Қасиетті Рамазан: әлем елдеріндегі мұсылмандар ауызашарға не жейді фото

237
Барша мұсылман үшін қасиетті ай саналатын Рамазан да бел ортасына жақындап қалды. Бұл айда діндар жандар күндізгі уақытта ас-судан бас тартады

Жалпы исламның мұсылман баласы үшін айқындалған бес шартының бірі – Рамазан айында ораза ұстау. Бұл айрықша айда әлемдегі барша мұсылман тәні мен жанын нәпсіден тазартып, мейлінше жақсы амалдар жасап, сауап алуға тырысады.

Күн көкжиекке батып, қызыл шұғыласы көзден таса болған шақта ауыз ашады. Әр аймақта күннің батуы мен намаз уақыты әртүрлі болатындықтан, ауыз ашу уақыты да әр өңір үшін өзгеше болады.

Оқи отырыңыз: Рамазан-2021: Нұр-Сұлтанда ауызашар қоржындары таратылып жатыр - видео

Дәстүр бойынша су немесе құрмамен ауыз ашады және дастарханға дінмен тыйым салынбаған ас-ауқат қойылады.

Қазақстандағы діндар адамдар биыл мешітте дұға оқи алады. Алайда коронавирусқа байланысты жұма және жамағатпен оқылатын намазға рұқсат жоқ.

Елдегі мешіттерде мұқтаж жандар үшін ауызашарға азық-түлік жеткізу ұйымдастырылды. Бұл діни шара басқа елдерде қалай ұйымдастырылғанын суреттер топтамасынан көріңіз.

237
  • © REUTERS / Alaa Al-Marjani

    Қазақстанда секілді Иракта да мұқтаждар үшін мешіт жанына тегін ауызашар ұйымдастырылды.

  • © REUTERS / Alaa Al-Marjani

    Ирактың Ан-Наджаф қаласында діндарлар күн батқаннан кейін дастархан басына жиналып, бірге дұға жасайды.

  • © AFP 2021 / Hazem Bader

    Палестинаның Хеврон қаласында көшедегі сатушы Рамазан айына арнайы фалафель қуырып жатыр. Фалафель – Таяу Шығыста кең таралған ас. Ол сонау Мысырдан бастау алады. Бұл тағам бұршақ тұқымдас дақылдарды дәмдеуіш араластыру арқылы ыстық майда қуыру әдісімен әзірленеді. Ауыз бекіткендер мен вегетериандар арасында сұранысқа ие.

  • © REUTERS / Lim Huey Teng

    Коронавирус пандемиясы мұсылмандарға Рамазан айында ауыз бекітуге кедергі бола алмады. Суретте: Малайзияның Куала-Лумпур қаласындағы Тәуелсіздік алаңында ауыз ашып отырған бойжеткендер.

  • © REUTERS / Akhtar Soomro

    Көпшілікке тарату үшін күріш пен жеміс салынған ыдыстар. Ауызашар дастарханына міндетті түрде су, құрма, күріш пен жеміс кіреді. Карачи қаласы, Пәкістан.

  • © REUTERS / Hayam Adel

    Мысырдың Бени-Суеф қаласының тұрғыны өз үйінің жанында ауызашар ұйымдастыру үшін ұлттық нанды көтеріп келе жатыр.

  • © AP Photo / Manish Swarup

    Үндістанның Нью-Дели қаласындағы Джама мешітінің қызметкерлері ауызашар дастарханын әзірлеп жатыр.

  • © AP Photo / Farah Abdi Warsameh

    Сомалидың астанасы Могадишодағы Дарусалам ауданында лагерьдегі отбасын тамақтандыру үшін әйел ауызашарға құймақ әзірлеп жатыр.

  • © REUTERS / Mohammed Salem

    Газа секторының орталық бөлігіндегі Дейр-эль-Балах қаласында әйел Рамазан кезіндегі дәстүрлі тәтті тағам әзірлеп жатыр.

  • © AP Photo / Fadel Dawood

    Мысырлық әйел Бахни қаласының жанында апатқа ұшыраған пойыз маңын күзетіп тұрған әскерилерге ас беріп жатыр.

  • © REUTERS / Khaled Abdullah

    Санадағы дәмханалардың біріндегі йемендік аспаз ауызашарға арнап самса дайындап жатыр.

  • © REUTERS / Khalid Al-Mousily

    Ирактың Мосул қаласында ер адам ауызашар дастарханына жеміс қойып жатыр.

Кілт сөздер:
фото, ораза, Рамазан-2021

Өмір мен өлім, жеңіс пен жеңіліс: соғыс суреттері

53
  • Смерть солдата. Великая отечественная война 1941-1945 гг. Крымский фронт, Керченское направление апрель-май 1942 года.
  • Первые дни Великой Отечественной войны
Өртке оранған ауылдар, қаза тапқан сарбаздар, қоршаудағы Ленинград... Бұл кадрлар сонау сұрапыл соғыстың үрейі мен қорқынышын, Жеңіс үшін жанын қиған сарбаздардың ерлігін бейнелейді

Ресми мәліметке сәйкес, Ұлы Отан соғысы жылдарында 400-ден астам әскери тілші соғыс даласында еңбек етті. Олардың қатарында Макс Альперт, Евгений Халдей, Яков Рюмкин, Анатолий Гаранин, Всеволод Тарасевич, Марк Марков-Гринберг сынды танымал фотографтар да бар.

Әскери фотографтардың от пен оқтың ортасында жүріп, өз өмірлерін бәйгеге тіккені айтпаса да түсінікті. Олар соғыс даласындағы жағдайды суретке түсіріп, ахуал жайлы нақты деректер ұсынып отырды. Бұл соғыс жоспарын құру барысында өзекті рөл атқарды.

Кейде фотографтар арнайы құрастырылған көркем суреттер де түсірді. Бұл кадрлар мерзімді басылымның бірінші беттеріне басылып, соғыс кезінде кеңес халқын рухтандыруды мақсат етті. Әскери репортерлар мен танымал кадрлар жайлы біздің фотолентада.

Оқи отырыңыз: Отанға оралу: Ржев маңында қазақстандық жауынгерлердің сүйегі табылды – видео

Макс Альперт (1899-1980) — кеңестік фотограф және фоторепортер. Ол кеңестік репортажды суреттер топтамасын алғаш қолданғандардың бірі. Соғыс жылдарында Альперт тылда да, ұрыс даласында да еңбек етті.

Яков Рюмкин (1913-1986) — Ұлы Отан соғысы басталған уақыттан бері "Правда" газетінің фототілшісі қызметінде болды. Оның Сталинград шайқасы кезінде түсірген суреттері көбірек танымал. Украина, Молдова, Румыния, Венгрияны азат етуге фототілші ретінде қатысқан. Берлиндегі шайқасты да суретке түсірген.

Евгений Халдей (1917-1997) — ол соғыстың барлық 1418 күнінде иығына "Leica" камерасын асынып, Мурмансктан Берлинге дейін жүріп өтті. Ол түсірген іс-шаралардың қатарында сыртқы істер министрлерінің Париждегі кеңесі, Қиыр Шығыстағы жапондардың жеңілісі, Потсдамдағы одақтас держава басшыларының конференциясы секілді көптеген жиын-кеңестер бар.

Анатолий Гаранин (1912 - 1990) — Ұлы Отан соғысы кезіндегі ең мықты соғыс репортерінің бірі. Соғыс жылдарында "Фронтовая иллюстрация" газетінің тілшісі. Кеңес Армиясының түрлі майдандағы соғыс әрекеттерін суретке түсірген.

Марк Марков-Гринберг (1907-2006) — соғыс басталған алғашқы күннен бері майданда жүрген. Ол соғысқа байланысшы ретінде қатысқанымен, соғыс пен демалыс минуттарының ерекше сәттерін суретке түсіріп отырған. 1943 жылдан бері "Слово бойца" газетінің фототілшісі болған.

Всеволод Тарасевич (1919-1998) — кеңестік фотожурналистиканың классигі. Ұлы Отан соғысы басталған шақтан бері Солтүстік-Батыс саяси басқаруының, кейіннен Ленинград майданының фототілшісі болған.

53
  • © Sputnik / Max Alpert

    Макс Альперттің "Комбат" атты танымал жұмысы. Бұл сурет соғыстың символына айналды. Суретте: 18-армия 4-атқыштар дивизиясы 220-атқыштар полкінің кіші саяси жетекшісі Алексей Еременко жараланған рота командирі орнына тұрып, солдаттарды қарсы шабуылға бағыттау кезінде көз жұмды.

  • © Sputnik / Max Alpert

    Гитлершілер белорус ауылын өртеп жіберді. Беларусь, 1944 жыл.

  • © Sputnik / Yevgeny Khaldei

    "Рейхстагтағы Жеңіс белгісі" кадры, 1945 жыл. Бұл сурет соғыстың аяқталуын бейнелейтін Берлиннің ең танымал фотосы ретінде тарихқа енді.

  • © Sputnik / Yevgeny Khaldei

    Фашистік Германияның Кеңес Одағы аумағына басып кіруін хабарлау кезінде көшеге жиналған Мәскеу тұрғындары, 1941 жылдың 22 маусымы.

  • © Sputnik / Yevgeny Khaldei

    Соғыстың тағы бір танымал суреті. Фотода: кеңестік автоматшылар Граф айлағында соғысып жатыр, 1944 жыл.

  • © Sputnik / Max Alpert

    Кеңестік әйелдер мен балалар үйлеріне оралуда. Автор бұл фотоны "Туған ауылға қайтқанда" деп атады, 1943 жыл.

  • © Sputnik / Anatoliy Garanin

    Мәскеу түбінде тұтқынға алынған немістер бейнеленген сурет, 1941 жыл.

  • © Sputnik / Max Alpert

    Барлаушылар қорғаныс шебінен өтуде, 1943 жыл.

  • © Sputnik / Yakov Ryumkin

    "Бейбітшілік естеліктері" атты туынды. Сталинград, 1943 жыл.

  • Смерть солдата. Великая отечественная война 1941-1945 гг. Крымский фронт, Керченское направление апрель-май 1942 года.
    © Sputnik / Анатолий Гаранин

    Әскери фотограф Анатолий Гаранин Ұлы Отан соғысы кезіндегі ең әсерлі кадрлардың бірін түсіріп алды. "Сарбаздың өлімі" атты сурет фоторепортаждың классикасына айналды. Суретте: Қырым майданы, Керчь бағыты, 1942 жылдың сәуір-мамыр айлары.

  • © Sputnik / Max Alpert

    Соғыс кезіндегі артиллериялық есеп, Солтүстік Кавказ, 1943 жыл.

  • © Sputnik / Yevgeny Khaldei

    Зенитшілер азат етілген Севастополь аспанын күзетіп тұр, 1944 жыл.

  • © Sputnik / Vsevolod Tarasevich

    Жау қоршауындағы Ленинград тұрғындары аязды күні сынған су құбырынан су алып жатыр, 1942 жыл.

  • © Sputnik / Anatoliy Garanin

    Сталин атындағы механизация және моторизация әскери академиясы жанындағы танк полкі соғысқа аттанар алдында. Мәскеу, 1941 жылдың маусымы.

  • © Sputnik / Anatoliy Garanin

    Ленинградтағы Нева даңғылындағы аэростаттар, 1941 жыл.

  • Первые дни Великой Отечественной войны
    © Sputnik / Анатолий Гаранин

    Атыс кезінде анасы баласын денесімен бүркеп жатыр. Красная слобода ауылы, Брянск майданы, 1941 жыл.

  • © Sputnik / Yevgeny Khaldei

    Граф айлағы жанындағы Севастополь қирандыларындағы тұтқын немістер, 1942 жыл. Бұл сурет Севастопольді қорғау кезінде түсірілген.

  • © Sputnik / Yevgeny Khaldei

    Қызыл Ту орденді гвардиялық авиация полкінің жауынгерлері Ұлы Отан соғысы кезінде Севастополь аспанында, 1944 жыл.

  • © Sputnik / Mark Markov-Grinberg

    Кеңестік сарбаздар хаттарды сұрыптап жатыр. 2-Беларусь майданы. 1941-1945 жылдардағы Ұлы Отан соғысы.

  • © Sputnik / Анатолий Гаранин

    Мобилизация. Жауынгерлер легі майданға қарай бет алуда. Мәскеу, 1941 жылдың 23 маусымы.

  • © Sputnik / Mark Markov-Grinberg

    Оқу-жаттығу кезіндегі сарбаздар, Брянск майданы, 1942 жыл. Оқу-жаттығу кезінде танк сарбаздар жатқан окоптан өтіп жатыр.

  • © Sputnik / Yevgeny Khaldei

    Омолица ауылының тұрғындары Югославия жеріне бірінші болып ұшып келген кеңестік ұшқыш Семен Бойкоға қошемет көрсетуде, 1944 жыл.

  • © Sputnik / Yevgeny Khaldei

    Берлиндегі Александерплацтағы әскери реттеуші Мария Шальнева, 1945 жыл.

  • © Sputnik / Max Alpert

    Мәскеу, 1945 жыл. Жеңіс шеруі. Жеңілген фашист армиясының жалаулары Кремль қабырғасына қарай жығылуда.

  • © Sputnik / Anatoliy Garanin

    Әуедегі шабуылдан қорғану әскерінің прожекторлары Мәскеу аспанын жарықтандырып тұр, 1941 жылдың маусымы.

Кілт сөздер:
фотограф, фото, Ұлы Отан соғысы, соғыс

Билл Гейтс 27 жыл отасқан әйелімен ажырасты: миллиардер мұрасы қалай бөлінді фото

81
Әлемдегі ең бай жұп – Билл және Мелинда Гейтс отыз жылға жуық заңды некеден кейін ажырасуға бел байлады. Танымал ерлі-зайыптының өмірі жайлы қызықты деректерді төмендегі материалдан оқыңыз

Билл және Мелинда Гейтс 27 жыл бойы берік некенің үлгісі болып келді. Олардың ажырасу туралы шешімі көпті таңғалдырды әрі жабырқатты. Миллиардердің әйелі өз сөзінде олардың некесі құрдымға кеткенін және оны еш жағдай қалпына келтіре алмайтынын мәлімдеді. Ал кәсіпкер мұндай шешімге не түрткі болғаны жайлы жақ ашпады.

"Қарым-қатынасымызды жақсарту бойынша жұмыстар жасағаннан кейін біз ұзақ ойлана келе некені бұзу туралы шешім қабылдадық" – деп жазды жұбайлардың әрқайсысы өз Твиттер парақшасында.

Алайда олар қайырымдылық қоры аясындағы жұмыстарды бірлесіп жүргізе береді. Bill & Melinda Gates Foundation компаниясында олар тең төраға ретінде қалды.

Оқи отырыңыз: Билл Гейтс коронавирустан кейін адамзатқа қандай қауіп төніп тұрғанын айтты

Билл Гейтс – 65, Мелинда – 56 жаста. Олар ғаламшардағы ең бай адамдардың тізімінде төртінші орында тұр. Олардың мұрасы 130 миллиард долларға бағалануда. Сонымен қатар Microsoft негізін қалаушының жары әлемдегі ең  ықпалды әйелдердің қатарында.

БАҚ-тағы ақпаратқа сәйкес, ажырасқаннан кейін Мелинда Гейтс күйеуінің құны 1,8 миллиард доллар болатын құнды қағаздарына иелік етеді. Сондай-ақ Канада ұлттық теміржол компаниясындағы 1,5 миллиард доллар тұратын акциялар мен АҚШ-тағы Autonation ірі автоделдалының бағасы 300 миллион долларды құрайтын үлесі де бұйырды. Бұл Билл Гейтске тиесілі акциялардың шағын бөлігі ғана.

Миллиардтаған байлығына қарамастан, Гейтстер балаларына тек 10 миллион доллар көлемінде мұра қалдыру туралы шешім қабылдады. Экс-жұптың пікірінше, "тым көп ақша ешкімге жақсылық алып келмеген".

Гейтстер туралы қызықты фактілер мен фотоларды Sputnik материалынан тамашалаңыз.

81
  • © AP Photo / Elaine Thompson

    Ерлі-зайыптылар 1987 жылы Нью-Йоркте Microsoft іс-шарасы кезінде танысқан. Мелинда компанияда маркетинг жөніндегі менеджер қызметін атқарған. Суретте: Киркландтағы сұхбат кезіндегі Билл Гейтс пен оның әйелі Мелинда. Вашингтон штаты, 2019 жыл.

  • © AP Photo / Dave Weaver

    Билл Гейтс пен Мелинда 1994 жылдың 1 қаңтарында үйленді. Неке қию салтанаты Ланаи гаваи аралындағы гольфқа арналған алаңда өтті. Суретте: Гейтс пен әйелі неке қиылғаннан кейін бір аптадан соң, 1994 жыл.

  • © AFP 2021 / Adrian Dennis

    Мелинда Microsoft қызметкерлерінің жұмыс бабымен өткен кешкі аста Билл Гейтстің назарын өзіне аударған. Ол екеуі де бас қатырғыш есептерге қызыққан. Сондай-ақ миллиардердің болашақ жары кешкі ас кезінде оны математикалық ойын кезінде жеңген. Суретте: Билл Гейтс пен оның әйелі Мелинда Лондондағы Букингем сарайында, 2005 жыл.

  • © AFP 2021 / Getty Images North America / Jamie McCarthy

    Ерлі-зайыптының ортақ үш баласы бар: қыздары Дженнифер мен Фиби Адель және ұлы Рори. Суретте: Билл Гейтс пен оның әйелі Мелинда кіші қыздары Фиби Адельмен бірге, 2017 жыл.

  • © AP Photo / Andy Rogers

    Қазір Билл 65, ал Мелинда 56 жаста. Үйленгенге дейін миллиардер отбасылық өмір мен Microsoft-тағы қызметін бірге алып жүре алмаймын деп көп алаңдаған. Оның осыған қатысты күдігі де көп болған. Суретте: Билл Гейтс әйелімен бірге Сиэтлдегі Вашингтон университеті заң мектебінің жаңа ғимаратын ашу салтанатына қатысуда, 2001 жыл.

  • © AFP 2021 / Pool / Chris Young

    Билл мен Мелинда қайырымдылық қоры 2000 жылы құрылды және ол АҚШ-тағы ең ірі қор болып саналады. Білім беру және әлеуметтік бағдарламалардан бөлек, қор асқынған ауруларға қарсы дәрілерді әзірлеу жобаларын да қаржыландырады. Коронавирус пандемиясы басталғаннан бері бұл қор осы инфекцияны зерттеушілер мен вакцина әзірлеушілерге 1,7 миллиард доллар қаржы бөлді. Суретте: Билл Гейтс әйелі Мелиндамен бірге Ұлыбритания королевасы ІІ Елизаветамен кездесуде, 2005 жыл.

  • © REUTERS / Rick Wilking

    Forbes ақпараты бойынша, Билл Гейтс ғаламшардағы ең бай адамдардың тізімінде төртінші орында тұр. Оның мұрасы 130 миллиард долларға бағалануда. Сонымен қатар Microsoft негізін қалаушының жары әлемдегі ең ықпалды әйелдердің қатарында. Суретте: Билл Гейтс әйелі Мелиндамен бірге Сан-Валлидегі Allen & Co конференциясында. АҚШ, 2014 жыл.

  • © AP Photo / Elaine Thompson

    2021 жылдың ақпанында бұл ерлі-зайыпты АҚШ-тағы ең ірі жер иеленушілер ретінде танылды. Оларға 1 мың шаршы километр жер телімі, соның ішінде, Американың 19 штатындағы 979,3 шаршы километр ауыл шаруашылыққа арналған жер аумағы тиесілі. Суретте: Билл Гейтс әйелі Мелиндамен бірге Сиэтлдағы Bill & Melinda Gates Foundation ашылу салтанатында. Вашингтон штаты, 2011 жыл.

  • © REUTERS / Pool / Kamil Zihnioglu

    Мелинда Гейтс Далласта, "Аполлон" бағдарламасы аясында жұмыс істеген авиағарыш инженерінің отбасында өскен. Оның анасы үй шаруасындағы әйел болған. Суретте: Microsoft негізін қалаған Билл Гейтс әйелі Мелиндамен бірге Парижде, 2017 жыл.

  • © AP Photo / Gazi Sarwar

    Билл мен Мелинда балалары 14 жасқа толғанға дейін оларға ұялы телефон сатып алып бермеген. Бұл олардың отбасындағы қатаң қағида болған. Суретте: Ерлі-зайыпты Гейтстер Бангладеште, 2005 жыл.

  • © AP Photo / Aftab Alam Siddiqui

    Билл және Мелинда Гейтс үш баласына тек 10 миллион доллардан қалдыру туралы шешім қабылдаған. Бұл миллиардтаған мұраның тарыдай ғана бөлшегі. Өзара келісім бойынша қалған қаражат қайырымдылыққа жұмсалады. Суретте: Билл Гейтс пен оның әйелі Мелинда Үндістанда, 2011 жыл.

Кілт сөздер:
келісім, ажырасу, фотолента
Жошы хан кесенесі

Министр "Жошы хан" тарихи-мәдени кешені қашан ашылатынын айтты

0
Министрдің айтуынша, Тәуелсіздіктің 30 жылдығы аясында туризм саласында республикалық және өңірлік деңгейде 100-ден аса шара ұйымдастырылады

НҰР-СҰЛТАН, 14 мамыр – Sputnik. Осы жылдың маусымында Қарағанды облысында "Жошы хан" тарихи-мәдени кешені ашылады. Бұл туралы мәдениет және спорт министрі Ақтоты Райымқұлова айтты, деп хабарлайды Sputnik Қазақстан тілшісі.

"Киелі туризмді дамытуды ынталандыру және тарихи-мәдени нысандарға туристік қызығушылықты арттыру мақсатында маусым айының соңына қарай Қарағанды облысының Ұлытау ауданында "Жошы хан" тарихи-мәдени кешенін ашу жоспарланып отыр", – деді ол халыққа есеп беру кездесуінде.

Сонымен қатар, шілде айында Шығыс Қазақстан облысында "Абай жолымен" атты ақпараттық тур өткізу көзделуде.

Министр Тәуелсіздіктің 30 жылдығы аясында туризм саласында республикалық және өңірлік деңгейде 100-ден аса шара ұйымдастыру жоспарланып отырғанын айтты.

"Бүгінгі таңда мәдениет, әдет-ғұрып пен дәстүрлерді насихаттауға бағытталған этнотуризм ерекше өзектілік пен танымдылыққа ие. Осы бағытта маусым-қыркүйек айында Алматы қаласының туристік тартымды орындарында қолөнер шеберлерінің қатысуымен "Ұлы дала мұрасы" жәрмеңкесін өткізу жоспарлануда", – деді ол.

Оқи отырыңыз: Домалақ ана кесенесінің шырақшысы: Алматы әкімі әйелімен зиярат етіп, кейін ұлды болды

Сондай-ақ ұлттық тағамдар мен Қазақстан халықтарының тағамдарын танымал ету мақсатында түрлі фестивальдер өткізілмек.

0
Кілт сөздер:
Ақтоты Райымқұлова, мәдени нысандар
Тақырып бойынша
Депутаттар Ахмет Байтұрсынұлының 150 жылдығын ЮНЕСКО деңгейінде атап өтуді ұсынды
Ежелгі шаһар тарихын бейнелейтін нысан: Тараздағы "Тектұрмас" этно-тарихи кешені – фото
Мәдени іс-шаралар тоқтатылды, ал қаржы қалай игерілуде – министр жауап берді
Алтын Орданың құпиялары: археологтар ежелгі кесененің орнын тапты
Омбыда "Абай" мәдени-іскерлік үйі ашылды