Жүрегі тоқтаған футболшы мен тізе бүккен ағылшындар: Еуро-2020 несімен есте қалды - фото

174
  • На церемонии открытия ЕВРО-2020
  • Кристан Эриксен упал на поле во время матча сборных Дании и Финляндии на ЕВРО-2020
  • Сборная Англии преклонила колени на Евро-2020
  • Криштиану Роналду
  • На матче Италия-Турция в рамках ЕВРО-2020
Футболдан Еуропа чемпионатында Италия құрамасы жеңіске жетті. Көптен күткен Еуро-2020 додасының ашылу салтанаты маусымда Римдегі Олимпиада стадионында өткен болатын. Тура бір айдан соң дәл осы алаңда жеңімпаздарды марапаттады

Құрлықтық футбол тарихына ең ірі чемпионат ретінде енген Еуро-2020 дүбірлі додасының қалай өткенін тағы бір еске алайық.

Бас жүлдеге талас Еуропаның он бір қаласында – Баку мен Будапешттен Лондон мен Мадридке дейінгі, Санкт-Петербург пен Барселонадан Глазго мен Римге дейінгі 12 стадионда өтті. Әр қалада фанаттар үшін сүйікті командаға қолдау көрсетуге мүмкіндік беретін үлкен экран қойылған ресми аумақтар жабдықталды.

Дания құрамасының жартылай қорғаушысы Кристиан Эриксеннің Еуро-2020 кезінде кенеттен жүрегі тоқтап қалуы чемпионаттың ең үрейлі сәті болды. Ойын он бір минутқа тоқтатылып, спортшыға жедел көмек көрсетілді. Бірнеше күннен кейін ол алаңға қайта оралды.

Ал Криштиану Роналдудың баспасөз конференциясы кезінде алдына қойылған газдалған сусынды ары итеруі ірі корпорация акцияларының құнына едәуір әсер етті.

Ал ағылшын құрамасы Black Lives Matter қозғалысына қолдау көрсету мақсатында ойын алдында тізе бүкті. Алайда тіпті Англияның өзінде спортшылардың бұл әрекетін қолдағандар саны көп болмады. Басқа елдің спортшылары бұл ишараны "арандатушылық" және "мәнсіз" деп атады.

Жалпы мерейтойлық Еуро-2020 спортшылар, жанкүйерлер мен ұйымдастырушылардың есінде ерекше, күрделі және қарама-қайшылыққа толы чемпионат ретінде қалатыны анық.

174
  • © AP Photo / Michael Regan

    Италия құрамасы Еуро-2020 финалындағы жеңісіне қуанып, бас кубокты көтеріп тұр. Футболдан Еуропа чемпионаты осылай аяқталды.

  • На церемонии открытия ЕВРО-2020
    © AP Photo / Alessandra Tarantino

    Еуро-2020 ашылуы да Италиямен байланысты болды. Салтанатты рәсім Римдегі Олимпиада стадионында, ал алғашқы матч Италия мен Түркия құрамаларының арасында өтті.

  • Кристан Эриксен упал на поле во время матча сборных Дании и Финляндии на ЕВРО-2020
    © REUTERS / WOLFGANG RATTAY

    Еуро-2020 додасындағы драмаға толы сәт. Дания құрамасының жартылай қорғаушысы Кристиан Эриксен финдерге қарсы топтық кезеңдегі бірінші тур матчының бірінші таймы аяқталған кезде есінен танып қалды. Ойын тоқтатылды. Ойыннан кейін Эриксеннің жүрегі тоқтап қалғаны белгілі болды. Қуанышқа орай, дат футболшысының жағдайы тұрақталып, оны ауруханаға жеткізді. 18 маусымда спортшы медицина мекемесінен шығарылды.

  • © AP Photo / John Sibley

    Италия қақпашысы Джанлуиджи Доннарумма қақпаны ағылшын спортшысы Джейдона Санчо тепкен пенальтиден қорғап жатыр.

  • Сборная Англии преклонила колени на Евро-2020
    © AFP 2021 / PAUL ELLIS

    Англия құрамасы Еуро-2020 алдында да, Еуропа чемпионатында да Black Lives Matter қозғалысына қолдау көрсету мақсатында тізе бүкті. Алайда көп елдің құрамасы бұл акцияға қосылған жоқ. Тіпті Ұлыбританияның өзінде де жанкүйерлер бұл әрекетті қолдамады.

  • © AP Photo / Andy Rain

    Италиялық жанкүйерлер Уэмбли стадионындағы ақтық ойын кезінде өз құрамасына белсенді түрде қолдау көрсетті.

  • © AP Photo / Luca Bruno

    Италияның өзінде де жанкүйерлер спортшыларға қарқынды қолдау көрсетті. Мысалы, Миланда карантин шектеулеріне қарамастан Duomo қалалық кафедралдық соборының алдындағы алаңда жалау ұстаған мыңдаған адам жиналды.

  • © REUTERS / Pool / Facundo Arrizabalaga

    Дәстүр бойынша Италия құрамасының ойыншысы Алессандро Флоренци басқа спортшылар секілді Уэмбли стадионындағы Англия құрамасының қақпасындағы тордың бір бөлігін естелікке алды.

  • © REUTERS / Alberto Lingria

    Еуро-2020 жеңісінен кейін Parco dei Principi қонақ үйінің жанында Италия құрамасының футболшысы Джорджо Кьеллини кубокты ұстап автобустан түсіп келе жатыр.

  • Криштиану Роналду
    © REUTERS / HANDOUT

    Криштиану Роналду баспасөз конференциясы кезінде Еуро-2020 демеушілерінің сусыны құйылған бөтелкені шетке ысырып қойды. Оның бұл әрекеті осы компания акцияларының арзандауына алып келді. Бұл оқиғадан кейін бапкерлер мен басқа да ойыншылардың қатысуымен желіде өте көп мем таралды. Ал спортшыға баспасөз конференциясы кезінде реквизиттерді ұстауға тыйым салынды.

  • © REUTERS / Ritzau Scanpix

    Кристиан Эриксеннің ойын алаңында жүрегі тоқтап қалуы Дания жанкүйерлері үшін нағыз шок болғаны анық. Сол сияқты Дания құрамасының чемпионаттағы жарыстан шығып қалуы да оларды есеңгіретіп тастады.

  • © REUTERS / Andy Buchanan

    Глазгодағы Хемпден парк стадионында өткен Швеция – Украина матчы кезінде Артем Довбик екінші рет гол соққанда жанкүйердің бірі алаңға жүгіріп шықты. Күзет қызметі оны алаңнан алып шығуға тырысып жатыр.

  • На матче Италия-Турция в рамках ЕВРО-2020
    © REUTERS / ALBERTO LINGRIA

    Барлығы осыдан басталды. Еуро-2020 аясындағы алғашқы матчтың добы рефери Дэнни Маккелиге қашықтан басқарылатын шағын автокөлікпен жеткізілді.

Кілт сөздер:
Еуро-2020, фото

Әлемдегі ең үлкен таңдай қақтырарлық бассейндер фото

50
Пандемия салдарынан кейбір курорттардың жабылып, жаздың көзді ашып жұмғанша өтіп бара жатқанына қарамастан көз қуантып, көңіл көтеру үшін виртуалды саяхатқа аттануға болады. Осы тұста әлемнің ең таңғажайып бассейндерін тамашалауды ұсынамыз

Бұл ең терең, ең үлкен, ең теңдессіз су тоғандары болып саналады. Шомылуды жаны сүйетін кез келген адам осы басссейндерге бір сүңгуді армандайтыны анық.

Әлемнің түрлі елінде салынған бұл бассейндердің көпшілігі Гиннесс рекордтар кітабына енген.

Олар ең жаңа заманауи техникамен жабдықталып, зәулім үйлердің жоғарғы қабатында орналасқан және дайвингпен әуестенетіндер үшін мейлінше терең болып келеді.

Кейбір бассейнге кіру де оңай емес. Себебі келушілер үшін белгілі бір талаптар қарастырылған.

50
  • © Depositphotos / Pierre-Yves Babelon

    Егер әлемдегі ең үлкен бассейнде шомылғыңыз келсе, онда Чилиге жол тартыңыз. Ол жергілікті Альгарробо курортында, San Alfonso del Mar Resort қонақ үйінің территориясында орналасқан. Теңіз жағалауын бойлай созылған бассейннің аумағы 8 гектарды құрайды. Бұл бассейнге су дәл сол теңізден келіп түседі. Аталған қонақ үй жыл сайын бассейн үшін төрт миллион долларға жуық қаражат жұмсайды. Бұл нысан жергілікті ғана емес, әлемдік сәулетті нысан болып саналады. San Alfonso del Mar Resort қонақ үйінің бассейні Гиннесс рекордтар кітабына енген. Чили жағалауындағы судың үнемі тым салқын болып, шомылуға жарамсыздығы осындай бассейн орнатуға түрткі болды.

  • © AFP 2021 / Ethan Miller / Getty Images North America

    Американың Лас-Вегас қаласындағы Golden Nugget қонақ үйіндегі бассейнде шомылып жүрген адамдардың көз алдында акулалар жүзіп жүреді. Бұл өте әсем океанариумды қамтитын нағыз ойын-сауық орталығы. Үш деңгейлі бассейнде демалушылар бір уақытта тынығып, шомылып және теңіздегі тіршілік иелерін тамашалай алады.

  • © Depositphotos / Benedetta Barbanti

    Marina Bay Sands қонақ үйінің шатырындағы пейзажды бассейн. Осы тұстан Сингапурдың әсем бейнесін судан шықпай-ақ тамашалауға болады. 55-ші қабаттағы қонақ үй шатыры бассейннен бөлек ландшафты бақ, демалыс аумағы, дәмханалар мен бар қарастырылған үлкен терраса түрінде салынған.

  • Минимализмге толы бассейн Грекияның Тинос аралындағы Kois Associated Architects жеке резиденциясында орналасқан. Ғимарат аумағынан тыс созылып жатқан шатырда бассейн орналасуының әсерінен ол шатыр түгелдей судан тұратындай көрінеді. Шатырдан Эгей теңізінің бейнесін тамашалуға болады.

  • Бұл Таиландтың Чавенг жағажайындағы Bloody Pool at The Library қызыл бассейні. Бассейн түбіне төселген қызыл және қызғылт сары тақтайшалар суға үрейлі бейне береді. Бұл әсерді батып бара жатқан күннің қызыл шұғыласы тіпті еселей түседі. Алайда қорқуға еш себеп жоқ, өйткені бұл әлемдегі ең тыныш демалыс орындарының бірі.

  • © AFP 2021 / Oliver Morin

    "Көгілдір лагуна" бассейні Исландиядағы Grindavik-те орналасқан. Бұл да әлемдегі ең танымал бассейндердің бірі.

  • Дайвинг пен су астында жүзуге арналған әлемдегі ең терең бассейн Польшада, Варшава қаласына жақын жерде орналасқан. Мұнда кез келген адам жүзу қабілетін арттырып, терең суда жүзуді пысықтай алады. Бассейн тереңдігі – 45 метр, көлемі – 8 мың текше метр су. Бұл әлемдік рекорд.

  • © AFP 2021 / Justin Tallis

    Sky Pool 25 метрлік аспалы ашық бассейні Лондонда, Nine Elms ауданындағы тұрғын үй ғимаратының арасында орналасқан. Конструкцияның салмағы сумен қоса есептегенде 400 тоннаны құрайды. Бұл бассейнде аталған тұрғын үй кешенінің тұрғындары ғана шомыла алады. Оны 750 тонналық мобильді кран орнатқан.

  • © Photo : Address Hotels

    Дубайдағы Address Beach Resort курорттық бассейні әлемдегі ең биік панорамалы бассейн ретінде Гиннесс рекордтар кітабына енді. Бұл нысан 294 метр биіктікте, ғимараттың 77-ші қабатында орналасқан. Пейзажды бассейннің аумағы 560 шаршы метрді құрайды.

  • Биіктігі 23 метр, түбі шыныдан жасалған бассейн Гонолулудағы Anaha кешенінің жетінші қабатында орналасқан. Бұл бассейнде шомылу кезінде биіктіктен әсем көріністі тамашалауға болады. Бассейн түбі соққыға төзімді, ылғал мен бактерия әсеріне төтеп бере алатын акрил шыныдан дайындалған. Биіктікте шомылу еш қауіп төндірмейді.

  • АҚШ-тағы Үлкен каньон бөктерінде орналасқан Amangiri қонақ үйі. Құрылыс кезінде жартастың бірі сол күйінде қалдырылып, ол ғимараттың ең көрікті тұсына айналды. Осы жерде бассейн салынған. Оның құрылысы кезінде табиғи материалдар қолданылды.

Кілт сөздер:
фото

Жаңа рекорд, тартысты күрес пен жарқын жеңіс: Олимпиаданың әсерлі сәттері архив суреттер

54
Әдеттегідей араға төрт емес, бес жыл салып басталған жазғы Олимпиада ойындары тартысты өтіп жатыр. Бұл тарихтағы ең ұзақ күтуге тура келген Олимпиадаға айналды

Барлық көрермен әрбір Олимпиада ойындарынан жаңа рекорд пен тартысты жарыс, жарқын жеңіс пен әсерлі сәттерді күтеді.

Қазір Токио қаласында кезекті жазғы Олимпиада ойындары өтіп жатыр. Ендеше бір мезет өткенге көз жүгіртіп, бұған дейінгі Олимпиадалардың Sputnik фототілшілері түсірген әсерлі сәттерін еске түсіріп көрейік.

Олардың қатарында Усейн Болт рекорды, КСРО мен АҚШ құрамаларының баскетбол алаңындағы шиеленісті жарысы, Германияның ауыр атлеті Матиас Штайнның штангі көтеру кезіндегі құлауы бар.

54
  • © Sputnik / Anatoliy Garanin

    Хельсинкидегі (Финляндия) XV Жазғы Олимпиада ойындары (1952 жылдың 19 шілдесі – 3 тамызы). Жеңіл атлетика – найза лақтырудан 2-орынды иеленген Александра Чудина.

  • © Sputnik / Yuriy Somov

    Америкалық боксшы, жекпе-жек жеңімпазы. XX жазғы Олимпиада ойындары. Мюнхен, 1972 жыл.

  • © Sputnik / Aleksei Filippov

    Ричард Круз (Ұлыбритания) пен Александр Массиалас (АҚШ) XXXI жазғы Олимпиада ойындары кезінде рапирамен семсерлесу бойынша жеке біріншілікте жекпе-жекке шықты. Рио-де Жанейро, 2016 жыл.

  • © Sputnik

    КСРО – АҚШ құрамаларының баскетболдан жарысы. Токиодағы XVIII жазғы Олимпиада ойындары, 1964 жыл.

  • © Sputnik / Valeriy Melnikov

    2012 жылы Лондонда өткен ХХХ жазғы Олимпиада ойындары кезінде Матиас Штайнер (Германия) ауыр атлетика бойынша ерлер арасындағы жарысқа қатысуда.

  • © Sputnik / Aleksei Filippov

    ХХХІ жазғы Олимпиада ойындары кезінде ҚХР мен Сербия құрамалары арасындағы волейболдан финалға шыққан серибиялық ойыншылар Майя Огненович (сол жақта) пен Йована Стеванович, 2016 жыл.

  • © Sputnik / Vladimir Fedorenko

    1980 жылы Мәскеудегі ХХІІ жазғы Олимпиада ойындары аясында В.Ленин атындағы Орталық стадионның Спорт сарайында Луиз Виржильго Моро (Бразилия) мен Цонио Атанасов (Болгария) 95 келіге дейінгі салмақ дәрежесінде дзюдода бақ сынасып жатыр.

  • © Sputnik / Grigoriy Sysoyev

    Америкалық спортшы Дженнифер Сур сырықпен секіру бойынша ақтық сынға шықты. 2012 жылы Лондонда өткен ХХХ жазғы Олимпиада ойындары.

  • © Sputnik / Anton Denisov

    Ямайкадан келген жеңіл атлет Усэйн Болт 2008 жылы Бейжіңдегі Олимпиада кезінде 100 метрге жүгіруден әлемдік рекорд орнатты. Бұл жарыстағы жаңа рекорд енді 9,69 секундты құрады.

  • © Sputnik / Sergey Guneev

    2000 жылы Сиднейде өткен Олимпиада ойындарының синхронды жүзуден чемпиондары Ольга Брусникина мен Мария Киселева өнер көрсетуде.

  • © Sputnik / Dmitriy Donskoy

    1976 жылы ХХІ жазғы Олимпиада ойындары өткен Монреаль стадионындағы Олимпиада алауы.

  • © Sputnik / Dmitriy Donskoy

    Академиялық ескек есу бойынша жарысқа қатысушылар. XXV жазғы Олимпиада ойындары. Барселона, 1992 жыл.

  • © Sputnik / Vladimir Baranov

    66 келіге дейінгі салмақ дәрежесі бойынша грек-рим күресінен финалда алтын медальді жеңіп алған Оңтүстік Корея өкілі Ким Хен У. Лондонда өткен ХХХ жазғы Олимпиада ойындары, 2012 жыл.

  • © Sputnik

    Токиодағы XVIII жазғы Олимпиада ойындары, 1964 жыл. Кеңестік ескекшілер Николай Чужиков, Анатолий Гришин, Вячеслав Ионов пен Владимир Морозов 1000 метр қашықтықта байдаркамен жарысу бойынша алтын медаль жеңіп алды. Екінші орын Германия Демократиялық Республикасы спортшыларына, қола жүлде Румыния Социалистік Республикасының өкілдеріне бұйырды.

  • © Sputnik / Sergey Guneev

    1980 жылы Мәскеуде өткен XXII жазғы Олимпиада ойындарына қатысқан желаяқ Мирус Ифтер.

Кілт сөздер:
архив суреттер, олимпиада
Картофельная запеканка

Дәрігер COVID-тен жазылғаннан кейін қалай тамақтану керектігін айтты

0
(Жаңартылды 08:40 29.07.2021)
Рационда сүт, балық, жұмыртқа, ет сияқты ақуыз көзі, сондай-ақ маусымдық жемістер мен көкөністер болуы керек

НҰР-СҰЛТАН, 29 шілде – Sputnik. Диета коронавирус инфекциясынан кейін ағзаны тез қалпына келтіруге көмектеседі.

Ресейлік эндокринолог дәрігер Юргита Вараеваның айтуынша, әркелкі тамақтану COVID-19 індетінен кейін қалыпқа келу процесінде маңызды рөл атқарады. Тағамның калориясы өте жоғары болғаны жөн: тәулігіне дене салмағының килограмына 20-30 килокалория қажет.

Оқи отырыңыз: Адам ерте қартаяды – коронавирустың тағы бір қауіпті әсері анықталды 

Сондай-ақ, маманның айтуынша, бұлшықеттің семуімен күресу үшін рационда ақуыз жеткілікті мөлшерде болуы қажет.

"Рационға бүйректің жай-күйін ескере отырып, бұлшықет тіндерінің семуімен күресу үшін дене салмағының килограмына 1,2-ден екі грамға дейін ақуыз қосу керек. Сүт, ашымал сүт өнімдері, йогурт, сүзбе, балық, жұмыртқа, құс еті, ет  (шұжық өнімдері мен сосиска кірмейді), бұршақ, үрмебұршақ (фасоль), соя өнімдерімен күніне кем дегенде үш-төрт порция мөлшерінде тамақтанған жөн", - деді Вараева Sputnik радиосына берген сұхбатында.

Адамның рационы неғұрлым әркелкі болған сайын, соғұрлым көп қажетті қоректік заттарды ала алады, деп толықтырды дәрігер.

"Соның ішінде маусымдық жемістер мен көкөністерге назар аударған жөн, күн сайын кем дегенде бес порция (бір порцияға шамамен 80 грамм) тұтыну қажет", - деді Вараева.

Дәрігер сонымен қатар тұрақты түрде тамақтану керектігін атап өтті.

"Кем дегенде үш рет толық тамақтанып, бір-үш рет жүрек жалғап алу маңызды. Орташа мөлшерде, бірақ жиі және тұрақты тамақтанған дұрыс", - деп кеңес берді сарапшы.

Әрине, дұрыс тамақтанудың негізгі қағидалары ешқашан өзгермейді: түнде ас ішпеңіз, соңғы рет ұйқыға жатарға дейін екі-төрт сағат бұрын тамақтанған жөн.  

0
Кілт сөздер:
дұрыс тамақтану, тамақ, коронавирус