Ұлт өкілдерінің көрікті келбеті құндылықтар насихатына айналды – фото
Ресейлік фотографтың авторлық жобасы арқылы әйгілі "Сұлулық әлемді құтқарады" сөзі жаңа мағынаға ие болды.
Натальяның айтуынша, жобаның міндеті – бұл этно-мәдени жиынтықтың нақты ауқымын толық әрі жүйелі түрде шығармашылық сипатта көрсету. Бұл ретте оның санына емес, сапасына ден қойылып, әрбір этносты ерекше бейнелеуге мән беріледі.
Әдетте, әлем адамдар ойлағаннан әлдеқайда бай. Фотограф өзінің осы жобасымен әлемнің әр түкпіріндегі ұлттардың құндылықтарын ерекше етіп көрсеткісі келеді.
"Азаматтық шектеулерге байланысты әлемде өмір сүріп жатқан халықтардың шамамен 90%-і назардан тыс қалады. Өйткені олар тәуелсіз мемлекеттер ретінде ұсынылмайды", – деп санайды жоба авторы.
Оқи отырыңыз: Наурыз мейрамында ұлттық киім киген қыз-келіншектер – фото
"Ұлт келбетіндегі сұлулық" жобасын (The Ethnic Origins of Beauty) ЮНЕСКО мойындады және алғаш рет 2014 жылы наурызда ұйымның Париждегі штаб-пәтерінде Халықаралық әйелдер күніне арналған көрмеде ұсынылды.
ЮНЕСКО шеңберінде мойындалған The Ethnic Origins of Beauty жобасына әр ұлттың сұлу қыздары қатысады. Жоба қатысушысы – ағылшын-австралиялық этникалық топтың өкілі.
Жоба авторы Наталья Иванова жастық, сұлулық пен сүйкімділікті – ең әмбебап және түсінікті тіл деп санайды. The Ethnic Origins of Beauty жобасына қатысушы – нивх этникалық тобының қызы.
Жоба аясында кейіпкерлер фотографтың камерасына түсіп қана қоймай өзі жайлы айтып, өз ұлтының ерекше құндылықтары туралы да қысқаша баяндайды. The Ethnic Origins of Beauty жобасының түсірілім кезі.
Жобаның басты мақсаты сұлулықты паш ете отырып, ұлттық құндылықтарды насихаттау идеясы еді және солай болып қала береді. The Ethnic Origins of Beauty жобасында украин этносының қызы.
Жоба авторының айтуынша, этникалық әртүрлілікке назар аудару – әлемнің әр түкпіріндегі сұлулыққа бірдей таңданыс тудыратын жалпыадамзаттық құндылыққа айналды. The Ethnic Origins of Beauty жобасында орыс этносының қызы.
Әлемдегі ең кішкентай ұлттардың өзі Наталья Иванованың назарынан тыс қалмады және оның жоғары бағасына ие болды. The Ethnic Origins of Beauty жобасындағы түсірілім кезіндегі – тигринья қызы.
Тарихы қанша мыңжылдықты құраса да, әйелдің сұлулығы – сол ұлттың рухани кодын сақтаушы ретінде танылады әрі сол ұлттың мәдениетін түсінудің әмбебап стандарты болып қала береді. The Ethnic Origins of Beauty жобасында кхмер этникалық тобының қызы.
Жоба алғаш рет 2014 жылы таныстырылды. The Ethnic Origins of Beauty жобасында исландиялық этникалық тобының қызы.
Жоба өмір сүрген жеті жыл ішінде жүздеген әдемі тұлғалар әлемнің әр түкпіріндегі көрмелерде көрермендер көзайымына айналды. The Ethnic Origins of Beauty жобасындағы түсірілім кезіндегі езид қызы.
Жоба авторының басты мақсаты – әлем адамдарының "жүректеріне жетуге" деген ұмтылыс болды және солай болып қала береді. Абхаз этникалық тобының қызы The Ethnic Origins of Beauty жобасында.
Адамдарға әртүрлі келбеттегі шынайы сұлулықты көрсете отырып, оларға бір-бірін қабылдауды және өзара толеранттылықты үйрету – жобаның басты міндеті. The Ethnic Origins of Beauty жобасында реюньон этносының қызы.
Жоба шарты бойынша әр ұлттан үш фотопортрет қабылданады және сол кейіпкерлермен қысқаша сұхбаттасу жоспарланған. The Ethnic Origins of Beauty жобасының түсірілімінде (осетин қызы).
Шарт бойынша 18 бен 35 жас аралығындағы қыздар жобаға қатысуға шақырылады. The Ethnic Origins of Beauty жобасында вьетнам этносының қызы.
Оның сұхбатында қыздардың әрқайсысы өз ұлтына тиесілі екендігін сезінудің қандай болатыны туралы айтады. The Ethnic Origins of Beauty жобасында карелиялық этникалық топтың өкілі.
Жобаның веб-сайтында суретші түрлі ұлт қыздарының фотосуреттерінен коллаждар жасап, олардың айырмашылықтарына қарамастан бәрінің әдемі екенін көрсетеді. The Ethnic Origins of Beauty жобасында тунис қызы.
Кілт сөздер:
Әуезов театрының жаңа маусымы ашылды – фото
(Жаңартылды 18:19 14.10.2021)
13 қазанда Алматыда Мұхтар Әуезов атындағы Қазақ ұлттық драма театрының кезекті маусымының шымылдығы түрілді.
Жаңа маусымның ашылуына театрдың әртістері мен режиссерлері қатысты. Олардың арасында театр және кино актері Саят Мерекенов, режиссер Алма Кәкішева, актерлер Бақтияр Қожа,Бекжан Тұрыс, Асылбек Боранбай мен актрисалар Дәрия Жүсіп, Шынар Жанысбекова қатысты.
Театр ұжымы атынан жиналған қауымға ізгі тілегін театр директоры Еркін Жуасбек білдірді.
"Өнерден қуат алмаса, тіршіліктің шырағы сөнеді, дейді ұлы Мұхтар Әуезов. Пандемия дедік, шектеу қойдық, бірақ адамның қарны тойғанымен, рухы қашан да аш болуы керек. Осы аштықтан сақтасын деп отырғанда, пандемияның да қатты кезеңі артта қалған сияқты. Сондықтан мынау сахна, мына көрермен залы сіздерді қатты сағынды, ағайын. Театрдың өмірі сіздердің қолдарыңызда, жүректеріңізде, шапалақтарыңызда", - деді театр директоры Еркін Жуасбек.
Дәстүрге сай жаңа маусымда Мұхтар Әуезовтің бір шығармасы сахналанады. Театр директоры мұны театрдың жазылмаған заңы деп атады. Осылайша 96-маусымның ашылуына жиналған көрермен "Абай" спектаклін тамашалады.
Маусымашарда көрерменге арнайы "Сахна сәттері" көрмесі ұйымдастырылды. Ол жерде кейінгі 40 жыл ішінде театр сахнасындағы тарихи сәттерден фотолар қойылды.
Толығырақ Sputnik Қазақстан фотолентасынан көріңіз.
© Sputnik / Тимур Батыршин13 қазанда Алматыда Мұхтар Әуезов атындағы Қазақ ұлттық драма театрының 96-маусымы салтанатты түрде ашылды
© Sputnik / Тимур БатыршинМаусымашарға орай театр ішінде "Сахна сәттері" көрмесі ұйымдастырылды
© Sputnik / Тимур Батыршин Batyrshin Timur"Сахна сәттері" көрмесіне cоңғы 40 жыл ішінде театр сахнасындағы тарихи сәттерден фотолар қойылды
© Sputnik / Тимур БатыршинАрасында ертеректе қолданылған фотоаппараттар да бар
© Sputnik / Тимур Батыршин Batyrshin TimurТеатрының кезекті маусымының ашылуына театрдың әртістері мен режиссерлері қатысты
© Sputnik / Тимур БатыршинМаусымашарға қатысқандар арасында театр және кино актері Саят Мерекенов, режиссер Алма Кәкішева, актерлер Бақтияр Қожа, Бекжан Тұрыс, Асылбек Боранбай, актрисалар Дәрия Жүсіп Шынар Жанысбекова бар
© Sputnik / Тимур БатыршинТеатр ұжымы атынан жиналған қауымға ізгі тілегін театр директоры Еркін Жуасбек білдірді. "Мынау сахна, мына көрермен залы сіздерді қатты сағынды, ағайын. Театрдың өмірі сіздердің қолыңызда, жүрегіңізде, шапалағыңызда", - деді ол
© Sputnik / Тимур БатыршинДәстүрге сай жаңа маусымда Мұхтар Әуезовтің бір шығармасы сахналанады. Театр директоры мұны театрдың жазылмаған заңы деп атады
© Sputnik / Тимур Батыршин96-маусымның ашылуына жиналған көрермен "Абай" спектаклін тамашалады
© Sputnik / Тимур БатыршинТеатр ішінде барлық санитарлық талап сақталған. Көрермен медициналық маскада отырды, көрермендер арасында арақашықтық сақталды
© Sputnik / Тимур Батыршин"Абай" спектаклін сахнаға 90-ға жуық актер алып шықты
© Sputnik / Тимур БатыршинҚазақтың бас ақыны Абайдың рөлін актер Азамат Сатыбалды, Әйгерімнің рөлін Дәрия Жүсіп сомдады
© Sputnik / Тимур БатыршинҚойылымның қоюшы-режиссері Есмұхан Обаев, қоюшы-суретші Есенкелді Тұяқов
Кілт сөздер:
Сингапурде Қазақстанға арналған қызғалдақтар көрмесі өтті – фото
Сингапурлықтар мен жалпы туристер үшін танымал орын саналатын Gardens by the Bay ("Бұғаз жанындағы бақшалар") саябағы көздің жауын алатындай көрікті гүлдерге толды. Мұнда Қазақстан тәуелсіздігінің 30 жылдығына орайластырылған "Тюльпаномания" көрмесі өтіп жатыр.
Ұйымдастырушылардың айтуынша, Қазақстан қызғалдақтардың ежелгі отаны екенін насихаттау көрменің басты мақсаты болып отыр. Себебі алдымен Таяу Шығысқа, кейіннен Еуропаға қызғалдақ дәл осы қазақ даласынан жөнелтілген.
Gardens by the Bay шыны күмбезінің астына Жібек жолы базарлары, Қожа Ахмет Яссауи кесенесінің макеті, қазақ киіз үйі жайғастырылды. Киіз үй осы көрме үшін арнайы әзірленіп, Сингапурге арнайы рейспен жеткізілді.
Саябақ жетекшісі Феликс Лоудың айтуынша, аралдағы карантиндік шектеулерді есепке алғанда, көрмеге келушілер саны 200 мыңға жетуі әбден мүмкін.
Қазақстанның Сингапурдегі елшісі Аркен Арыстанов "Тюльпаноманияның" ашылу салтанатында бұл көрме екі ел арасындағы ынтымақтастыққа айрықша реңк беріп қана қоймай, Қазақстанды Жібек жолындағы маңызды буын және мәдениеті, дәстүрі мен рухы бай мемлекет ретінде танытуға ықпал етеді.
© REUTERS / LORIENE PERERAСингапурдегі Gardens by the Bay ("Бұғаз жанындағы бақшалар") оранжереясында ерекше көрме ашылды. Көрме ұйымдастырушыларының қатарында Қазақстан елшілігі де бар
© REUTERS / LORIENE PERERAОранжереяның іші хош иісті қызғалдаққа лық толды
Жүз мыңдаған гүл көмкерген Gardens by the Bay алаңында Қожа Ахмет Яссауи кесенесінің макеті де орналасқан
© REUTERS / LORIENE PERERAКөрме аумағы қызғалдақтардан құрастырылған кілемше іспеттес
© REUTERS / LORIENE PERERAКөрмеге келушілер Ұлы Жібек жолының аялдамалары мен оазис элементтері түрінде бейнеленген экспонаттарға үлкен қызығушылық білдіруде
© REUTERS / LORIENE PERERAGardens by the Bay ғимаратындағы әсемдікпен жабдықталған қазақ киіз үйі көпшілік назарын аударды
© REUTERS / LORIENE PERERAКарантин шектеулеріне қарамастан, Сингапур тұрғындары мен қонақтары бұл көрмеге ерекше қызығушылық танытып отыр
© REUTERS / LORIENE PERERAСингапурдегі көрмеге қойылған қызғалдақтарды көркем әрі ғажайып деп сипаттауға болады
© REUTERS / LORIENE PERERAАқпарат стендтерінде қазақ киіз үйіндегі әрбір жабдыққа түсініктеме берілген
© REUTERS / LORIENE PERERA"Тюльпаномания" деп аталғандықтан, бұл шарада қызғалдаққа баса назар берілген
© REUTERS / LORIENE PERERAКөрменің тағы бір бөлігі көне базар ретінде әсемделген. Мұнда гүлдер арасында түрлі тәтті мен жемісті көруге болады
© REUTERS / LORIENE PERERAСингапурдегі Gardens by the Bay көрмесі қарашаның ортасына дейін созылады
© REUTERS / LORIENE PERERAҚазақ киіз үйінің жабдықтары Сингапурдегі көрме үшін әзірленіп, арнайы рейспен жеткізілді
Жері заңсыз сатылып кеткен университет маңындағы тұрғындар үйсіз қалудан қорқады
(Жаңартылды 23:29 15.10.2021)
Халық университет мен әкімдік арасындағы соттың шешімі дұрыс болмай, үйсіз қаламыз деп үрейленіп отырНҰР-СҰЛТАН, 15 қазан – Sputnik. Қазақ ұлттық қыздар педагогикалық университетіне тиесілі жерді заңсыз саудалағандар ұсталды, деп хабарлады "Астана" телеарнасы.
Алматы облыстық сыбайлас жемқорлыққа қарсы қызмет агенттігі күдіктілердің 9 гектар жер телімін сатқандарын мәлімдеді.
Ал талан-таражға кеткен учаскілерді кезінде сатып алып, үй салған халық қайда барарын білмейді. Жер телімдері тұрғындарға 3 жыл бұрын сатыла бастаған. Учаскілерді олар заңды құжатпен алғандарын айтады.Халық ҚызПУ мен әкімдік арасындағы соттың шешімі дұрыс болмай, үйімізді тартып ала ма деп үрейленеді.
"Өзім 2019 да алдым жерді. Наурызда келіп фундамент құйдым. 80 процент халық тұрады осы жерде. Газ, су жүргізілді, өзіміздің ақшамызға жолды жөндеттік. Әр үй 40 мың теңгеден шығардық", - дейді Кемертоған ауылының тұрғыны Алмас Нұртазин.
Ал облыстық сыбайлас жемқорлыққа қарсы қызмет агенттігі жерді заңсыз сатқандарды анықтады. Күдікті ретінде білім ордасының бұрынғы қызметкері, "Азаматтарға арналған үкімет" облыстық филиалының Қарасай аудандық тіркеу және жер кадастры бөлімі, Қарасай ауданы әкімдігінің жер қатынастары бөлімі басшылары ұсталған.
"Біз де жәбірленуші тараптанбыз. Университеттің балансындағы меншік жоғалып отыр", - дейді университеттің ресми өкілі Жандарбек Асан.
Облыстық сыбайлас жемқорлыққа қарсы қызметі агенттігі күдіктілерге қатысты тиісті тергеу шаралары жүріп жатқанын айтты.
Білім ордасының басшылары тергеу амалдарының әділ жүргізілетіне үмітті. Ал халық маңдай терімен алған жер телімінің бір қарысын да қайтармауға бекінген. Олар енді қол жинап президент атына хат жазбақшы.