Еуропа чемпионаты 2020: үшінші турдың кестесі

155
Жиырмасыншы маусымда Еуро 2020/2021 чемпионатының үшінші туры басталды. Римде Италия – Уэльс пен Бакуде Швейцария – Түркия кездесуі өтті
Еуропа чемпионаты – 2020: үшінші турдың кестесі
© Sputnik

 

Еуропа чемпионаты тура бір айға – 2021 жылдың 11 маусымынан 11 шілдесіне дейін созылады.

Бұл чемпионат Францияда өткен тұңғыш турнирдің 60 жылдығына арналған болатын. Алайда коронавирус пандемиясына байланысты спорт шарасын 2020 жылдан 2021 жылға ауыстыруға тура келді.

Тартысқа толы жарыс қай күндері және нешеде өтетінін Sputnik инфографикасынан оқыңыз.

Еуро-2020 үшінші турының кестесі

Еуро 2020/2021 топтық кезеңінің үшінші туры Италия мен Уэльс, сондай-ақ Швейцария мен Түркия құрама командаларының арасында өтетін жарыспен ашылды.

А тобы

20 маусым - Италия - Уэльс, Римдегі Олимпиада стадионы (Трансляцияның басталуы - Нұр-Сұлтан уақыты бойынша 22:00)

20 маусым - Швейцария - Түркия, Бакудегі Олимпиада стадионы (Нұр-Сұлтан уақыты бойынша 22:00)

С тобы
21 маусым - Солтүстік Македония - Нидерланды, Амстердамдағы "Йохан Кройфф Арена" стадионы (Нұр-Сұлтан уақыты бойынша 22:00)

21 маусым - Украина - Австрия, Бухарестегі Ұлттық стадион (Нұр-Сұлтан уақыты бойынша 22:00)

В тобы

21 маусым - Ресей - Дания, Копенгагендегі "Паркен" стадионы (Нұр-Сұлтан уақыты бойынша 22 маусым сағат 01:00)

21 маусым - Финляндия - Бельгия, "Газпром Арена" стадионы (Нұр-Сұлтан уақыты бойынша 22 маусым сағат 01:00)

D тобы

22 маусым - Чехия - Англия, Лондондағы "Уэмбли" стадионы (Нұр-Сұлтан уақыты бойынша 23 маусым сағат 01:00)

22 маусым - Хорватия - Шотландия, Глазгодағы "Хэмпден Парк" стадионы (Нұр-Сұлтан уақыты бойынша 23 маусым сағат 01:00)

Е тобы

23 маусым - Швеция - Польша, Санкт-Петербургтегі "Газпром Арена" стадионы (Нұр-Сұлтан уақыты бойынша 22:00)

23 маусым - Словакия - Испания, Севильядағы Олимпиада стадионы (Нұр-Сұлтан уақыты бойынша 22:00)

F тобы
23 маусым - Португалия - Франция, Будапешттегі "Пушкаш Арена" (Нұр-Сұлтан уақыты бойынша 24 маусым сағат 01:00)

23 маусым - Германия - Венгрия, Мюнхендегі "Альянц Арена" (Нұр-Сұлтан уақыты бойынша 24 маусым сағат 01:00.

Еуропа чемпионатына кім қатысады

Жарысқа 24 команда қатысады: 20 команда біліктілігі бойынша өтсе, тағы төрт құрама УЕФА – Ұлттық лига турнирінің арқасында қатысады.

F тобындағы құрамалар арасындағы жарыс ең тартысты ойын болады деп күтілуде. Мұнда Әлем (Франция) мен Еуропаның (Португалия) қазіргі чемпиондары және алдыңғы әлем чемпиондары (Германия) жиналған.

Бір айға созылатын турнир кезінде жанкүйерлер 51 ойынды тамашалай алады: 36 ойын топтық кезеңде өтеді және тағы 15 кездесу плей-офф аясында өтеді.

Еуро-2020 қай қалаларда өтеді

Еуропа чемпионатының матчтары он бір қалада өтеді: Амстердам, Баку, Будапешт, Бухарест, Глазго, Копенгаген, Лондон, Мюнхен, Рим, Санкт-Петербург және Севилья.

Турнирдің бас қаласы - Лондон. Дәл осы шаһарда құрамалар арасындағы сегіз кездесу, оның ішінде шешуші кездесулер - жартылай финал мен финал өтеді.

Көрермендерге стадиондарға кіруге рұқсат беріледі. Бірақ стадионның көрермендерге толу деңгейі 50%-тен аспауы керек. Турнирдің бойтұмары ретінде фристайл мен көше футболын жақсы көретін Скиллзи атты ұл бала таңдалды.

 

155

Токио Олимпиадасы: қазақстандық спортшылардың жарыс кестесі

192
30-31 шілде күндері Токио Олимпидасында Қазақстаннның жеңіл атлеттері және садақшылар өнер көрсетеді
Қазақстандық спортшылардың жарыс кестесі
© Sputnik

Мәселен, бүгін түстен кейін жеңіл атлетика, атап айтқанда, 100 метр қашықтыққа жүгіру және үш қарғып секіруден іріктеу жарыстары өтеді. Оған Ольга Рыпакова, Ирина Эктова, Мария Овчинникова мен Ольга Сафронова қатысады. Бүгін іріктеуден өтсе, ертең финалдық сайыстарға қатыса алады. 

Бұдан бөлек, 31 шілде күні боксшыларымыз Закир Сафиуллин (63 келі) мен Сәкен Бибосынов (52 келі) 1/8 финалына шығу үшін жұдырықтасады. Сосын садақшы Ильфат Абдуллин ширек финалға шығуға тырысады. Оның қарсыласы - қытайлық Ли Цзялун. Ары қарай жартылай финал және финал өтеді.

Ал қазақстандық теннисші Елена Рыбакина мен украиндық Элина Свитолина Олимпиаданың қола медалін сарапқа салады.

192
Кілт сөздер:
Токио Олимпиадасы, жарыс
Тақырып:
Токио Олимпиадасы

Токио Олимпиадасы: қазақстандық спортшылардың жарыс кестесі

455
(Жаңартылды 13:15 26.07.2021)
Қазақстандық спортшылар Токиода өтіп жатқан Олимпиада ойындарында тартысты жарыс көрсетіп жатыр
Токио Олимпиадасы: қазақстандық спортшылардың жарыс кестесі
© Sputnik

Олимпиада ойындары 23 шілдеде басталған болатын. Алғашқы үш күнде Қазақстан құрамасының қоржынына екі қола медаль түсті. 

Токиодағы Олимпиада ойындарында Қазақстан атынан 97 спортшы жарысқа түседі. Олар спорттың 27 түрі бойынша әлемнің ең мықты спортшыларымен бақ сынасады.

Қазақстан жеңіл атлетика бойынша 11 лицензия иеленді. Сонымен қатар әдеттегідей боксшыларға үміт артылып отыр. Бұл Олимпиадада біздің құрамада 9 лицензия бар. Сондай-ақ жүзуші Дмитрий Баландиннен де жоғары нәтиже күтілуде.

Қазақстандық спортшылардың жарыс кестесін Sputnik Қазақстан инфографикасынан көре аласыз. Трансляция "Хабар" телеарнасынан көрсетіледі.

455
Кілт сөздер:
Токио Олимпиадасы
Тақырып:
Токио Олимпиадасы
Новые российские рубли

Ресей рублі жете бағаланбай отырған валюта ма

0
Соңғы жеті жылда рубльге антиресейлік санкциялар мен оларды кеңейту қауіпі сияқты геосаясат әсер етіп отыр, дейді сарапшы

НҰР-СҰЛТАН, 4 тамыз – Sputnik. Ресей мен АҚШ-тағы McDonald's дәмханаларындағы бигмак бағасын есепке алсақ, доллардың құны 30 рубль болуы керек. Бұл баға 2013 жылғыдан төмен. Американың экономикалық журналындағы индикатор қаншалықты объективті және нақты, "бургерлік" баға көрсеткішінің айырмашылығы туралы РИА Новости жазды.

"Бигмак индексі" бойынша ресейлік рубль жете бағаланбауы жағынан тек ливандық фунттан кейін тұр. Бургердің бағасы бүкіл жерде шамамен бірдей болуы керек. Ал АҚШ-тан әлдеқайда арзан болса, демек сол елдің валютасы жете бағаланбай отыр немесе керісінше.

Ресейде бигмак – 169 рубль, АҚШ-та – 5,65 доллар тұрады. Сонда әділ баға 30 болуы керек. Алайда нақты айырбас құны – 74,53. Яғни орыс валютасы 60 процентке құнсызданып отыр. Еуро – 11,1-ге, британ фунты – 15,5-ке.

Төрт валюта асыра бағаланған. Әсіресе венесуэлалық боливар 47,7 процентке арзан болуы керек. Швейцариялық франк – 24,7-ге, норвегиялық және шведтік крондар – 11,5 пен 9,6 процентке төмен болуға тиіс.

"Бигмак индексін" 1986 жылы The Economist журналы қалжың ретінде ойлап тапқан болатын. Бірақ қазір ол сатып алу қабілетінің паритетін, яғни тауар бағасын есепке ала отырып, екі валютаның қатынасын анықтаудың ресми емес әдісі болып отыр. Оны жылына екі рет есептейді.

McDonald's гамбургінің таңдалуына оның барлық жерде сатылуы себеп болған. 1980-ші жылдары жылдам тамақтануға арналған дәмханалар желісі жаһандық бизнеске айналды. "М" әрпі бар тамақтану орындары Иран, Македония, Йемен, Черногория, Солтүстік Корея, Зимбабве, Боливия, Армения және Исландияда жоқ.

Бастысы – классикалық бигмак барлық жерде бірдей. Ол нан, ірімшік, котлет және көкөніс сынды қолжетімді азық-түліктен тұрады.

Шілдедегі соңғы рейтингке сәйкес, бигмак АҚШ-қа қарағанда көп елде арзан. Атап айтқанда Австралияда, Сауд Арабиясында, Катарда. Бұл тізімнің соңында Әзербайжан, Түркия, Оңтүстік Африка тұр.

Рубльдің жете бағаланбауы туралы бірнеше жылдан бері жазылып келеді. Оған "бигмак" индексінен бөлек басқа да факторлар себеп болып отыр. Бургер түрлі елде бір бағада бола алмайды. Ресейде жалақы мен жалға алу мөлшерлемесі АҚШ-тан айтарлықтай төмен. Оның үстіне тұрмыстық электроника мен сматрфонға қарағанда бигмакты ешкім импорттамайды, оны сол жерде дайындайды. "iPod индексі" бойынша рубльдің асыра бағалануы ықтимал.

Сонымен қатар McDonald's тауар бағасын халықтың табысы мен сатып алу қабілетіне қарай белгілейді. Салық пен бәсекелестік жайын да ұмытпаған жөн. Сондықтан "бигмак индексі" объективті емес. Әлдеқайда кешенді әрі әділ салыстыру әдістері бар. Мысалы, бірінші қажеттіліктегі тауарлар, шикізат, жартылай фабрикаттар негізінде. Оның бағасын жеке компания емес, нарық қалыптастырады.

Ұлттық валюта бағамын елдің төлем жасау теңгерімі мен инфляцияға әсер ететін ақша массасы, оның ұзақ мерзімді қарқыны белгілейді.

Халықаралық және ішкі валюта нарығында орталық банктер маңызды рөл ойнайды. Олар ұлттық валюта бірлігін нығайтады немесе құлдыраудан сақтандырып отырады.

Валюта бағамы олардың жіті бақылауында болады. Себебі ол елдер арасындағы бәсекелес сауда күресінің негізгі әдісінің бірі. Нәтижесінде ақша құны көп жағдайда бұрмаланады.

Оның үстіне еркін саудаланатын актив баға көрсеткішіне нарық қатысушыларының жоспарларын да енгізе алады. Сол себепті "бигмак индексіне" қатты сенім артудың қажеті жоқ.

"Жете бағаланбаған валюталардың ондығында негізінен әлемде таралуы бойынша үздік жүздікке кірмегендер бар. Айқын мысал ретінде ливан фунтын атауға болады. Ресей рублі де осы тізімде. Ал асыра бағаланғандардың көшін адам сенгісіз инфляциясы мен АҚШ санкциялары енгізілген венесуэлалық боливар бастап тұр", - дейді CMS Institute экономикалық және қаржы зерттеулері департаментінің қызметкері Николай Переславский.

Оның айтуынша, соңғы жеті жылда рубльге геосаясат әсер етіп отыр: антиресейлік санкциялар, оларды кеңейту қауіпі. Мұнай бағасы да дәстүрлі түрде рөл атқаратыны анық. Қара алтын бағасы артқан кезде қаржы министрлігінің валюта сатып алу ережесі де әсер етті. Осылайша рубльдің нығаюы үшін кедергілер қолдан жасалып отыр.

Ішкі саясат пен әлемдік қаржы нарығының ұстанымын да жанама фактор ретінде атауға болады. "Санкциялар болмағанда ресейлік рубльдің баға көрсеткіші кемінде бір жарым есе қымбат болуы ықтимал еді", - дейді сарапшы.

Қалай болғанда да, жыл соңына дейін бір доллар 70 рубльден арзандамайтыны анық. Ал саяси қауіп-қатер салдарынан ол 80-ге дейін жетуі әбден мүмкін. Бағам доллар үшін 73-77 және еуро үшін 85-90 рубль дәлізінде қалатын секілді.

Оқи отырыңыз: Жер ресурсы азайып жатыр – шетелдік БАҚ

0
Кілт сөздер:
рубль, нарық, валюта
Тақырып бойынша
ЕАЭО елдерінде ортақ валюта қашан пайда болуы мүмкін
Батыс Ресейге жаңа санкциялар салып, шымылдықты жаппақшы
Еуропа және Ресей: санкциялар салдарынан қайсысы көп шығынға ұшырады
Теңге қымбаттады: ұлттық валюта бағамы қандай