Мемлекеттік шекараны кімдер кесіп өте алады

556
(Жаңартылды 11:37 18.06.2020)
Қазақстанда коронавирус пандемиясына байланысты жарияланған төтенше жағдай режимі 11 мамырда алынғанмен, елде карантин аяқталған жоқ. Халықаралық әуе, теміржол және автокөлік қатынасы ашылмады
Қазақстанда карантин: мемлекеттік шекараны кімдер кесіп өте алады
© Sputnik

Десе де, шектеулердің біртіндеп алынуына қарай мемлекеттік шекараны кесіп өтушілер тізімі де кеңейіп жатыр.

Маусым айының басында шетелде білім алатын қазақстандық студенттерге елден шығуға рұқсат етілді. Ол үшін шетелдік оқу орнының растау құжаттары қажет.

Сонымен қатар, шетелдіктер Қазақстандағы мамандандырылған медицина мекемелерінде емделу үшін елге кіре алады. Олар өзімен бірге медициналық мекеменің растау құжатын алып жүруі тиіс.

Тағы оқыңыз: Қазақстанға шетелден келушілер үшін ереже өзгерді

Бұдан бөлек, ведомствоаралық комиссия бекіткен тізімге сәйкес, білікті қызметкерлер мен мамандарға баратын еліне ресми рұқсаты болған жағдайда, мемлекеттік органдардың қолдаухатымен Қазақстаннан шығуға рұқсат етілді.  

Қазақстан аумағына кіретін шетелдіктерден коронавирус табылмағаны туралы анықтама талап етілмейді. Бұған дейін COVID-19 індетіне қарсы ПЦР-тестен өту міндетті болған.

Сондай-ақ, Қазақстанның азаматтық авиация комитеті 20 маусымнан бастап бірнеше елге кезең-кезеңмен әуе рейстері ашылатынын мәлімдеді. Олар: Түркия, Қытай, Оңтүстік Корея, Таиланд, Грузия және Жапония.

Карантин жағдайында мемлекеттік шекараны кесіп өте алатындардың толық тізімімен Sputnik Қазақстан инфографикасынан таныса аласыздар.

556
Кілт сөздер:
карантин, шекара
Тақырып:
Төтенше жағдай және карантин (704)
Тақырып бойынша
Алакөлге пойыз қай кезде қатынай бастайды
1 маусымнан бастап қазақстандықтардың өмірінде не өзгереді
Қазақстанда пойыздар қатынай бастады - видео
Ресей кейбір азаматтар үшін шекараны ашады
Қазақстан мемлекеттік шекараны дронмен күзетуі мүмкін
Қазақстанда қалааралық автобустар жүре бастады

Ағза донорлығы: қалай келісім беруге немесе бас тартуға болады?

35
Қайтыс болғаннан кейінгі донорлыққа қатысты нормалар Қазақстанның жаңа денсаулық сақтау кодексінде жазылған. Келісім беру немесе келісімнен бас тартуды қалай рәсімдеуге болатынын білу үшін Sputnik Қазақстан инфографикасын көріңіз
Ағза донорлығы: қалай келісім беруге немесе бас тартуға болады?
© Sputnik

Кодекске сәйкес, тірі кезінде өз ағзаларын алуға тыйым салмаған әрбір қазақстандық қайтыс болғаннан кейін әлеуетті донор болып саналады.

Қайтыс болған адам тірі кезінде донор болуға келісетінін немесе келіспейтінін рәсімдеуге үлгермесе, онда оның ағзасын алу үшін жұбайының немесе жақын туыстарының рұқсаты қажет.

Қазақстандықтар қайтыс болғаннан кейінгі донорлыққа келісетінін немесе бас тартатынын egov.kz электронды үкімет порталында рәсімдей алады. Ол үшін ЭЦҚ немесе бір реттік пароль арқылы кіріп, "Денсаулық сақтау" бөлімінде "Трансплантациялау мақсатында тіндерді (тіндердің бөліктерін) және (немесе) ағзаларды (ағзалардың бөліктерін) қайтыс болғаннан кейін ерікті түрде донорлыққа беру туралы келісімді немесе келісімнен бас тартуды тіркеу" қызметін таңдау қажет. Осыдан кейін өтінімнің түрі таңдалады. Олар: "Келісімнен бас тартуды тіркеу" немесе "Келісім беруді тіркеу".

Егер адам трансплантацияға келіссе, ол донорлыққа беретін ағзаларды таңдай алады, оны өтініш жазған кезде көрсету қажет.

Бұған дейін хабарланғандай, қазақстандықтар екі күн ішінде электронды үкімет порталында қайтыс болғаннан кейінгі донорлыққа келісім беру немесе одан бас тарту туралы 500-ге жуық өтініш берген. Олардың көпшілігі, яғни 400 адам донорлықтан бас тартса, 60-қа тарта адам келісімін берді.

35

Адам саудасы: құрбан болмау үшін не істеу керек?

101
Қазақстан адам саудасына қарсы күреске айрықша назар аударуға ниетті: осы мақсатта ішкі істер министрлігінде басқарма құрылады. Sputnik Қазақстан адам саудагерлерінен қалай барынша қорғануға болатыны туралы ақпарат әзірледі
Адам саудасының құрбанына айналмау үшін не істеу қажет
© Sputnik
101
Кілт сөздер:
адам саудасы
Теңге, доллар

Ұлттық банк теңгенің неліктен нығайып жатқанын түсіндірді

0
Инвесторлар коронавирусқа қарсы әзірленіп жатқан вакциналардың тиімділігі туралы хабарламаларды оң бағалап жатыр

НҰР-СҰЛТАН, 25 қараша – Sputnik. Теңге қыркүйектен бері алғаш рет 422,87 теңгеге дейін нығайды, деп хабарлады Ұлттық банктің баспасөз қызметі.

Қазақстан қор биржасындағы күндізгі сауда-саттықтың қорытындысы бойынша ұлттық валюта өткен күнмен салыстырғанда 1,79 теңгеге нығайды.

Ұлттық банктің 26 қарашаға бекіткен ресми бағамы – 422,87 теңге.

"25 қарашада биржада доллар теңгеге қатысты орта есеппен 422,90 деңгейінде саудаланады. Аптаның басынан бері ұлттық валютаның бағамы 5 теңгеден астам немесе 1,2%-ға нығайды. Теңгенің оң динамикасына қолайлы сыртқы конъюнктура, сондай-ақ экспорттаушылардың салық төлемдерін жүзеге асыру үшін шетел валютасын сатуы әсер етіп отыр", - деп атап өтті Ұлттық банктің монетарлық операциялар департаментінің директоры Нұржан Тұрсынханов.

Оның айтуынша, инвесторлар коронавирусқа қарсы әзірленіп жатқан вакциналардың тиімділігі туралы хабарламаларды оң бағалап жатыр, бұл экономикалық белсенділіктің тез қалыпқа келу ықтималдығын арттырады. Сонымен қатар, билікті Дональд Трамп әкімшілігінен сайланған президент Джо Байденге ресми түрде беру процесінің басталуы тәуекел дәрежесін демеп отыр.  

Сонымен бірге нарықтар ФРЖ-нің бұрынғы басшысы Джанет Йелленді АҚШ қаржы министрі лауазымына тағайындау перспективаларына оң жауап береді, бұл қаржылық ынталандыруға байланысты болып жатыр.

Оқи отырыңыз: Ұлттық банк қазан айында валюталық интервенция жүргізді 

Жедел вакцинация және отынға деген сұраныстың жедел қалпына келуі мұнай бағасын өсіруді қолдайды. Brent эталондық сұрыпты мұнайының әлемдік бағасы бірнеше күн қатарынан өсіп келеді және Азия нарықтарындағы бүгінгі сауда-саттық барысында наурыздың басынан бастап алғаш рет бір баррель үшін 48 доллар белгісінен асты. Осыған орай, Норвегия кроны мен Канада доллары сияқты шикізат елдерінің валюталары аптаның басынан бастап 1,3%-ке және тиісінше 0,6%-ке нығайды.

Сыртқы позитивтің әсерінен бөлек, осы апта салық аптасы болып қалады, бұның өзі нарықта валютаның ұсынысын едәуір күшейте түсті. Мысалы, 23 қараша күні биржадағы сауда көлемі 170 миллион долларға жетті, бұл – осы қарашада биржада тіркелген күндізгі орта көлемнен 1,5 есе көп дегенді көрсетеді.

"Дамушы елдердегі валюталар сыртқы нарықтағы жағдайларға мейілінше жақсы әсер етіп отыр. Апта басында оңтүстік африкалық ранд 1,3%-ке бекісе, Ресей рублі 1%-ке, Мексика песосы 0,3%-ке нығая түсті. Бұл жерде рубльдің өзі экспортерлердің тарапынан түскен салық есебінен нығайып отыр", - дейді Тұрсынханов.

Ал теңге сыртқы және ішкі факторлардың жайлылығынан, одан қалды тәуекел-сентимент пен нарықтағы энерготасымалдаушылардың позитивті жаңалықтарының және жер қойнауын пайдаланушылар тарапынан түскен көлемді салықтың арқасында бекіп тұр.

Бұл жерде мұнай бағасының көтерілуі – оны тұтыну деңгейін дер кезінде қалпына келтіруге себепші болып жататынын айта кету керек. Дегенмен АҚШ-тағы мұнай қорының есебі көрсетіп келгендей, тұтыну көлемі болжалды деңгейге көтеріле алмай отыр. Сол себепті, шынайы тұтынымның шамасына қарай көмірсутек бағасына да өзгерістер еніп тұруы мүмкін.

0
Кілт сөздер:
теңге, Ұлттық банк
Тақырып бойынша
Ұлттық банк теңге бағамы неліктен өзгергенін түсіндірді
Экономистер теңгенің болашағына болжам жасады
Теңгенің айырбас бағамы біршама өсті: қазақстандық валютаға не әсер етеді?
Досаев теңге бағамына теріс әсер ететін факторды атады