Нұрсұлтан Назарбаев пен Сооронбай Жээнбеков

Назарбаев Түркі кеңесіне төрағалықты Қырғызстанға тапсырды

67
(Жаңартылды 17:15 04.09.2018)
Президент Қазақстанның төрағалығы кезінде түркі мемлекеттерінің интеграциясы өз жалғасын тапқанын атап өтті

АСТАНА, 3 қыркүйек  Sputnik. Қазақстан президенті Нұрсұлтан Назарбаев Қырғызстан басшысы Сооронбай Жээнбековке Түркі кеңесіне төрағалықты тапсырды.

"Бүгін Қазақстан Түркі кеңесіндегі төрағалығын аяқтап, бұл міндетті қырғыз еліне табыстады. Қазақстанның төрағалығы кезінде түркі мемлекеттерінің интеграциясы өз жалғасын тапты. Атап айтқанда, Астанада өткен саммитте түркітілдес мемлекеттер интеграциясының тұжырымдамасын әзірлеу жұмыстары берілген болатын",  деді елбасы Шолпан-Ата қаласында өткен саммитте.

Мемлекет басшысы Қазақстанның төрағалығы барысында қол жеткізген жетістіктерге тоқталды.

"Қазақстан төрағалығы аясында ғылыми-ағартушылық жұмыстарға да айрықша көңіл бөлінді. Мәселен, біздің тапсырмаларымызға сәйкес, ортақ түркі тарихы оқулығы әзірленіп, еліміздегі мектеп бағдарламасына енгізіле бастағанын қуанышты жайт деп санау керек. Туризм саласындағы әріптестігімізді жандандыру мақсатымен заманауи "Ұлы Жібек жолы" атты жоба іске қосылды",  деді Назарбаев.

Қырғызстанның Шолпан-Ата қаласында Түркі тілдес мемлекеттердің ынтымақтастық кеңесінің алтыншы саммиті өткен еді. Оған Қазақстан президенті Нұрсұлтан Назарбаев, Қырғызстан басшысы Сооронбай Жээнбеков, Әзербайжан президенті Ильхам Алиев және Түркия басшысы Режеп Тайып Ердоған қатысты.

Венгрия премьер-министрі Виктор Орбан мен Өзбекстан президенті Шавкат Мирзиёев құрметті қонақ болды.

67
Кілт сөздер:
Қазақстан, Қырғызстан, Режеп Тайип Ердоған, Сооронбай Жээнбеков, Елбасы, туризм, президент, жұмыс, саммит, оқулық
Тақырып бойынша
Құрбан айтта президент сөйлеп жатқанда зымыранмен соққы жасалды
Тоқаев: Назарбаев 2020 жылғы президент сайлауына қатысатынына сенбеймін
Президент арандатушылар туралы: кім болса да орнына қойыңдар
Президент Ақышевке: не рахмет? Сен мұны баяғыда істеуің керек еді
Желіде президенттің алты айлық ұлымен түскен суреті қызу талқылануда
Президенттің "оң қолымын" деген ер адам министрлерден ақша бопсалаған
Депутаттар Астанаға президенттің есімін беруді қайта ұсынды
"Бір бөлімде 15 адам отыр, іс бітіретін үшеуі ғана" - Назарбаев шенеуніктерді сынады
Денис Теннің қазасы: Назарбаев тапсырма берді
Ақорда ғимараты

Президент Пашинянға құттықтау жеделхатын жолдады  

136
(Жаңартылды 19:19 02.08.2021)
Қасым-Жомарт Тоқаев Никол Пашинянның аса жауапты мемлекеттік лауазымдағы қызметі Арменияның тұрақты дамуы мен ілгерілеуіне ықпал ететініне сенім білдірді

НҰР-СҰЛТАН, 2 тамыз – Sputnik. Қазақстан президенті Қасым-Жомарт Тоқаев Армения премьер-министрі Никол Пашинянды осы қызметке қайта сайлануымен құттықтады, деп хабарлады Ақорданың ресми сайты.

"Сізге артылған сенім – қоғамдағы тұрақтылықты, бірлік пен келісімді қамтамасыз етуге, азаматтардың әл-ауқатын арттыруға, Арменияның халықаралық аренадағы беделін нығайтуға бағытталған саясатыңыздың кең қолдау тапқанының айқын көрінісі", – делінген жеделхатта.

Қасым-Жомарт Тоқаев Никол Пашинянның аса жауапты мемлекеттік лауазымдағы қызметі Арменияның тұрақты дамуы мен ілгерілеуіне, сондай-ақ, Қазақстанмен арадағы екіжақты және көпжақты қатынастарды кеңейтіп, тереңдетуге ықпал ететініне сенім білдірді. Сондай-ақ, мемлекет басшысы Арменияның премьер-министріне зор денсаулық пен мол табыс, достас армян халқына игіліктер мен өркендеу тіледі.

Айта кетейік, парламент сайлауында Пашинянның "Азаматтық келісім" партиясы сайлаушылардың 53,92 дауысын жинап, жеңіске жеткен болатын. Бүгін Армения президенті Армен Саркисян Никол Пашинянды премьер-министр лауазымына тағайындау туралы қаулыға қол қойды.

136
Ақорда

Тоқаев Ердоғанға: бауырлас түрік халқына көмек көрсетуге дайынбыз

149
(Жаңартылды 19:43 31.07.2021)
Қазақстан президенті Режеп Ердоғанға елдегі табиғат апатына қарсы күресте сәттілік тіледі

НҰР-СҰЛТАН, 31 шілде – Sputnik. Қазақстан президенті Қасым-Жомарт Тоқаев Түркиядағы алапат өртке байланысты Режеп Тайип Ердоғанға жеделхатын жолдады. Бұл туралы мемлекет басшысының баспасөз хатшысы Берік Уәли хабарлады.

"Мемлекет басшысы Қасым-Жомарт Тоқаев Түркияда болған алапат өрт салдарынан елдің экономикасы мен туристік базасына орасан зор шығын келгеніне және азаматтардың денсаулығына ауыр зардабын тигізгеніне байланысты Түркия президенті Режеп Тайип Ердоғанға ниеттестік білдірген жеделхат жолдады", - деп жазды Уәли.

Қазақстан президенті өз жеделхатында бауырлас түрік халқына гуманитарлық көмек көрсетуге дайын екенін атап өтіп, президент Режеп Ердоғанға елдегі табиғат апатына қарсы күресте сәттілік тіледі.

Айта кетері, Түркияда соңғы бірнеше күнде орман өрті өршіп тұр. Кеше Адана (Пос ауданы), Анталья (Манавгат, Аксеки, Газипаша), Мугла (Мармарис, Кёйджегиз), Мерсин (Айдынджик, Силифке), Османие (Кадирли) аймақтарында он ошақ сөндіріліп жатқаны хабарланды. Өрт салдарынан алты адам қаза болды, 180-нен астамы зардам шекті. Курортта демалып жатқан туристер қауіпсіз аймаққа көшірілді. 

Оқи отырыңыз: Анталиядағы алапат өрт: демалыстағы қазақстандық видео жариялады

 

149
Кілт сөздер:
Қасым-Жомарт Тоқаев, Режеп Тайип Ердоған
Архивтегі фото

Жоғары балл жинаған 19 талапкердің ҰБТ нәтижесі жойылды

0
ҰБТ бейнежазбаларының бір бөлігін егжей-тегжейлі қарап шыққаннан кейін, 19 талапкердің шпаргалка қолданғаны анықталды

НҰР-СҰЛТАН, 3 тамыз – Sputnik. 19 талапкердің ҰБТ нәтижесі жойылды. Бұл туралы білім және ғылым министрлігінің баспасөз қызметі хабарлады.

Ұлттық тестілеу орталығының қызметкерлері 100-ден жоғары балл жинаған талапкерлердің бейнежазбасын тексереді.

Биыл ҰБТ бейнежазбаларының бір бөлігін егжей-тегжейлі қарап шыққаннан кейін, 19 талапкердің шпаргалка қолданғаны және ережені бұзғаны анықталды. Осыған байланысты олардың нәтижесі жойылды.

"Түлектеріміз өз біліміне ғана сенуі үшін осындай мұқият тексеріс жүргізіп жатырмыз. Өйткені бүгін тест тапсырып, ережені бұзған талапкердің ертең полиция қызметкері, дәрігер, мұғалім немесе судья ретінде адал маман болатынына кепілдік жоқ. Сондықтан комиссия 19 талапкердің нәтижесін жоюға шешім қабылдады", – деп атап өтті БҒМ Ұлттық тестілеу орталығы директорының міндетін атқарушы Наужан Дидарбекова.

Оның айтуынша, енді олар білім гранттарын тағайындау конкурсына қатыса алмайды. Бірақ мұндай әрекет балалар тарапынан жасалғаны ескеріліп, оларға жоғары оқу орындарында ақылы негізде оқу мүмкіндігі беріледі.

"Бейнежазбаларды тексеруді жалғастырамыз. Заң бұзушылықтар анықталған жағдайда нәтижелер, тіпті берілген гранттардың да күші жойылады", – деп түйіндеді Дидарбекова.

Оқи отырыңыз: Биылғы ҰБТ-да бір түлек қана ең жоғары ұпай жинады 

Ұлттық тестілеу орталығының қызметкерлері өткен жылдағыдай, 145 мың талапкердің бейнежазбасын қарап шығады.  

Өткен жылы бақылау камераларынан бейнежазбаларды қарау туралы ереже енгізілген болатын. ҰБТ аяқталғаннан кейін 152 талапкердің тестілеу ережесін бұзғаны анықталып, нәтижесі жойылды. Олардың 91-і білім грантынан айырылды.

0