Ever Given кемесі Суэц каналындағы қайраңнан қалай шығарылды фото

105
Суэц каналының бұғатталуы жаһандық экономикаға орасан зор кері әсерін тигізді. Өзге кемелердің де жүрер жолын жауып қалған контейнер тасымалдаушы Ever Given кемесі қайраңнан шығарылды

Теңіз қызметтерін жабдықтаушы Inchcape Shipping мәлімдемесіне сәйкес, Суэц каналындағы кемелер қозғалысын тұралатқан Ever Given кемесі қайраңнан шығарылды.

Алайда, бұл учаскедегі су көлігінің қозғалысы қашан қайта жанданатыны белгісіз.

Қазіргі уақытта бес жүзге жуық кеме кезек күтіп тұр.

Сарапшылардың айтуынша, Ever Given кемесінің кептелісінен әлем экономикасы күніне он миллиард доллар зиян шекті.

Суэц каналы – әлемдегі кеме көп өтетін теңіз сауда жолының бірі. Каналдың ұзындығы – 160 шақырым, ені – 250 метр. Ал тереңдігі – 20 метр.

Оқи отырыңыз: Суэц каналындағы кептеліс: Ever Given кемесі әлемдік экономиканы қалай тоқтатты

Ол Жерорта мен Қызыл теңізді байланыстыратын канал арқылы кемелер Африка құрлығын айналмай-ақ, Еуропа мен Азия арасында қатынайды.

Ұзындығы 400 метр болатын контейнер тасымалдаушы Ever Given кемесі 24 наурыз күні Суэц каналының қайраңына шығып қалды. Бұл жүктемесі жоғары әлемдік теңіз сауда жолындағы қозғалысты тоқтатып тастады.

Кеме Қытайдан Нидерландыға қарай бет алған болатын.

Ever Given кемесін қайраңнан шығару қалай жүргізілгенін Sputnik-тің суреттер топтамасынан көріңіз.

105
  • © Sputnik / Mahmoud Ahmed

    Суэц каналынан өту үшін кезек күтіп тұрған кемелер. Ұзындығы 400 метр және жүк көтеруі шамамен 224 мың тонна болатын контейнер тасымалдаушы Ever Given кемесі Қытайдан Нидерландыға жол тартқан. Ол арнаның 151-ші километрінде қайраңға тіреліп, тұтас қозғалысты бұғаттап тастады.

  • © Sputnik / Ahmed Shaker

    Контейнер тасымалдаушы көлікті қайраңнан шығарудың алғашқы әрекеті сәтсіз аяқталды. Алайда, кезекті талпыныс оң нәтиже берді.

  • © REUTERS / Mohamed Abd El Ghany

    Суретте: Суэц каналындағы ішінара босатылған Ever Given кемесі.

  • © Sputnik / Press service of the Suez Canal

    Ever Given кемесі Суэц каналының 151-ші шақырымында қайраңға шығып қалды.

  • © Sputnik / Mahmoud Ahmed

    Ever Given кемесі кептелгендіктен, 450-ден астам кеме канал арқылы өту кезегін күтуге мәжбүр болды.

  • © Sputnik / Press service of the Suez Canal

    Суретте: Суэц арнасының 151-ші километрінде қайраңға тірелген Ever Given контейнер тасымалдаушы жанындағы буксир.

  • © REUTERS / Mohamed Abd El Ghany

    Суэц каналы – әлемдегі кеме көп өтетін теңіз сауда жолының бірі.

  • © Sputnik / Samuel Mohsen

    2019 жылы бұл канал арқылы 19 мың кеме 1,25 миллиард тонна жүк алып өткен. Бұл әлем саудасының 13 процентіне тең.

  • © REUTERS / Maxar Technologies

    Суэц каналындағы тосын оқиға мұнай бағасына да әсер етті.

  • © Sputnik / Ahmed Shaker

    Әлемдегі мұнай бағасы жұма күні күрт өсті. Себебі, Суэц каналындағы жағдай шикізат жеткізуге кері әсер етеді деген күдік туындады.

  • © REUTERS / Maxar Technologies

    Суретте: Суэц каналында кезек күтіп тұрған кемелердің жалпы көрінісі.

  • © REUTERS / Suez Canal Authority

    Ever Given кемесінің кептелісінен әлем экономикасы күніне он миллиард доллар зиян шекті.

Кілт сөздер:
кеме, контейнерлер, экономика

Мың бояулы қала: Алматының көктем шуағына бөленген келбеті фото

28
  • Весна в Алматы
  • Девушка в парке на скамейке
  • Весна в Алматы
  • Весна в Алматы
  • Весна в Алматы
  • Весна в Алматы. Расцвели Магнолии
  • Весна в Алматы
  • Весна в Алматы. Памятник Нургисе Тлендиеву
  • Весна в Алматы. Расцвели яблони
  • Весна в Алматы. Расцвели яблони
  • Весна в Алматы
  • Весна в Алматы
  • Весна в Алматы
  • Весна в Алматы
Коронавирус көктемнің келуіне кедергі емес. Себебі табиғат өз қарқынымен жаңарып жатыр. Ұзақ қыстан оянған көктемгі Алматының көрікті келбетін Sputnik материалынан тамашалаңыз

Алматыда көктем ерекше әсем. Пандемия мен коронавирусқа қатысты түрлі шектеулерге қарамастан табиғат тіршілігін тоқтатқан жоқ.

Оңтүстік астанада алма, магнолия мен басқа да жеміс ағаштары гүлдеп, айнала жасыл желек жамылып, далада хош иіс аңқыды.

Оқи отырыңыз: Сакура гүлдеді: карантиндегі Алматы көктемінің көрінісі – фото

Қала тұрғындары көп уақытын далада өткізіп, таза ауада жиі серуендейтін болған. Қыз-келіншектер де жеңіл киініп, сұлулықты еселей түсуде.

Sputnik Қазақстан фототілшісі Тимур Батыршин көктемгі қаланың бейнесі көрініс тапқан суреттер топтамасын әзірледі.

28
  • Весна в Алматы
    © Sputnik / Тимур Батыршин

    Сәуірде Алматы таңы ерекше әсем.

  • Девушка в парке на скамейке
    © Sputnik / Тимур Батыршин

    Саябақта серуендеу көтеріңкі көңіл-күй сыйлайды. Суретте: саябақтағы орындыққа жайғасқан алматылық бойжеткен.

  • Весна в Алматы
    © Sputnik / Тимур Батыршин

    Күн сәулесі ұзақ қыстан оянған қаланы шуағына бөлеп тұр.

  • Весна в Алматы
    © Sputnik / Тимур Батыршин

    Мұндай ауа райында төрт қабырғаға қамалып отырғың келмейді. Велосипед теуіп, самал желді сезінгенге не жетсін!

  • Весна в Алматы
    © Sputnik / Тимур Батыршин

    Айнала гүл мен хош иіске толы. Әсіресе бүр жарған магнолия жиі кездеседі.

  • Весна в Алматы. Расцвели Магнолии
    © Sputnik / Тимур Батыршин

    Мұндай тамаша көріністі суретке түсірмеу мүмкін емес.

  • Весна в Алматы
    © Sputnik / Тимур Батыршин

    Көк майсадағы сарғалдақтар да көздің жауын алардай.

  • Весна в Алматы. Памятник Нургисе Тлендиеву
    © Sputnik / Тимур Батыршин

    Алматы ауасынан көктемнің жұпар иісі аңқиды. Суретте: қазақтың дарынды сазгері Нұрғиса Тілендиевтің ескерткіші.

  • Весна в Алматы. Расцвели яблони
    © Sputnik / Тимур Батыршин

    Алма ағашы да гүлдеп тұр.

  • Весна в Алматы. Расцвели яблони
    © Sputnik / Тимур Батыршин

    Алматы ауасында осы жемістің иісі сезіледі.

  • Весна в Алматы
    © Sputnik / Тимур Батыршин

    Алматы көшелері әдемі киінген бойжеткендерге толы.

  • Весна в Алматы
    © Sputnik / Тимур Батыршин

    Қаланың қысқы суық кейпінен із де қалмаған.

  • Весна в Алматы
    © Sputnik / Тимур Батыршин

    Қала тұрғындары уақытының көп бөлігін далада, таза ауада өткізетін болған.

  • Весна в Алматы
    © Sputnik / Тимур Батыршин

    Көктемде оңтүстік астана ерекше сезімге бөлейді.

Кілт сөздер:
фото

Оңтүстік Кореядағы қос арал күлгін түске боялды фото

29
Оңтүстік Кореядағы Банвол мен Паркджи аралдары теңдессіз сұлулығымен туристерді баурап алады. Бұл аймақта айналаны күлгін түс көмкерген. Фотосессия жасап, көңіл-күйді көтеруге таптырмас орын! Фотодан тамашалаңыз!

Жергілікті билік Оңтүстік Кореядағы Банвол мен Паркджи аралдарын күлгін түске бояу туралы шешім қабылдады. Енді бұл өңірде үй мен көпірден бастап қоршау, шатыр, саябаққа дейін, тіпті қонақ үйлер де лаванда түстес.

Бұл креатив суретке түсу және серуендеу үшін келетін қонақтардың көңілінен шығып жатыр. Жалпы бастағы мақсат та осы еді – демалысқа арналған ерекше орын ұйымдастыру арқылы мейлінше көп туристер тарту.

Оқи отырыңыз: Әлемдегі ең үздік шағын қалалар рейтингі – фото

Лаванда мен қоңыраугүлге толы бұл аралдар нағыз ертегі әлеміне түскендей әсер береді.

Ерекше аралдардың таңғажайып суреттерін Sputnik материалынан тамашалаңыз.

29
  • © Sputnik / Ryu Seng-il

    Банвол мен Паркджи шағын аралдары Оңтүстік Кореяның астанасы Сеулден алты сағаттық жерде орналасқан. Оларды күлгін арал деп атайды.

  • © Sputnik / Ryu Seng-il

    Мұнда айналаның бәрі – ғимарат шатырлары, көпірлер, үйлер, қоғамдық көлік нәзік лаванданы еске салатын әдемі күлгін түске боялған. Суретте: туристер Оңтүстік Кореядағы Оңтүстік Чолла провинциясындағы Банвол мен Паркджи аралдарын байланыстыратын көпірдің үстімен кетіп барады.

  • © Sputnik / Ryu Seng-il

    Бұл жаққа жаяу немесе велосипед арқылы жетуге болады. Автокөліктерге жол жоқ.

  • © Sputnik / Ryu Seng-il

    Мұнда күлгін түсті дресс-код бар. Тамаша табиғатта серуендегісі келген туристер күлгін түсті киім киюлері керек. Әйтпесе ақы төлеуге тура келеді.

  • © Sputnik / Ryu Seng-il

    Бұл аралдарда күлгін қонақ үйлерде түнеп, мейрамханаларда күлгін астан дәм татуға болады.

  • © Sputnik / Ryu Seng-il

    Банвол мен Паркджиге ребрендинг жүргізу туралы ой кәрістерде 2015 жылы пайда болды. 2020 жылға дейін бұл идеяға 4,25 миллион доллар инвестицияланды.

  • © Sputnik / Ryu Seng-il

    Пандемия кезінде күлгін аралдың сұранысы артты.

  • © Sputnik / Ryu Seng-il

    Бірнеше жыл бұрын аймақта жаппай лаванда егілді. Көп ұзамай-ақ қырық мың өсімдік күлгін аралдардың әсемдігін еселей түсті. Суретте: Оңтүстік Кореядағы Оңтүстік Чолла провинциясындағы "күлгін" аралдарға қарай жол көрсетіп тұрған сілтеуіш.

  • © Sputnik / Ryu Seng-il

    Оңтүстік Кореядағы Оңтүстік Чолла провинциясындағы Банвол мен Паркджи аралдарын біріктіретін Періште көпірі.

Кілт сөздер:
Оңтүстік Корея, фото
Қасым-Жомарт Тоқаев

Мемлекет басшылары Тоқаевты құттықтап жатыр

0
Олар мемлекет басшысына зор денсаулық және бақыт тіледі, сондай-ақ бауырлас Қазақстан халқының одан әрі өсіп-өркендей беруіне тілектестік білдірді

НҰР-СҰЛТАН, 17 сәуір – Sputnik. Мемлекет басшысы Қасым-Жомарт Тоқаевтың атына қасиетті Рамазан айының басталуына орай шет мемлекеттердің басшыларынан және халықаралық ұйымдардың жетекшілерінен құттықтау хаттар мен жеделхаттар келіп түсуде, деп хабарлайды Ақорда.

Өзбекстан президенті Шавкат Мирзиёев жеделхатында Тоқаевқа ұзақ өмір, зор денсаулық және оның аса жауапты қызметіне табыс тілеп, бауырлас Қазақстан халқының өсіп-өркендей беруіне ниеттестік білдірген. Сондай-ақ ол екі ел арасындағы қарым-қатынастардың қарқынды дамып келе жатқанын атап өткен.

"Екі ел арасындағы тату көршілікке, жақын достыққа, өзара құрметке және қолдау көрсетуге негізделген стратегиялық серіктестік ортақ саяси ерік-жігеріміздің арқасында соңғы жылдары мүлде жаңа деңгейге көтерілгені күмәнсіз. Біздің табысты байланыстарымыз бен ұзақмерзімді серіктестігіміз одан әрі дами беретініне сенімдімін", – делінген Өзбекстан басшысының жеделхатында.

Сауд Арабиясының королі Салман бен Әбделәзиз Әл Сауд және Сауд Арабиясы Корольдігінің тақ мұрагері Мұхаммед бен Салман бен Әбделәзиз Әл Сауд өздерінің жеделхаттарында Қазақстан президентін қасиетті Рамазан айының басталуымен құттықтап, оған зор денсаулық және бақыт тілеген, сондай-ақ бауырлас Қазақстан халқының одан әрі өсіп-өркендей беруіне тілектестік білдірген.

Тағы оқыңыз: Рамазан-2021: маңызды 10 сұрақтың жауабы

Сонымен қатар Қазақстан президентіне Қатар әмірі Шейх Тамим бен Хамад Әл Тәни, Иордания королі II Абдалла, Оман сұлтаны Хайсам Бен Тариқ, Кувейт әмірі Шейх Наваф әл-Ахмад әл-Джабер Әс-Сабах, Кувейттің тақ мұрагері Мишаль әл-Ахмед әл-Джабер Әс-Сабах, Бахрейн королі Хамад бен Иса Әл Халифа, Марокко королі VI Мұхаммед, Египет президенті Әбдель Фаттах Әс-Сиси, Ирак президенті Бархам Салех, Палестина президенті Махмуд Аббас, Қатар шейхінің орынбасары Абдалла Бен Хамад Әл Тәни және Ислам ынтымақтастығы ұйымының бас хатшысы Юсеф әл-Осеймин өздерінің құттықтау хаттарын жолдады.

Биыл Рамазан айы 13 сәуірде басталып, 12 мамырда аяқталады. 8 мамырдан 9 мамырға қараған түн – қасиетті Қадір түні.

Пітір садақаның мөлшері жан басына 420 теңгені құрады.

0
Кілт сөздер:
Рамазан-2021, Қасым-Жомарт Тоқаев
Тақырып бойынша
Ақордада өткен кездесуде қырғыз президенті Тоқаевты таңғалдырды  
Тоқаев сыбайлас жемқорлыққа қарсы агенттіктегі ауыс-түйіс туралы айтты
Тоқаев жұмысын дұрыс атқармаған басшыны қызметінен босатуды бұйырды
Тоқаев кейбір салаларға қосымша қаражат бөлуді тапсырды