Саясат

"Екеуіміз жақсы дос болдық". Назарбаев Джордж Буштың қазасына орай көңіл айтты

© Sputnik / Руслан Кривобок / Медиабанкке өту43-ші Президенті Джордж Уокер Буш
43-ші Президенті Джордж Уокер Буш - Sputnik Қазақстан
Жазылу
Жеделхатта Қазақстан президенті АҚШ-тың 41-ші президентін жылы сезіммен еске алды

АСТАНА, 2 желтоқсан – Sputnik. Нұрсұлтан Назарбаев АҚШ-тың 43-ші Президенті Джордж Уокер Бушқа көңіл айту жеделхатын жолдады, деп хабарлайды Ақорда.

АҚШ-тың бұрынғы президенті үлкен Джордж Буш - Sputnik Қазақстан
Әлем
АҚШ-тың бұрынғы президенті Джордж Буш көз жұмды

Мемлекет басшысы Америка Құрама Штаттарының 41-ші Президенті Джордж Герберт Уокер Буштың қайтыс болғаны туралы хабарды зор күйзеліспен қабылдады.

"Сіздің әкеңіз өз елінің нағыз патриоты болды әрі Американың өркендеуіне адал қызмет етті. Ол қырғи-қабақ соғыстың аяқталуына және жаһандық қауіпсіздікті сақтауға зор үлес қосқан аса көрнекті мемлекет қайраткері ретінде әлем тарихында өшпес із қалдырды", — дейді Назарбаев жедел хатта.

ҚР президенті атап өткендей, Қазақстан халқы Джордж Бушты екі жақты достық қарым-қатынасты орнатуға және оны нығайтуға көп күш жұмсаған дана саясаткер ретінде әрдайым есте сақтайтын болады. Ол –Қазақстанның тәуелсіздігін алғаш мойындаған көшбасшылардың бірі.

"Біз Джордж Буш екеуіміз жақсы дос болдық және жиі кездесіп тұрдық. Оның Техастағы резиденциясында, әсіресе 2006 жылы Кеннебанкпорттағы үйінде маған көрсеткен қонақжайлығын әрқашан жылы сезіммен еске аламын", — деді Назарбаев.

Сөз соңында мемлекет басшысы барша Қазақстан халқының және жеке өзінің атынан Кіші Джордж Бушқа және бүкіл Америка халқына көңіл айтты.

Жаңалықтар
0