АСТАНА, 5 қазан — Sputnik. Қазақстан президенті Нұрсұлтан Назарбаев Қазақстан мен Ресей қарым-қатынасының дамуына баға берді.
Нұрсұлтан Назарбаевтың халыққа жолдауы — видео
Мемлекет басшысы Қазақстан халқына арналған жыл сайынғы кезекті жолдауында ішкі мәселелерге ғана емес, республиканың сыртқы саясатына да тоқталды.
"Бүгінде Қазақстан мен Ресей Федерациясының қарым-қатынасы өзгелерге үлгі етерліктей дәрежеде және біз әрі қарай да осы бағытта жылжитын боламыз. Толыққанды интеграциялық құрылым әрі халықаралық экономикалық қарым-қатынастардың белсенді мүшесі ретінде Еуразия экономикалық одағы табысты жұмыс істеп келеді", — деді Назарбаев жолдау жасау кезінде.
Сондай-ақ, мемлекет басшысы Қазақстанның БҰҰ Қауіпсіздік кеңесіндегі төрағалығын лайықты деңгейде тәмамдайтынын, Астанада өтіп жатқан шаралардың Сириядағы мәселені шешуде табысты келіссөздер жүргізу форматына айналғанын айтып өтті.
Назарбаевтың халыққа жолдауы — онлайн-репортаж
Бұдан өзге президент Қытай, АҚШ және өзге де мемлекеттермен серіктестік қарым-қатынастың өрбитініне назар аударды.
