Алматылық фотографтың суреттері Drone Awards байқауында жоғары бағаланды

50
Drone Awards-2021 аэросуреттер байқауының қазылар алқасы әлемнің жүз елінен қатысқан фотографтардың ең әсерлі туындыларын таңдап алды

Жеңімпаздар арасында алматылық фотограф Александр Власюк пен оның "Жағажай маусымы" атты суреті де бар.

Алматылық фотограф қыс мезгіліндегі аязға қарамастан, Қапшағай су қоймасында "күнге қыздырынып", мұздық үстінде жатқан жұпты түсірген. Бұл сурет Drone Awards аэросуреттер байқауында "Адамдар" номинациясында екінші орынды иеленді.

Александр Власюк Drone Awards байқауына осымен екінші рет қатысып отыр. Бұл жолы алматылық фотографқа сәттілік серік болған сыңайлы.

Бірақ Александрдың халықаралық фотобайқаулардың жеңімпазы атануы бірінші рет емес. Оның бұдан басқа да марапаттары жетерлік.

Drone Awards аэросуреттер байқауында биіктен, яғни дрон, парашют, дирижабль, батпырауық немесе басқа да әдістердің көмегімен түсірілген суреттер іріктелді.

Бұл жылы конкурсқа кәсіби және әуесқой фотографтар қатыса алды. Байқауға әлемнің 102 елінің фотографтары өз туындыларын жолдаған. "Сұрала қаздар қысты қарсы алуда" атты суреті үшін норвегиялық Терье Колаас гран-при жеңіп алды.

Drone Awards аэросуреттер байқауының басқа да жеңімпаздары түсірген суреттерді Sputnik материалынан тамашалаңыз.

50
  • Александр Власюктың "Жағажай маусымы" атты суреті "Адамдар" номинациясы бойынша екінші орынды иеленді. Сурет Қапшағай су қоймасында минус он градусты аязда түсірілген

  • Фотограф Терье Колаас (Terje Kolaas) көктемнің орнына қыста ұшып келген қысқатұмсықты сұрала қаздардың суреті үшін байқау гран-приі мен жыл фотографы деген атаққа ие болды. Сурет Норвегияда түсірілген. Климаттың өзгеруіне байланысты құстар жыл сайын қар ерімей-ақ ерте ұшып келуде. Олар барлық кезде бір бағдармен келеді. Сондықтан дрон көмегімен осындай сурет түсіруге мүмкіндік бар

  • "Қала" аталымы бойынша Сергей Полетаев "Қала мен қыс жайлы ауыспалы пікір" суретімен жеңімпаз атанды

  • Лэмпсо Кармин Иптың (Lampson Karmin Yip) "Бір кадр" атты суреті "Спорт" номинациясы бойынша қазылар алқасының жоғары бағасына ие болды

  • Жасыл тасбақа Оман жағалауында жұмыртқалағаннан кейін суға қайта оралуда. Кадр авторы Касима әл Фарси (Qasim Al Farsi) "Жабайы табиғат" категориясында жеңді

  • Пху Кхан Буи (Phu Khanh Bui) "Әруақтарға дұға жаса" дейді. Кадр қазылар алқасының жоғары бағасын алды

  • "Мангр тоғайындағы балық аулау" суреті Чунг Фам Хаюға (Trung Pham Huy) "Адамдар" категориясынжа жеңіс алып келді

  • "Табиғат" категориясында Мартин Санчестің (Martin Sanchez) ғарыштан түсірілген суретіне тең келетін туынды болмады. Суретте Исландиядағы вулкан атылуы бейнеленген

  • "Абстракция" категориясында Георге Попаның (Gheorghe Popa) "Уланған өзен" жұмысы үздік деп танылды

  • "Мәңгілікке өзіңмен бірге". Фото авторы Маттео Оригинале (Matteo Originale) "Үйлену тойы" номинациясында жеңді

  • Паоло Крокеттаның (Paolo Crocetta) жұмысы "Қала" номинациясында жоғары бағаланды

  • Дуойишудегі күріш алқабы фантастикалық кейіпке енген. Сурет авторы Ран Тиан (Ran Tian) "Абстракция" номинациясында үздік деп танылды

  • "Спорт" категориясында "Кемпірқосақ шетіндегі алтын" суретінің авторы – Фил Де Гланвилль (Phil De Glanville) жеңді

  • Батыл қалыңдықты түсірген Кшиштоф Кравчиктің (Krzysztof Krawczyk) бұл суреті "Үйлену тойы" категориясында жоғары бағаланды

  • "Күннің батуы кезіндегі түйе көлеңкелері" атты сурет Джим Пикоға (Jim Picôt) "Қала" номинациясында жоғары бағаға ие болды

Кілт сөздер:
фото, сурет
Тақырып бойынша
Ауғанстаннан қашқан жұлдыздар мен танымал тұлғалар – фото
Тұңғиыққа батқан тіршілік: Кипр жағалауында суасты орман пайда болды – фото
Қазақстаннан Шри-Ланкаға дейін: әлем елдеріндегі мектеп формасы қандай – фото
Сәнқой ит пен мысық: әсемдікке әуес жануарлар – фото
Қоқыстан жасалған BMW, "ақылды" электрокар мен болашақтың басқа да көліктері – фото

Миллиондаған шина жиналған қоқыс алаңының қазіргі күйі мен болашағы қандай фото

130
Фотографтар Кувейтте орналасқан әлемдегі ең көп шина тасталған алаңды фотоға түсірді. Автокөлік шиналары қолданыстан шыққаннан кейін де әлемде маңызды экологиялық мәселе болып отыр

Кейінгі жылдары Кувейттің Джахра қаласынан жеті шақырым жерде орналасқан алып алаңда шамамен 50 миллион пайдаланылған автокөлік шинасы жиналды.

Тозған шиналардан бөлінетін химиялық заттарға байланысты ол өте маңызды экологиялық мәселе саналады. Оларды жою мәселесі әлем бойынша күн тәртібінде тұр.

Парсы шығанағындағы ең бай елдің бірі – Кувейт бұл мәселені шеше бастады. Елдегі барлық тозған автокөлік шинасы осы жерге жиналады, артынша қайта өңдеуге жіберіледі.

Жақында бұл ондаған миллион ескі шина Сауд Арабиясымен шекаралас Әл-Салмиде орналасқан қайта өңдеу зауытына жіберіледі. Кәсіпорын жыл сайын үш миллионға дейін шинаны қайта өңдеуден өткізуді жоспарлап отыр.

Ескі шиналарды енді не істейтінін және қоқыс алаңының орнында не пайда болатынын біздің фотолентадан көріңіз.

130
  • © REUTERS / Stephanie McGehee

    Қоқыс тастайтын жерде шиналар 20 жыл бойы жиналған. Фотода: Кувейттегі Әл-Салми ауданындағы зауытқа өңдеуге жіберілген тозған шиналар.

  • © REUTERS / Stephanie McGehee

    Қоқыс үйіндісі адамдар тұратын маңнан 7 шақырым жерде орналасқан.

  • © REUTERS / Stephanie McGehee

    Тұрғындар көп жылдан бері өрт шыққан кезде қоқыс аумағынан қап-қара улы түтін шығатынын айтып шағымданды. Фотода: жұмысшы Кувейттегі Әл-Салми ауданындағы зауытта шинаны қайта өңдеуден өткізуге дайындап жатыр.

  • © REUTERS / Stephanie McGehee

    EPSCO Global General Trading – Кувейттегі шиналарды қайта өңдейтін зауыт. Олар қазір барлық шинаны Сауд Арабиясымен шекаралас Әл-Салмидегі жаңа орынға тасымалдап жатыр. Сол жерде қайта өңдеу жұмыстары жүргізіледі. Фотода: мердігер Ибрахим Камал пайдаланылған шиналардың арасында тұр.

  • © REUTERS / Stephanie McGehee

    Кәсіпорын жылына үш миллионға дейін шинаны кәдеге жаратуды жоспарлап отыр. Фотода: Кувейттің Әл-Салми ауданындағы зауыт алдында жиналған шиналар.

  • © REUTERS / Stephanie McGehee

    Зауыт қызметкерлері ескі шиналарды сұрыптап, тегістейді. Содан кейін одан еден төсеніштерін жасайды.

  • © REUTERS / Stephanie McGehee

    Кәсіпорын ескі шиналарды қайтадан қолдануға болатын тауарға айналдыру арқылы қоғамға көмек көрсетіп жатқанына сенімді. Фотода: сириялық мердігер Ибрахим Камал Кувейттің Әл-Салми ауданындағы шина өңдеу зауытының алдындағы жүк тиегішке тапсырма беріп тұр.

  • © REUTERS / Stephanie McGehee

    Шина жиналған аумақ орнына жергілікті билік 25 000 жаңа үй салғысы келеді. Фотода: Кувейттің Әл-Салми ауданындағы шина өңдеу зауытының кешкі көрінісі.

Кілт сөздер:
фото
Тақырып бойынша
Ауғанстаннан қашқан жұлдыздар мен танымал тұлғалар – фото
Көне шаһарға саяхат: Тараздың туристік нысандары – фото
Есік-терезе сынып, шатыр құлады: әскери бөлімдегі жарылыстан бүлінген нысандар – фото
Тұңғиыққа батқан тіршілік: Кипр жағалауында суасты орман пайда болды – фото
Қоқыстан жасалған BMW, "ақылды" электрокар мен болашақтың басқа да көліктері – фото
Қызыл кілемдегі сән: MTV Video Music Awards премиясына жұлдыздар не киіп келді - фото
Киберакула мен робот-иттер: Бейжіңде робототехника конференциясы өтті – фото

85 жылдық тарихы бар зауытта қару-жарақ қалай жасалады фото

62
(Жаңартылды 14:47 20.09.2021)
Жылдың басында чехиялық қару өндіруші CZG (Ceska Zbrojovka Group) 2015 жылы банкротқа ұшыраған Colt холдингін сатып алды

Ал қыркүйекте Шығыс Еуропадан келген қару өндірушілер былтырғы кірісті екі есе көбейту туралы айта бастады.

Бұл алдағы бірнеше жылға арналған жоспар, алайда Ceska Zbrojovka Group табыстың өсу қарқыны мен ақция құнының 60%-ке өсуіне риза екенін жеткізді.

Чехияның Угерски-Брод қаласындағы Ceska Zbrojovka зауыты 1936 жылы құрылған. Осы жылдар ішінде компания әлемдегі ең ірі қару өндірушілердің ондығына кірді.

Биыл құрылғанына 85 жыл болатын зауытта қару-жарақ қалай жасалатынын біздің фотолентадан көріңіз.

Оқи отырыңыз: 

62
  • © REUTERS / David W Cerny

    Угерски-Бродтағы Ceska Zbrojovka қару зауытының қызметкері тапаншаны көрсетіп тұр

  • © REUTERS / David W Cerny

    Чехияның Угерски-Брод қаласындағы Ceska Zbrojovka зауытында атыс қаруы осылай жасалады.

  • © REUTERS / David W Cerny

    Қару неғұрлым эргономикалық болуы үшін дизайнды жасаушы оның барлық бөлшегін ұстап көреді.

  • © REUTERS / David W Cerny

    Ceska Zbrojovka қару зауытының қызметкері мылтықты көрсетіп тұр.

  • © REUTERS / David W Cerny

    Ceska Zbrojovka зауытында жасалған тапаншаның бір бөлігі.

  • © REUTERS / David W Cerny

    Олар автоматты қару туралы бәрін біледі. Дайын болған тапаншаны бірінші болып ұстап көреді. Фотода: зауыт қызметкері өз жұмыс орнында отыр.

  • © REUTERS / David W Cerny

    Тапаншаның әр бөлігі сызбадағы үлгіге сай екені мұқият тексеріледі.

  • © REUTERS / David W Cerny

    Тапанша бөлшектері құрастырылу барысында мұқият тексеріледі

  • © REUTERS / David W Cerny

    Ceska Zbrojovka зауытының қызметкерлері әр тапанша мен мылтықты өздері жинайды.

  • © REUTERS / David W Cerny

    Угерски-Бродтағы Ceska Zbrojovka зауытының логотипі. Биыл зауыт 85 жылдығын атап өтеді.

  • © REUTERS / David W Cerny

    Чехияның Угерски-Брод қаласындағы Ceska Zbrojovka қару зауытында жұмысшы тапанша бөлшектерін жинап жатыр.

  • © REUTERS / David W Cerny

    Ceska Zbrojovka қару зауытында жұмысшы тапаншаның бір партиясын жинауды аяқтап жатыр.

Кілт сөздер:
фото, қару
Тақырып бойынша
Үш пышақ және тапанша: Нұр-Сұлтанда қаруланған азамат ұсталды
"Қаладағы соғыс": Қазақстан мен Ресей десантшылары шартты жауға тойтарыс берді
Ресейлік әскери роботтар алғаш рет алғы шепке жіберілді - видео
Қазақстанның Қарулы күштерінің бөлімдері елдің батысы мен оңтүстігіне жіберілді
Түркістан

Өзбекәлі Жәнібековтың есімін бірнеше нысанға беру ұсынылды

0
Депутаттар Өзбекәлі Жәнібековтың есімін Түркістан қаласындағы шағын көшеге емес, жаңа орталықтағы кең көшеге беру керек деп санайды

НҰР-СҰЛТАН, 23 қыркүйек – Sputnik. Сенат депутаттары мемлекет қайраткері Өзбекәлі Жәнібековтың ескерткішін орнатып, оның есімін бірнеше нысанға беруді ұсынды, деп хабарлайды Sputnik Қазақстан тілшісі.

Сенатор Алтынбек Нухұлының айтуынша, биыл Тәуелсіздіктің 30 жылдығымен қатар мемлекет қайраткері, тарихшы-этнолог Өзбекәлі Жәнібековтың туғанына 90 жыл толып отыр.

Ол Наурыз мейрамын жаңғырту, халықаралық қазақ тілі қоғамын құру мен "Ана тілі" газетінің ашылуына тікелей ықпал етті. Қазақстанда музейлердің көптеп ашылуына атсалысты.

"Осыған байланысты Түркістандағы этнографиялық музейге және Арқалықтағы дала өлкесі тарихи облыстық музейіне Өзбекәлі Жәнібек есімі берілсе дейміз. Арыстан баб қорық музейі жанында жабылып қалған Өзбекәлі Жәнібеков музейі жаңартылып, қайта ашылуы қажет", - деді Нухұлы сенаттың жалпы отырысында.

Бұдан бөлек, депутаттар Өзбекәлі Жәнібековтың есімін Түркістан қаласындағы шағын көшеге емес, жаңа орталықтағы кең көшеге беру керек деп санайды.

"Туған елі қасиетті Түркістанда еңселі ескерткішін тұғырына орнату керек деп білеміз. Мұндай құрмет қызмет атарған Шымкент және Алматы қалаларында да жасалуы керек", - деп атап көрсетті сенатор.

Осы орайда депутаттар Өзбекәлі Жәнібековтың негізгі жетістіктерін де ерекше атап өтті.

"Оның Торғай елін түлеткені өз алдына бір бөлек, Алаш қайраткерлері Ахмет Байтұрсынұлы, Міржақып Дулатов, Мағжан Жұмабаев, Жүсіпбек Аймауытовтарды ақтап алуда, оның алдында Шәкәрім есімімен еңбектерін жарыққа шығарып, халқымен қайта қауыштыруда ұйытқы болды. Қожа Ахмет Яссауи кесенесіндегі қасиетті тайқазанды Эрмитаждан алып келуде басты орындаушы рөлін атқаруын ешкім ешқашан ұмытпақ емес. Осы Қожа Ахмет Яссауи кесенесін ЮНЕСКО тізіміне қосып, қалпына келтіруге, Арыстан баб мазарын маңын халықтың жиі келіп, тәу етер жеріне айналдырудағы еңбегі - мәңгі өлмес істер мен ізгілікті іздер", - дейді Нухұлы.

Сенаторлар үкіметке депутаттық сауал жолдап, жариялаған ұсыныстар бойынша тиісті шараларды қолға алуды сұрады.

Оқи отырыңыз: 

0
Кілт сөздер:
ескерткіш, есімін беру, депутат
Тақырып бойынша
Алаш арыстарына ескерткіш ашылды
Алаш идеясы тығырыққа тірелді: Байтұрсынұлы кеңес өкіметі жағына не үшін өтті
Алаш зиялысы Жақып Ақбаев туралы не білеміз
Алматы облысынан табылған Алаш арыстарының сүйегі қайта жерленді