Жаяу Мұса жасаған домбыра мен қобыз сақталған: Алматыда көрме ашылды - фото

66
  • Бабадан қалған сырлы әуен көрмесіне қойылған аспаптар
  • Жетіген, шертер, қобыз, сыбызғы, сазсырнай, асатаяқ, тұяқ, қоңырау секілді аспаптар қойылды
  • Халық әншісі Әміре Қашаубаевтың домбырасы
  • ҚазКСР халық әртісі Елубай Өмірзақовтың домбырасы
  • Абай Құнанбайұлының жары Ділдәнің домбырасы
  • Ділдә Алшынбайқызының домбырасы (екінші жағынан түсірілген фото)
  • Күләш Байсейітованың домбырасы
  • Көрмеге қойылған аспаптың бірі — тұяқтас. Ол сойылған жылқының тұяғынан жасалады
  • Қобыз – ішекті ыспалы музыкалық аспап
  • Асатаяқ – қазақ халқының ежелгі музыкалық аспабы. Асатаяқты абыздар мен бақсылар ұстаған
Алматыда мемлекеттік орталық музейде қазақтың дәстүрлі музыкалық аспаптарының "Бабадан қалған сырлы әуен" қор коллекциясы негізінде көрме өтіп жатыр. Ол Қазақстан Тәуелсіздігінің 30 жылдығына арналып ұйымдастырылған

Музей қорында 200-ге жуық музыкалық аспап бар. Мұнда дәстүрлі музыкалық аспаптың 30-ға жуық түрі қойылған: ішекті, үрмелі, тілшелі, соқпалы түрлері – жетіген, шертер, қобыз, сыбызғы, сазсырнай, асатаяқ, тұяқ, қоңырау және басқалары.

Оның арасында Қазақстанның көрнекті тұлғаларының аспаптар да бар. Мысалы көрмеге ақын Абай Құнанбайұлының жары Ділдәнің, халық әншісі Әміре Қашаубаевтың, ҚазКСР халық әртісі Елубай Өмірзақовтың домбырасы қойылған. 

"Көрме Қазақстан Тәуелсіздігінің 30 жылдығына арналып ұйымдастырылды. Мұнда Әміре Қашаубаевтың домбырасы қойылған. Аспапты 1970 жылдары халық әншісінің жары тапсырған. Бұл жерде Жаяу Мұсаның өзі жасаған домбыра мен қобызы бар. Музейге оның ұлы Салық сақтауға тапсырды", - деді орталық музейдің бөлім басшысы Маржан Жүнісова.

Сондай-ақ, геолог ғалым Қаныш Сәтбаевтың домбырасы да көрмеге қойылған. Музей қызметкерінің айтуынша, Сәтбаев тығыз жұмыс арасында уақыт тауып, қолына домбыра алып отырған. Ал музейге берілген домбыраны Сәтбаевқа досы сыйға тартқан. Ол геологтың кабинетінде біраз жыл құрметті орында тұрған. 1980 жылы қор коллекциясын толықтыру үшін геология музейінің қызметкерлері домбыраны сыйға тартқан.

Мұнда Күләш Байсейітованың жеке домбырасы да бар. Оны музейге әншінің туысы тапсырған. Бұл шамамен өткен ғасырдың 50 жылдары болған. Сол уақыттан бері домбыра музейде сақталып келеді.

Оқи отырыңыз: Алматыдағы Ұлы Жібек жолы көрмесі: ерекше артефактар фотосы

Абайдың жары Ділдә Алшынбайқызының домбырасы сүйекпен безендірілген. Домбыраға қарап оның жиі қолданылғанын аңғаруға болады.

Музей қызметкерінің сөзінше, Ділдә демалған сәтте қолынан домбырасын тастамаған болуы мүмкін. Алайда бұл домбыраны кім жасағаны белгісіз. Домбыраны музейге Абайдың үлкен ағасы Ысқақтың ұлы сыйға тартқан. Аспап 1978 жылы тапсырылды.

Көрме Алматы қаласы, Самал-1 ықшам ауданы, 44-үй мекенжайында орналасқан орталық музейде ашылды.

66
  • Бабадан қалған сырлы әуен көрмесіне қойылған аспаптар
    © Sputnik / Тимур Батыршин

    "Бабадан қалған сырлы әуен" көрмесіне қойылған аспаптар.

  • Жетіген, шертер, қобыз, сыбызғы, сазсырнай, асатаяқ, тұяқ, қоңырау секілді аспаптар қойылды
    © Sputnik / Тимур Батыршин

    Көрмеге жетіген, шертер, қобыз, сыбызғы, сазсырнай, асатаяқ, тұяқ, қоңырау секілді аспаптар қойылды.

  • Халық әншісі Әміре Қашаубаевтың домбырасы
    © Sputnik / Тимур Батыршин

    Францияны ерекше даусымен мойындатқан, күміс көмей, жез таңдай әнші Әміре Қашаубаевтың домбырасы.

  • ҚазКСР халық әртісі Елубай Өмірзақовтың домбырасы
    © Sputnik / Тимур Батыршин

    ҚазКСР халық әртісі, ұлттық театр өнерінің негізін қалаушылардың бірі Елубай Өмірзақовтың домбырасы.

  • Абай Құнанбайұлының жары Ділдәнің домбырасы
    © Sputnik / Тимур Батыршин

    Абай Құнанбайұлының жары Ділдәнің домбырасы.

  • Ділдә Алшынбайқызының домбырасы (екінші жағынан түсірілген фото)
    © Sputnik / Тимур Батыршин

    Ділдә Алшынбайқызының домбырасы (екінші жағынан түсірілген фото)

  • Күләш Байсейітованың домбырасы
    © Sputnik / Тимур Батыршин

    Қазақтың бұлбұл әншісі Күләш Байсейітованың домбырасы.

  • Көрмеге қойылған аспаптың бірі — тұяқтас. Ол сойылған жылқының тұяғынан жасалады
    © Sputnik / Тимур Батыршин

    Көрмеге қойылған аспаптың бірі — тұяқтас. Ол сойылған жылқының тұяғынан жасалады.

  • Қобыз – ішекті ыспалы музыкалық аспап
    © Sputnik / Тимур Батыршин

    Қобыз – ішекті ыспалы музыкалық аспап.

  • Асатаяқ – қазақ халқының ежелгі музыкалық аспабы. Асатаяқты абыздар мен бақсылар ұстаған
    © Sputnik / Тимур Батыршин

    Асатаяқ – қазақ халқының ежелгі музыкалық аспабы. Асатаяқты абыздар мен бақсылар ұстаған.

Кілт сөздер:
домбыра, көрме, Алматы

Ұйқыдағы жануарлар көз сүйсінерлік суреттер

89
Ұйқыдағы коала немесе абдан көріп пе едіңіз? Sputnik Қазақстан жануарлар ұйықтап жатқан сүйкімділікке толы сәттің суреттер топтамасын ұсынады

Көп жануар ұйықтағанды жақсы көреді. Олардың кейбірі тіпті қыс мезгілінде бірнеше айға ұйқыға кетеді.

Мысалы, коалалар тәуліктің 20 сағатын ұйқымен өткізеді. Ал ешкі мен қой күніне бірнеше рет ұйқытап алады. Мысықтар күн сайын 12-16 сағат бойы ұйықтайды.

Ал аю, қосаяқ, тасбақа, борсық, суыр, кірпі сынды мақұлықтар қыс маусымында ұзақ уақытқа ұйқыға кетеді.

Көктем – барлық тіршілік иесі ұйқысынан оянып, жердің бусанатын шағы. Ендеше тәтті ұйқыға кеткен жануарлардың сүйкімді суреттерін тамашалаңыз!

89
  • © AP Photo / DPA / Horst Ossinger

    Дуйсбург жануарлар бағында ұйқыға кеткен коала. Германия.

  • Қар үстінде бір мызғым алмақ болған хаскилер.

  • © AP Photo / Nati Harnik

    Омахтағы Генри Дурли хайуанаттар бағында тәтті ұйқыда жатқан арыстан күшіктері – абдандар. Шебраска штаты.

  • © Sputnik / Georgiy Bazaev

    Тбилисидге хайуанаттар бағында ұйықтап жатқан бегемот.

  • © AP Photo / Martin Meissner

    Дуйсбург хайнуататтар бағында горилла баласы анасының арқасында ұйықтап жатыр.

  • Ұйқыдағы жанат тіпті сүйкімді.

  • Ал итбалық баласы – ақүрпек жымиып ұйықтайды.

  • © Sputnik / Pavel Lisitsyn

    Екатеринбург хайуанаттар бағында ұйықтап жатқан түтіктістілер баласы.

  • © Sputnik / Natalia Seliverstova

    Мәскеу хайуанаттар бағындағы қызыл панда ағаш бөренеде қалғып жатыр.

  • © Sputnik / Vitaly Ankov

    Хайуанаттар бағында мекендейтін жеті айлық амур жолбарысы да тәтті ұйқыға кеткен.

  • © AP Photo / Sue Ogrocki

    Оклахома штатының Норман қаласындағы жануарларға арналған орталықта төрт апталық үш күшік бір-біріне жабысып ұйықтап жатыр.

  • © AP Photo / Lai Seng Sin

    Куала-Лумпурдегі Ұлттық хайуанаттар бағында ұйықтап жатқан панда.

  • © Depositphotos / Pakhnyushchyy

    Ұйқыдағы марғау.

  • © Sputnik / Maksim Blinov

    Мәскеу хайуанаттар бағындағы ақ аю арктикалық түс көріп жатқан сыңайлы.

Кілт сөздер:
сурет

Отты өзен: үрей мен қызығушылық сезімін қатар тудыратын жанартау кратерлері фото

38
Нағыз жүрек жұтқан фотографтар вулканға тым жақын барып, қайнап тұрған лава мен көз жетпес биіктіктегі түтінді суретке түсіріп алды. Бұл көріністер бойға үрей ұялатып қана қоймай, көз тоймайтын сұлулығымен баурайды

Ғаламшардың түрлі жерлерінде түсірілген осы фотолардың арқасында жанартау кратерлерінің ішіндегі құбылысты анық көруге болады.

Аузынан жалын атқан бұл "айдаһарларға" қатты жақындау арқылы фотографтар өте үлкен қатерге бас тігеді. Адам абайсызда осы лаваға құлап кетсе не боларын елестетудің өзі қорқынышты! Себебі балқыған тау жыныстарының температурасы мың градустан асады.

Бірақ осы қауіпке қарамастан кей фотографтар бұрын-соңды кездеспеген әдемі суреттерді түсіре алды.

Соңғы жылдары ғалымдар жер бетіндегі вулкан атқылауы жаһандық сипатқа айналуы мүмкін екенін жиі айтуда.

Оқи отырыңыз: Антарктидада зерттеу жүргізген ғалымдар бүкіл өркениетке қауіп төнгенін мәлімдеді

Мысалы, бірнеше апта бұрын Исландиядағы Гелдингадалсгос вулканының атқылауы дронның көмегімен видеоға түсірілді.

Сондай-ақ 6 мың жыл "ұйықтаған" Фаградалсфьяль вулканы "оянды".

Ал Сицилияда Еуропадағы ең ірі вулкан – Этна атқылады.

Жер шарының түрлі аймақтарында түсірілген вулкан кратерлерінің таңғаларлық суреттерін Sputnik Қазақстан материалынан көре аласыз.

38
  • Гавайи аралдарындағы Mauna Ulu жанартауының кратеріндегі лава.

  • Камчаткадағы Горелый жанартауының кратеріндегі лава көлі.

  • © REUTERS / Cat Gundry-Beck

    Исландиядағы жанартау атқылауының жақыннан қарағандағы көрінісі.

  • © REUTERS / Hereward Holland

    Конгодағы Ньирагонго жанартауының кратеріндегі лава көлі.

  • Гавайидегі Килауэа жанартауының кратеріне қарай құйылып жатқан лава ағыны.

  • Гавайидегі Килауэа жанартауының кратеріндегі лава көлі.

  • Гавайидегі Пуу-Оо жанартауының кратеріндегі лава көлі.

  • Никарагуадағы Масая жанартауының кратеріндегі лава суреті.

  • © CC0 / Geophile71 / Marum sept 2009

    Вануатудағы Амбрим жанартауының кратеріндегі лава.

  • Эфиопиядағы Эрта Але вулканының кратеріндегі лава көлінің таңсәрідегі көрінісі.

Нұр-Сұлтан

Нұр-Сұлтанда әлеуметтік пәтер саны 2018 жылмен салыстырғанда 9 есе өседі

0
(Жаңартылды 20:00 13.04.2021)
Көлгінов үйлердің сапасына, абаттандыруға ерекше назар аударуды, құрылыс қарқынын төмендетпеуді тапсырды

НҰР-СҰЛТАН, 13 сәуір – Sputnik. Нұр-Сұлтан әкімі Алтай Көлгінов әлеуметтік пәтерлер саны артқанын, сол сияқты Алматы ауданында бірқатар мектептің құрылысы жүргізіліп жатқанын мәлім етті, деп хабарлады елорда әкімдігінің ресми сайты.

"Елорда аудандарын "Нұр-Сұлтан - жайлы қала" мастер-жоспары аясында дамытып жатырмыз. Аудандар полиорталық қағидатына сай дамуда, яғни қажетті әлеуметтік нысандар жаяу қашықтықта орналасқан", — деп жазды қала әкімі Instagram парақшасында.

Көлгінов бүгін жеңілдікпен берілетін бірқатар қолжетімді тұрғын үй құрылысының барысымен танысты. Әлеуметтік тұрғын үй Алматы ауданында орналасқан. Тұрғын үй кешенінің бірінші қабаттарында оңалту орталықтары, балабақшалар, балаларға арналған үйірмелер және тағы басқа әлеуметтік нысандар ашылады.

Әкімнің айтуынша, Алматы ауданында бірқатар мектептің құрылысы жүргізіліп жатыр. Бұл бір мезгілде жаңа ТК тұрғындарының оқушы орындарына деген қажеттілігін жабуға мүмкіндік береді.

Оқи отырыңыз: "Бақытты отбасы" бағдарламасы бойынша өтінім қабылдау басталды 

"Үйлердің сапасына, абаттандыруға ерекше назар аударуды, құрылыс қарқынын төмендетпеуді тапсырдым. Сапасыз жұмыс қабылданбайды", - деді ол.

Көлгінов мемлекет басшысының тапсырмасына сәйкес жеңілдікпен берілетін қолжетімді тұрғын үй көлемін ұлғайту бойынша жоспарлы жұмыс жүргізіліп жатқанын атап өттіз. Биыл көрсеткішті 10 мың әлеуметтік пәтерге дейін көтеру жоспарланған. Көрсеткіш 2018 жылмен салыстырғанда 9 есеге артады.

2019 жылы 2900 әлеуметтік пәтер салынып, пайдалануға берілсе, өткен жылы 7 мыңнан астам пәтер салынды.

0