Құс ұшар биіктіктен түсірілген Нұр-Сұлтан фото

70
  • Қазақстанның астанасы – Нұр-Сұлтан
  • Бәйтерек
  • Ақорда
  • Қазақстанның астанасы – Нұр-Сұлтан
  • Успен соборының алтын күмбездері.
  • St.Regis Astana қонақ үйі
  • Мост через реку Ишим с правобережья на Левый берег столицы
  • Есіл өзеніндегі теплоходтар.
  • Астана Триумфы тұрғын үй кешені
  • Алла гүлі мешіті
  • Бейбітшілік және келісім сарайының жоғарыдан түсірілген бейнесі.
  • Елорданың шетіндегі жаңа ықшамаудандар
  • Столица Казахстана - город Нур-Султан. Вид сверху
  • Столица Казахстана - город Нур-Султан. Вид сверху
  • Әбу-Даби Плаза кешенінің ең биік мұнарасына Қазақстан деген атау берілді
  • Алау мұз айдыны
  • Нұр-Сұлтанның таңсәрідегі көрінісі
Қазақстанның бас қаласы жыл өткен сайын көркейіп, көрікті шаһарлар тізімін сенімді толықтырып келеді. Ол шағын қаладан еңселі, өркениетті ел ордасына айналды

Мегаполис халқы да күн санап артып келеді. Сол себепті астананың бас жоспары қайта қаралып, оның аумағы мен инфрақұрылымын халық санына үйлестіру қаралып жатыр.

Бүгінде Нұр-Сұлтанда соңғы жиырма жылда бой көтерген әсем ғимараттар өзінің ерекшелігімен әлемде таныла бастады. Айта кету керек, осы жылы падемияға байланысты астананың 23-ші туған күні онлайн форматта аталып өтті.

Sputnik Қазақстан фототілшісі Владислав Воднев бас қаланың әсерлі бейнесін құс ұшар биіктіктен суретке түсірді. Нұр-Сұлтанның көрікті кейпін суреттер топтамасынан тамашалаңыздар.

70
  • Қазақстанның астанасы – Нұр-Сұлтан
    © Sputnik / Владислав Воднев

    Қазақстанның астанасы – Нұр-Сұлтан. Құс ұшар биіктіктен түсірілген қала бейнесі.

  • Бәйтерек
    © Sputnik / Владислав Воднев

    Бәйтерек. Монумент 1997 жылы астананы Алматыдан көшіру символы ретінде салынды.

  • Ақорда
    © Sputnik / Владислав Воднев

    Күн батып бара жатқан кездегі Ақорда бейнесі. Қазақстан президентінің резиденциясы Есіл өзенінің сол жағалауында, "Бәйтерек" монументінен үш жүз метр қашықтықта орналасқан. Резиденцияның жанында Қазақстан парламенті, Жоғарғы соты, Үкімет үйі, Министрліктер үйі және басқа да әкімшілік ғимараттар орын тепкен.

  • Қазақстанның астанасы – Нұр-Сұлтан
    © Sputnik / Владислав Воднев

    "Хан Шатыр", биіктіктен түсірілген сурет. Бұл ірі сауда ойын-сауық орталығы әлемдегі ең үлкен шатыр ретінде Гиннесс рекордтар кітабына енген.

  • Успен соборының алтын күмбездері.
    © Sputnik / Владислав Воднев

    Успен соборының алтын күмбездері. Собордың жалпы аумағы екі мың шаршы метрден асады. Ғибадатхана төрт мыңға жуық адамды қабылдай алады және Орталық Азиядағы ең ірі собор саналады.

  • St.Regis Astana қонақ үйі
    © Sputnik / Владислав Воднев

    St.Regis Astana қонақ үйі. Бұл нысан Есіл өзенінің жағалауында, Қабанбай батыр даңғылының бойында, елордадағы Орталық саябақтың дәл ортасында орналасқан.

  • Мост через реку Ишим с правобережья на Левый берег столицы
    © Sputnik / Владислав Воднев

    Керме көпір – Нұр-Сұлтандағы Есіл өзені арқылы өтетін басты автокөлік көпірі. Ол бас қаланың оң және сол жағалауын байланыстырып тұр.

  • Есіл өзеніндегі теплоходтар.
    © Sputnik / Владислав Воднев

    Есіл өзеніндегі теплоходтар. Нұр-Сұлтан жағалауы - қала тұрғындары мен қонақтарының сүйікті демалыс орындарының бірі. Себебі Орталық саябақ та қол созым жерде орналасқан. Ал саябақ дәмді тамақтануға, жаяу серуендеуге немесе велосипед тебуге, таза ауада ойды тынықтыруға таптырмас орын.

  • Астана Триумфы тұрғын үй кешені
    © Sputnik / Владислав Воднев

    "Астана Триумфы" тұрғын үй кешені елордадағы елеулі ғимараттың бірі. Бұл Қазақстанның жаңа бас қаласының дамуын айшықтайтын нысанға айналды. Ол 2006 жылы салынды.

  • Алла гүлі мешіті
    © Sputnik / Владислав Воднев

    Нұр-Сұлтан қаласындағы Рыскелді қажы атындағы мешіт. Мешіт кейпі төңкеріліп тұрған лотос гүлін елестетеді.

  • Бейбітшілік және келісім сарайының жоғарыдан түсірілген бейнесі.
    © Sputnik / Владислав Воднев

    Бейбітшілік және келісім сарайының жоғарыдан түсірілген бейнесі. Халық арасында оны "Пирамида" деп атайды. Бұл нысанның авторы - танымал архитектор, сэр Норман Фостер.

  • Елорданың шетіндегі жаңа ықшамаудандар
    © Sputnik / Владислав Воднев

    Елорданың шетіндегі жаңа ықшамаудандар

  • Столица Казахстана - город Нур-Султан. Вид сверху
    © Sputnik / Владислав Воднев

    Ғарыш музейі және тасымалдаушы зымырандар макетінің күн батып бара жатқан сәттегі көрінісі. Ашық аспан астындағы музей экспозициясы елорданың сол жағалауында орналасқан. Мұнда "Союз", "Протон", "Зенит" зымыран тасымалдағыштары мен "Буран" орбитааралық кемесінің макеттері бар.

  • Столица Казахстана - город Нур-Султан. Вид сверху
    © Sputnik / Владислав Воднев

    "Шабыт" сарайы - Нұр-Сұлтанның жаңа әкімшілік орталығында орналасқан айрықша кешен. Оның жанында "Қазақ Елі" монументі, Тәуелсіздік сарайы, "Әзірет Сұлтан" мешіті сынды басқа да сәулетті ғимараттар орын тепкен.

  • Әбу-Даби Плаза кешенінің ең биік мұнарасына Қазақстан деген атау берілді
    © Sputnik / Владислав Воднев

    Бас қалада бой көтеріп жатқан "Әбу-Даби Плаза" кешенінің ең биік мұнарасына "Қазақстан" деген атау берілді. "Әбу-Даби Плаза" кешені бас қаланың ерекшелігін айшықтайтын кезекті ғимаратқа айналуда.

  • Алау мұз айдыны
    © Sputnik / Владислав Воднев

    "Алау" мұз айдыны — елордадағы жабық коньки тебу стадионы. Шорт-трек, хоккей, кёрлинг және мәнерлеп сырғанаудан жаттығу және спорт жарыстарын өткізуге арналған.

  • Нұр-Сұлтанның таңсәрідегі көрінісі
    © Sputnik / Владислав Воднев

    Нұр-Сұлтанның таңсәрідегі көрінісі. Елорданың құс ұшар биіктіктен түсірілген кейпі.

Кілт сөздер:
Нұр-Сұлтан, фото

Сәтті кадр: Алматыда қай жерде суретке түсуге болатынын білесіз бе фото

98
  • Лето в Алматы
  • Лето в Алматы
  • Алматы
  • Алматы
  • Алматы
  • Алматы
  • Алматы
  • Алматы
  • Алматы
  • Алматы
  • Алматы
  • Алматы
  • Алматы
  • Алматы
  • Алматы
  • Алматы
  • Алматы
  • Алматы
Алматы – еліміздің мәдени, тарихи және қаржы орталығы. Алматыны айтқан кезде бірден ойға келетін жер көп. Бірі қаланы алмамен, бірі биік тауларымен байланыстырса, енді бірі тіршілігі қайнаған қызу өмірмен байланыстырады

Әрбір алматылық қалаға келген қонаққа қала ортасында тұрған бөлек әлем – ботаникалық баққа, тауларға қол созым жерде тұрған Тұңғыш президент паркіне барып, ескі әрі жаңа ғимараттарды көруге кеңес береді.

Күнделікті өмірді әлеуметтік желі арқылы көрсететін уақытта фотоға түсуге болатын көрікті жерлерді іздейтін адам да көп. Мың бояулы қаланың әр бұрышында ерекше фото жасауға болады. Осындай орындар туралы Sputnik Қазақстан материалынан біле аласыз. 

98
  • Лето в Алматы
    © Sputnik / Тимур Батыршин

    1932 жылы құрылған Ботаникалық бақ 2019 жылы жөндеуден өтті. Бір жылға жалғасқан жаңарту жұмыстарынан кейін бақ іші жаңаша түрге енді. Жол жөнделіп, демалуға арналған орындықтар қойылды. Тіпті шағын көлшік пайда болды.

  • Лето в Алматы
    © Sputnik / Тимур Батыршин

    Жалпы аумағы 103,6 гектар аумақтағы бақта фотоға түсуге болатын жер жетерлік. Қаз-қатар тұрған ағаштар да, арнайы фотоға түсу үшін жасалған арка да сән беріп тұр. Тек аздап қиялды қосса жеткілікті.

  • Алматы
    © Sputnik / Тимур Батыршин

    Қала тұрғындары мен қонақтары саябақ ішіндегі орындықтарда да әдемі фото түсіре алады. Оған жайқалған ағаштар реңк береді

  • Алматы
    © Sputnik / Тимур Батыршин

    Көктем шыға демалыс сайын қала тұрғындары дәл осы баққа келуге асығады. Себебі мұнда таза ауада қаланың дәл ортасында отырып күйбең тіршіліктен тынығуға мүмкіндік бар

  • Алматы
    © Sputnik / Тимур Батыршин

    Қала тұрғындары үшін тағы бір ерекше жер – тұңғыш президент паркі. Қаланың жоғары жағында орналасқан саябақтан тау ерекше көрінеді.

  • Алматы
    © Sputnik / Тимур Батыршин

    Тұңғыш президент паркінің күз кезіндегі келбеті

  • Алматы
    © Sputnik / Тимур Батыршин

    Әл-Фараби мен Науаи көшелерінің қиылысында орналасқан бұл саябақ 2010 жылы ашылған. Бұл жерде жыл сайын алма көрмесі мен спорттан жарыстар өтеді. Ал жастар "мұнара" маңында фотосессия жасап, Lovestory түсіреді

  • Алматы
    © Sputnik / Тимур Батыршин

    Қала тұрғындары арасында танымал жердің бірі – Нұрлы тау ғимараты. Әл-Фараби көшесінде орналасқан бұл бизнес орталық қабырғасының әйнектен жасалғанымен ерекшеленеді

  • Алматы
    © Sputnik / Тимур Батыршин

    Қазақ-Британ техникалық университеті. 1957 жылы құрылысы аяқталған бұл ғимарат бір кездері ҚазКСР Жоғарғы кеңесінің Үкімет үйі болды. Төле би көшесінде орналасқан ғимарат әлі күнге дейін келбеті мен маңызын жоғалтпаған

  • Алматы
    © Sputnik / Тимур Батыршин

    Ескі мен жаңа үйлесім тапқан бұл ғимарат маңында қала тұрғындары фотоға түскенді ұнатады.

  • Алматы
    © Sputnik / Тимур Батыршин

    Алматылық бойжеткен Қазақ-Британ техникалық университеті алдындағы субұрқақта фотоға түсіп жүр.

  • Алматы
    © Sputnik / Тимур Батыршин

    Абай атындағы қазақ мемлекеттік академиялық опера және балет театрының ғимары алыстан мен мұндалап тұр.

  • Алматы
    © Sputnik / Тимур Батыршин

    Бойжеткен Абай атындағы опера театры маңында фотоға түсіп тұр.

  • Алматы
    © Sputnik / Тимур Батыршин

    Бойжеткен Абай атындағы опера театры маңында фотоға түсіп тұр.

  • Алматы
    © Sputnik / Тимур Батыршин

    Алматыдағы ерекше көшелердің біріне композитор Мұқан Төлебаевтың аты берілген. Мұнда бір кездері Сәбит Мұқанов, Ғабит Мүсірепов, Мұхтар Әуезов секілді жазушылар мен Дінмұхамед Қонаев тұрған.

  • Алматы
    © Sputnik / Тимур Батыршин

    Орталық гүлзардағы субұрқақ

  • Алматы
    © Sputnik / Тимур Батыршин

    Астана алаңына қарама-қарсы орналасқан орталық гүлзар ішінде жастар махаббаттың белгісі ретінде құлыпты бекітіп, кілтін суға тастайды. Дәл осы жерде субұрқақ жанында фотоға түсуге мүмкіндік бар.

  • Алматы
    © Sputnik / Тимур Батыршин

    Қалада адам көп жиналатын жердің бірі – Арбат. Мұнда қаланың қызу тіршілігін көрсетіп, ары-бері өткен адамдар мен жұмыстан кейін демалып отырғандар арасында фотоға түсуге болады.

Кілт сөздер:
сурет, фото, Алматы

Меккеде пандемия кезіндегі қажылық қалай өтіп жатыр фото

88
Әлем мұсылмандары пандемия салдарынан екі жыл қатарынан қажылықтан бас тартуға мәжбүр

Осы жылы ислам әлеміндегі қасиетті орынға баратындар саны 60 мыңнан аспайды. Сауд Арабиясының денсаулық сақтау министрлігі дәл осынша квота бөлген. Бұл пандемияға дейінгі қажылық етуші адам санынан 50 есе аз. Пандемия кезіндегі қажылық қалай өтіп жатқанын суреттер топтамасынан көріңіздер.

Сонымен қатар Қағба айналуға ниет еткен мұсылмандардың барлығы коронавирусқа қарсы ведомство мақұлдаған вакцинаны салдыруға тиіс және киелі орынға келуден көп дегенде үш күн бұрын тапсырған ПТР-тесті болуы керек.

Меккенің өзінде де мұсылмандар әлеуметтік қашықтықты сақтап, бетперде тағып жүруге міндетті.

Құлшылық етушілер Сауд Арабиясына өткен аптаның соңынан бастап келе бастады. Осы жылы "қысқартылған" қажылық 17-22 шілде аралығында өтеді.

Осы уақыт ішінде түрлі елден келген мұсылмандар қажылық кезінде міндетті саналатын түрлі жөн-жоралғыны орындайды. Олардың қатарында Қағбаның киелі тасын жеті рет айналу, Арафат тауына шығу, шайтанға тас ақтыру сынды іс-әрекеттер бар.

Қажылық әрбір мұсылман үшін исламдағы бес парыздың бірі болып саналады.

88
  • © AFP 2021

    Дәстүрлі киім киген және бетперде таққан құлшылық етушілер Меккедегі Қағба киелі тасының жанына жиналып жатыр. Осы жылы Сауд Арабиясы вакцина салған азаматтарға қысқартылған көлемде қажылықты өтеуге рұқсат етті.

  • © REUTERS / Ahmed Yosri

    Мұсылмандар Мекке қаласындағы Үлкен мешіттегі Қағба айналасында тәуап орындап жатыр, Сауд Арабиясы.

  • © REUTERS / Saudi Ministry of Media

    Меккедегі Қағба айналасында тәуапты орындау кезіндегі әйел адам.

  • © REUTERS / Ahmed Yosri

    Құлшылық етуші мұсылман қажылық алдында Мина ауданында өзі орналасқан шатыр айналасын тазалап жатыр.

  • © REUTERS / Ahmed Yosri

    Қажылыққа арналған ақ түсті киім киген мұсылман қажылыққа аттану үшін Джиддадағы король Абдель Азиз атындағы халықаралық әуежайға келді, Сауда Арабиясы.

  • © REUTERS / Saudi Ministry of Media

    Меккедегі қажылық кезінде Үлкен мешітте мұсылмандар әлеуметтік қашықтықты сақтай отырып умраны орындап жатыр.

  • © REUTERS / Ahmed Yosri

    Джиддадағы король Абдель Азиз атындағы халықаралық әуежайда аквариум алдында ер адам селфи түсіріп тұр.

  • © REUTERS / Saudi Ministry of Media

    Панемияға дейінгі жылдары Қағба тасының айналасына жиналған жұрт қарасынан бас айналардай болса, осы жылы киелі тасты тек 60 мың мұсылман ғана айналып жүре алады.

  • © REUTERS / Ahmed Yosri

    Меккеде қажылықты өтер алдында мұсылман ер адамдар дәрет алып, исламдағы бес парыздың біріне дайындалып жатыр.

  • © REUTERS / Saudi Ministry of Media

    Меккедегі Үлкен мешітке қарай бет алған мұсылман мен әуеге көтерілген бір топ кептер.

Кілт сөздер:
Мекке, фото, қажылық
Стенд компании Еврокоптер группы АО НК Казахстан инжиниринг

Қазақстан халықаралық көрмеде алғашқы отандық дронды таныстырды

0
Бұған дейін Қазақстанның авиация индустриясы өкілдері авиасалонға көрермен ретінде қатысып келді. Осы жылы тұңғыш рет олар өз стендін таныстырды

НҰР-СҰЛТАН, 24 шілде – Sputnik, Мария Науменко. Осы жылы Қазақстан халықаралық авиация-ғарыш салоны шарасында серіктес мемлекет болды. Мәскеу маңындағы Жуков қаласында республика атынан авиация және ғарыш өнеркәсібінің үлкен павильоны таныстырылды.

Sputnik тілшісі павильонда болып, қазақстандық компаниялар Ресейдегі көрмеде қандай техниканы таныстырғанын және Ресей Федерациясымен бірлесіп қандай жобаны жүзеге асырып жатқанын біліп қайтты.

Ғарыш саласындағы ынтымақтастық

Ресей авиақұрылыс пен ғарыш саласында Қазақстанмен өзара әрекеттестікті дамытады. Бұл туралы ХАҒС-2021 Халықаралық авиация-ғарыш салоны ашылуы кезінде РФ президенті Владимир Путин мәлімдеді.

"Біз авиақұрылыс сынды жоғары технологиялық салада қазақстандық әріптестерімізбен және Еуразиялық экономикалық одақ бойынша серіктестерімізбен өзара әрекеттестікті дамытуды көздеп отырмыз. Біздің кәсіпорындар бірқатар перспективалы жобаны жүзеге асырып жатыр. Мысалы, Қазақстанда МИ тобындағы тікұшақтар құрастырылып жатыр, "Роскосмос" желісі бойынша бірлескен "Бәйтерек" жобасы ілгерілетілуде. Экологиялық таза зымыран тасымалдағыш көмегімен "Байқоңыр" ғарыш айлағынан ғарыш аппараттарын ұшыруға арналған ұйымдастырушылық-техникалық құрылымды дайындау аталған жобаның мақсаты болады", - деді Ресей президенті.

Стенды казахстанских компаний в национальном павильоне на МАКС-2021
© Photo : Пресс-служба АО НК "Казахстан Инжиниринг"
ХАҒС-2021 көрмесінде ұлттық павильондағы қазақстандық компаниялардың стенді

Авиасалон аясында Қазақстанның цифрлық даму, инновациялар және аэроғарыш өнеркәсібі министрлігінің аэроғарыш комитеті Нұр-Сұлтанда құрастырылған Ғарыш аппаратын құрастыру-сынау кешені (ҒАҚСК) мен "Союз-5" зымыран тасымалдағыш макетін ұсынды.

Ғарыш аппаратын құрастыру-сынау кешені алты тоннаға дейінгі ғарыш аппараттары мен олардың компоненттерін жобалау, дайындау, құрастыру және сынауға арналған технологиялық және өндірістік база болып саналады.

Қазақстандық "Байкал"

"Байкал" жеңіл көп мақсатты ұшағын дайындау жобасындағы Қазақстан-Ресей кооперациясы ХАҒС-2021 көрмесіндегі басты оқиғаның біріне айналды. Болашақта "Байкал" ескірген Ан-2 ұшағын алмастыруы керек.

Қазақстандық тарап аталған жобаға 1 миллиард рубль көлемінде инвестиция салды. Есесіне Қазақстан жобадағы миноритарлы үлеске (акциялардың бақылаушы емес пакеті) және сол ұшақтардың өндірісіне арналған лицензияға ие болады.

"Қазір ғылыми-зерттеу тәжірибелік-конструкторлық жұмыстар жүріп жатыр. Сондай-ақ осы жобаны қаржыландыруға қатысып отырмыз. Алайда "Орал азаматтық авиация зауыты" АҚ-мен арадағы келісімшарт бойынша ұшақтың лицензиялық өндірісін Қазақстанда ұйымдастыруды жоспарлап отырмыз", - деді "Қазақстанның авиация индустриясы" ЖШС маркетинг бөлімінің басшысы Игорь Сыздықов.

Қазақстанның авиация индустриясындағы ұшақтардың толыққанды өндірісі 2024 жылы басталуы керек. Мамандар кәсіпорын қуаты жылына 50-30 ұшақ дайындауға мүмкіндік береді деп санайды. Сондай-ақ Қазақстан басқа мемлекеттер үшін "Байкалдың" экспорттық нұсқасын да шығара алады.

Игорь Сыздықов Қазақстан ресейлік тараптың ұсынысымен ХАҒС-2021 серіктесі атанғанын атап өтті. Бұған дейінгі жылдары Қазақстанның авиация индустриясы өкілдері авиасалонға көрермен ретінде қатысып келді. Осы жылы тұңғыш рет олар өз стендін таныстырды.

Модель пилотской кабины на стенде казахстанской компании на МАКС-2021
© Photo : Пресс-служба АО НК "Казахстан Инжиниринг"
ХАҒС-2021 көрмесінде қазақстандық компаниялар стендіндегі пилоттық кабинаның моделі

Сонымен қатар Қазақстандағы кәсіпорында Су-30СМ ұшақтарын жөндеу бойынша компанияның ресейлік "Иркут" авиақұрылыс корпорациясымен бірлескен жобасы бар.

"Біз ұшақтардың алғашқы жөндеуін 2025 жылы бастауды жоспарлап отырмыз. Қазір өндіріске дайындалып жатырмыз. Авиасалон аясында ресейлік серіктестермен кейбір мәселелерді нақтылауды жоспарлап отырмыз. Бізде Су-30СМ ұшақтарына техникалық қызмет көрсету және күрделі жөндеу жүргізу, мамандарды даярлау бойынша келісімшарт бар", - деді Sputnik агенттігіне сұхбат берген қазақстандық тарап өкілі.

Тікұшақ және пилотсыз ұшу аппараты

"Еурокоптер Қазақстан Инжиниринг" ЖШС Халықаралық авиация-ғарыш салонында ЕС-145 жаңа тікұшағының макетін таныстырды. Кәсіпорын сондай-ақ Н-145 қос қозғалтқышты тікұшағы, Н-130 бен Н-125 бір қозғалтқышты тікұшақтарының ірі торапты құрастыруы, оларға техникалық қызмет көрсету және жөндеуді жүзеге асырып, ұшу-техникалық құрамды даярлайды.

"Жақында біз Мәскеу авиация орталығы үшін ЕС-145 тікұшағын қалпына келтіруді қамтитын жөндеу бойынша Ресеймен ірі жобаны аяқтадық. Тікұшақ төтенше жағдайлар министрлігінің қажеттілігі үшін қолданылады", - деді "Еурокоптер Қазақстан Инжиниринг" ЖШС коммерциялық директоры Александр Савельев.

Сонымен қатар Қазақстан салон барысында өзінің алғашқы пилотсыз ұшатын әуе нысанының имитаторын таныстырды. Дрон құрлықтағы әскердегі әуедегі шабуылға қарсы қорғанысқа зенитші атқыштарды үйретуге арналған.

Тамыз-қыркүйекте аталған пилотсыз ұшатын аппарат соңғы әскери сынақтан өтіп, 2022 жылы Қазақстан Республикасындағы құрлықтағы әскер қарулануына қабылдануы керек.

Гендиректор АО 811 Авторемонтный завод КИ Рамиль Баязитов
© Sputnik / Мария Науменко
"Қазақстан инжиниринг - 811 автожөндеу зауыты" АҚ бас директоры Рамиль Баязитов

"Біздің пилотсыз ұшатын техника шетелдік аналогтардан әлдеқайда арзан және Қазақстанның қатал ауа райына, яғни жойқын желге, аязды қысына және аптап ыстық жазына төзімді", - деді Sputnik тілшісіне "Қазақстан инжиниринг - 811 автожөндеу зауыты" АҚ бас директоры Рамиль Баязитов.

Бұған дейін Қазақстанның қорғаныс министрлігі дрондарды тек шетелден, атап айтсақ, Ресей, Беларусь және Израильден сатып алатын. Енді республика жылына 10 данаға дейін пилотсыз ұшу аппаратын шығара алады.

Жуков қаласындағы Халықаралық авиация-ғарыш салоны авиа-ғарыш саласындағы жетістіктер мен техникаларды таныстыруға арналған әлемдегі ең ірі көрменің бірі. ХАҒС-2021 көрмесіне 140 мыңнан астам маман, сондай-ақ 570 мыңнан астам көрермен мен қонақ қатысты. Салон жұмысы 25 шілдеде аяқталады.

Sputnik агенттігі – авиасалонның ресми ақпараттық серіктесі.

Халықаралық авиация-ғарыш салонында қазақстандық павильонда авиация техникасы мен жабдығын дайындауға мамандандырылған мына жетекші кәсіпорындар өнімі таныстырылды: "Қазақстанның авиация индустриясы" ЖШС, "Еурокоптер Қазақстан инжиниринг" ЖШС, "Қазақстан Аселсан инжиниринг" ЖШС, "Қазақстан Ғарыш Сапары" ҰК" АҚ, "Байтерек" БК" АҚ, "Тыныс" АҚ, "№405 авиажөндеу жұмысы" АҚ, "811 автожөндеу зауыты", "Қазаэронавигация" РМК және басқалар.

0