Дариға Назарбаева

Дариға Назарбаева Қожамжаровқа: бүгін берген антқа адал болыңыз

3110
Сенат отырысында жоғары палата төрайымы Дариға Назарбаева Қожамжаровты сенат депутаты болып тағайындалуымен құттықтады

НҰР-СҰЛТАН, 28 наурыз – Sputnik. Жуырда сенат депутаты болған бұрынғы бас прокурор Қайрат Қожамжаров ант берді, деп хабарлайды Sputnik Қазақстан тілшісі.

Бүгін сенаттың жалпы отырысында жоғары палата төрайымы Дариға Назарбаева Қайрат Қожамжаровты сенат депутаты болып тағайындалуымен құттықтады.

"Қайрат Пернешұлы білікті және тәжірибелі заңгер ретінде сенаттың заң шығарушылық қызметіне белсенді түрде араласып, қомақты үлес қосады деп сенеміз", - деді сенаттың жаңа төрайымы.

Белгіленген тәртіп бойныша жаңадан тағайындалған депутат палата отырысында ант берді.

"Қазақстан халқына адал қызмет етуге, Қазақстанның тұтастығы мен тәуелсіздігін нығайтуға, оның Констиутциясы мен заңдарына қатаң бағынуға, депутаттың өзіме жүктелгене мәртебелі міндеттерін адал атқаруға ант беремін", - деді Қожамжаров.

"Бүгін берген антқа адал болып, қызметіңіздің табысты болуына тілектеспіз", - деді Дариға Назарбаева.

Сонымен қатар, Қожамжаров сенаторлардың дауыс беруімен жоғарғы палатаның халықаралық қатынастар, қорғаныс және қауіпсіздік жөніндегі тұрақты комитетінің құрамына кірді.

Бұған қоса, сенат отырысында депутат Дархан Сатыбалдының өкілеттігі тоқтатылды.

Жақында Сатыбалды Қазақстанның Өзбекстандағы төтенше және өкілетті елшісі болып тағайындалған еді.

3110
Кілт сөздер:
Қайрат Қожамжаров, Дариға Назарбаева
Тақырып бойынша
Дариға Назарбаева сенат төрайымы ретінде алғашқы тапсырмасын берді
"Бас иеміз" Дариға Назарбаева қаза болған полицейдің отбасына көңіл айтты
Дариға Назарбаева сенат спикері болды
"Құшақтасамыз" Дариға Назарбаева ресейлік қонақтарға бүгінгі мерекенің мәнін түсіндірді
Дариға Назарбаева туралы қызықты деректер - фото
Ақорда ғимараты

Тоқаев пен Назарбаев Ердоғанға жеделхат жолдады

1406
(Жаңартылды 14:46 31.10.2020)
Қазақстан президенті Қасым-Жомарт Тоқаев түрік халқына қажет болған жағдайда көмек көрсетуді ұсынды

НҰР-СҰЛТАН, 31 қазан – Sputnik. Президент Қасым-Жомарт Тоқаев Реджеп Тайип Ердоғанға көңіл айту жеделхатын жолдады.

Қазақстан Президенті Қасым-Жомарт Тоқаев Измир провинциясындағы жер сілкінісі салдарынан қайтыс болған және зардап шеккен азаматтар туралы суыт хабарды терең күйзеліспен қабыл алды, деп хабарлайды Ақорда.

"Сізге және осы табиғи апатта жақындарынан айырылған отбасыларға Қазақстан халқының және жеке өзімнің атымнан көңіл айтып, орны толмас қайғыға ортақтасамын. Жарақат алған адамдардың тез арада отбасыларына қайта оралуларына дұға етеміз. Бауырлас түрік халқына шынайы тілекші ел ретінде, қажеттілік туындаған жағдайда, қазақ халқы мен үкіметі тиісті көмек көрсетуге дайын", – делінген жеделхатта.

Елбасы Нұрсұлтан Назарьбаев та Түркияның Измир провинциясында жер сілкінісі салдарынан тұрғындардың зардап шегіп, қаза болғаны туралы суыт хабарды күйзеліспен қабылдағанын айтты.

"Қайғыларыңызға ортақтасып, марқұм болғандардың туыстары мен жақындарына, сондай-ақ бүкіл Түркия халқына көңіл айтамын. Зардап шеккендердің тезірек сауығып кетуіне тілектестігімді білдіре отырып, бауырлас түрік халқының осы ауыртпалықты сабырмен еңсеретініне сенімдімін", – делінген жеделхатта.

Түркиядағы жер сілкінісі

30 қазан күні Түркияда магнитудасы 7 балдық жер сілкінісі болды. Салдарынан Измир провинциясында ғана емес грекиялық Самос аралында да сезілді.

Жер сілкінісінің эпицентрі - Измир провинциясының Сеферихисар қаласында. Жер сілкінісі әсерінен Эгей теңізінде цунами толқыны болды.

Соңғы мәліметке сәйкес, жер сілкінісі салдарынан Түркияда 25 адам, Грекияда екі адам көз жұмды. Түркияда 804 адам, Грекияда 20 кісі зардап шекті.

1406
Кілт сөздер:
Режеп Тайип Ердоған, Назарбаев, Қасым-Жомарт Тоқаев
Тақырып бойынша
"Қайта қарау қажет": Тоқаев қазақстандықтар ұсынысын қолдайтынын айтты
Тоқаев үкіметке кімдердің жалақысын өсіруді тапсырғанын айтты
Тоқаев карантин енгізген кезде кәсіпкерлердің мүддесін ескеруді тапсырды
Тоқаев карантинге байланысты қазақстандықтарға үндеу жасады
Полицияда дөрекілік пен біліксіздікке жол берілмеуі керек – Тоқаев
Шекара пункті

Қазақстан мен Ресей арасындағы шекараны демаркациялау жұмысы қалай жүріп жатыр

83
Қазақстан мен Ресей 2020 жылы орындалған далалық демаркациялық жұмыстардың қорытындысын шығарды. Комиссияның келесі отырысы қарашада Ресейде өтеді

НҰР-СҰЛТАН, 30 қазан – Sputnik. Алматыда 26-30 қазан аралығында Қазақстан-Ресей бірлескен демаркациялық комиссиясының 103-ші отырысы өтті.

"Тараптар 2020 жылы орындалған далалық демаркациялық жұмыстардың қорытындысын шығарып, Қазақстан-Ресей мемлекеттік шекарасының жекелеген учаскелерін демаркациялаудың қорытынды құжаттарының жобаларын тексеруді жалғастырды", - деп мәлімдеді Қазақстанның сыртқы істер министрлігінен.

Делегациялар комиссияның жұмыс жоспарын, сондай-ақ, 2021 жылдағы далалық және камералдық демаркациялық жұмыстарды талқылады.

Келіссөздер достық және сындарлы атмосферада өтті.

Комиссияның келесі отырысы 2020 жылдың қараша айында Ресейде өтеді.

2019 жылдың қарашасында Қазақстан-Ресей шекарасын (ұзындығы – 7,5 мың шақырымнан астам) делимитациялау процесі аяқталғаны хабарланған еді. Ресей президенті әкімшілігінің баспасөз қызметі шекараны шегендеу, яғни демаркациялау бойынша жұмыс жүргізіліп жатқанын, бүкіл мемлекеттік шекараның 86,7%-ы белгіленгенін нақтылады.

83
Кілт сөздер:
шекара, Ресей
Тақырып бойынша
Мемлекеттік шекараны кімдер кесіп өте алады
Қазақстан мемлекеттік шекараны дронмен күзетуі мүмкін
Қазақстан Ресей және Өзбекстанмен шекараны демаркациялап жатыр   
Қырау басқан жапырақтар

Тұман, жаңбыр және қатты жел ертеңге ауа райы болжамы жарияланды

57
Республиканың басым аумағында ауа райы жауын-шашынсыз болады, солтүстікте жаңбыр жауады деп болжануда

НҰР-СҰЛТАН, 31 қазан – Sputnik. Қазақстанда, синоптиктердің болжамынша, 1 қарашада күн ашық болады.

Қазақстанның басым аумағында антициклон әсерінен ауа райы жауын-шашынсыз болады. Тек елдің солтүстігінде жаңбыр жауады деп болжануда. Республиканың кей жерлерінде тұман түсіп, оңтүстік және оңтүстік-шығыста жел күшейеді.

Өңірлердегі ауа райы

Алматы облысында түнде және таңертең кей жерлерде тұман түседі, күндіз Жалаңашкөл ауданында секундына 15-20 метр жылдамдықпен жел соғады.

Тағы оқыңыз: Төтенше жағдайлар министрлігі автокөлік иелеріне үндеу жасады

Жамбыл, Ақмола, Батыс Қазақстан, Павлодар, Шығыс Қазақстан, Солтүстік Қазақстан облыстарында кей жерлерді тұман басады, Жамбыл облысында түнде желдің екпіні 15-20 м/c дейін күшейеді.

Дабылды ескерту

Қызылорда облысында күндіз желдің жылдамдығы секундына 15-20 метрге дейін барады.

Ақмола облысында 1 қарашада тұман түседі деп болжанып отыр.

Мегаполистерде ауа райы қандай болады

Нұр-Сұлтанда күн ашық болады. 3-5 м/c жел тұрады. Түнде ауа температурасы -3-4 градус, ал күндіз – 5-8 градус жылы.

Алматыда да ауа райы жауын-шашынсыз. Секундына 1-8 метр жылдамдықпен жел соғады. Сынап бағанасы түнде +4... +5 градусты, ал күндіз +9... +10 градусты көрсетеді.

Шымкентте күн жылы әрі ашық,  2-5 м/c жел соғады. Ауа температурасы түнде +3... +5, күндіз +17... +19 градус болады.

57
Кілт сөздер:
ауа райы болжамы