Бетпердені қалай дұрыс тағу керек?

1339
(Жаңартылды 18:23 14.04.2020)
Медициналық бетпердені кімдер киеді? Коронавирустан қорғану үшін оны дұрыс кию мен шешудің ережесі қандай? Осы және басқа да сұрақтардың жауабын Sputnik Қазақстан инфографикасынан оқыңыз
Медициналық бетпердені дұрыс қолдану тәсілдері
© Sputnik /

Дүниежүзілік денсаулық сақтау ұйымы коронавирустан қорғану үшін алдымен қолды үнемі жуып, антисептикпен өңдеуге және бетперде тағуға кеңес беріп отыр.

Бетпердені қолдану шарттары

  • Бетпердені киер алдында қолды антисептикпен өңдеп шығыңыз немесе сабынмен жуыңыз
  • Бетперде мұрын мен ауызды жауып тұруы қажет, саңылау болмауы шарт
  • Қолғап кисеңіз де, бетпердені ұстауға болмайды
  • Ұстап қалсаңыз, қолды антисептикпен өңдеп шығыңыз немесе сабынмен жуыңыз
  • Бетперде дымқылданғаннан кейін оны ауыстыру керек, бір реттік масканы екінші рет киюге болмайды

Масканы артындағы резеңкелерін ұстап шешкен жөн. Оны бірден қоқыс контейнеріне тастаңыз, ал қолды антисептикпен өңдеп, сабынмен жуу керек. 

1339
Кілт сөздер:
бетперде
Тақырып бойынша
Бетперде коронавирустан қорғай ма - маман жауабы
Қытай дәрігерлері бетперде кигеннен кейінгі түрін көрсетті – фото
Алматыда медициналық бетперде бағасы белгіленді: қайдан сатып алуға болады
Тоғжанов бетперде тапшылығы қалай жойылатынын айтты

Мәжіліс сайлауының тарихы

1217
Осы уақытқа дейін парламент мәжілісіне депутаттар алты рет сайланды. Соның ішінде үшеуі мерзімінен бұрын өткізілді. Парламенттің төменгі палатасының қалыптасу тарихымен Sputnik Қазақстан инфографикасынан таныса аласыздар
Мәжіліс сайлауының тарихы
© Sputnik /

Қазіргі Қазақстан тарихында парламент мәжілісіне сайлау алты рет - 1995, 1999, 2004, 2007, 2012 және 2016 жылдары өтті.

Олардың ішінде мәжіліс депутаттарының кезектен тыс сайлауы үш рет  – 2007, 2012 және 2016 жылдары (мәжілістің үшінші, төртінші және бесінші шақырылымы) өткізілді. 

Қазақстан Конституциясына сәйкес, мәжіліс 107 депутаттан тұрады. Тоғыз депутат Қазақстан халқы ассамблеясынан сайланады. Қалған 98 депутат бірыңғай жалпыұлттық сайлау округі бойынша партиялық тізім негізінде сайланады. Яғни, сайлаушылар өз дауысын саяси партияларға береді, ал олар өз кезегінде кандидат тізімін қалыптастырып, оны орталық сайлау комиссиясына ұсынады. Партиялар мәжіліске өтуі үшін 7 проценттік межені еңсеруі қажет. Мәжілістегі орындар партияның сайлаушылардың қанша процент дауысына ие болғанына байланысты бөлінеді.

Мәжілістің қазіргі алтыншы шақырылымының өкілеттілік мерзімі 2021 жылдың 24 наурызында аяқталады.

Қазақстан президентінің жарлығымен кезекті мәжіліс сайлауы 2021 жылдың 10 қаңтарына белгіленді. 

1217
Кілт сөздер:
депутат, мәжіліс
Тақырып:
Мәжіліс сайлауы
Тақырып бойынша
"Урнаны теуіп сындырды": ІІМ сайлау учаскелеріндегі жағдай туралы айтты
Тоқаев сайлау қорытындысын естігенде қандай сезімде болғанын айтты
"Телефонға түсіріп алдық": бақылаушы сайлау учаскесінде нені көріп таңғалды?
Тоқаев Назарбаеваны сенат спикері етіп қайта сайлауды ұсынды

Егін 2020

111
Қазақстандық диқандар 2020 жылы қандай өнім алғаны туралы Sputnik Қазақстан инфографикасынан көріңіз
Егін жинау науқаны – 2020
© Sputnik /

Қазақстанда астық жинау науқаны аяқталып келеді. Жалпы республикадағы егістік алқабы 15,8 миллион гектарды құрайды.

Биыл ауыл шаруашылығы министрлігінің мәліметі бойынша, егін жинау жұмысы былтырғы жылмен салыстырғанда бір ай бұрын аяқталды. Диқандар әр гектардан орташа мөлшерде 12,8 центнер шамасында өнім алып, 20,1 миллион тонна астық бастырды, бұл өткен жылмен салыстырғанда бес миллион тоннаға артық.

Жиналған дәнді және бұршақ дақылдары өндірісінің көлемі елдің ішкі қажеттілігін толықтай қамтамасыз етуге мүмкіндік береді.

Сонымен қатар, 7-8 миллион тонна мөлшеріндегі астық әлемнің 40 еліне экспортталады.

111
Кілт сөздер:
егін
Астана көрінісі

Қазақстанда 26 қазанда қандай маңызды оқиғалар болады

0
Sputnik Қазақстан 26 қазан мен 5 қараша аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

26 ҚАЗАНҒА ЖОСПАРЛАНҒАН ШАРАЛАР  

08.30 – Түркия қорғаныс министрі Хулуси Акардың Қазақстанға ресми сапары. Қазақстан Республикасы қорғаныс министрлігінде Қазақстан мен Түркияның қорғаныс ведомстволары басшыларының кездесуі өтеді. Орналасқан жері: Нұр-Сұлтан, Достық көш., 14. Түркістан көшесі жағынан кіру (2 өткізу пункті). Анықтама үшін телефон: 8 (7172) 72-18-69, 72-15-59. Тіркелу үшін: 8 (7172) 72-18-69, 72-15-59.

09.00 – Ақпарат және қоғамдық даму министрлігі "Жыл еріктісі" халықаралық сыйлығына байқау жариялайды. Байқауға қатысу үшін өтінім беріп, qazvolunteer.kz интернет-платформасында волонтерлік қызмет туралы мәліметтерді толтыру керек. Өтінішт қабылдау 2020 жылдың 15 қараша күнгі сағат 09:00-ге дейін жалғасады (қосымша мәліметтер мына сілтемеде).

10.00 – Қазақстан жастары конгресі мен Нұрсұлтан Назарбаев қоры ұйымдастырған әмбебап және конвергентті журналистерді даярлауға арналған "Jas Qalam" республикалық жобасының басталуы. Жоба дәстүрлі сипатқа ие болды және үшінші рет өткізіліп отыр. Биыл оқыту екі тілде өтеді: 26 қазаннан 20 қарашаға дейін – орыс тілді аудитория үшін, ал 16 қарашадан 11 желтоқсанға дейін – қазақтілді аудитория үшін. Орыс тілді аудиторияға өтінімдер қабылдау 22 қазанда, ал қазақтілді аудитория үшін 16 қарашада аяқталады (тіркелу мына сілтеме бойынша).

10.30 – БҰҰ комитеттерінің көзқарасы бойынша сарапшылар мен жол картасы авторларының қатысуымен "Әділ сот талқылауына құқық" тақырыбындағы брифинг. Брифинг бейнеконференция форматында өтеді. Сарапшылар – Адам құқығы және заңдылықты сақтау жөніндегі Қазақстандағы халықаралық бюроның директоры Евгений Жовтис, адвокат Светлана Ковлягина, Данияр Қанафин, Алматы қалалық адвокаттар алқасының адвокаты Анар Ибраева, "Қадір-Қасиет" ҮЕҰ сарапшысы – онлайн-форматта өз ұсыныстарын республика заңнамасына енгізеді (тіркелу +7 (7172) 45-76-21 телефоны немесе prestigeedu20@gmail.com электронды  почтасы арқылы жүргізіледі).

11.00 – Интернеттегі трансляция форматындағы алаяқтықпен күрес тақырыбында ІІМ брифинг өткізеді. Спикер: ІІМ криминалдық полиция департаменті бастығының орынбасары Ерлан Омарбеков. Тақырып бойынша сұрақтар mvd_pr@mail.ru поштасы немесе 8 (705) 440 83 65 WhatsApp арқылы қабылданады.

Нұр-Сұлтан

08.30 – Түркия Республикасының қорғаныс министрі Хулуси Акардың Қазақстанға ресми сапары. Қорғаныс министрлігінде Қазақстан мен Түркияның қорғаныс ведомстволары басшыларының кездесуі өтеді (Өтетін орны: Қорғаныс министрлігі, Достық көшесі, 14. Байланыс телефоны: +7 (7172) 72-18-69, 72-15-59).

Алматы

17.00 – "Счастливые поют" музыкалық қойылымы – қос сахна саңлағы – Фрэнк Синатра мен Эдит Пиафқа арналған қойылым (Лермонтов атындағы Мемлекеттік академиялық орыс драма театры).

28 ҚАЗАНҒА ЖОСПАРЛАНҒАН ШАРАЛАР
Нұр-Сұлтан

19.00 – "Мадам Баттерфляй" операсының премьерасы, "Астана Опера" театры (Қонаев көшесі, 1. Байланыс телефоны: +7 (7172) 70 95 94).

29 ҚАЗАНҒА ЖОСПАРЛАНҒАН ШАРАЛАР

19.00 – "Дикарь. Третье слово" қойылымы, Максим Горький атындағы Мемлекеттік академиялық орыс драма театры (Нұр-Сұлтан қаласы, Желтоқсан көшесі 11-13).

31 ҚАЗАНҒА ЖОСПАРЛАНҒАН ШАРАЛАР
Нұр-Сұлтан

18.00 – ХХ ғасырдың әйгілі хореографы Ролан Петидің Лео Делибес әуенімен сахналаған "Коппелия" комедиялық балеті. Либретто Эрнст Гофманның шебер Коппелиус жасаған механикалық қуыршаққа ғашық болған жас жігіт туралы "Песка" әңгімесінің негізінде жазылған ("Астана Опера" театры, Қонаев көшесі, 1. Байланыс телефоны: +7 (7172) 70 95 94).

5 ҚАРАШАҒА ЖОСПАРЛАНҒАН ШАРАЛАР
Нұр-Сұлтан

12.00 – Эрнст Гофманның ертегісі бойынша "Щелкунчик" балеті, "Астана Опера" театры (Қонаев көшесі, 1. Байланыс телефоны: +7 (7172) 70 95 94).

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0