Миссия сәтті аяқталды: Қазақстанға келген ҰҚШҰ бітімгерлері фото

74
Ұжымдық қауіпсіздік туралы шарт ұйымының (ҰҚШҰ) бітімгерлік күштері Қазақстандағы нысандарды қорғау бойынша қызмет етті. Алайда бүгін контингентті ел аумағынан шығару басталады

Президент Қасым-Жомарт Тоқаев Қазақстанға жеткізілген ҰҚШҰ бітімгерлерінің миссиясы аяқталғаны туралы мәлімдеді. Контингентті ел аумағынан шығару бүгін – 13 қаңтарда басталады және көп дегенде он күнге созылуы мүмкін.

Мемлекет басшысы "ҰҚШҰ өз тиімділігін көрсетті" және "бітімгерлер миссиясы сәтті аяқталғаны" туралы айтты.

Сонымен қатар Қазақстанның көшбасшысы республикада Ұлттық ұлан мен арнайы жасақтың жаңа бөлімшелері құрылатынын, шекара қызметінің жұмыс қағидаттары қайта қаралатынын мәлімдеді.

Бітімгерлік күштерінің әскери қызметкерлері тәулік бойы бекеттер мен бақылау мұнараларында күзетте тұрып, топ құрамында броньді техниканың көмегімен әуежай аумағында патрульдеу ұйымдастырып, сондай-ақ пилотсыз ұшатын аппараттар арқылы халықаралық әуежай ауданына бақылау жүргізді.

Сонымен қатар ресейлік әскерилер Армения, Белоруссия, Қырғызстан, Тәжікстаннан келген әріптестерімен бірлесіп жылу электр станциялары, нан комбинаттары, телеорталықтар, елді сумен қамту кәсіпорындары сынды маңызды нысандарды күзетуді жүзеге асырды.

Еске салсақ, 2 қаңтарда Маңғыстау облысының тұрғындары сұйылтылған мұнай газының бағасы қымбаттауына байланысты митингке шықты. 3 қаңтарда митинг тағы бірнеше өңірде жалғасты. Наразылық акцияларына мұнай өндіруші кәсіпорындардың вахталық жұмысшылары да қосылды.

4 қаңтарда бірнеше қалада жаппай тәртіпсіздіктер болып, қирату мен бүлдіру басталды.

5 қаңтарда Қасым-Жомарт Тоқаев Ұжымдық Қауіпсіздік туралы шарт ұйымына (ҰҚШҰ) мүше мемлекеттерден көмек сұрады.

Дәл сол күні үкімет отставкаға кетіп, ел аумағында төтенше жағдай режимі енгізілді.

Оқи отырыңыз: Үш өңірде терроризмге қарсы операция жалғасып жатыр

74
  • © Sputnik / Russian Defence Ministry

    ҰҚШҰ бітімгерлік күштерінің әскери техникасы Алматы әуежайында тұр.

  • © Sputnik / Russian Defence Ministry

    ҰҚШҰ Ұжымдық бітімгерлік күштерінің құрамына Ресейдің әуе-десант күштерінің бөлімдері мен әскери бөлімдері кірді. Суретте: Алматы әуежайындағы ҰҚШҰ бітімгерлік күштерінің ресейлік контингентінің жеке құрамы.

  • © Sputnik / Russian Defence Ministry

    ҰҚШҰ ел президенті Қасым-Жомарт Тоқаевтың өтініші бойынша Қазақстанға бітімгерлік күштерін орналастырды. Олардың құрамына Ресей Федерациясы, Белоруссия, Армения, Тәжікстан және Қырғызстан Қарулы Күштерінің бөлімшелері кірді. Суретте: ҰҚШҰ бітімгерлік күштеріне кіретін ресейлік контингент бөлімшелерінің Алматы әуежайындағы оқу-жаттығуы.

  • © Sputnik / Russian Defence Ministry

    ҰҚШҰ бітімгерлік күштерінің ресейлік контингентінің сарбазы Алматы әуежайында рация арқылы сөйлеп тұр. Ресей Қорғаныс министрлігі құрған 70-тен астам Ил-76 және 5 дана Ан-124 ұшағынан құралған әуе тобы ҰҚШҰ бітімгерлік күштерінің ресейлік контингенті бөлімдерін Қазақстанға тәулік бойы жеткізумен айналысты.

  • © Sputnik / Russian Defence Ministry

    Бітімгерлер мемлекеттік және әскери нысандарды қорғауға және қазақстандық құқық қорғау күштеріне көмек көрсетуге жіберілді. Суретте: Алматы әуежайындағы ҰҚШҰ бітімгерлік күштерінің әскери қызметшілері.

  • © Sputnik / Russian Defence Ministry

    Бітімгерлік күштерінің әскери қызметшілері бекеттер мен бақылау мұнараларында тәулік бойы күзетте тұрды. Суретте: Алматы әуежайындағы ҰҚШҰ бітімгерлік күштерінің әскери қызметкері.

  • © Photo : Russian Defence Ministry

    Суретте: ҰҚШҰ бітімгерлік күштерінің әскери қызметшілері Алматы әуежайының терминалында жолаушыларды қарсы алып тұр.

  • © Sputnik / Russian Defence Ministry

    Бітімгерлік күштерінің әскери қызметкерлері тәулік бойы бекеттер мен бақылау мұнараларында күзетте тұрып, топ құрамында броньді техниканың көмегімен әуежай аумағында патрульдеу ұйымдастырып, сондай-ақ пилотсыз ұшатын аппараттар арқылы халықаралық әуежай ауданына бақылау жүргізді. Суретте: Алматы әуежайындағы ҰҚШҰ бітімгерлік күштерінің ресейлік контингентінің әскери техникасы.

  • © Sputnik / Russian Defence Ministry

    Президент Қасым-Жомарт Тоқаев Қазақстанға жеткізілген ҰҚШҰ бітімгерлерінің миссиясы аяқталғаны туралы мәлімдеді. Суретте: Алматы әуежайындағы ҰҚШҰ бітімгерлік күштерінің ресейлік контингентінің әскери қызметкерлері.

  • © Sputnik / Russian Defence Ministry

    Контингентті ел аумағынан шығару 13 қаңтарда басталады.

  • © Sputnik / Russian Defence Ministry

    Суретте: ҰҚШҰ бітімгерлік күштерінің ресейлік контингентінің құрамындағы әскери қызметкер.

  • © Sputnik / Russian Defence Ministry

    Әскери контингентті ел аумағынан шығару көп дегенде он күнге созылуы мүмкін.

  • © Sputnik / Russian Defence Ministry

    ҰҚШҰ бітімгерлік күштері контингентінің броньді тасымалдаушы техникасы.

  • © Sputnik / Russian Defence Ministry

    5 қаңтарда Қасым-Жомарт Тоқаев Ұжымдық Қауіпсіздік туралы шарт ұйымына мүше мемлекеттерден көмек сұрады. Суретте: ҰҚШҰ бітімгерлік күштері Қазақстан көшелерінің бірінде бақылау жүргізіп тұр.

  • © Sputnik / Russian Defence Ministry

    Мемлекет басшысы Ұлттық ұлан мен арнайы жасақтың жаңа бөлімшелері құрылатынын, шекара қызметінің жұмыс қағидаттары қайта қаралатынын мәлімдеді. Суретте: ҰҚШҰ бітімгерлік күштерінің әскери қызметкері.

Кілт сөздер:
фото, бітімгершілік, ҰҚШҰ
Тақырып:
Терроризмге қарсы арнайы операция (126)

Болашақ гаджеттері: CES 2022 халықаралық көрмесі өтті - фото

238
Бұл суреттер кез келген адамды таңғалдыратыны анық. Лас-Вегаста CES 2022 жоғары технологиялық жаңашылдықтар көрмесі аяқталды. Жақын болашақта адамның айнымас көмекшісіне айналуы әбден мүмкін фантастикалық девайстар туралы Sputnik суреттер топтамасынан көре аласыз

CES – бұл 1967 жылдан бері өткізіліп келе жатқан тұтынушылар электроникасының халықаралық көрмесі.

Жыл сайын көрме әлемге жақын уақытта күнделікті тұрмыста жиі қолданылуы мүмкін жоғары технологиялық өнертабыстар мен әзірлемелерді таныстырады.

Көрме аясында болашақ құрылғылардың стартаптары мен инновациялары, трендтері мен тұжырымдамалары таныстырылады.

Көрмеге қатысушылардың толық тізімін CES 2022 ресми сайтынан көруге болады. Олардың арасында Intel, Google, Amazon, Meta, Twitter, Pinterest сынды ІТ-индустрияның алыптары бар. Сонымен қатар Sony, Nvidia, Bosch, Lenovo, WarnerMedia және басқалар да өз жаңалықтарымен таныстырды.

Көрме аясында робот техникасына ерекше мән берілді.

Олардың ішінде түсін өзгертетін автокөлік, үй жануарларының денсаулығын бақылауға арналған датчиктер, жасанды интеллектпен жабдықталған кір жуу машиналары мен тоңазытқыштар, күннен қорғайтын "ақылды" көзілдірік пен тіс щеткасы бар.

Болашақ гаджеттері деп атауға әбден болатын бұл экспонаттардың кейбірі біздің топтамада ұсынылып отыр.

238
  • © AP Photo / Joe Buglewicz

    BMW түсін өзгерте алатын электрлі автоның прототипін таныстырды. Бұл машина түсі мен дизайнын өзгертуге мүмкіндік беретін электронды бояулар технологиясын қолдануды қарастыратын iX Flow жүйесінің арқасында мүмкін болды. Суретте: Адамдар Лас-Вегастағы CES 2022 көрмесі кезінде BMW iX Flow прототипін тамашалап тұр.

  • © REUTERS / STEVE MARCUS

    Langualess стендінде төбеттің көңіл-күйін анықтауға мүмкіндік беретін жүрек қағысы мен белсенділігін тіркейтін Inu-Pathy құрылғысы қойылған.

  • © REUTERS / Steve Marcus

    Лас-Вегастағы CES 2022 көрмесінде Daan Technologies стендінде суға арналған резервуары бар аса шағын ыдыс жуу машинасы көрермен назарына ұсынылды.

  • © REUTERS / Steve Marcus

    Доктор Дэйв Ким Лас-Вегастағы CES 2022 көрмесінде бас миының жұмысына цифрлық мониторинг жүргізуге арналған iSyncWave және жарықдиодты терапевтік бас киім туралы айтып жатыр.

  • © REUTERS / STEVE MARCUS

    Желіге қосылған Hum ақылды тіс щеткасы. Мұндай тіс щетасы тісті қалай дұрыс жуу керек екені туралы адамға бағдар беріп отырады. Гаджет Лас-Вегастағы CES 2022 көрмесінде Colgate-Palmolive стендінде таныстырылды.

  • © REUTERS / Steve Marcus

    Бұл – тыныштандыру әсерін беру үшін саусағыңызды тістеуге арналған Амагами Хэм Хэм атты терапевтік робот.

  • © REUTERS / Steve Marcus

    Hyundai Motor Group атқарушы директоры Эйсун Чанг пен Boston Dynamics Spot робот Лас-Вегастағы CES 2022 көрмесіне қатысып жатыр.

  • © REUTERS / Steve Marcus

    Brekr - электрлі көше велосипеді.

  • Ellen Schmidt

    Лас-Вегастағы техникалық шоу қарсаңында CES Unveiled көрмесіндегі тігінен ұшу мен қонуға арналған платформасы бар VETAL дроны.

  • © REUTERS / Steve Marcus

    Луи Тоннер білім беру, кәсіби оқу және зерттеулерге арналған коллаборативті Ned2 роботын ұстап тұр. Лас-Вегастағы CES 2022 көрмесінде CES Unveiled БАҚ-қа арналған презентация кезіндегі Niryo стенді.

  • © REUTERS / Steve Marcus

    Әлемдегі алғашқы қарда жүретін көлік ретінде танылған MoonBikes Лас-Вегастағы CES 2022 көрмесінде CES Unveiled БАҚ-қа арналған презентация кезінде таныстырылып жатыр.

  • © AP Photo / Joe Buglewicz

    Лас-Вегастағы CES 2022 көрмесінде First Ascent Inc стендіндегі Ainenne ұйқы мониторы.

  • © AP Photo / Ellen Schmidt

    Orbisk – әлемдегі алғашқы толық автоматтандырылған азық-түлік қалдықтарының мониторы.

  • © REUTERS / Steve Marcus

    Апат кезінде билікті хабардар ете алатын Tali қорғаныс шамшырағы мен ақылды шлем.

  • © REUTERS / Steve Marcus

    Көзге көрінбейтін жарық арқылы қорғалған жылдамдығы жоғары интернет бере алатын LiFiMax.

  • © REUTERS / Steve Marcus

    Naio Technologies құрастырған толық дербес фермерлік роботы Лас-Вегастағы CES 2022 көрмесінде таныстырылды.

Кілт сөздер:
гаджет, көрме, фото

Ақ ұлпа бұлттардың айрықша суреттері

40
Соңғы күндері барлық қазақстандық бейбіт аспан астында тіршілік етуді тілегені анық. Себебі қаңтарда аласапыран болып кетті

Қазақстандықтар елдегі жағдай көп ұзамай реттеледі деп үміттеніп отыр. Ара-тұра интенет қосылған кезде олар бір-біріне амандық пен татулық, қалыпты өмірге тез оралуды тіледі.

Ақтаудағы азаматтық белсендінің бірі Азамат Сәрсенбаев әлеуметтік желідегі өз парақшасында күннің батуының ең әдемі көрінісін теңіз жағалауындағы туған қаласында көргенін жазды.

Жалпы қазастандықтардың әрқайсысы өз қаласындағы, аулындағы, тауындағы, өзеніндегі және көліндегі күннің батқан көрінісін ең көрікті деп айтады. Жалпы туған жерін сүйетін ғаламшардағы әрбір тұрғын да осындай пікірде екені анық.

Әлемнің әр түкпірінде түсірілген ең таңғажайып бұлттардың суреттерін назарларыңызға ұсынамыз.

40
  • © Sputnik / Denis Abramov

    Еуропадағы ең биік телемұнара орналасқан Пятигорсктегі Машук тауының шыңы

  • © AP Photo / Michael Probst

    Берлиндегі Бундестаг төбесіндегі кешкі аспан

  • © Sputnik / Aram Nersenyan

    Арменияның Сюник облысындағы тауға апарар жол

  • © REUTERS / Kirk Fischer

    Колорадодағы Нивот қаласында тозаңды бұлт төніп келеді

  • © Sputnik / Vladimir Astapkovich

    Сочи жағалауындағы балықшылар

  • © AFP 2021 / John MacDougall

    Берлинде жаяу жүргіншілерге арналған жол белгісінің төбесінен төнген қою қара бұлт

  • © Sputnik / Maksim Blinov

    Мәскеудегі "Москва-сити" іскерлік орталығы ғимаратының көрінісі

  • © AFP 2021 / Robert Atanasovski

    Солтүстік Македония астанасына жақын орналасқан Водно тауындағы 66 метрлік кресті қоршап тұрған бұлт алқаптары

  • © AFP 2021 / Yasser Al-Zayyat

    Кувейтте бұлттар арасынан күн сығалап тұр

  • © Sputnik / Alexander Patrin

    Сочидегі "Роза Хутор" тау-шаңғы курорты

  • © AFP 2021 / Valery Hache

    Ниццеде демалушылар жағажайда жауын-шашын басталар алдында табиғат көрінісін тамашалап тұр

  • © AFP 2021 / Guillaume Souvant

    Шательро бұлттарынан биік тұрған жел диірмендері, Франция

  • © AFP 2021 / Fabrice Coffrini

    Лозаннадағы кешкі бұлттар жеңіл атлеттер қатысатын "Бриллиант лигасы" жарысына ерекше сән беріп тұр

  • © AFP 2021 / Patricia de Melo Moreira

    Португалия астанасындағы бұлттар Иусус Христос мүсіні аспанда қалқып тұрғандай әсер береді

  • © AFP 2021 / Fabrice Coffrini

    Ал француз суретшісі Гийома Легро қолынан шыққан Молесон тауының көгалындағы мына сурет расында да балақай бұлттарды үрлеп жатқандай әсер қалдырады

Кілт сөздер:
сурет
Тақырып бойынша
Тараздағы бүлік: қалада жағдай қалай өрбіді – фото
Түндегі қақтығыстан кейінгі Алматы көрінісі – фото
Ақтауда сауда орталықтары ашылды – фото
Қазақстан 2021 жылы коронавируспен қалай күресті – фото
2021 жылы әлемге танымал қандай тұлғалар өмірден өтті – фото
Атамекен ҰҚП туы

"Атамекен" ҰКП Құлыбаевтың қызметінен кетуіне байланысты мәлімдеме жасады

0
(Жаңартылды 14:02 17.01.2022)
Ұлттық палатаның заң нормаларына сәйкес құрылған барлық басқару органдары штаттық режимде жұмыс істейді

НҰР-СҰЛТАН, 17 қаңтар – Sputnik. "Атамекен" ұлттық кәсіпкерлер палатасы Тимур Құлыбаевтың қызметінен кетуіне байланысты мәлімдеме жасады.

ҰКП мәліметінше, Тимур Құлыбаевтың "Атамекен" төралқа төрағасы қызметіндегі өкілеттігі өз еркімен тоқтатылды.

"Тимур Асқарұлының жеке шешіміне құрметпен қараймыз және бірнеше жыл бірге атқарған жұмыс үшін алғыс білдіреміз. Тимур Құлыбаев Ұлттық кәсіпкерлер палатасы құрылған кезден бастап бірге болды және палатаның бизнес пен биліктің сындарлы диалог алаңы ретінде қалыптасуына үлкен үлес қосты", - делінген хабарламада.

Ұлттық палатаның заң нормаларына сәйкес құрылған барлық басқару органдары штаттық режимде жұмыс істейді.

Мемлекет басшысының тапсырмасы бойынша үкімет Ұлттық кәсіпкерлер палатасымен бірлесіп, тәртіпсіздіктерден зардап шеккен бизнеске келтірілген залалды өтеу бойынша жұмысты бастады. 

ҰКП хабарлауынша, төралқа төрағасын съезд сайлайды. Төралқаның кезекті отырысында оның мүшелері төраға міндетін уақытша атқарушының кандидатурасын айқындайды.

"Біз "Атамекен" ҰКП сайлау жүйесін нығайту жұмысын жалғастырамыз. 2020 жылы өңірлік кеңестерде сайлау өткізілді. Жақын арада ҰКП басқармасы бизнес-қоғамдастықтың талқылауына бұрыннан келе жатқан мәселе – төралқа жанындағы салалық комитеттерінің мүшелерін тиісті салалардың кәсіпкерлері етіп сайлау тәртібін шығарады", - деді басқармадағылар.

Нәтижесінде 2022 жылдың күзінде кезекті съезге қарай съезд және төралқаның жаңа делегаттар құрамы жаңарады.

Басқарудың жоғарғы органы ретінде съезд өз уәкілеттігі аясында төралқа төрағасы мен құрамы, сондай-ақ басқарма құрамына қатысты шешімін шығарады.

Естеріңізге сала кетейік, 17 қаңтарда Қазақстанда танымал бизнесмен, Нұрсұлтан Назарбаевтың күйеу баласы Тимур Құлыбаев "Атамекен" ұлттық кәсіпкерлер палатасы басшылығынан кететінін мәлімдеді

0
Кілт сөздер:
'Атамекен' ҰКП, Тимур Құлыбаев