Ежелгі шаһар тарихын бейнелейтін нысан: Тараздағы "Тектұрмас" этно-тарихи кешені фото

84
  • Шығыс стилінде салынған қақпа
  • Кешенге кіреберістегі баспалдақтар
  • Тараз өңірінен шыққан Тараз тарихының тұлғалары – он төрт қаған мен ойшыл ғұламаның есімі, билік еткен ғасырлары қашалып таңбаланған.
  • Баспалдақпен жоғары көтерілген соң ең биікте Тараз қаласының негізгі символы – ұлы Әулиеатаның ескерткіші тұр.
  • Әулиеата ескерткішінен сәл төменде көне шаһардағы тынымсыз тіршілікті құс ұшатындай биіктіктен тамашалауға арналған алаңша бар.
  • Алаңшаның ортасында арнайы биік тастан жасалған билік белгісі – Лауһа тұғыры орнатылған.
  • Қазір этно-тарихи кешен құрылысының екінші кезеңі қызу жүріп жатыр.
  • Тарихи кешеннің төменгі жағында су сарқырамасы салынады.
  • Осы көрікті нысанды қала тұрғындары мен қонақтары емін-еркін аралап, тамашалауы үшін тынығу орындары да қарастырылған.
  • Мұндағы әрбір бұйым тарихи үлгіде әзірленген.
  • Тектұрмас аумағында қызыл тасты жиі кездестіруге болады.
  • Бұл жаңа бой көтерген этно-тарихи нысанның жанындағы Тектұрмас кесенесі.
Қазақстанның ең көне қаласы саналатын Тараз жыл санап түлеп әрі түрленіп келеді. Бірақ жаңашылдыққа бет бұрған шаһар тарихи келбетінен айырылмай, кеше мен бүгіннің үлгісіне айналуда

2019 жылы Жамбыл облысының 80 жылдығы мерейтойына орай өңірде бірінен кейін бірі жаңа нысандар бой көтерді. Соның бірі – "Тектұрмас" этно-тарихи кешені.

Оқи отырыңыз: "Қазақстандағы Венеция": Түркістанда "Керуен-Сарай" туристік кешені ашылды – фото

Бұл айрықша нысан Талас өзенінің жоғарғы жағалауындағы "Тектұрмас" тауының биік таулы беткейінің 24 гектар аумағын алып жатыр. Ол тарихнама іспеттес бой көтерген. Себебі мұнда орналасқан мүсіндердегі жазулар Тараздың қалыптасу тарихынан сыр шертеді.

"Тектұрмас" кешенінің фотоларын Sputnik Қазақстан фотолентасынан көре аласыз.

84
  • Шығыс стилінде салынған қақпа
    © Sputnik / Ақмарал Шағатай

    Этно-тарихи кешен аумағына кіре бергеннен-ақ алып қақпа тектіліктің бейнесіндей елестейді. Шығыс стилінде салынған қақпаның биіктігі - 10, ені 14 метрді құрайды. Екі жағына күзет тұратын биік мұнаралар орнатылған. Мұнаралардың жанында бойы 2 метр, салмағы 300 килограмм болатын найза және қылышпен қаруланған сауытты қос жауынгердің мүсіні тұр.

  • Кешенге кіреберістегі баспалдақтар
    © Sputnik / Ақмарал Шағатай

    Кешенге кіреберістен басталатын баспалдақтар мен кешен ішіндегі жолдардың барлығы жергілікті табиғи қызыл тастан жасалған.

  • Тараз өңірінен шыққан Тараз тарихының тұлғалары – он төрт қаған мен ойшыл ғұламаның есімі, билік еткен ғасырлары қашалып таңбаланған.
    © Sputnik / Ақмарал Шағатай

    Баспалдақтың екі жағына ақ тастан жасалған ескерткіштерге Тараз өңірінен шыққан Тараз тарихының тұлғалары – он төрт қаған мен ойшыл ғұламаның есімі, билік еткен ғасырлары қашалып таңбаланған.

  • Баспалдақпен жоғары көтерілген соң ең биікте Тараз қаласының негізгі символы – ұлы Әулиеатаның ескерткіші тұр.
    © Sputnik / Ақмарал Шағатай

    Баспалдақпен жоғары көтерілген соң ең биікте Тараз қаласының негізгі символы – ұлы Әулиеатаның ескерткіші тұр. Салмағы 10 тонна болатын ақ түсті мәрмәр тастан құйылған еңселі ескерткіштің постаментінің биіктігі - 8 метр, ал мүсінінің биіктігі 13 метрді құрайды.

  • Әулиеата ескерткішінен сәл төменде көне шаһардағы тынымсыз тіршілікті құс ұшатындай биіктіктен тамашалауға арналған алаңша бар.
    © Sputnik / Ақмарал Шағатай

    Әулиеата ескерткішінен сәл төменде көне шаһардағы тынымсыз тіршілікті құс ұшатындай биіктіктен тамашалауға арналған алаңша бар. Сондай-ақ көз ұшында көрінетін асқар тау мен көк шөптен көрпе жамылған дала айналадағы пейзажға ерекше көрік береді.

  • Алаңшаның ортасында арнайы биік тастан жасалған билік белгісі – Лауһа тұғыры орнатылған.
    © Sputnik / Ақмарал Шағатай

    Алаңшаның ортасында арнайы биік тастан жасалған билік белгісі – Лауһа тұғыры орнатылған. Символикалық белгінің ең ұшар басында әлемді жаратушы Алла Тағаланың Құран Кәрімдегі ұлы сөзі "Алладан басқа ешбір тәңір жоқ. Ол тірі, толық меңгеруші" деген Құран сүресі жазылған. Лауханың осы Құран аятынан кейінгі төменгі жағында түркі халықтарының Тастағы тарихы – Күлтегіннің көне руна-түркі тіліндегі жазуы бейнеленген.

  • Қазір этно-тарихи кешен құрылысының екінші кезеңі қызу жүріп жатыр.
    © Sputnik / Ақмарал Шағатай

    Қазір этно-тарихи кешен құрылысының екінші кезеңі қызу жүріп жатыр. Оған сәйкес мұнда көне қалалардың үлгісіндегі қорғандар мен дуалдар пайда болады. Олардың бірқатары бой көтеріп те қойған. Тек ұсақ-түйек жұмыстары қалған.

  • Тарихи кешеннің төменгі жағында су сарқырамасы салынады.
    © Sputnik / Ақмарал Шағатай

    Сондай-ақ тарихи кешеннің төменгі жағында, монументалды қабырға мен Талас өзенін жалғайтын, тау басынан төгіле ағып жатқан каскадты су сарқырамасы салынады. Қазір сарқырама төңірегінде жұмыстар жүргізілуде.

  • Осы көрікті нысанды қала тұрғындары мен қонақтары емін-еркін аралап, тамашалауы үшін тынығу орындары да қарастырылған.
    © Sputnik / Ақмарал Шағатай

    Осы көрікті нысанды қала тұрғындары мен қонақтары емін-еркін аралап, тамашалауы үшін тынығу орындары да қарастырылған.

  • Мұндағы әрбір бұйым тарихи үлгіде әзірленген.
    © Sputnik / Ақмарал Шағатай

    Мұндағы әрбір бұйым тарихи үлгіде әзірленген.

  • Тектұрмас аумағында қызыл тасты жиі кездестіруге болады.
    © Sputnik / Ақмарал Шағатай

    Тектұрмас аумағында қызыл тасты жиі кездестіруге болады. Кейбірі ұсақ болса, ат басындай тастардан да аяқ алып жүре алмайсың.

  • Бұл жаңа бой көтерген этно-тарихи нысанның жанындағы Тектұрмас кесенесі.
    © Sputnik / Ақмарал Шағатай

    Бұл жаңа бой көтерген этнотарихи нысанның жанындағы Тектұрмас кесенесі. Ол X-XIV ғасырларға жататын сәулет ескерткіші. Бұл кесене жергілікті тұрғындар арасында Тектұрмас деп аталған, ал азан шақырып қойылған есімі Сұлтан Махмұт әулиенің жерленген жері. Кейбір деректерде оның Қарахан мемлекетінің әскербасы болғаны да айтылады.

Кілт сөздер:
Тараз, фото, тарих

Алматыдағы Ұлы Отан соғысының батырларына арналған ескерткіштер фото

73
(Жаңартылды 20:57 08.05.2021)
  • Алматыдағы 28 гвардияшыл-панфиловшылар атындағы саябақ
  • Даңқ мемориалы Ұлы Отан соғысындағы Жеңістің 30 жылдығына орай 1975 жылы 8 мамырда ашылды
  • Мемориалдың орталық бөлігі
  • Жеңіс күні қарсаңында Алматы әскери-патриоттық клубының тәрбиеленушілері Мәңгілік алау маңын күзетеді
  • Лабрадориттен жасалған текшелер
  • Бауыржан Момышұлының монументі
  • Момышұлы ескерткішінің жанына Ұлы Отан соғысы жылдарындағы артиллериялық қарулар орнатылған
  • Ұлы Отан соғысы жылдарындағы Балтық флотының флагманы – Киров Қызыл ту крейсерінің қаруы
  • Кеңес Одағының батыры, генерал-майор Иван Панфиловтың бюсті
  • Панфиловшылар аллеясы саябақтың ішінде Қазыбек би көшесінен Гоголь көшесіне дейін созылып жатыр
  • Аллеяның бойында екі жағында 28 батыр-панфиловшылардың есімі жазылған гранит тұғырлар орнатылған
  • 1993 жылы 28 гвардияшыл-панфиловшылар атындағы саябақ Алматы мемлекеттік тарихи-сәулет және мемориалдық қорығының құрамына енді
  • Кеңес Одағының батыры, қазақстандық пулеметші Мәншүк Мәметова мен мерген Әлия Молдағұловаға ескерткіш 1997 жылы орнатылды
  • Ол мегаполистің қақ ортасында, Астана алаңының алдындағы скверде орналасқан
  • Әскери киім киген Кеңес Одағының батыр қыздарының мүсіндері қара және сұр граниттен жасалған.
  • Отан ұлдарына мәңгілік естелік мемориалы Алматы қаласының Алатау ауданындағы Қарасу кентінде орналасқан.
  • 2019 жылдың күзінде ескерткішті бәзбіреулер бұзып кеткен
  • Отан үшін шайқаста қаза тапқан батырларға мәңгілік даңқ мемориалы Райымбек даңғылындағы орталық зираттың орталық аллеясында орналасқан.
  • Кеудесінде Даңқ ордені бар жауынгердің бейнесі
  • Ол жерге Алматы госпиталінде жарақаттан қайтыс болған 560 жауынгер жерленген
  • Жамбыл Жабаев ескерткіші Достық даңғылында Қабанбай батыр көшесінің жоғары жағында орналасқан.
  • Жыл сайын алматылықтар Ленинградтық өренім! өлеңі үшін ақынға құрмет көрсетеді
Бір жарым миллионға жуық қазақстандық Ұлы Отан соғысы жылдарында Отан үшін шайқасқа аттанып, қан майданға қатысты. Оның 600 мыңнан астамы ерлікпен қаза тапты

Алматыда ерлікпен қаза тапқан және қан майданда Отан үшін от кешкен қазақстандық батырларға арналған ескерткіштерді Sputnik фотолентасынан тамашалаңыз.

28 гвардиялық-панфиловшылар атындағы саябақ

Алматыдағы 28 гвардиялық-панфиловшылар атындағы саябақ қазақстандықтардың ерлігін еске салатын мегаполистің ең көрнекті орны саналады. Саябаққа бұл атау Мәскеуді қорғау кезінде Ұлы Отан соғысы жылдарында 316-шы атқыштар дивизиясының 1075-полкінің 28 жауынгерінің жасаған ерлігін есте сақтау мақсатында берілген.

Саябақтағы мәңгілік алау Даңқ мемориалы Ұлы Отан соғысындағы Жеңістің 30 жылдығына орай 1975 жылы 8 мамырда ашылды.

Мемориалдың ортасында ерліктің белгісі болып Мәскеуді ерлікпен қорғаған батыр-панфиловшылар бейнеленген. Оның алдында мәңгілік алау тұр. 2010 жылы саябақтың солтүстік жағында Кеңес Одағының батыры, панфиловшы, Мәскеу шайқасына қатысушы Бауыржан Момышұлының монументі орнатылды. Ол Панфилов дивизиясында Талғар атқыштар полкінің 1073-батальонына басшылық етті.

Саябаққа Оңтүстік жақтан кірген жерге 316-шы атқыштар дивизиясының командирі, Кеңес Одағының батыры, генерал-майор Иван Панфиловтың бюсті қойылған. Аты аңызға айналған командир 1941 жылы 18 қарашада Мәскеу маңындағы Гусенево ауылында қайтыс болды.

Генерал Панфилов ескерткішінен кейін бірден батыр-панфиловшылар аллеясы басталады. Ол саябақ аумағын Қазыбек би көшесінен Гоголь көшесіне дейін жалғасады. Оның бойында екі жағында 28 панфиловшы батырлардың есімі жазылған гранит тұғырлар орнатылған.

1993 жылы 28 гвардиялық-панфиловшылар атындағы саябақ Алматы мемлекеттік тарихи-сәулет және мемориалдық қорығының құрамына енді.

Әлия мен Мәншүк ескерткіші

Екі қазақстандық, Кеңес Одағының батырлары, пулеметші Мәншүк Мәметова мен мерген Әлия Молдағұловаға ескерткіш 1997 жылы мегаполистің қақ ортасында, Астана алаңының алдына орнатылды.

Әскери киім киген қыздардың мүсіні қара және сұр граниттен жасалған. Мүсінші Сатыбалдин қос қыздан бөлек ескерткішке Жер ғаламшары мен бейбітшіліктің символы көгершіндерді ұшырып тұрған сәбилерді де қосқан. Бұл жер бетінде мәңгі тыныш болсын деген ниеттен туған.

"Отан ұлдарына мәңгілік естелік"мемориалы

"Отан ұлдарына мәңгілік естелік" мемориалы Алматы қаласының Алатау ауданындағы Қарасу кентінде орналасқан. Оның ортасында сол қолында ППШ автоматы бар қазақстандық солдаттың мүсіні орналасқан кешен бар. Сол жақта, гранит плитасына Ұлы Отан соғысы жылдары және майданда қаза тапқан 96 қазақстандықтың фамилиясы жазылған.

Оқи отырыңыз: Нұр-Сұлтанда Талғат Бигелдиновтің алып мүсіні ашылды – фото

2019 жылдың күзінде бәзбіреулер түрлі-түсті металдардан жасалған мемориалдың бір бөлігін алып кетіп, бүлдірген. Ескерткіш әлі күнге дейін қалпына келтірілмеді. Қала билігі оны жылдың соңына дейін қалпына келтіруге уәде берді.

"Отан үшін шайқаста қаза тапқан батырларға мәңгілік даңқ" мемориалы

Ұлы Отан соғысын еске түсіретін бұл өте маңызды ескерткішті қала тұрғындары біле бермейді. Оған ескерткіштің орналасқан жері себеп болып отыр. Ол Райымбек даңғылындағы орталық зираттың орталық аллеясында орналасқан.

Ескерткіштің тарихы 1976 жылдан басталады. Ол жерге Алматы госпиталінде майданда алған жарақатынан қайтыс болған 560 жауынгер жерленген.

Жамбыл ескерткіші

1996 жылы Достық даңғылында Қабанбай батыр көшесінен жоғары орналасқан Жамбыл Жабаев ескерткіші бір қарағанда Ұлы Отан соғысын еске түсірмеуі мүмкін. Алайда мамыр мерекесінде оның жанында жыл сайын қала тұрғындары гүл шоқтарын қояды. Осылайша олар "Ленинградтық өренім!" өлеңін жазған ақынға құрмет көрсетеді.

Шығарма 1941 жылдың қыркүйегінде жарық көрген.

73
  • Алматыдағы 28 гвардияшыл-панфиловшылар атындағы саябақ
    © Sputnik / Тимур Батыршин

    Алматыдағы 28 гвардияшыл-панфиловшылар атындағы саябақ Ұлы Отан соғысындағы қазақстандықтардың ерлігін еске салатын мегаполистің ең көрнекті орны болып табылады

  • Даңқ мемориалы Ұлы Отан соғысындағы Жеңістің 30 жылдығына орай 1975 жылы 8 мамырда ашылды
    © Sputnik / Тимур Батыршин

    Мәңгілік алауы бар Даңқ мемориалы Ұлы Отан соғысындағы Жеңістің 30 жылдығына орай 1975 жылы 8 мамырда ашылды

  • Мемориалдың орталық бөлігі
    © Sputnik / Тимур Батыршин

    Мемориалдың орталық бөлігінде "Подвиг" атауымен Мәскеуді неміс-фашист басқыншыларынан ерлікпен қорғаған батыр-панфиловшылар бейнеленген

  • Жеңіс күні қарсаңында Алматы әскери-патриоттық клубының тәрбиеленушілері Мәңгілік алау маңын күзетеді
    © Sputnik / Тимур Батыршин

    Жыл сайын Жеңіс күні қарсаңында Алматы әскери-патриоттық клубының тәрбиеленушілері Мәңгілік алау маңын күзетеді

  • Лабрадориттен жасалған текшелер
    © Sputnik / Тимур Батыршин

    Лабрадориттен жасалған текшелер астына он екі батыр-қала мен Брест қамалынан әкелінген жер капсуласы салынған.

  • Бауыржан Момышұлының монументі
    © Sputnik / Тимур Батыршин

    2010 жылы саябақтың солтүстік жағында Кеңес Одағының батыры, панфиловшы, Мәскеу шайқасына қатысқан Бауыржан Момышұлының монументі орнатылды. Панфилов дивизиясында ол Талғар атқыштар полкінің 1073-батальонында командир болды

  • Момышұлы ескерткішінің жанына Ұлы Отан соғысы жылдарындағы артиллериялық қарулар орнатылған
    © Sputnik / Тимур Батыршин

    Момышұлы ескерткішінің жанына Ұлы Отан соғысы жылдарындағы артиллериялық қарулар орнатылған.

  • Ұлы Отан соғысы жылдарындағы Балтық флотының флагманы – Киров Қызыл ту крейсерінің қаруы
    © Sputnik / Тимур Батыршин

    Ұлы Отан соғысы жылдарындағы Балтық флотының флагманы – "Киров" Қызыл ту крейсерінің қаруы. 28 гвардияшыл-панфиловшылар саябағының солтүстік-шығыс кіреберісінде орнатылған.

  • Кеңес Одағының батыры, генерал-майор Иван Панфиловтың бюсті
    © Sputnik / Тимур Батыршин

    Саябаққа оңтүстік жақтан кіргенде 316-шы атқыштар дивизиясының командирі, Кеңес Одағының батыры, генерал-майор Иван Панфиловтың бюсті орналасқан.

  • Панфиловшылар аллеясы саябақтың ішінде Қазыбек би көшесінен Гоголь көшесіне дейін созылып жатыр
    © Sputnik / Тимур Батыршин

    Панфиловшылар аллеясы саябақтың ішінде Қазыбек би көшесінен Гоголь көшесіне дейін созылып жатыр.

  • Аллеяның бойында екі жағында 28 батыр-панфиловшылардың есімі жазылған гранит тұғырлар орнатылған
    © Sputnik / Тимур Батыршин

    Аллеяның бойында екі жағында 28 батыр-панфиловшылардың есімі жазылған гранит тұғырлар орнатылған.

  • 1993 жылы 28 гвардияшыл-панфиловшылар атындағы саябақ Алматы мемлекеттік тарихи-сәулет және мемориалдық қорығының құрамына енді
    © Sputnik / Тимур Батыршин

    1993 жылы 28 гвардияшыл-панфиловшылар атындағы саябақ Алматы мемлекеттік тарихи-сәулет және мемориалдық қорығының құрамына енді.

  • Кеңес Одағының батыры, қазақстандық пулеметші Мәншүк Мәметова мен мерген Әлия Молдағұловаға ескерткіш 1997 жылы орнатылды
    © Sputnik / Тимур Батыршин

    Кеңес Одағының батыры, қазақстандық пулеметші Мәншүк Мәметова мен мерген Әлия Молдағұловаға ескерткіш 1997 жылы орнатылды.

  • Ол мегаполистің қақ ортасында, Астана алаңының алдындағы скверде орналасқан
    © Sputnik / Тимур Батыршин

    Ол мегаполистің қақ ортасында, Астана алаңының алдындағы скверде орналасқан.

  • Әскери киім киген Кеңес Одағының батыр қыздарының мүсіндері қара және сұр граниттен жасалған.
    © Sputnik / Тимур Батыршин

    Әскери киім киген Кеңес Одағының батыр қыздарының мүсіндері қара және сұр граниттен жасалған.

  • Отан ұлдарына мәңгілік естелік мемориалы Алматы қаласының Алатау ауданындағы Қарасу кентінде орналасқан.
    © Sputnik / Тимур Батыршин Batyrshin Timur

    "Отан ұлдарына мәңгілік естелік" мемориалы Алматы қаласының Алатау ауданындағы Қарасу кентінде орналасқан.

  • 2019 жылдың күзінде ескерткішті бәзбіреулер бұзып кеткен
    © Sputnik / Тимур Батыршин Batyrshin Timur

    2019 жылдың күзінде ескерткішті бәзбіреулер бұзып кеткен. Ол қазірге дейін жөнделмеген. Ескерткішті қалпына келтіру 2021 жылға жоспарланған.

  • Отан үшін шайқаста қаза тапқан батырларға мәңгілік даңқ мемориалы Райымбек даңғылындағы орталық зираттың орталық аллеясында орналасқан.
    © Sputnik / Тимур Батыршин Batyrshin Timur

    "Отан үшін шайқаста қаза тапқан батырларға мәңгілік даңқ" мемориалы Райымбек даңғылындағы орталық зираттың орталық аллеясында орналасқан.

  • Кеудесінде Даңқ ордені бар жауынгердің бейнесі
    © Sputnik / Тимур Батыршин Batyrshin Timur

    Мемориалдың құрамына биіктігі тоғыз метрлік сүмбі мен сарбаздар есімі жазылған тұғыр және кеудесінде Даңқ ордені бар жауынгердің бейнесі кіреді.

  • Ол жерге Алматы госпиталінде жарақаттан қайтыс болған 560 жауынгер жерленген
    © Sputnik / Тимур Батыршин Batyrshin Timur

    Ол жерге Алматы госпиталінде жарақаттан қайтыс болған 560 жауынгер жерленген

  • Жамбыл Жабаев ескерткіші Достық даңғылында Қабанбай батыр көшесінің жоғары жағында орналасқан.
    © Sputnik / Тимур Батыршин Batyrshin Timur

    Жамбыл Жабаев ескерткіші Достық даңғылында Қабанбай батыр көшесінің жоғары жағында орналасқан.

  • Жыл сайын алматылықтар Ленинградтық өренім! өлеңі үшін ақынға құрмет көрсетеді
    © Sputnik / Тимур Батыршин Batyrshin Timur

    Жыл сайын алматылықтар "Ленинградтық өренім!" өлеңі үшін ақынға құрмет көрсетеді

Кілт сөздер:
Жеңіс күні, жеңіс

Әйгілі жазушы Сәбит Мұқанов өмірінің соңында қайда тұрды фото

135
  • Сәбит Мұқанов пен жары Мәриям Мұқанованың суреті
Алматыдағы Сәбит Мұқановтың мемориалдық-музей үйі 6 бөлмеден тұрады. Оның үшеуі – мемориалдық бөлім, үшеуі – әдеби бөлім

Әдеби бөлімде жазушының өмір жолын, қызметін баяндайтын, шығармашылық шеберханасынан сыр шертетін көптеген құнды құжаттар, фотосуреттер, қолжазбалар қойылған.

Мемориалдық бөлімде жазушының жұмыс кабинеті, қонақ бөлмесі мен демалыс бөлмелері қаз қалпында, жазушының тірі кезіндегі қалпын сақтаған.

Музей 1978 жылы ашылған. Музейді ашу туралы қаулы 1976 жылы шықты. Музей ішіндегі барлық затты Сәбит Мұқановтың жары Мәриям Мұқанова қаз қалпында өткізген. Мәриям Мұқанова Сәбит Мұқанов қайтыс болған соң бұл үйде екі жыл тұрған, содан кейін жаңа пәтер берілген соң сол жаққа көшкен.

Мұражайда 8 мыңнан аса экспонат бар. Оның ішінде Сәбит Мұқановтың қос домбырасы, бірнеше радио бар. Жеке бөлмесіндегі кітап сөресін арнайы тапсырыспен жасатқан. Ол жерде арнайы диван қоятын орын мен кітаптарды табуға оңай болуы үшін картотеканы әліпби бойынша орнатқан. Мұражай ішінде барлығы 4 мыңға жуық кітап қоры сақталған.

Тағы оқыңыз: Сөз зергері Ғабит Мүсірепов 17 жыл тұрған үйдің қазіргі келбеті – фото

Мұқанов бұл үйде 1965 жылдан 1973 жылға дейін тұрған. Жазу үстелінде қолданған заттары қойылған. Жеке жұмыс бөлмесінде Сәкен Сейфуллиннің фотосуреті тұр. Ол Сейфуллинді өзінің ұстазы санаған.

Айта кетейік, Үкімет қаулысымен 1999 жылы Сәбит Мұқановтың музей-үйі және Ғабит Мүсіреповтің музей-үйі әкімшілік-басқару жағынан біріктіріліп, "Сәбит Мұқанов пен Ғабит Мүсіреповтің мемлекеттік әдеби-мемориалдық музей кешені" болып қайта құрылды. 2015 жылдан бастап Алматы қаласы мәдениет басқармасының "Алматы қаласы музейлер бірлестігі" құрамына кірді.

Сәбит Мұқановтың музей-үйінен түсірілген суреттерді Sputnik Қазақстан фотолентасынан көре аласыз.

135
  • © Sputnik / Тимур Батыршин

    Әдеби бөлімде жазушының өмір жолын, қызметін баяндайтын, шығармашылық шеберханасынан сыр шертетін көптеген құнды құжаттар, фото-суреттер, қолжазбалар қойылған

  • © Sputnik / Тимур Батыршин

    Мемориалдық бөлімде жазушының жұмыс кабинеті, қонақ бөлмесі мен демалыс бөлмелері қаз-қалпында, жазушының тірі кезіндегі қалпын сақтаған

  • © Sputnik / Тимур Батыршин

    Сәбит Мұқановтың жұмыс бөлмесі

  • © Sputnik / Тимур Батыршин

    Мұражайда 8 мыңнан аса экспонат бар, оның тең жартысы қаламгер көзі тірісінде жинаған кітаптар

  • Сәбит Мұқанов пен жары Мәриям Мұқанованың суреті
    © Sputnik / Тимур Батыршин

    Сәбит Мұқанов пен жары Мәриям Мұқанованың суреті

  • © Sputnik / Тимур Батыршин

    Бала Сәбиттің суреті қойылған бөлме. Бұл жерде туған жерінің бір уыс топырағы мен бір уыс бидайы қойылған. Сондай-ақ қаламгер туып-өскен жұпыны үйдің макеті де бар

  • © Sputnik / Тимур Батыршин

    Сәбит Мұқанов пен жарының жатын бөлмесі. Бөлме ерлі-зайыптылар тұрған кездегі қалпын сақтап қалған. Ішіне қаламгер мен жарының киімдері, жеке бұйымдары қойылған

  • © Sputnik / Тимур Батыршин

    Қаламгер қолданған сия сауыт

  • © Sputnik / Тимур Батыршин

    Сәбит Мұқановтың домбырасы. Мұражайда екі домбыра бар. Бірі жұмыс бөлмесіне, бірі қонақ бөлмеде тұр

  • © Sputnik / Тимур Батыршин

    Мәриям Мұқанованың көйлегі

  • © Sputnik / Тимур Батыршин

    Сәбит Мұқанов Ақмола губерниясында 1900 жылы сәуірде кедей отбасыда дүниеге келген. Сәбит жеті жасқа толғанда әкесі, сегізге келгенде анасы қайтыс болған. Ол ағасы Мұстафаның қолында ержетті. Фотода Сәбит туған үй

  • © Sputnik / Тимур Батыршин

    Сәбит Мұқанов жұмыс бөлмесіндегі кітап сөресін арнайы тапсырыспен жасатқан. Ол жерде арнайы диван қоятын орын мен кітаптарды табуға оңай болуы үшін картотеканы әліпби бойынша орнатқан. Мұражай ішінде барлығы 4 мыңға жуық кітап қоры сақталған

  • © Sputnik / Тимур Батыршин

    Қаламгердің депутаттық билеті. Фотода 1955 жылы 4 шақырылымның депутаты болып сайланғанын және 1959 жылы 5 шақырылым депутаты болып сайланғанын растайтын құжат. Ол сондай-ақ, 3 және 8 шақырылым депутаты болған

  • © Sputnik / Тимур Батыршин

    Сәбит Мұқанов 1967 жылы Қазақ ССР-нің әдебиет және өнер саласындағы мемлекеттік сыйлығының лауреаты атанды

  • © Sputnik / Тимур Батыршин

    Сәбит Мұқанов 40-шы жылдары "Менің мектептерім" романын, "Балуан Шолақ" повесін, "Сырдария" романын, "Поэзия маршалы", "Майданға хат", "Жеңімпаз Қызыл Армия", "Фашизмнің ажалы" және тағы басқа прозалық және поэзиялық шығармаларын жазды.

  • © Sputnik / Тимур Батыршин

    Жазушының жұмыс бөлмесінде тұрған экспонат

  • © Sputnik / Тимур Батыршин

    Сәбит Мұқановтың жұмыс үстелі

  • © Sputnik / Тимур Батыршин

    Сәбеңе сыйға тартқан радио

  • © Sputnik / Тимур Батыршин

    Сәбит Мұқанов 80 мың жолға жуық лирикалық өлең, жиырмаға тарта поэма, бірнеше повесть пен роман, көптеген әңгіме, очерктер, оннан астам пьеса, жоғары оқу орындарына арналған оқулықтар, қазақ ақын-жазушыларының шығармаларын талдайтын монографиялар, қазақ мәдениетінің тарихы мен этнографиясы туралы зерттеу еңбектер және тағы басқа кітаптар жазып қалдырды

  • © Sputnik / Тимур Батыршин

    Қаламгердің жары Мәриям Мұқанованың жас кезі. Қаламгер "Сұлушаш" романын жарының шашына қарап бейнелеген

  • © Sputnik / Тимур Батыршин

    "Менің мектептерім" мемориалдық шығармасы. Бұл шығарманы қаламгер ата-анасы мен бауырларына арнаған

  • © Sputnik / Тимур Батыршин

    Радио

  • © Sputnik / Тимур Батыршин

    Сәбит Мұқановтың шығармалары әлемнің 46 тіліне аударылған. Қаламгер драматургия саласында да көп еңбектенді. Қаламынан туған "Шоқан Уәлиханов", "Қашқар қызы", "Сәкен Сейфуллин" пьесалары сахналанған

  • © Sputnik / Тимур Батыршин

    Отбасылық фотосурет. Сәбит Мұқанов екі рет үйленген. Бірінші жары көп тұрмай қайтыс болған соң, екінші рет шаңырақ көтереді. Жұбайы – Мәриям Қожахметқызы Мұқанова. Мәриям апаймен жазушы 47 жыл отасқан

  • © Sputnik / Тимур Батыршин

    Сәбит Мұқанов өмірінің соңында Шоқан Уәлиханов жайлы еңбек жазумен айналысқан. Шоқан туралы жазған еңбегінің 2 кітабы ғана аяқталған. Шоқанның өнегелі өмірінің ғұмырнамасына айналған еңбек аяқталмаған күйде қалды. Фотода жазушы өмірінің соңында қолданған қаламсап

  • © Sputnik / Тимур Батыршин

    Сәбит Мұқановтың киімдері

  • © Sputnik / Тимур Батыршин

    Фотода Сәбит Мұқанов, жары Мәриям Мұқанова, ұлы Арыстан. Жазушы Ғабит Мүсіреповтің үлкен қызы Энгелина Сәбит Мұқановтың Арыстан есімді ұлына күйеуге шыққан

  • © Sputnik / Тимур Батыршин

    Үкімет қаулысымен 1999 жылы Сәбит Мұқановтың музей-үйі және Ғабит Мүсіреповтің музей-үйі әкімшілік-басқару жағынан біріктіріліп, "Сәбит Мұқанов пен Ғабит Мүсіреповтің мемлекеттік әдеби-мемориалдық музей кешені" болып қайта құрылды

Кілт сөздер:
музей, фото
Батут

Орал саябағында тағы төтенше жағдай: батутта ойнап жүрген балалар өлім аузынан қалды

53
Бұл бір аптадағы екінші жағдай. 2 мамыр күні орталық бақта орналасқан аттракционнан ақау шығып, сегіз бала жарақаттанған болатын

НҰР-СҰЛТАН, 10 мамыр - Sputnik. Оралда саябақта балалар ойнап жүрген кезде, кенеттен батуттың желі шыға бастаған. Оқиға болған кезде аттракционда 20-дан астам бала болды, деп хабарлайды "Мой город" порталы.

Оқиға 9 мамыр күні сағат 18.00 шамасында қалалық мәдениет және демалыс саябағында болған. Саябақта орнатылған батут балалар ішінде болған сәтте аяқ астынан желі шыға бастайды. Куәгерлер оқиға орнында түсірілген видеороликпен бөлісті. 

"Батут кішкентай емес, биік және көлемді. Оның ішінде түрлі жастағы 20-ға жуық бала болды. Ата-аналар балаларды құтқару үшін бірден аттракционға жүгірді. Кішкентай балалар қорқып, жылап жатты. Кіре берістегі қыз жай ғана бұл оның батуты екенін айтты, тіпті кешірім де сұрамады. Электр қуатының өшірілгенін жеткізді", - дейді Самал есімді қала тұрғыны.

Оның айтуынша, балалар ауыр жарақат алған жоқ, бірақ қатты қорқып қалған.

"Аттракционның иесі ақшаны қайтарғысы да келмеді, кейіннен қайтарып берді. Әңгіме ақшада емес, оқиғада ғой. Егер балалардың бірі ауыр жарақат алса немесе Құдай сақтасын, қайтыс болып кетсе ше? Сонда нағыз қаза болар еді. Бұл аттракциондар неге тексерілмейді? Қосалқы генераторлар неге жоқ? Саябаққа батут неге қояды? Бұл демалыс орны емес пе, аттракционнан аяқ алып жүре алмайсыз. Балаға қауіпті екенін қалай түсіндіруге болады? Жақында ғана аттракционға байланысты оқиға болған еді", - дейді әйел.

Оқи отырыңыз: Оралда ата-аналар әткеншекке мінген балаларын күтіп тұрғанда күтпеген оқиға болды

Бұл арада қалалық мәдениет және демалыс саябағының директоры Жасұлан Сәкенов болған жайттан хабарсыз екенін, бірақ тексеріс жүргізілетінін айтты.

"Кеше демалыс болды, мен кешке дейін жұмыста болдым, бірақ маған бұл жағдай туралы айтылмады. Электр қуаты кеше шынымен сөніп қалды, соған байланысты орын алған оқиға шығар. Бүгін біз қызметтік тексеріс жүргіземіз", - деп атап өтті Жасұлан Сәкенов.

Денсаулық сақтау басқармасының баспасөз қызметі ешкім медициналық көмекке жүгінбегенін айтты.

Естеріңізге сала кетейік, бұл аптадағы екінші жағдай. 2 мамыр күні қалалық мәдениет және демалыс саябағында төтенше жағдай болды. "Калейдоскоп" каруселі кенеттен тоқтап, креслода отырған балалар бір-біріне соқтығысты. Сегіз бала жарақаттанды.

53
Кілт сөздер:
Орал, саябақ, батут
Тақырып бойынша
Жаңаөзенде балалар ойнайтын батутты жел ұшырып әкетті - видео
Жантүршігерлік видео: Қостанайда батут ұшып кетті
Қарағандыдағы трагедия: батуттың иесі ұсталды
Семейде әткеншек құлап, бес бала зардап шекті