"Іле" полигонында дәстүрлі әскери оқ атулар өтті. Ол негізгі әскери буын болып табылатын бөлімшелердің ішінде өзара әрекеттестікті жетілдіруге бағытталған.

Бөлімше алдына қойылған міндеттер пысықталып жатыр.

Әскерилер соғыс жағдайында тез ауысып отыру әрекетін үйреніп жатыр: шабуыл, қорғаныс, айналып өту маневрлерін қолдану және торуылдау кезіндегі әрекеттер.

Әскерилер кез-келген жағдайда барлық нысанды дәл көздеуі керек.

Қорғаныс министрлігінің талаптарына сәйкес, әскери оқ атулардың үштен бірі түнгі уақытта өтеді.

Әскери атыс алаңы мен оқу-жаттығуға арналған тактикалық полигондарда дәстүр бойынша қарудың барлық түрінен оқ атулар орындалып жатыр.

Бөлімшелерді дайындау шынайы ұрыс кезінде өзара әрекеттестіктің үйлесімділігін жетілдіруге, бөлімше командирлерін өз бағынысындағы әскерилерді басқаруға үйретуге, жеке құрамның ұрыс даласындағы дағдыларын жетілдіруге бағытталған.

Әскери оқ атулар кезінде бүркеу әдістері мен түтінді "шымылдық" қолданылады.

Жаттығу кезінде ұшқышсыз ұшу аппараттары мен күрестің жаңа әдістері қолданылады.

Әскери қызметшілер 50-100 метр биіктіктегі ұшқышсыз ұшу аппараттары ретінде орналастырылған нысандарды дөп тиген оқтармен құлатып жатты.

Қауіпсіздік шараларына ерекше көңіл бөлінеді. Әскери оқ атулар басталардан бұрын нұсқаулық-әдістемелік сабақ өтеді.

Бағдарлама бойынша фортификациялық құрылымдар мен инженерлік позицияларды жабдықтау бойынша сабақ өтеді.

Әскерилер соңғы жылдардағы қарулы қақтығыстарды талдаудан кейін десанттық-шабуылдау әскерінде әзірленген іс-әрекеттерді пысықтады. Қорғаныс министрлігіндегілер әскердің соғысқа дайындығын айтарлықтай арттырып қана қоймай, жеке құрамның шығынын да азайтуға ықпал етеді деп санайды.

Эйлин Уорнос АҚШ-тағы Лавиния Фишерден кейінгі екінші маньяк әйел атанды. "Түнгі көбелек" өз клиенттерін асқан жауыздықпен өлтіргені үшін өлім жазасына кесілді. 1990-шы жылдары көшеде жезөкшелікпен айналысқан ол жеті ер адамды тонап, өлтірген. Уорнос өзін-өзі қорғау мақсатында осындай әрекетке барғанын айтқан. Себебі, оның құрбандары Уорносты зорламақ болған. 2003 жылы режиссер және сценарист Пэтти Дженкинстің Эйлин Уорнос өмірінің желісі бойынша түсірілген "Монстр" атты өмірбаяндық драмасы жарық көрді. Фильмдегі басты рөлді актриса Шарлиз Терон ойнады. Кейіннен ол ең үздік әйел рөлі үшін "Оскар" сыйлығын алды.

Лиза Монтгомери АҚШ-та жүкті әйелді аса қатыгездікпен өлтіргені үшін өлім жазасына кесілді. Монтгомеридің адвокаттары оның туа біткен ми ақауы бар екенін және өгей әкесі жасаған жыныстық зорлық салдарынан психикалық аурумен ауырғанын алға тартты. Ол 2021 жылдың 13 қаңтарында федералды түрмеде өлім жазасына кесілді. Лиза Монтгомери өлім жазасына кесілген кезде 52 жаста еді.

Фотода - Техас штатында өлім жазасына кесілген әйелдер.

Ванда Джин Аллен бірге тұратын 29 жастағы әйелді өлтіргені үшін АҚШ-та өлім жазасына кесілді. Бұл 1954 жылдан бері өлім жазасына кесілген бірінші афроамерикалық әйел және 1977 жылдан бері АҚШ аумағында өлім жазасын қолдануды қайта жаңғыртқаннан кейін ең ауыр жаза қолданылған алтыншы әйел.

Вельма Барфилд – америкалық "сериялық" кісі өлтіруші. Ол өзінің азаматтық күйеуі мен тағы бірнеше адамды күшәламен улап өлтіргені үшін айыпталды. Барфилдке қатысты үкім 1984 жылдың 2 қарашасында Солтүстік Каролинада орындалды.

Кристина Риггс өзінің 5 және 2 жастағы балаларын өлтірген. Оған улы дәрі егу арқылы өлім жазасы жүзеге асты. Өлер алдында Риггс "енді мен бұрыннан қалағанымдай өз балаларыммен бірге бола аламын" деді. Сот кезінде адвокаттар Кристинаның депрессияға шалдыққанын айтты.

38 жастағы Карла Фэй Такер екі көршісін балғамен ұрып өлтіргені үшін кесілген үкімнің орындалуын 14 жыл бойы күтті. Өлім жазасын орындау үшін оны орындыққа байлау және улы дәрігі егу кезінде қылмыскер әйел күліп жатқан. Оның қылмысты орындау кезінде ләззат алғаны туралы мәлімдемесі ұлттық деңгейдегі дауға айналды.

Кимберли Маккарти өзінің 71 жастағы көршісі Дороти Бутты тонап, асқан жауыздықпен өлтіргені үшін ауыр жазаға тартылды. Тергеу Маккарти егде жастағы әйелден қант сұрау үшін үйіне кіріп, оған аур дене жарақаттарын салған. Маккарти тағы екі қарт адамды өлтірді деген болжам да болды. Маккартидің өлім жазасы штат тарихындағы осы тектес 500-ші жаза болды.

Бетти Лу Битсті өзінің күйеулерін өлтіргені үшін "қара әйел" деп атады. Тергеу мәліметі бойынша, ол 5 күйеуін о дүниелік еткен. Өлім жазасын орындау кезінде 62 жастағы Битстің бес баласы, тоғыз немересі және алты шөбересі болған. Полиция Битс өз күйеуін сақтандыру қаражаты үшін өлтірді деп санайды. Оның қорғаушылары "қара әйел" бала кезден физикалық және сексуалдық зорлық көріп келгенін айтып, оған жеңіл жаза қолдануды сұрады. Бірақ, сот оған өлім жазасын қолдану туралы шешім қабылдап, үкім 2000 жылдың ақпанында орындалды.

Тереза Льюис 2002 жылы күйеуі мен өгей баласын сақтандыру қаражаты үшін өлтірмек болғаны үшін өлім жазасына кесілді. Бұл қылмыстық іс АҚШ пен басқа елдерде де резонансты жағдайға айналды. 1976 жылы АҚШ-та өлім жазасы қайта қолданысқа енгізілгеннен бері ең ауыр жазаға кесілген 12-ші әйел. Оған улы дәрі егілген. Үкімді жүзеге асыру кезінде түрме маңына отыздан аса дам жиналып, соттың ең ауыр жаза қолодануына қарсылық акциясын ұйымдастырды.

Линда Лион Блок полиция қызметкерін өлтіргені үшін электр орындығында өлтірілді. Ол бұл қылмысты күйеуімен бірге жүзеге асырған. Сот кезінде ерлі-зайыптылар бұл өзін-өзі қорғау болғанын айтқан. Олардың екеуі де өлім жазасына кесілді. Блок 1976 жылдан бері өлім жазасына кесілген 14 әйелдің екіншісі болды.

Фрэнсис Ньютон күйеуі мен екі баласын өлтіргені үшін улы дәрі көмегімен сот үкімі орындалды. Ол өз құрбандарының өлімі үшін 100 мың доллар көлемінде сақтандыру ақысын алуды жоспарлаған. Ол АҚШ-тағы азаматтық соғыс кезінен бері Техас штатында өлім жазасына кесілген бірінші қара нәсілді әйел болды.