бұл оқиға қылмыстық кодекстің 345-бабы 2-бөлігіне сай ("көлiкті басқаратын адамдардың жол жүрісі немесе көлiкті пайдалану қағидаларын бұзуы") сотқа дейінгі тергеудің бірыңғай тізіміне енгізілгенін хабарлады.

Бұл бап бойынша кінәлі деп танылған адам екі мың айлық есептік көрсеткішке (5 миллион 800 мың теңгеден астам) дейін айыппұл арқалауы мүмкін. Дәл осы мерзімге түзету жұмысына немесе алты жүз сағатқа дейін қоғамдық жұмыстарға тарту жазасы да қарастырылған. Екі жылға дейін бас бостандығы шектелуі немесе дәл осы мерзімге түрмеге қамалуы мүмкін.

5435
Кілт сөздер:
Ақтау, видео, көлік, оқиға
Жусан операциясы

Сирияға кеткен мыңға жуық қазақстандықтың 600-і оралды Назарбаев

0
Қазақстанның тұңғыш президенті елге оралған 600 қазақстандықтың ішінде 33 адамға қатысты тергеу жүргізіліп жатқанын мәлімдеді

НҰР-СҰЛТАН, 4 желтоқсан — Sputnik. Нұрсұлтан Назарбаев Сирияға кеткен қазақстандықтар туралы айтты.

"Qazaq. History of the Golden Man" ("Қазақ. Алтын адамның тарихы") фильмінде америкалық режиссер Оливер Стоунға берген сұхбатында Елбасы Ислам мемлекетінің* қызметі толығымен экстремистік идеологияға негізделгенін мәлімдеді.

"Құранда бір адамды өлтіру бүкіл адамзатты өлтірумен тең деп айтылған. Олардың мұсылмандықпен ешқандай байланысы жоқ, олар дінді өз мақсаты үшін пайдаланатын экстремистер. Бұл Исламның өзіне зиян тигізеді", - деді Назарбаев.

Қазақстанның тұңғыш президенті республикадан Сирияға бір мыңға жуық азамат кеткенін, олардың 600-і отанға оралғанын хабарлады.

"Біз 600 адамды қайтардық, оның ішінде 303 ер адам. Отыз үшіне қатысты тергеу жүргізіп жатырмыз. Жұмысы жоқ, қиыншылық көрген адамдар сол жерге кетті. Онда өмір керемет болатынына уәде береді. Сондықтан ол жаққа бүкіл отбасымен бірге барды. Өздерін ұрып-соғып, өлтірген кезде ғана жағдайды түсінді", - деді ол.

Сондай-ақ, Елбасы исламның және бүкіл әлемнің ірі орталықтарының бірі болып табылатын Сирияның қирауы мәселесіне қатысты өз өкінішін білдірді.

"Мен ол жерде болдым, керемет ғимараттарды көрдім... Олар біздің балалар көре алмайтын бүкіл адамзаттың тарихи, мәдени естелігін жойды", - деді Назарбаев.

2019 жылдың қаңтар айынан бастап ұлттық қауіпсіздік комитеті "Жусан" гуманитарлық арнайы операциясы аясында Сирия мен Ирактан қазақстандықтарды қайтару бойынша 5 арнайы операция өткізді.

Бұл арнайы гуманитарлық операцияның бірінші кезеңі Елбасы Нұрсұлтан Назарбаевтың тапсырмасы бойынша 2019 жылдың 6 қаңтарында ұйымдастырылды.

ИМ* – Қазақстанда, Ресейде және басқа да бірқатар елде тыйым салынған террористік ұйым.

0
Кілт сөздер:
Назарбаев, Сирия, қазақстандықтар
Тақырып бойынша
Назарбаев өзінің арманы туралы айтты
Назарбаев Қазақстан Қырымға қатысты дауыс беруден неге қалыс қалғанын түсіндірді
Назарбаев Қазақстан жастарына үндеу жасады – видео
Қазақстан алдағы жүз жылда ешкімге соғыс ашпайды – Назарбаев
Назарбаев Горбачевтің кабинетінде қандай келеңсіз жайтқа куә болғанын еске алды