Онлайн-самурай: Токиодағы жауынгерлік өнер шебері виртуалды мектеп ашты фото

65
(Жаңартылды 18:00 08.04.2021)
Жапониялық жауынгерлік өнер шебері онлайн сабақ беріп жүр. Ол музыка мен қоян-қолтық ұрысты біріктіретін жаңа бағыт ойлап тапқан

Токио Олимпиадасын кейінге қалдыруға себепші болған коронавирус жапониялық танымал жауынгерлік өнер шеберін өз ісін пандемиялық шектеулерге икемдеуге ықпал етті.

"Жауынгер биі" – Бугакуды ойлап тапқан Косиро Минамото ұлттық жауынгерлік өнер түрлерін 2020 жылғы Олимпиада ойындары кезінде насихаттауды жоспарлаған болатын.

Ол жауынгерлік өнерді отыз бес жыл бойы меңгеріп, өзі ойлап тапқан бағытты он жылдан астам басқаларға үйретіп келеді. 2019 жылы Олимпиада қарсаңында ол өз мектебіндегі жөндеу жұмыстарына ауқымды қаражат жұмсап, мұнда шетелдік жанкүйерлер мен туристерге Бугаку үйретуді жоспарлаған.

Оқи отырыңыз: Жапонияда жазғы Олимпиада ойындарының алау эстафетасы басталды – фото

Бірақ Халықаралық Олимпиада комитетінің спорт шарасын кейінге қалдыру туралы шешімі, одан кейін шетелдік жанкүйерлердің төрт жылда бір болатын жарысқа қатысудан бас тартуы Минамото жоспарының күл-талқанын шығарды.

Қиындықтан мойымаған ұстаз бұл қысылтаяңнан шығу мақсатында техникалық мүмкіндіктерді пайдаланып, қашықтан оқытатын мектеп ұйымдастырды.

Қазір оның шәкірттері танымал онлайн-платформада бірлескен жаттығулар жасайды. Алайда Минамотоның пікірінше, онлайн үйрету барысында шәкірттердің қимыл-қозғалысын түзеу қиын. Бұл ұзақ уақыт бойы түсіндіруді талап етеді.

65
  • © REUTERS / Kim Kyung-Hoon

    "Жауынгер биі" Бугакуды ойлап тапқан Косиро Минамото ұлттық жауынгерлік өнер түрлерін 2020 жылғы Олимпиада ойындары кезінде насихаттау жоспарын іске асыра алмады.

  • © REUTERS / Kim Kyung-Hoon

    О баста ол өз мектебіне жауынгерлік өнерді үйренгісі келетін шетелдік жанкүйерлер мен туристер келеді деп жоспарлады.

  • © REUTERS / Kim Kyung-Hoon

    Минамото Олимпиада-2020 қарсаңында өз мектебінің ғимаратына күрделі жөндеу жүргізді. Бірақ пандемия жоспарды түбегейлі өзгертуге мәжбүрледі.

  • © REUTERS / Kim Kyung-Hoon

    35 жыл бойы жауынгерлік өнерді меңгерген азамат қол қусырып отыра алмады. Қазір ол қашықтан оқыту арқылы самурайлар тарихы мен өмірі жайлы әлемнің түрлі елдерінен жиналған студенттерге сабақ беруде.

  • © REUTERS / Kim Kyung-Hoon

    Өз өмірін ұлттық жауынгерлік өнер түріне арнаған Комиро Минамото планшет немесе ұялы телефон арқылы-ақ өз шәкірттерін баурап алады.

  • © REUTERS / Kim Kyung-Hoon

    Көне дәстүр мен заманауи технологияларды үйлестіре отырып, энтузиаст ұстаз өз шәкірттеріне каллиграфиялық жазбалар жазуды және семсермен жаттығулар кешенін орындауды үйретіп жүр.

  • © REUTERS / Kim Kyung-Hoon

    Самурай семсерлерінің коллекциясы - Косиро Минамотоның ерекше мақтанышы.

  • © REUTERS / Kim Kyung-Hoon

    Минамото ойлап тапқан Бугаку, яғни "жауынгер биі" дәстүрлі жапон операсының музыкасы және семсерлесуді біріктіреді.

Кілт сөздер:
фото

Мың бояулы қала: Алматының көктем шуағына бөленген келбеті фото

33
  • Весна в Алматы
  • Девушка в парке на скамейке
  • Весна в Алматы
  • Весна в Алматы
  • Весна в Алматы
  • Весна в Алматы. Расцвели Магнолии
  • Весна в Алматы
  • Весна в Алматы. Памятник Нургисе Тлендиеву
  • Весна в Алматы. Расцвели яблони
  • Весна в Алматы. Расцвели яблони
  • Весна в Алматы
  • Весна в Алматы
  • Весна в Алматы
  • Весна в Алматы
Коронавирус көктемнің келуіне кедергі емес. Себебі табиғат өз қарқынымен жаңарып жатыр. Ұзақ қыстан оянған көктемгі Алматының көрікті келбетін Sputnik материалынан тамашалаңыз

Алматыда көктем ерекше әсем. Пандемия мен коронавирусқа қатысты түрлі шектеулерге қарамастан табиғат тіршілігін тоқтатқан жоқ.

Оңтүстік астанада алма, магнолия мен басқа да жеміс ағаштары гүлдеп, айнала жасыл желек жамылып, далада хош иіс аңқыды.

Оқи отырыңыз: Сакура гүлдеді: карантиндегі Алматы көктемінің көрінісі – фото

Қала тұрғындары көп уақытын далада өткізіп, таза ауада жиі серуендейтін болған. Қыз-келіншектер де жеңіл киініп, сұлулықты еселей түсуде.

Sputnik Қазақстан фототілшісі Тимур Батыршин көктемгі қаланың бейнесі көрініс тапқан суреттер топтамасын әзірледі.

33
  • Весна в Алматы
    © Sputnik / Тимур Батыршин

    Сәуірде Алматы таңы ерекше әсем.

  • Девушка в парке на скамейке
    © Sputnik / Тимур Батыршин

    Саябақта серуендеу көтеріңкі көңіл-күй сыйлайды. Суретте: саябақтағы орындыққа жайғасқан алматылық бойжеткен.

  • Весна в Алматы
    © Sputnik / Тимур Батыршин

    Күн сәулесі ұзақ қыстан оянған қаланы шуағына бөлеп тұр.

  • Весна в Алматы
    © Sputnik / Тимур Батыршин

    Мұндай ауа райында төрт қабырғаға қамалып отырғың келмейді. Велосипед теуіп, самал желді сезінгенге не жетсін!

  • Весна в Алматы
    © Sputnik / Тимур Батыршин

    Айнала гүл мен хош иіске толы. Әсіресе бүр жарған магнолия жиі кездеседі.

  • Весна в Алматы. Расцвели Магнолии
    © Sputnik / Тимур Батыршин

    Мұндай тамаша көріністі суретке түсірмеу мүмкін емес.

  • Весна в Алматы
    © Sputnik / Тимур Батыршин

    Көк майсадағы сарғалдақтар да көздің жауын алардай.

  • Весна в Алматы. Памятник Нургисе Тлендиеву
    © Sputnik / Тимур Батыршин

    Алматы ауасынан көктемнің жұпар иісі аңқиды. Суретте: қазақтың дарынды сазгері Нұрғиса Тілендиевтің ескерткіші.

  • Весна в Алматы. Расцвели яблони
    © Sputnik / Тимур Батыршин

    Алма ағашы да гүлдеп тұр.

  • Весна в Алматы. Расцвели яблони
    © Sputnik / Тимур Батыршин

    Алматы ауасында осы жемістің иісі сезіледі.

  • Весна в Алматы
    © Sputnik / Тимур Батыршин

    Алматы көшелері әдемі киінген бойжеткендерге толы.

  • Весна в Алматы
    © Sputnik / Тимур Батыршин

    Қаланың қысқы суық кейпінен із де қалмаған.

  • Весна в Алматы
    © Sputnik / Тимур Батыршин

    Қала тұрғындары уақытының көп бөлігін далада, таза ауада өткізетін болған.

  • Весна в Алматы
    © Sputnik / Тимур Батыршин

    Көктемде оңтүстік астана ерекше сезімге бөлейді.

Кілт сөздер:
фото

Оңтүстік Кореядағы қос арал күлгін түске боялды фото

30
Оңтүстік Кореядағы Банвол мен Паркджи аралдары теңдессіз сұлулығымен туристерді баурап алады. Бұл аймақта айналаны күлгін түс көмкерген. Фотосессия жасап, көңіл-күйді көтеруге таптырмас орын! Фотодан тамашалаңыз!

Жергілікті билік Оңтүстік Кореядағы Банвол мен Паркджи аралдарын күлгін түске бояу туралы шешім қабылдады. Енді бұл өңірде үй мен көпірден бастап қоршау, шатыр, саябаққа дейін, тіпті қонақ үйлер де лаванда түстес.

Бұл креатив суретке түсу және серуендеу үшін келетін қонақтардың көңілінен шығып жатыр. Жалпы бастағы мақсат та осы еді – демалысқа арналған ерекше орын ұйымдастыру арқылы мейлінше көп туристер тарту.

Оқи отырыңыз: Әлемдегі ең үздік шағын қалалар рейтингі – фото

Лаванда мен қоңыраугүлге толы бұл аралдар нағыз ертегі әлеміне түскендей әсер береді.

Ерекше аралдардың таңғажайып суреттерін Sputnik материалынан тамашалаңыз.

30
  • © Sputnik / Ryu Seng-il

    Банвол мен Паркджи шағын аралдары Оңтүстік Кореяның астанасы Сеулден алты сағаттық жерде орналасқан. Оларды күлгін арал деп атайды.

  • © Sputnik / Ryu Seng-il

    Мұнда айналаның бәрі – ғимарат шатырлары, көпірлер, үйлер, қоғамдық көлік нәзік лаванданы еске салатын әдемі күлгін түске боялған. Суретте: туристер Оңтүстік Кореядағы Оңтүстік Чолла провинциясындағы Банвол мен Паркджи аралдарын байланыстыратын көпірдің үстімен кетіп барады.

  • © Sputnik / Ryu Seng-il

    Бұл жаққа жаяу немесе велосипед арқылы жетуге болады. Автокөліктерге жол жоқ.

  • © Sputnik / Ryu Seng-il

    Мұнда күлгін түсті дресс-код бар. Тамаша табиғатта серуендегісі келген туристер күлгін түсті киім киюлері керек. Әйтпесе ақы төлеуге тура келеді.

  • © Sputnik / Ryu Seng-il

    Бұл аралдарда күлгін қонақ үйлерде түнеп, мейрамханаларда күлгін астан дәм татуға болады.

  • © Sputnik / Ryu Seng-il

    Банвол мен Паркджиге ребрендинг жүргізу туралы ой кәрістерде 2015 жылы пайда болды. 2020 жылға дейін бұл идеяға 4,25 миллион доллар инвестицияланды.

  • © Sputnik / Ryu Seng-il

    Пандемия кезінде күлгін аралдың сұранысы артты.

  • © Sputnik / Ryu Seng-il

    Бірнеше жыл бұрын аймақта жаппай лаванда егілді. Көп ұзамай-ақ қырық мың өсімдік күлгін аралдардың әсемдігін еселей түсті. Суретте: Оңтүстік Кореядағы Оңтүстік Чолла провинциясындағы "күлгін" аралдарға қарай жол көрсетіп тұрған сілтеуіш.

  • © Sputnik / Ryu Seng-il

    Оңтүстік Кореядағы Оңтүстік Чолла провинциясындағы Банвол мен Паркджи аралдарын біріктіретін Періште көпірі.

Кілт сөздер:
Оңтүстік Корея, фото
Қасым-Жомарт Тоқаев

Мемлекет басшылары Тоқаевты құттықтап жатыр

0
Олар мемлекет басшысына зор денсаулық және бақыт тіледі, сондай-ақ бауырлас Қазақстан халқының одан әрі өсіп-өркендей беруіне тілектестік білдірді

НҰР-СҰЛТАН, 17 сәуір – Sputnik. Мемлекет басшысы Қасым-Жомарт Тоқаевтың атына қасиетті Рамазан айының басталуына орай шет мемлекеттердің басшыларынан және халықаралық ұйымдардың жетекшілерінен құттықтау хаттар мен жеделхаттар келіп түсуде, деп хабарлайды Ақорда.

Өзбекстан президенті Шавкат Мирзиёев жеделхатында Тоқаевқа ұзақ өмір, зор денсаулық және оның аса жауапты қызметіне табыс тілеп, бауырлас Қазақстан халқының өсіп-өркендей беруіне ниеттестік білдірген. Сондай-ақ ол екі ел арасындағы қарым-қатынастардың қарқынды дамып келе жатқанын атап өткен.

"Екі ел арасындағы тату көршілікке, жақын достыққа, өзара құрметке және қолдау көрсетуге негізделген стратегиялық серіктестік ортақ саяси ерік-жігеріміздің арқасында соңғы жылдары мүлде жаңа деңгейге көтерілгені күмәнсіз. Біздің табысты байланыстарымыз бен ұзақмерзімді серіктестігіміз одан әрі дами беретініне сенімдімін", – делінген Өзбекстан басшысының жеделхатында.

Сауд Арабиясының королі Салман бен Әбделәзиз Әл Сауд және Сауд Арабиясы Корольдігінің тақ мұрагері Мұхаммед бен Салман бен Әбделәзиз Әл Сауд өздерінің жеделхаттарында Қазақстан президентін қасиетті Рамазан айының басталуымен құттықтап, оған зор денсаулық және бақыт тілеген, сондай-ақ бауырлас Қазақстан халқының одан әрі өсіп-өркендей беруіне тілектестік білдірген.

Тағы оқыңыз: Рамазан-2021: маңызды 10 сұрақтың жауабы

Сонымен қатар Қазақстан президентіне Қатар әмірі Шейх Тамим бен Хамад Әл Тәни, Иордания королі II Абдалла, Оман сұлтаны Хайсам Бен Тариқ, Кувейт әмірі Шейх Наваф әл-Ахмад әл-Джабер Әс-Сабах, Кувейттің тақ мұрагері Мишаль әл-Ахмед әл-Джабер Әс-Сабах, Бахрейн королі Хамад бен Иса Әл Халифа, Марокко королі VI Мұхаммед, Египет президенті Әбдель Фаттах Әс-Сиси, Ирак президенті Бархам Салех, Палестина президенті Махмуд Аббас, Қатар шейхінің орынбасары Абдалла Бен Хамад Әл Тәни және Ислам ынтымақтастығы ұйымының бас хатшысы Юсеф әл-Осеймин өздерінің құттықтау хаттарын жолдады.

Биыл Рамазан айы 13 сәуірде басталып, 12 мамырда аяқталады. 8 мамырдан 9 мамырға қараған түн – қасиетті Қадір түні.

Пітір садақаның мөлшері жан басына 420 теңгені құрады.

0
Кілт сөздер:
Рамазан-2021, Қасым-Жомарт Тоқаев
Тақырып бойынша
Ақордада өткен кездесуде қырғыз президенті Тоқаевты таңғалдырды  
Тоқаев сыбайлас жемқорлыққа қарсы агенттіктегі ауыс-түйіс туралы айтты
Тоқаев жұмысын дұрыс атқармаған басшыны қызметінен босатуды бұйырды
Тоқаев кейбір салаларға қосымша қаражат бөлуді тапсырды