Союз-ФГ зымыран тасымалдаушысы

Назарбаевтың отставкасынан кейін Байқоңырды жалға беру мәселесі қалай шешіледі

310
Ресей Қазақстанда билік ауысқаннан кейін де елдер арасындағы ынтымақтастықты жалғастырғысы келеді    

АСТАНА, 19 наурыз — Sputnik. Роскосмос президент Нұрсұлтан Назарбаевтың отставкасынан кейін қолданыстағы және болашаққа арналған ғарыш жобаларына қатысты ынтымақтастықты жалғастырады, деп хабарлады РИА Новости "Роскосмостың" ресми өкілі Владимир Устименкоға сілтеме жасап.  

Нұрсұлтан Назарбаев 19 наурызда Қазақстан халқына үндеуінде мемлекет басшысының өкілеттігін тоқтататынын мәлімдеді. Қазақстан президенті міндетін уақытша сенат спикері Қасым-Жомарт Тоқаев атқарады.

Қазіргі таңда Ресей Қазақстаннан Байқоңыр қаласы мен ғарыш айлағын жалға алып отыр. Жалға алынған жердің жалпы аумағы 6717 шаршы километрді құрайды.  

Елдер Байқоңырда "Бәйтерек" кешенін бірлесіп құрып жатыр.    

Байқоңыр – әлемде алғаш рет Жердің жасанды спутнигі мен ғаламшардың алғашқы ғарышкері Юрий Гагарин ұшқан ғарыш айлағы. КСРО ыдырағаннан кейін ғарыш айлағы Қазақстанның меншігіне өтті.

1994 жылы ғарыш айлағын жалға беру туралы екі жақты келісімге қол қойылды, 2004 жылы оның қолданылу мерзімі 2050 жылға дейін ұзартылды. Ресей Байқоңырды жалға алғаны үшін жыл сайын 115 миллион доллар төлейді.

310
Кілт сөздер:
Байқоңыр, Қазақстан, Ресей
Тақырып:
Нұрсұлтан Назарбаевтың отставкасы (32)
Тақырып бойынша
Тоқаев президент болса, елдің бағы жанады – шетелдік саясаткер
Назарбаев өз көмекшісін тағайындады
Қазақстанды кім басқаруы мүмкін? Белгілі саясаттанушы болжам жасады
Назарбаев пен Путин телефонмен сөйлесті
Қасым-Жомарт Тоқаев ертең ант береді
Нығматулин парламент палаталарының бірлескен отырысын шақырды
Назарбаевтың Қазақстан халқына үндеуі - видео
Ақорда ғимараты

Президент Пашинянға құттықтау жеделхатын жолдады  

135
(Жаңартылды 19:19 02.08.2021)
Қасым-Жомарт Тоқаев Никол Пашинянның аса жауапты мемлекеттік лауазымдағы қызметі Арменияның тұрақты дамуы мен ілгерілеуіне ықпал ететініне сенім білдірді

НҰР-СҰЛТАН, 2 тамыз – Sputnik. Қазақстан президенті Қасым-Жомарт Тоқаев Армения премьер-министрі Никол Пашинянды осы қызметке қайта сайлануымен құттықтады, деп хабарлады Ақорданың ресми сайты.

"Сізге артылған сенім – қоғамдағы тұрақтылықты, бірлік пен келісімді қамтамасыз етуге, азаматтардың әл-ауқатын арттыруға, Арменияның халықаралық аренадағы беделін нығайтуға бағытталған саясатыңыздың кең қолдау тапқанының айқын көрінісі", – делінген жеделхатта.

Қасым-Жомарт Тоқаев Никол Пашинянның аса жауапты мемлекеттік лауазымдағы қызметі Арменияның тұрақты дамуы мен ілгерілеуіне, сондай-ақ, Қазақстанмен арадағы екіжақты және көпжақты қатынастарды кеңейтіп, тереңдетуге ықпал ететініне сенім білдірді. Сондай-ақ, мемлекет басшысы Арменияның премьер-министріне зор денсаулық пен мол табыс, достас армян халқына игіліктер мен өркендеу тіледі.

Айта кетейік, парламент сайлауында Пашинянның "Азаматтық келісім" партиясы сайлаушылардың 53,92 дауысын жинап, жеңіске жеткен болатын. Бүгін Армения президенті Армен Саркисян Никол Пашинянды премьер-министр лауазымына тағайындау туралы қаулыға қол қойды.

135
Ақорда

Тоқаев Ердоғанға: бауырлас түрік халқына көмек көрсетуге дайынбыз

149
(Жаңартылды 19:43 31.07.2021)
Қазақстан президенті Режеп Ердоғанға елдегі табиғат апатына қарсы күресте сәттілік тіледі

НҰР-СҰЛТАН, 31 шілде – Sputnik. Қазақстан президенті Қасым-Жомарт Тоқаев Түркиядағы алапат өртке байланысты Режеп Тайип Ердоғанға жеделхатын жолдады. Бұл туралы мемлекет басшысының баспасөз хатшысы Берік Уәли хабарлады.

"Мемлекет басшысы Қасым-Жомарт Тоқаев Түркияда болған алапат өрт салдарынан елдің экономикасы мен туристік базасына орасан зор шығын келгеніне және азаматтардың денсаулығына ауыр зардабын тигізгеніне байланысты Түркия президенті Режеп Тайип Ердоғанға ниеттестік білдірген жеделхат жолдады", - деп жазды Уәли.

Қазақстан президенті өз жеделхатында бауырлас түрік халқына гуманитарлық көмек көрсетуге дайын екенін атап өтіп, президент Режеп Ердоғанға елдегі табиғат апатына қарсы күресте сәттілік тіледі.

Айта кетері, Түркияда соңғы бірнеше күнде орман өрті өршіп тұр. Кеше Адана (Пос ауданы), Анталья (Манавгат, Аксеки, Газипаша), Мугла (Мармарис, Кёйджегиз), Мерсин (Айдынджик, Силифке), Османие (Кадирли) аймақтарында он ошақ сөндіріліп жатқаны хабарланды. Өрт салдарынан алты адам қаза болды, 180-нен астамы зардам шекті. Курортта демалып жатқан туристер қауіпсіз аймаққа көшірілді. 

Оқи отырыңыз: Анталиядағы алапат өрт: демалыстағы қазақстандық видео жариялады

 

149
Кілт сөздер:
Қасым-Жомарт Тоқаев, Режеп Тайип Ердоған
Ақорда, архивтегі фото

Тоқаев ішкі істер министріне карантиндік шараларға қатысты тапсырма берді

6
Жыл басынан бері 50 жалған вакциналау паспортын және 60 жалған ПТР-анықтамасын жасау бойынша 110 қылмыстық іс қозғалды

НҰР-СҰЛТАН, 3 тамыз – Sputnik. Президент Қасым-Жомарт Тоқаев ішкі істер министрін қабылдады, деп хабарлады Ақорданың ресми сайты.      

Ерлан Тұрғымбаев мемлекет басшысына елдегі криминогендік ахуал туралы баяндап берді. Сондай-ақ, ішкі істер органдарының жұмысы бойынша есеп берді.  

Министрдің айтуынша, бүгінде қылмысты ашу көрсеткіштері жақсарып отыр. Соның нәтижесінде кісі өлтіру, тонау, бұзақылық, ұрлық, сондай-ақ, кәмелеттік жасқа толмағандар жасаған құқық бұзушылықтардың саны азайды.

"Қоғамдық орындар мен көшедегі қауіпсіздік деңгейі жоғарылады. Алайда интернет желісін пайдалану арқылы жасалатын алаяқтық қылмыстар көбейген. Бұған пандемия кезіндегі онлайн-қызметтердің өсуі ықпал етті", - дейді Тұрғымбаев.

Бұдан бөлек, мемлекет басшысына жалған вакциналау паспорттарын таратудың жолын кесу бойынша қабылданып жатқан шараларға қатысты ақпарат берілді. Жыл басынан бері 50 жалған вакциналау паспортын және 60 жалған ПТР-анықтамасын жасау бойынша 110 қылмыстық іс қозғалды.

Сондай-ақ, Тұрғымбаев жеке құрамның 96 проценті екпе алғанын жеткізді.

Кездесу қорытындысы бойынша Қасым-Жомарт Тоқаев министрлікке басқа мемлекеттік органдармен бірлесіп, карантиндік шараларды қамтамасыз етуге ерекше көңіл бөлуді, сондай-ақ, кәмелетке толмағандарға қарсы қылмыстардың, тұрмыс саласындағы құқық бұзушылықтардың алдын алу және жол қауіпсіздігін қамтамасыз ету жөніндегі жұмысты жандандыруды тапсырды.

6