Қытайдағы үйлену тойы: су астында неке қию рәсімі фото

973
Қытайда үйлену тойын суретке түсіру - дамып келе жатқан әрі қомақты табыс көзі болатын бизнес. Заманауи қытайлықтар неке қию салтанатын ерекше өткізуге тырысады. Қытай жұптарының ертегідей ғажайып фотосессиялары жайында біздің топтамадан оқыңыз

Көктем – махаббат пен жылулықтың, жарқын көңіл-күй мен ғашықтық сезім маусымы. Ғашықтар жылдың осы мезгілінде некелесуді армандайды.

Қытайдағы үйлену тойы кезінде түсірілген ерекше, ашық әрі күтпеген суреттер біздің топтамызға енді. Бұл елде бір-бірінен озып түсетін айрықша фотосессиялар ұйымдастыру сәнге айналған.   

Жастар үйлену салтанатына дейін бірнеше ай бұрын фотосессия ұйымдастырады. Қытайлықтар өмірдегі ең бақытты сәттерінен естелік болатын мінсіз кадрлар қалдыру үшін бұл маңызды іске асықпай дайындалады.  

Сондықтан қазір Қытайда фотоиндустрия саласы қарқынды дамып жатыр. Әсіресе үйлену тойында өзіндік идеялары мен ұсыныстары бар фотографтар үлкен сұранысқа ие.

Оқи отырыңыз: Соғыс және табиғи апат кезіндегі үйлену тойы: ғажап суреттер

Эмоцияға толы әдемі кадр шығуы үшін жас жұбайлар сағаттап аяқтарынан тік тұруға дайын. Салтанатқа сай киімдерді жалға алып, шаштараз бен визажист сынды мамандардың қызметіне жүгініп, басқа елді мекендерге жолға шығатындары да бар.  

Қытай жастарының арасында үйлену тойының фотосессиясын неғұрлым әсерлі әрі әдемі етіп өткізу байлық пен салтанаттың белгісі. Олар бұл үшін суда жүзіп, ауада қалықтауға да дайын.

973
  • © AFP 2021 / Johannes Eisele

    Қытай ғашықтары су астында суретке түскенді ұнатады. Суретте: Шанхайдағы су астындағы фотосессия кезіндегі жастар.

  • © AFP 2021 / Noel Celis

    Қытайда қалыңдық пен күйеу жігіт үшін үйлену тойындағы суреттердің маңызы зор. Суретте: Бейжіңде фотосессияға дайындалып жатқан жас жұбайлар.

  • © AFP 2021 / Johannes Eisele

    Суреттердің сапалы шығуы үшін қалыңдық пен күйеу жігіттің туыстары қаражатын аямайды. Суретте: Шанхайдағы фотосессия кезіндегі жастар.

  • © AP Photo / Andy Wong

    Бұл елде фотосессия ресми некеге дейін өтеді. Суретте: Қытайдағы фотосессия кезіндегі қалыңдық.

  • © AFP 2021 / Hector Retamal

    Қытай жастары ертегі тақырыбында фототүсірілім ұйымдастырғанды ұнатады. Ол үшін айрықша декорация мен антураж таңдалады. Түсірілім студияда немесе табиғат аясында өтеді. Суретте: Уханьдағы фотосессия кезінде тас үстіне шыққан ғашықтар.

  • © AFP 2021 / Mark Ralston

    Фотосессияға бір күн уақыт кетуі мүмкін. Суретте: Шанхайдағы фотосессия кезінде қалыңдық пен күйеу жігіт секіріп суретке түсуде.

  • © AP Photo / Ng Han Guan

    Фотосессия үшін фотограф, стилист, шаштараз, визажист сынды мамандар тобы шақырылады. Суретте: Бейжіңдегі фотосессия кезіндегі жұп.

  • © AP Photo / Eugene Hoshiko

    Ерекше әрі креативті суреттердің артында бүтіндей бір команданың маңдай тер еңбегі тұр. Суретте: Шанхайдағы фотосессия кезінде қалыңдық көлеңкеде тынығуда.

  • © Sputnik / Anna Ratkoglo

    Қытай көшелерінде суретке түсіп жатқан әдемі киінген жас жұбайларды жиі кездестіруге болады. Суретте: Ухань көшесіндегі қалыңдық пен күйеу жігіт.

  • © AFP 2021 / Noel Celis

    Аспан асты еліндегі болашақ ерлі-зайыптылар үйлену тойы суреттеріне ерекше мән береді. Суретте: Уханьда күйеу жігіт қалыңдықты көтеріп тұр.

  • © AP Photo / Ng Han Guan

    Қытайлықтар фотосессияға аса үлкен жауапкершілікпен қарайды. Суретте: жас жұбайлар Бейжіңдегі саябақта суретке түсіп жатыр.

  • © AP Photo / Alexander F. Yuan

    Қалыңдық тек ақ түсті көйлек емес, қытайлықтар үшін дәстүрлі қызыл түсті киім киюі де мүмкін. Суретте: Бейжіңдегі Аспан ғибадатханасының алдындағы алаңда жас ерлі-зайыпты суретке түсіп жатыр.

  • © AFP 2021 / Noel Celis

    Әдетте фототүсірілім некеге тұру салтанатынан бірнеше ай бұрын ұйымдастырылады. Суретте: Бейжіңдегі Лама ғибадатханасының алдында суретке түсіп жатқан жастар.

  • © REUTERS / Tingshu Wang

    Кейде суретке түсу шарасы үйлену тойынан да маңызды болады. Суретте: Бейжіңдегі құм дауылы кезінде суретке түсіп жатқан жастар.

  • © Sputnik / Анна Раткогло

    Фотосессияға бірнеше сағат жұмсалуы мүмкін. Бұл уақыт аралығында қалыңдық пен күйеу жігіт бірнеше рет киім ауыстырып үлгереді. Суретте: Ухань көшесіндегі жас жұбайлар.

Кілт сөздер:
Қытай, үйлену тойы

Киберакула мен робот-иттер: Бейжіңде робототехника конференциясы өтті фото

25
Қытайда дүниежүзілік робототехника конференциясында болашақтың технологиялары көпшілік назарына ұсынылды. Көптеген кибержаңалық нағыз сенсация жасады

Мұны фантастика ақиқатқа айналған жағдай десе де болады. Бейжіңдегі робототехника конференциясына бүкіл әлемнен үш жүзге жуық сарапшы қатысты. Шара кезінде ұсынылған роботтар жаға ұстатты.

Мысалы, ғалым Альберт Эйнштейн бейнесі бойынша дайындалған робот нағыз сенсацияға айналды. Данышпанның "тіріліп кеткен" егізі жылы жүзді және сүйкімді болып көрінді. Ол көрермендердің сұрақтарына жауап беріп, көз қысып, күліп, қалжыңдады және би билеп те берді.

UBTech компаниясы ұсынған киберпанда да конференциядағы ерекше экспонат болды. Ол өзінің түрлі қылығы және әрекетімен ересектердің ғана емес, балалардың да көңілінен шықты.

Ал робот-акулаға әскерилер назар аударды. Бейжіңдегі Boya Gongdao Robot Technology компаниясы ұсынған Robo-Shark дроны су астындағы ерекше тапсырмаларды орындауға арналған. Кибернетикалық балықтың ұзындығы екі метрден асады және ол сағатына 18 километр жылдамдықпен жүзе алады.

Бейжіңде өткен Дүниежүзілік робототехника конференциясындағы басқа да ғажайып экспонаттар туралы Sputnik Қазақстан материалынан оқыңыз.

25
  • © REUTERS / Tingshu Wang

    EXRobots компаниясы ғалым Альберт Эйнштейн бейнесі бойынша дайындаған робот-гуманоид. Данышпан физиктің механикаландырылған егізі қытай тілінде сөйлеп, қалжыңдайды, тіпті билейді.

  • © AP Photo / Mark Schiefelbein

    Көрме жыл сайын өтеді және Қытайдың робототехника саласындағы соңғы жетістіктерін паш етеді. UBTech компаниясы ұсынған киберпанда да конференциядағы ерекше экспонат болды. Ол өзінің түрлі қылығы және әрекетімен ересектердің ғана емес, балалардың да көңілінен шықты. Қазір бүкіл БАҚ пен пабликтер панданы қызу талқылап жатыр.

  • © REUTERS / Tingshu Wang

    Көрмеде адамға қатты ұқсас роботтар да болды. Бұл соның бірі. Фантаст жазушылар болашақ жайлы жазғанда дәл осындай роботтарды сипаттаған.

  • © AP Photo / Mark Schiefelbein

    Көпшілікті таңғалдырған тағы бір жаңа техника. Робот-акулаға әскерилер назар аударды. Бейжіңдегі Boya Gongdao Robot Technology компаниясы ұсынған Robo-Shark дроны су астындағы ерекше тапсырмаларды орындауға арналған. Кибернетикалық балықтың ұзындығы екі метрден асады және ол сағатына 18 километр жылдамдықпен жүзе алады.

  • © AP Photo / Mark Schiefelbein

    Үй жануарлары үлгісінде дайындалған роботтар. Unitree компаниясы жаңа үлгідегі төрт аяқты робот-төбетті ұсынды. Киберит ауыр заттарды көтере алады және өнімділігі жоғары.

  • © REUTERS / Tingshu Wang

    DeepRobotics компаниясының мамандары да осыған ұқсас робот әзірледі. Көрме қонақтары Jueying X20 роботымен тілдесе алды.

  • © AP Photo / Ng Han Guan

    Пикачуге ұқсас мұндай сүйкімді роботтар болашақта адамның таптырмас көмекшісіне айналуы мүмкін.

  • © REUTERS / Tingshu Wang

    Патриоттық негізде дайындалған роботтар да бар. Мысалы, суреттегі мына робот Қытай Коммунистік партиясының тарихын айтып бере алады.

  • © REUTERS / Tingshu Wang

    Компанияның бірі күн энергиясын қолдану арқылы мұхит бетін қоқыстан тазартатын роботты ұсынды.

  • © AP Photo / Ng Han Guan

    Қытайдың ұлттық статистика бюросы ұсынған мәлімет бойынша, өнеркәсіптік роботтар өндірісі 2016 жылғы 72 мыңнан 2020 жылы 212 мығға дейін артты. Суретте: Бетперде киген ер адам Бейжіңдегі Дүниежүзілік робототехника конференциясы жанынан өтіп бара жатыр.

  • © AP Photo / Mark Schiefelbein

    Бұл роботтандырылған адам қолының үлгісі. Ол Қытай ғарыш станциясында қолданылады.

  • © AP Photo / Mark Schiefelbein

    Конференцияға әлемнің робототехника саласындағы 300-ге жуық сарапшысы қатысты.

  • © AP Photo / Mark Schiefelbein

    Кейбір жобалар экологияның бұзылуы сынды жаһандық проблемаларды шешуге бағытталған.

  • © AP Photo / Mark Schiefelbein

    Конференция аясында экспозициядан бөлек, сала өкілдері және ғалымдарға арналған форум ұйымдастырылды. Оған Германия, Италия, Канада, Қытай, Корея Республикасы, Ресей, АҚШ, Швейцария, Жапония және басқа елдердің сарапшылары қатысты.

Кілт сөздер:
фото

Қызыл кілемдегі сән: MTV Video Music Awards премиясына жұлдыздар не киіп келді - фото

51
  • Әнші Ашанти
  • Doja Cat пен SZA
  • Модель Винни Харлоу
  • Мадонна
  • Chloe x Halle дуэті
  • Оливия Родриго
  •  Symone мен Kandy Muse
  • Дженнифер Лопес
  • Меган Фокс
  • Кейси Масгрейвс
  • Белла Порч
  • Хлои Бейли
  • Доджа Кэт
  • Saweetie
Бір жарым жылға созылған локдаунда "шаң басқан" қызыл кілем MTV Video Music Awards салтанатты жиынында қайта төселді. Биылғы кеште ерекше киінген жұлдыздар көп болды

Уақыт өте келе қызыл кілем ерекше әрі есте қаларлықтай киімдердің жарысына айналды. Бұрын бұл жарысқа тек қыз-келіншектер қатысса, бүгінде ер адамдар да сәнді киіну мен стиль таңдауда қалыспай келеді.

2019 жылы қызыл кілем үстімен көйлек киіп жүріп өткен Билли Портер осы жылы күміс түстес шалбар-костюм және платформадағы аяқ киіммен шектелді. Ал америкалық рэпер Lil Nas X Портердің ізімен жүріп, MTV Video Music Awards алаңына иығы ашық және етегі ұзын күлгін түсті көйлекпен шықты. Музыкант "Жыл видеосы" сыйлығын иеленді.

Mugler брендінің көйлегін киген Меган Фокстың 31 жастағы сүйіктісі Колсон Бэйкер (Machine Gun Kelly) танымал спортшы Конор МакГрегордың жұдырығынан әзер аман қалды. Қызыл кілем үстінде даудың неден басталғаны белгісіз, бірақ күзет болмағанда, бұл жанжал төбелеске ұласатыны анық еді.

Музыка саласындағы беделді сыйлықты табыстау салтанатына МакГрегор алқызыл костюм киіп келді.

63 жастағы Мадонна мен 52 жастағы Дженнифер Лопес өз киімімен және жасара түскен кейпімен көрерменді таңғалдырды. Ал Doja Cat киген қызықты капюшоны бар костюмді ұнатқандар аз болды.

Марапаттау сәтінде әншінің өзі "Құрт кейпіндегі киіммен марапат аламын деп ойламадым" деп қалжыңдаған болатын. Оның бұл сөзі интернет кеңістігінде түрлі мемдердің пайда болуы себепші болды.

Танымал жұлдыздардың таңғаларлық киімін Sputnik Қазақстан материалынан тамашалаңыз.

51
  • Әнші Ашанти
    © REUTERS / Andrew Kelly

    MTV Video Music Awards премиясына келген әнші Ашанти. Ол салтанатты жиынға белбеулерден құралған көйлек киюді жөн көріпті.

  • Doja Cat пен SZA
    © REUTERS / Mario Anzuoni

    Doja Cat пен SZA бірлескен ең үздік Kiss Me More туындысы үшін марапат алып жатыр.

  • Модель Винни Харлоу
    © REUTERS / Andrew Kelly

    MTV Video Music Awards шарасына келген модель Винни Харлоу.

  • Мадонна
    © REUTERS / Mario Anzuoni

    63 жастағы Мадонна MTV Video Music Awards сахнасында таңғаларлық шоу көрсетті.

  • Chloe x Halle дуэті
    © REUTERS / Andrew Kelly

    Chloe x Halle дуэті MTV Video Music Awards сахнасында.

  • Оливия Родриго
    © REUTERS / Mario Anzuoni

    17 жастағы Оливия Родриго MTV Video Music Awards шарасында жасына сай киінгендердің бірі болды.

  •  Symone мен Kandy Muse
    © REUTERS / Andrew Kelly

    Symone мен Kandy Muse биылғы MTV Video Music Awards жиынында қанық түстерге басымдық беріпті.

  • Дженнифер Лопес
    © REUTERS / Mario Anzuoni

    MTV Video Music Awards марапатын табыстау сәтіндегі Дженнифер Лопес.

  • Меган Фокс
    © REUTERS / Andrew Kelly

    Меган Фокс MTV Video Music Awards салтанатты жиынына өзінің сүйіктісіне қолдау көрсетуге келді.

  • Кейси Масгрейвс
    © REUTERS / Andrew Kelly

    Кейси Масгрейвс MTV Video Music Awards марапаттау шарасына бастан-аяқ күлгін түсті киім киді.

  • Белла Порч
    © REUTERS / Andrew Kelly

    TikTok жұлдызы Белла Порчке етегі еденге жететін киіммен жүру расында да қиын болды.

  • Хлои Бейли
    © REUTERS / Mario Anzuoni

    Хлои Бейли Мадоннадан үлгі алып, MTV Video Music Awards сахнасына алқызыл боди киіп шықты.

  • Доджа Кэт
    © REUTERS / Mario Anzuoni

    MTV Video Music Awards сахнасында ән орындаған Doja Cat басына орындық көтеріп шықты.

  • Saweetie
    © REUTERS / Andrew Kelly

    MTV Video Music Awards салтанатты кешіне Saweetie классикалық ұзын және қимасы бар көйлек киді.

Кілт сөздер:
қызыл кілем, сән, жұлдыздар, фото
Тақырып бойынша
Қоқыстан жасалған BMW, "ақылды" электрокар мен болашақтың басқа да көліктері – фото
Сәнқой ит пен мысық: әсемдікке әуес жануарлар – фото
Аққу кейпіндегі суретшілер Кіші Талдыкөлді құрғатуға қарсылық білдірді - фото
Биік жартастан құлаған турист тікұшақпен эвакуацияланды - фото
Ресей мемлекеттік думасының депутаттарын сайлау

Ресейдегі сайлау: Қазақстанда дауыс беру учаскелері ашылды

0
Қазақстанда дауыс беру учаскелері бес қалада ашылды, олар таңғы сағат сегізден кешкі сегізге дейін жұмыс істейді

НҰР-СҰЛТАН, 19 қыркүйек –  Sputnik. Қазақстанда бес қалада сайлау учаскелері ашылды. Ол жерде Ресей азаматтары дауыс бере алады.

Ресейдің Мемлекеттік дума депутаттарының сайлауы 17 қыркүйекте басталған болатын. Бүгін - сайлаудың соңғы және негізгі күні. Осы жолы алғаш рет дауыс беру науқаны үш күнге созылып отыр. Негізгі мақсат – коронавирустық инфекцияның таралуына жол бермеу және санитарлық талаптарды барынша сақтау.

Сайлау аралас жүйе бойынша өтіп жатыр. Атап айтқанда, 225 депутат партиялық тізім бойынша сайланса, тағы 225 депутат бір мандатты сайлау округтарынан думаға өтеді. Олар бес жылға сайланады.

Биылғы сайлауға 14 партия қатысып отыр. Олар:

  • Ресей Федерациясының коммунистік партиясы;
  • "Жасылдар"
  • Ресейдің либералды-демократиялық партиясы;
  • Жаңа адамдар; 
  • "Біртұтас Ресей" партиясы;
  • Әділетті Ресей;
  • Яблоко;
  • Өсім партиясы
  • Ресейдің әділеттілік пен еркіндік партиясы;
  • Ресей коммунистері;
  • Азаматтық платформа;
  • Жасыл альтернатива;
  • Отан
  • Зейнеткерлер партиясы.

Партиялық тізімдер бойынша 3 812 кандидат тіркелсе, бір мандатты окрутардан 2 020 үміткер шықты. Мәскеу мен Санкт-Петербургте бәсекелестік жоғары болып тұр.

Орталық сайлау комиссиясының мәліметіне сәйкес, Ресейде тұратын дауыс берушілердің жалпы саны – 108 145 648 адам. Бұдан бөлек, шетелде 2 047 140 адам тұрады. Ал Байқоңыр қаласында 12 515 сайлаушы бар.

Қазақстанда жүрген ресейліктер қай жерде дауыс береді

Ресейдегі сайлауға байланысты Қазақстанда бірнеше дауыс беру учаскесі ашылып отыр. Олар бес қалада орналасқан.

Нұр-Сұлтан, Ресейдің мәдениет және ғылым орталығы, Кенесары көшесі, 39 үй. Ол жерде  Нұр-Сұлтан қаласы, Қостанай, Солтүстік Қазақстан, Ақмола мен Қарағанды облыстарының тұрғындары дауыс береді. Телефон: 8 (7172) 32-05-15, 8(7172) 44-08-05;

Алматы, Жандосов көшесі, 4 үй; телефон: 8 (727) 274-61-22;

Приозёрск, Офицерлер үйі, Кисунько көшесі, 1/2 үй; телефон: 8 (71039) 5-21-44;

Орал, Ресейдің бас консулдығы, Мұхит көшесі, 78 үй; телефон: 8 (705) 847-78-61;

Өскемен, Ресейдің бас консулдығы, Орджоникидзе көшесі, 2 үй; телефон: 8 (7232) 26-29-59.

Қазақстанда дауыс беру таңғы сағат 8.00-де басталып, кешкі 20.00-де аяқталады. 18 жастан асқан сайлаушы ғана дауыс бере алады. Ресей Федерациясының төлқұжаты болуы шарт.

Қазақстан атынан сайлауды кім бақылайды

14 қыркүйекте Қазақстанның Орталық сайлау комиссиясы Ресей федералдық жиналысының мемлекеттік дума депутаттарының сайлауына жіберілетін бақылаушылардың тізімін бекіткен болатын. Олар ТМД мен ШЫҰ атынан баратын бақылаушылардың құрамына кіреді. Қазақстандық делегацияның құрамына Орталық сайлау комиссиясы мен дипломатиялық корпус өкілдері енді.

0