Андрей Мягков өмірден өтті: актердің сахнадағы және кинодағы өмірі - фото

106
  • Андрей Мягков
  • Женя Лукашин рөліндегі Евгений Мягков пен Надя рөліндегі Барбара Брыльска
  • Служебный роман фильмі
  • Никита Михалков пен Андрей Мягков Жестокий романс фильмінде
  • Андрей Мягков пен Владимир Путин
  • Гараж фильмі
  • Андрей Мягков өз үйінде Олег Ефремовтың портреті картинасын ұстап отыр.
  • Андрей Мягков Перламутровая Зинаида спектакліндегі Аладьин рөлін сомдап тұр
  • РФ Халық әртістері Анастасия Вознесенская мен Андрей Мягков
  • РФ Халық әртісі Андрей Мягков режиссер Евгений Каменьковичтің Белый кролик спектаклінде Элвуд рөлінде.
  • А.П.Чеховтың Дядя Ваня пьесасы бойынша қойылған спектакльдегі көрініс.
  • А.П.Чеховтың Дядя Ваня пьесасы бойынша қойылған спектакльдегі көрініс.
  •  Андрей Мягков пен жұбайы Анастасия Вознесенская
"Служебный роман" кинотуындысы мен жаңа жыл қарсаңында теледидардан тамашалау дәстүрге айналған "Ирония судьбы, или С легким паром!" фильмінің жүлдызы, көрермендердің сүйіктісі Андрей Мягков 82 жасында көз жұмды

Кеңес және ресейлік актер, халық әртісі Андрей Мягков өте көп рөл сомдаған.

Мягковтың алғашқы маңызды рөлі – Иван Пырьевтің "Братья Карамазовы" картинасындағы Алеша Карамазовтың рөлі.

Алайда, "Ирония судьбы, или С легким паром!" және "Служебный роман" фильмдеріндегі рөлдер актерге үлкен танымалдылық алып келді.

Андрей Мягков 1938 жылы Ленинградта дүниеге келген. Ол мектеп кезінен театрға қызыққан. 1965 жылы Мәскеудің көркем академиялық театрын тәмамдаған соң "Современник" театрына жұмысқа қабылданған.

Мягков түскен танымал кинотуындылардың қатарында "Гараж", "Гонки по вертикали", "Жестокий романс", "Дни Турбиных" сынды фильмдер бар.

Көрерменнің жүрегінен ерекше орын алған халық әртісінің құрметіне Sputnik Қазақстан суреттер топтамасын ұсынады. 

106
  • Андрей Мягков
    © Sputnik / Владимир Вяткин

    "Ирония судьбы" және "Служебный роман" фильмдерінің жұлдызы, театр және кино актері Андрей Мягков 83 жасқа қараған шағында бақилық болды.

  • © Sputnik / N. Nazarov

    Иван Пырьевтың "Братья Карамазовы" картинасындағы Алеша Карамазовтың рөлі Мягков сомдаған алғашқы маңызды рөл болды. Режиссер Пырьев "Мосфильм" киностудиясында түсірген бұл фильм 1968 жылы экранға шықты.

  • © Sputnik / B. Chevelev

    "Гроссмейстер" фильмінен кадр. Андрей Мягков –Сергей Хлебниковтың рөлінде. Режиссері - Сергей Микаэлян, "Ленфильм" киностудиясы, 1972 жыл.

  • Женя Лукашин рөліндегі Евгений Мягков пен Надя рөліндегі Барбара Брыльска
    © Photo : Кадр из фильма "Ирония судьбы, или С легким паром!"

    1975 жылы Эльдар Рязановтың "Ирония судьбы, или С легким паром" фильмі көрерменге жол тартты. Мұнда актер Евгений Лукашиннің рөлін сомдады. Бұл фильм сол уақыттан бері Жаңа жыл мерекесі қарсаңында міндетті түрде теледидардан көрсетілетін кинотуындыға айналды. Суретте: Андрей Мягков пен Барбара Брыльска.

  • Служебный роман фильмі
    © Sputnik / Vladimir Vyatkin

    1977 жылы Мягков Эльдар Рязановтың кезекті шедеврі - "Служебный роман" фильмінде басты рөлді сомдады. Комедиялық сарындағы бұл кинотуынды да танымалдылыққа ие болып, көрермендердің сүйікті картинасына айналды.

  • Никита Михалков пен Андрей Мягков Жестокий романс фильмінде
    © Sputnik / RIA Novosti

    Александр Островскийдің "Бесприданница" пьесасының желісі бойынша түсірілген "Жестокий романс" фильмінен кадр. Андрей Мягков Карандышев рөлінде. Режиссері – Эльдар Рязанов, 1984 жыл, "Мосфильм" киностудиясы.

  • Андрей Мягков пен Владимир Путин
    © Sputnik / Mikhail Metzel

    Андрей Мягков пен Владимир Путин, 2013 жылдың 25 желтоқсанында Кремльде мемлекеттік наградаларды табыс ету сәті.

  • Гараж фильмі
    © Sputnik / RIA Novosti

    "Гараж" көркем фильміндегі актерлер Игорь Костолевский, Ия Саввина, Андрей Мягков пен Анастасия Вознесенская (солдан оңға қарай). "Мосфильм" киностудиясы, режиссері – Эльдар Рязанов.

  • Андрей Мягков өз үйінде Олег Ефремовтың портреті картинасын ұстап отыр.
    © Sputnik / Vladimir Vyatkin

    Андрей Мягков өз үйінде "Олег Ефремовтың портреті" картинасын ұстап отыр.

  • Андрей Мягков Перламутровая Зинаида спектакліндегі Аладьин рөлін сомдап тұр
    © Sputnik / Alexander Makarov

    Андрей Мягков "Перламутровая Зинаида" спектакліндегі Аладьин рөлін сомдап тұр, М.Горький атындағы Мәскеу көркем академиялық театры.

  • РФ Халық әртістері Анастасия Вознесенская мен Андрей Мягков
    © Sputnik / Sergey Pyatakov

    РФ Халық әртістері Анастасия Вознесенская мен Андрей Мягков режиссер Евгений Каменьковичтің "Белый кролик" спектаклінің соңғы көрінісінде.

  • РФ Халық әртісі Андрей Мягков режиссер Евгений Каменьковичтің Белый кролик спектаклінде Элвуд рөлінде.
    © Sputnik / Sergey Pyatakov

    РФ Халық әртісі Андрей Мягков режиссер Евгений Каменьковичтің "Белый кролик" спектаклінде Элвуд рөлінде.

  • А.П.Чеховтың Дядя Ваня пьесасы бойынша қойылған спектакльдегі көрініс.
    © Sputnik / Yuriy Somov

    А.П.Чеховтың "Дядя Ваня" пьесасы бойынша қойылған спектакльдегі көрініс. Елена Андреевна рөлінде – РКФСР еңбек сіңірген әртісі Анастасия Вертинская, Войницкий рөлінде - РКФСР еңбек сіңірген әртісі Андрей Мягков. М.Горький атындағы Мәскеу көркем академиялық театры.

  • А.П.Чеховтың Дядя Ваня пьесасы бойынша қойылған спектакльдегі көрініс.
    © Sputnik / Yuriy Somov

    А.П.Чеховтың "Дядя Ваня" пьесасы бойынша қойылған спектакльдегі көрініс. Войницкий рөлінде - РКФСР еңбек сіңірген әртісі Андрей Мягков.

  •  Андрей Мягков пен жұбайы Анастасия Вознесенская
    © Sputnik / Mikhail Fomichev

    "Современник" және МКАТ әртісі, кино актері Андрей Мягков жұбайы Анастасия Вознесенскаямен бірге көпжылдық еңбегі үшін сахна ардагерлерін Мәскеу көркем театрында (МКТ) алтын және күміс "шағалалармен" марапаттау сәтінде.

Кілт сөздер:
фото

Макияж бен камуфляж: әскери қызметте жүрген әлемдегі қыз-келіншектер бейнесі фото

382
(Жаңартылды 18:04 25.02.2021)
  • Қазақстандық әскери әйелдер де бітімгершілік күш құрамында арнайы гуманитарлық миссияны орындайды
  • Қытайдың қарулы күштерінде қызмет ету жастар арасында ұлдар мен қыздар үшін артықшылық болып саналады.
Қоғамда қалыптасқан стереотиптерге қарамастан, әйелдер де көбінесе ер азаматтарға арналған мамандықтды таңдап, тіпті өз еркімен әскер қатарына барады. Әскери форма киген қыздар әлем елдерінде қалай көрінеді. Sputnik-тің суреттер топтамасынан тамашалаңыз

Қолында қару-жарағы мен үстінде әскери киімі бар ер адамдарға көз үйренген. Ал мұндай кейіптегі әйелдер бірден ерекше көрінеді. Өйткені олар әр заманда – нәзіктігімен әйелге тән рөлге ие болды. Алайда, әйелдердің тәуекелі мен төзімі, стратегиялық ойлау қабілеті, тіпті физикалық күш-жігері мен қабілет-қарымы сияқты қасиеттер сала мамандарын көбірек қызықтырады.

Камуфляж киген қыздар заманауи әлемде сирек кездеседі. Десек те, көптеген елдің қорғаныс саласында нәзік жанды әскери қызметкерлерді кездестіруге болады.

Өзіне сенімді әрі мықты және сүйкімділігін жоғалтпаған әйелдер әскери борышын ерлермен тең дәрежеде атқарады.

Кей елдерде қыздар өз еркімен әскери қызметке барса, ал кейбір елдерде әскери қызмет міндетті болып табылады.

Оқи отырыңыз: Хайуанаттар бағындағы қарға аунаған жануарлардың тыныс-тіршілігі – фото

Әлем елдерінің әскери саласында әйелдер қалай қызмет етеді және олар қалай көрінеді.

382
  • Қазақстандық әскери әйелдер де бітімгершілік күш құрамында арнайы гуманитарлық миссияны орындайды
    © Photo : Минобороны

    Қазақстандық әскери әйелдер де бітімгершілік күш құрамында арнайы гуманитарлық миссияны орындайды. Олар қарулы қақтығыстар құрбандарының осал санаттарымен жұмыс жасайтын "Female engagement team" арнайы тобының құрамына кіреді.

  • Қытайдың қарулы күштерінде қызмет ету жастар арасында ұлдар мен қыздар үшін артықшылық болып саналады.
    © AP Photo / Ng Han Guan

    Бүгінгі күні Қытайдың қарулы күштерінде қызмет ету жастар арасында жігіттер мен қыздар үшін артықшылық болып саналады. Әскери қызмет туралы заңға сәйкес 18 бен 22 жас аралығындағы ерлер де, әйелдер де мерзімді әскери қызметке жатады. Ал әскери қызмет мерзімі бірдей – екі жыл. Суретте: экскурсия жетекшісі болған әскери әйел Бейжіңде Қытайдың әскери жетістіктері туралы көрме ашуға дайындалып жатыр.

  • © AFP 2019 / Jack Guez

    Бұл елдің басқалардан айырмашылығы – елдегі әйелдердің көпшілігі Израильдің қорғаныс күштерінде қызмет етеді. Израильде әйелдер де әскери міндетті болып табылады. Ер адамдар үшін әскери қызмет мерзімі 36 ай, ал әйелдер үшін 24 ай. Суретте: израильдік әскери әйелдер.

  • © AFP 2019 / Noah Seelam

    Үндістандағы ұлттық кадет корпусы 1948 жылы құрылды. Ұйым Үндістан жастары арасында қорғаныс министрлігінің қамқорлығымен әлеуметтік дағдылар мен көшбасшылық қабілеттерді дамыту үшін орта және колледж курсанттарын қабылдайды. Суретте: курсант әйел Үндістанның Секундерабад қаласында әскерилер мәдени шараға дайындалып жатыр.

  • © CC BY-SA 2.0 / Ernests Dinkamob/Saeima / Svinīgā Nacionālo bruņoto spēku parādē

    Латвия қарулы күштерінің шеруінде тұрған қыз. Республика – НАТО-ға мүше бес елдің бірі, қарулы күштерде әйелдер саны көп.

  • Түрік құрлық әскерінің әйел офицерлері. Бұл ел әйелдерді әскери оқу орындарына 90-шы жылдардың басында шақыра бастады. Қазіргі уақытта бұл мүмкіндік айтарлықтай шектеулі, ал квота бес пайыздан аспайды.

  • © Sputnik / Aleksandr Galperin

    Санкт-Петербургтегі Ұлы Петр әскери-теңіз институтындағы әйел курсанттар жаттығу кезінде. 2015 жылы университет қыздарды қабылдауды қайта бастады.

  • Бұған дейін Жапонияда жаяу әскер мен танк күштеріне, сондай-ақ барлау және десанттық бөлімдерге әйелдерді тартуға шектеу қойылған болатын. Алайда, 2017 жылы армиядағы әйелдер санын екі есеге көбейту туралы шешім қабылданды. Суретте: қыздар Жапониядағы өзін-өзі қорғау күштерінің шеруі кезінде.

  • "Аоста" итальян армиясының механикаландырылған бригадасының қыздары минометпен атудың есебін жүргізуде. Италияда армиядағы әйелдер саны тіпті ер адамдар санынан асып түсуі мүмкін.

  • © AFP 2019 / Jung Yeon-Je

    2011 жылдың 4 тамызында Сеулдегі арнайы операциялар қолбасшылығының әскери базасындағы азаматтық оқу-жаттығу лагеріне барған қыздар. Лагерь 1 034 бейбіт тұрғынға, оның ішінде 271 әйелге арналған.

  • © AP Photo / Vadim Ghirda

    Капу-Мидия полигонындағы жаттығу кезінде Румыния мен АҚШ әйел сарбаздары.

  • Чилидің Сантьяго қаласындағы әскери әйел.

  • © AFP 2019 / Hoang Dinh Nam

    Вьетнамдағы әскери парад кезінде Вьетконг сарбаздарының киімін киген жауынгерлер.

  • © AFP 2019 / Ed Jones

    Суретте Корей халық армиясының капитаны Чхве Ун-Чонг Пхеньяндағы Соғыс мұражайының алдында суретке түсті. КХДР-да ер адамдар үшін де, әйелдер үшін де міндетті әскери қызмет бар. Олар 17 жасқа толғаннан кейін әскер қатарына шақырылады.

  • Суретте Швеция армиясының әскери қызметкері Strong Europe танк сынағы кезінде снаряд алып жүр. Бұл елде әйелдер де мерзімді әскери қызмет атқарады. 2010 жылы жалпыға бірдей әскери қызметке шақыру алынып тасталды. Бірақ кейінірек қарулы күштер қатарын еріктілермен толықтыруда қиындықтар туындап, әскерге шақыру жүйесі 2017 жылы қайта іске қосылды.

Кілт сөздер:
қыздар, әскерилер

Жердің ғарыш станциясынан түсірілген таңғажайып көрінісі фото

254
  • Фудзияма тауы
  • Түнгі Бейжің
  • Шөл дала
  • Тупаи
  • Сахара шөліндегі құмды дауыл
  • Армениядағы Севан көлінің ғарыштағы көрінісі
  • Ғарыштан түсірілген Кабо-Верде
  • Халықаралық ғарыш станциясынан түсірілген күміс түсті бұлттар.
  • Қарақорым тау сілемдері
  • Сицилиядағы Этна жанартауы
  • Австралиядағы Улуру жартасы
  • Ирандағы Деште-Лут шөлі
  • Африкадағы Чад көлі
  • Түнгі Париж, Франция
  • Санта-Антан аралы
Бүгінде ғаламшардағы кез-келген адам ғарышкерлер бірнеше ай бойы Жер маңындағы орбитада жұмыс істейтініне таңғалмайды

Алайда, көгілдір ғаламшардың ғарыштан түсірілген суреті әлі күнге дейін тамсандырар әрі таңғалдырар құбылыс ретінде бағаланады.

Спутниктен түсірілген суреттер, ғарыш кемелері түсірген Жер мен Айдың бейнесі, орбитада орналастырылған телескоптардың басқа аспан денелерін камераға түсіруі бүгінде қалыпты жұмыс процесіне айналған және мұндай жаңалықтар жаға ұстатарлықтай сенсация емес. Бірақ, мұндай фотосуреттер табиғаттың ұлылығын кезекті рет дәлелдейтіндей айырықша.

Қазақстан тумасы, ресейлік ғарышкер Сергей Кудь-Сверчков Халықаралық ғарыш станцисының бортында Жердің ерекше аймақтарын фотоға түсіріп, өзінің әлеуметтік желідегі парақшасында осы жерлер жайлы ақпаратпен бөлісіп отырады.

Оның жапон әріптесі Соити Ногути де ғарышта жасалған өз суреттерімен бөлісуді дәстүрге айналдырған.

Орыс және жапон ғарышкерлерінің фототуындыларын Sputnik материалынан тамашалаңыз.

254
  • Фудзияма тауы

    Қар жамылған Фудзияма. Әйгілі шыңды жапониялық астронавт Соити Ногути ғарыш станциясынан түсіріп алған. Фудзияма - Жапонияның Хонсю аралындағы Токиодан оңтүстік-батысқа қарай 90 шақырым жерде орналасқан белсенді стратовулкан. Вулканның биіктігі - 3776 метр (Кенгамине шыңы, Жапонияның ең биік нүктесі). Қазіргі уақытта жанартау өшіп тұр. Оның соңғы атқылауы 1704-1708 жылдар аралығында болған.
    Фудзи жеке меншік нысаны және ол Хонгу Сэнгэн Ұлы ғибадатханасының меншігінде. Фудзидің шыңында синтоизм храмы, пошта бөлімшесі және метеостанция орналасқан. Таудың айналасы Фудзи-Хаконэ-Идзу ұлттық паркінің құрамына кіреді. ЮНЕСКО-ның бүкіләлемдік мұрасына жатады.

  • Түнгі Бейжің

    Түнгі Бейжің. Фотосуретті түсірген ресейлік ғарышкер Сергей Куд-Сверчков. Дүниежүзіндегі 1,5 миллиардқа жуық қытай Жаңа жылды қарсы алды. Ал жылдың символы саналатын Ақ Металл өгіз ресми түрде жыл иесі атанды. Қытай Жаңа жылының нақты күні жоқ. Ол әр жылы әр күнге белгіленеді. Қытайдағы бұл мереке қыстан кейінгі күн тоқырауынан кейінгі екінші рет жаңа ай туғанда тойланады. Бұл әдетте 21 қаңтар мен 21 ақпан аралығында болады.
    Сонымен, Қытай күнтізбесі бойынша жаңа жыл басталды және Қытайда оны 12 ақпаннан 27 ақпанға дейін тойлау жоспарланып отыр. Айтпақшы, Қытай 2021 жылды емес, 4719 жылды тойлап жатыр!

  • Шөл дала

    Араб шөлінің кең алқаптарын қазір сіз көріп отырған жылжымалы құм төбелері мен құм массивтері алып жатыр. Құмды және шаңды дауылдар мен қатты желдер, шөлдерге тән үлкен тәуліктік амплитудасы бар жоғары температура салдарынан аумақтың көп бөлігінде адамдар тұрмайды. Температура диапазоны жазда 40-50°C болса, қыста орташа температура 5-15°C құрайды.

  • Тупаи

    Бұл – Тупаи. Ол әлемдегі ең романтикалық орындардың бірі саналады. Бұл Бора-Бора аралынан солтүстікке қарай 19 километр қашықтықта орналасқан құмды жағажайлар, көгілдір су лагуналары және кокос ағаштарының атоллы. Суретте батыстағы үлкен арал мен шығыстағы шағын аралдар бейнеленген.

  • Сахара шөліндегі құмды дауыл

    Сахара шөліндегі құмды дауылды халықаралық ғарыш станциясынан орыс ғарышкері Сергей Куд-Сверчков түсірген. Ғарышкер өзінің әлеуметтік желілердегі парақшасында былай деп жазды: "Сіздер құмды дауыл салдарынан аспан ақшыл түске боялған Францияда түсірілген кадрларды желіден көрген боларсыздар. Ал дәл осы табиғат құбылысы ғарыштан, Халықаралық ғарыш станциясынан осылай көрінеді. Табиғаттың тосын мінез көрсетуінен күшті жел пайда болып, ол Сахара шөлінен көп құм алып келді. Тіпті таудың көптеген аймақтарында құм қарды сары түске боп жіберді!"

  • Армениядағы Севан көлінің ғарыштағы көрінісі

    Жапон ғарышкері Соити Ногуту түсірген Армениядағы Севан көлінің ғарыштағы көрінісі. Севан - Армениядағы Армян таулы аймағында орналасқан Кавказдағы ең үлкен көл. Көл аумағы 1 240 шаршы километрді құрайды. Аңызға сәйкес, бұл көл су алуға барған келіндердің бірі бұлақтың бетін жабуды ұмытып кеткеннен пайда болған деседі. Жан-жаққа тараған су үйлерді басып, сонда үйлерін тастап, жер аударуға мәжбүр болған жергілікті жұрт "бұлақтың бетін жаппаған келін тасқа айналсын!" деп қарғаған екен. Сонда әлгі ұмытшақ келін тасқа айналыпты. Дәл осы тас көлдің бетінде көрініп тұр. Арснакар деп аталатын бұл тас армян тілінен аударғанда "келін тасы" дегенді білдіреді.

  • Ғарыштан түсірілген Кабо-Верде

    Табиғаты көркем бұл архипелаг Сезария Эвораның туған жері. Жасыл мүйістегі аралдардың ең негізгі артықшылығы – мұхит. Себебі, Кабо-Верде курорттарындағы құмды жағажайлар, су астындағы жүзулер, спорттық балық аулау, серфинг және яхталар көпті қызықтырады. Басқа Африка елдеріне қарағанда мұнда аралдар едәуір салқын және күндіз-түні температураның күрт өзгеруі болмайды.

  • Халықаралық ғарыш станциясынан түсірілген күміс түсті бұлттар.
    © Photo : Sergey Kud-Sverchkov / Roscosmos

    Халықаралық ғарыш станциясынан түсірілген күміс түсті бұлттар. Олар аз ғана уақытқа пайда болады. Бұл 70-95 километрдегі биіктікте пайда болатын ең биік бұлт түзілістері!
    Оларды басқа бұлттардан ажырату қиын емес: олар ымыртты аспанның айналасында жарқырайды. Себебі, көкжиектің артында жасырынған Күн мезосферада Жерден өте биік нысандарды жарықтандырады. Оның үстіне, ғарыш станциясынан қара түсті стратосфералық бұлттар мен күміс бұлттардың айырмашылығы анық көрініп тұр. Күміс бұлттар пайда болуы үшін 3 фактордың үйлесуі қажет: су буының жеткілікті мөлшері, төмен температура және мұз кристалдарына айналатын су буының конденсациясы бар шаң бөлшектерінің болуы.

  • Қарақорым тау сілемдері

    Қарақорым - бұл жеті және алты мыңдық шыңдардың ең үлкен қоры. 1958 жылы Фоско Мариани тау сілемін "пішіндері мен олардың үйлесімдерінің көптігі бойынша әлемдегі ең әсерлі музей" деп атады. К-2 (8,611 метр) екінші шыңы ретінде тіркелді. Оны Чогори, Дапсанг және Годвин-Остен деп те атайды. К-2 – солтүстікте орналасқан және ең күрделі сегіз мыңдықтардың бірі. Соңғы уақытқа дейін бұл шың әлемдегі қыста бағындырылмаған 14 ең биік шыңдардың бірі болып келді. Бірақ, 16 қаңтарда Нирмал Пурдж командасы оның шыңын бағындырды.

  • Сицилиядағы Этна жанартауы
    © Photo : Sergey Kud-Sverchkov / Roscosmos

    Сицилия - Италияның әсемдігінде бір мін жоқ аралы. Көгілдір теңіз, ақ және қара құм, жүзім алқаптары, апельсин ормандары және Еуропадағы ең ірі белсенді жанартау - Этна.

    Вулканның жоғарғы жағындағы үлкен қар жамылғысы Халықаралық ғарыш станциясынан өте әсерлі көрінеді. Этна үнемі атқылап тұрады. Статистикаға сәйкес, шамамен 150 жылда бір рет жанартау атқылауы жақын жерде орналасқан елді мекендердің бірін толығымен қиратады. Осыған қарамастан, Этна етегіндегі аймаққа ел тығыз қоныстанған. Себебі, қатып қалған лаваның арқасында жер өте құнарлы.

  • Австралиядағы Улуру жартасы

    Бұл – Улуру. Ол Австралияның басты көрікті жерлерінің бірі және оны көру үшін елге жыл сайын 400 мыңнан астам турист келеді. Бұл үлкен әрі сопақ пішінді, сарғыш-қоңыр түсті тау жынысы шамамен 680 миллион жыл бұрын геологиялық процестердің нәтижесінде қалыптасқан.
    Жартас күн мен жарықтың түсуіне байланысты түсін өзгертеді. Ол ашық қызғылт сарыдан қою күлгін түске дейін боялады.

  • Ирандағы Деште-Лут шөлі

    Аумағы 500 шаршы километрді құрайтың бұл жерді жергілікті тұрғындар Гендом Берьян ("күйдірілген бидай") деп атайды. Ыстық тасқа қойған таба нан толығымен жанып кетеді деген сенім бар. Мұнда, Деште-Лут шөлінде ауа райы үнемі ыстық болып тұрады. Алайда, бұл осы аймақтың жалғыз ерекшелігі емес. Шөлде алып тас түзілімдері бар. Ол әлемдегі ең биік құм төбелері саналады.

  • Африкадағы Чад көлі

    Ғарыштан Жер табиғаты жүрек пішінінде дайындаған ерекше "суретті" түсіру мүмкін болды. Африкадағы әйгілі Чад көлі - бұл ерекше табиғи нысан.
    Оның пайда болуы кейінірек көл ойпатына айналған жер қыртысының "майысуымен" байланысты. Бұл жануарлар мен құстардың көптеген түрлері паналайтын кең шөлді аймақтағы жалғыз су айдыны. Жергілікті тұрғындар оны "Сахара теңізі" деп атайды. Жалпы, жергілікті тілден аударғанда "чад" сөзі "үлкен су" дегенді білдіреді.
    Көлдің көлемі үнемі өзгеріп отырады. Ал ауытқулар айтарлықтай ауқымды болады. Бұл жаңбыр мен құрғақшылықтың ауысып отыруымен байланысты.

  • Түнгі Париж, Франция

    Париждің жарқыраған шамдары жапон астронавты Соити Ногутидің объективіне түсіп қалды. Париж мыңдаған жылдан бері Францияның астанасы болып отыр. Жалпы, бұл әлемдегіі ең романтикалық қала әрі қытырлақ круассандар мен ең дәмді шараптың отаны саналады. Сондай-ақ, сән саласындағы аса танымал сәнқойлардың мекеніне айналған.

  • Санта-Антан аралы

    1462 жылы теңіз саяхатшысы Диогу Афонсу Атлант мұхитындағы Санта-Антан (Кабо-Верде) аралын ашты. Архипелаг 10 үлкен және 5 шағын аралдан тұрады. Соның ішінде, желдің ығындағы аралдар тобына Санту-Антан, Сан-Висенте, Сан-Николау, адам тұрмайтын Санта-Лусия, Сал және Боавишта кірсе, жел жақ бетіндегі аралдар тобына Сантьягу, Брава, Фогу және Майу кіреді.

Кілт сөздер:
фото, ғарыш
Мұғалім

Солтүстік Қазақстан облысында он мектеп карантинге жабылды 

0
Жыл басынан бері өңірде 600 оқушыдан коронавирус анықталған.  Сондай-ақ 109 педагог ауырған. Оның ішінде 73 мұғалім штаттық режимде жұмыс істеген

НҰР-СҰЛТАН, 26 ақпан — Sputnik. Солтүстік Қазақстан облысында коронавирус салдарынан он мектеп карантинге жабылды, деп хабарлады облыстың бас мемлекеттік санитар дәрігері Әсет Жұматаев брифингте.

Жыл басынан бері өңірде оқушылар арасында коронавирус жұқтырған 600 жағдай тіркелген. Оның ішінде, 341 бала штатты режимде сабақ оқыса, коронавирус жұқтырған 259 оқушы қашықтан оқыған. Ал мұғалімдер арасында 109 педагогтен коронавирус анықталған. Оның ішінде 73 мұғалім штаттық режимде жұмыс істеген, деп нақтылады санитар дәрігер.

"Қазір он мектеп карантинге жабылған: Қызылжар ауданында - Соколовская, Сивковская және Кустовская орта мектептері, Мағжан Жұмабаев ауданында - Қарақоға және Полтава орта мектептері, қазақ тілінде оқытатын Еңбекші мектебі, Пролетарская бастауыш мектебі, Уәлиханов ауданында – Бидайық орта мектебі, Мүсірепов ауданында - Салқынкөл орта мектебі, Тайынша ауданында - Ильичевск орта мектебі", - деді Жұматаев.

Солтүстік Қазақстан облысының әкімі Құмар Ақсақалов ата-аналардың өтінішіне құлақ асып, келесі аптадан бастап балабақшалардағы кезекші сыныптардағы орындар санын арттыруға уәде етті.

Карантин жеңілдетілді: Нұр-Сұлтанның бас санитар дәрігері жаңа қаулыға қол қойды 

"Балабақшаларда қосымша орындар ашу жөнінде маған ата-аналардан көп өтініш келіп түседі. Пандемияға баланысты балабақша жұмысын шектеуге мәжбүр болдық. Сондықтан кезекші сыныптар тек жартылай жұмыс істеп тұр. Қазір аймақтағы жағдай біршама тұрақтанды. Біз "жасыл" аймаққа өттік. Бұл карантин шектеулерін біршама жеңілдетуге мүмкіндік береді. Сондықтан келесі аптадан бастап кезекші сыныптардағы орындар санын арттырамыз", - деп жазды өңір басшысы әлеуметтік желіде.

Құмар Ақсақалов осындай қиын кезеңде түсіністік танытып, шыдамдылық білдірген ата-аналарға алғыс айтты.

0
Кілт сөздер:
коронавирус, карантин
Тақырып:
Төтенше жағдай және карантин
Тақырып бойынша
Шығыс Қазақстан облысында карантин ұзартылды
Батыс Қазақстан облысында карантин жеңілдетілді
Қазақстанда 1 наурыздан бастап карантин жеңілдетіледі
Облыстардың бірінде карантин жеңілдетіледі