QazVac пен Спутник V туралы не білу керек

100
(Жаңартылды 10:14 27.04.2021)
Қазақстандықтар 26 сәуірден бастап отандық QazVac вакцинасын салдыра алады. Елімізде 50 мың доза көлемінде вакцинаның бірінші партиясы өндірілді
© Sputnik

Қазақстанда бірінші ақпаннан бастап 800 мыңнан астам адам "Спутник V" вакцинасының бірінші компонентін салдырды, 130 мыңнан астам адам екінші компонентін алды.

Ал 26 сәуірден бастап отандық QazVac вакцинасын салдыра бастады. Ол клиникалық сынақтардың екі кезеңінің нәтижесі бойынша 96%-ке тиімді екенін көрсетті. Енді коронавирусқа қарсы екпе салдырғысы келгендер ресейлік ғалымдар әзірлеген "Спутник V" мен отандық QazVac арасында таңдау жасай алады.

"Спутник V" – векторлы вакцина, яғни өндіріс барысында аденовирустың қабығы және коронавирустың S ақуызы пайдаланылған.

QazVac – инактивацияланған вакцина, яғни коронавирустың жойылған вирусы қолданылған. Биологиялық қауіпсіздік проблемаларын ғылыми-зерттеу институтының базасында 50 мың доза көлемінде бірінші партия шығарылды.

QazVac вакцинасын бірінші кезекте қазақстандық екпе алғысы келген медицина қызметкерлері, педагогтер мен полицейлер салдырады. Отандық QazVac вакцинасының келесі партиясы мамырдың екінші жартысында жеткізіледі деп жоспарланған.

Президенттің тапсырмасы бойынша вакцина барлық адамға қолжетімді болуы үшін өндіріс көлемі артады.

100
Тақырып:
COVID-ке қарсы вакцина (199)

Елорда әуежайында Ashyq қосымшасы іске қосылды видео  

29
Ashyq бағдарламасы қосылған үш күн ішінде әуежайда "қызыл" статусы бар 24, "сары" статусы бар 23 жолаушы анықталды

12 мамырдан бастап елорда әуежайында Ashyq пилоттық жобасы іске қосылған болатын.

Бұл ретте әуежай ғимаратына кіру үшін жолаушы QR-кодты сканерлеп, өз статусын әуежай қызметкеріне кіреберісте көрсетуі тиіс, деп хабарлайды елорда әкімдігінің ресми сайты көліктегі санитариялық-эпидемиологиялық бақылау департаментіне сілтеме жасай отырып.

Жолаушыда смартфон болмаған жағдайда әуежай қызметкері ақпараттық жүйеде ЖСН арқылы оның статусын тексереді. Шетел азаматтарының статусы паспорт нөмірін енгізу арқылы бақыланады.

Оқи отырыңыз: Ashyq арқылы адамның қай жерге барғанын бақылай ма – министрлік жауабы

Жолаушыларға статус "ПТР-зерттеулердің бірыңғай интеграциялық порталы" және "Қазақстан Республикасы денсаулық сақтау министрлігінің COVID-19 бақылау орталығы" ақпараттық жүйелерімен салыстыру негізінде беріледі.

29
Кілт сөздер:
Нұр-Сұлтан, әуежай, жолаушылар, эпидемия, коронавирус

Ондаған адам көз жұмды: Израиль мен Палестинада не болып жатыр видео

85
Соңғы күндері Газа секторынан Израильге 1600-ден астам зымыран ұшырылды. Зымыран соққыларының қорқынышты кадрлары көрініс тапқан видео жарияланды  

ХАМАС қозғалысының содырлары Израиль аумағына зымырандық және минометтік шабуылды 10 мамырда бастады.

Израиль билігі бірнеше палестиналық отбасыны Шығыс Иерусалимнен көшіріп жіберуге әрекеттенгеннен кейін бұл жағдай ушықты.

Соққылар мен қақтығыстардың салдарынан қазірдің өзінде ондаған адам қаза тауып, жүздеген адам жарақат алды. Соңғы хабар бойынша израильдіктер Газа секторында құрлықта операция жүргізуді жоспарлап отыр.

85
Ыстық ауа райы

36 градус ыстық және жел: ертең ауа райы қандай болады

1108
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1108
Кілт сөздер:
Қазгидромет, ауа райы