ЕАЭО елдерінің тулары

Идеядан нақтылыққа: Назарбаев Еуразиялық экономикалық одақтың келешегі туралы айтты

520
Нұр-Сұлтан қаласында Еуразиялық экономикалық одақтың бес жылдығына орай халықаралық конференция өтіп жатыр

НҰР-СҰЛТАН, 11 сәуір - Sputnik. Қазақстанның тұңғыш президенті – Елбасы Нұрсұлтан Назарбаев "Идеядан нақтылыққа: еуразиялық бастаманың 25 жылдығына" халықаралық конференцияда Еуразиялық экономикалық одақтың болашағы туралы сөз қозғады.

Елбасының үндеуін Қазақстан Республикасы президентінің әкімшілігі басшының бірінші орынбасары Дархан Кәлетаев Назарбаев орталығы алаңқайында оқып берді.

Назарбаев мәлімдемесінде еске сала өткендей, 1994 жылы Мәскеу мемлекеттік университеті қабырғасында алғаш рет интеграциялық жоба құру туралы ұсыныс айтты. Ал қазір ЕАЭО ішкі сауда айналымы 750 миллиард доллардан асатын ірі нарыққа айналып отыр. Жалпы ЖІӨ 2 триллион доллар, ал халық саны 180 миллион адамнан асады.

"Келешекте ЕАЭО Еуропа мен Азия арасындағы сенімді көпір ретінде әлемдік экономикалық жүйемен тығыз интеграцияланған ашық экономикалық қауымдастыққа айналады. Экономикалық интеграцияны нығайту экономикалық өсім мен әртараптандырудың, бәсекеге қабілеттілікті жетілдірудің, бизнес ахуалды жақсарту мен елдеріміздің инвестициялық тартымдылығын арттырудың негізгі көзі бола алады", - делінген Назарбаевтың үндеуінде.

Елбасының айтуынша, ЕАЭО мен Жібек жолы экономикалық белдеуінің құрылысын ұштастырудың, Шанхай ынтымақтастық ұйымы және Еуроодақпен ынтымақтастықты тереңдетудің маңызы зор.

"Біз негізгі мақсаттарға жету жолында нық қадам басып келеміз: тауарлар, қызметтер, капитал мен жұмыс күшінің еркін қозғалысы. Конференция барысында айтылатын ұсыныстар мен бастамалар елдер арасындағы диалогты дамытуға оң ықпал етеді деп сенемін. Барлық қатысушыларға табыс және өнімді еңбек тілеймін", - деді тұңғыш президент сөз соңында.

Халықаралық конференцияда Ресей Федерациясы президентінің алғы сөзін РФ президентінің өңіраралық және шетелдермен мәдени байланыс басқармасының басшысы Владимир Чернов оқыды.

"Қазақстанның тұңғыш президенті Нұрсұлтан Назарбаев Мәскеу мемлекеттік университеті қабырғасында ұсынған тең құқықты елдерді біріктіру идеясынан экономикалық одақ дәрежесіне дейін жеткен Еуразиялық интеграция жобасы өз тиімділігін толығымен дәлелдеді. ЕАЭО-ға мүше елдер сауда-экономикалық, инвестициялық және гуманитарлық байланыстарын нығайтып келеді", - деді Путин өз сөзінде.

Ресейлік көшбасшы Қазақстан мен РФ арасындағы шекаралық және өңіраралық ынтымақтастықты күшейту керектігін атап өтті. Владимир Путин көптеген салада қолға алынған ортақ ірі жобаларға назар аударды.

"Континенттегі көпжақты құрылымдармен өзара іс-қимыл қалыптасып келеді және, ең бастысы, ЕАЭО аясындағы интеграциялық процестер бауырлас халықтар игілігі үшін Ресей мен Қазақстан арасындағы қарым-қатынас пен стратегиялық серіктестікті және одақтастықты нығайтуға қосымша септігін тигізеді", - делінген Путиннің мәлімдемесінде.

Айта кетсек, бүгін Нұр-Сұлтан қаласында "Идеядан нақтылыққа: еуразиялық бастаманың 25 жылдығына" атты халықаралық конференция өтіп жатыр. Бұл шара Нұрсұлтан Назарбаевтың осыдан 25 жыл бұрын М.В. Ломоносов атындағы ММУ-де еуразиялық бастаманы ұсынуы мен Еуразиялық экономикалық одақтың бес жылдығына арналған.

520
Кілт сөздер:
ЕАЭО, Владимир Путин, Назарбаев
Тақырып бойынша
Сенат ЕАЭО-ға Қырғызстанның қосылуы туралы хаттаманы ратификациялау туралы заңды қабылдады
ЕАЭО Иран және Қытаймен келісімге қол қояды
Фотодерек: Назарбаев ЕАЭО елдері басшыларымен бірге жағалауда серуендеді
Иран мен ЕАЭО еркін сауда аймағы туралы келісімге қол қойды
ЕАЭО елдерінің журналистері Армения премьер-министрінің кеңесшісіне сұрақтарын қояды
Қытайдың жасанды тауарларына қарсы күрес: ЕАЭО қандай айла тапты?
Назарбаев ЕАЭО жұмысындағы үш басымдықты айқындады
Встреча президента Казахстана Касым-Жомарта Токаева с Дмитрием Козаком

Путиннің тапсырмасы: Козак Қазақстанға не үшін келді?

53
(Жаңартылды 16:03 04.12.2020)
Владимир Путиннің тапсырмасымен РФ президенті әкімшілігі басшысының орынбасары Дмитрий Козак Қазақстан мен Өзбекстанға барды. Жоғары лауазымды шенеунік екі елдің басшылығымен кездесті. Оны президенттер Қасым-Жомарт Тоқаев пен Шавкат Мирзиеёв те қабылдады

НҰР-СҰЛТАН, 4 желтоқсан – Sputnik. Қазақстан мен Өзбекстанда өткен келіссөздердің негізгі тақырыбы – Мәскеудің Нұр-Сұлтан мен Ташкентпен арадағы қарым-қатынасты күшейту. Сондай-ақ, екіжақты және көпжақты форматта сан алуан саммитерге дайындық мәселелері талқыланды. Мәселен, 11 желтоқсанда Жоғары Еуразиялық кеңестің онлайн отырысы өтеді.

Нұр-Сұлтандағы кездесу

Қазақстан астанасында Дмитрий Козакты президент Қасым-Жомарт Тоқаев қабылдаған болатын. Кездесу кезінде Қазақстан мен Ресей арасындағы әріптестіктің өзекті мәселелері талқыланды. Ақорданың мәліметіне сәйкес, тараптар саяси, сауда-экономикалық және гуманитарлық ынтымақтастықты дамыту мәселесіне баса назар аударды. Сондай-ақ, Жоғары Еуразиялық экономикалық кеңестің отырысы қарсаңында еуразиялық интеграция жайы сөз болды.   

Встреча президента Казахстана Касым-Жомарта Токаева с Дмитрием Козаком
© Официальный сайт Президента РК / AMAN
Қазақстан президенті Қасым-Жомарт Тоқаев Дмитрий Козакпен кездесті

Қасым-Жомарт Тоқаев Ресей Федерациясымен күн тәртібінде тұрған барлық мәселе бойынша одақтас байланыстарын дамыту маңызды екенін мәлімдеді. Бұдан бөлек, екі жақ президент әкімшіліктерінің арасында қарым-қатынасты дамытуға келісті. Дмитрий Козак Қазақстан президенті әкімшілігінің басшысы Ерлан Қошанов пен премьер-министр Асқар Маминмен де кездесті.

"Келіссөздер барысында тараптар Ресей-Қазақстан одақтастық қатынастарының қазіргі жағдайы, екіжақты ынтымақтастықты дамыту перспективалары және ҰҚШҰ, ЕАЭО, ТМД, ШЫҰ шеңберіндегі интеграциялық байланыстарды нығайту мәселелері бойынша пікір алмасты", - деп хабарлады Қазақстандағы Ресей елшілігінің баспасөз қызметі.

Ташкенттегі жүздесу

Өзбекстан президентінің баспасөз қызметі таратқан ақпаратқа сәйкес, "Шавкат Мирзиёев соңғы жылдары жоғары деңгейдегі жемісті диалог Өзбекстан мен Ресейдің арасындағы көпжоспарлы ынтымақтастықты, стратегиялық әріптестік мен одақтастық байланыстарды күшейтуді қамтамасыз еткенін үлкен ризашылықпен атап өткен".

Встреча Дмитрия Козака и президента Узбекистана Шавката Мирзиёева
Дмитрий Козак пен Өзбекстан президенті Шавкат Мирзиёевтің кездесуі

Дмитрий Козак өз кезегінде Өзбекстан басшысына жылы қарсы алғаны үшін алғыс білдіріп, Ресей президенті Владимир Путиннің ізгі тілегін жеткізді. Кездесуде екеуі жоғары деңгейде өтетін шаралардың күн тәртібін барынша мазмұнды ету жайын талқылады. Атап айтқанда, алдағы уақытта ТМД басшыларының саммиті өтеді. Оны кейінге шегерген болатын. Бұдан бөлек, тараптар халықаралық саясаттың кейбір мәселелерін де талқылады.

Қазақстан мен Ресей арасындағы дипломатиялық қарым-қатынас

1992 жылы 22 қазанда екі елдің арасында дипломатиялық байланыстар орнатылған болатын. Сол жылы "Достық, ынтымақтастық пен өзара көмек", "Ұжымдық қауіпсіздік туралы келісім" сияқты негізгі құжаттар рәсімделді. Одан кейін "XXI ғасырдағы тату көршілік пен одақтастық туралы келісімшарт", "Еуразиялық экономикалық одақ" сынды базалық шарттарға қол қойылды.

2020 жылы қазан айында Қазақстанға Ресейдің қорғаныс министрі Сергей Шойгу іссапармен келіп кетті. Екі елдің министрлері әскери ынтымақтастық туралы жаңа шартты рәсімдеді. Шойгу қазақстандық әріптестерімен арадағы байланыстарға жоғары баға беріп, екі елдің шекарасы толығымен демилитаризацияланғанын жеткізді.

Тығыз қарым-қатынастың тағы бір көрінісі – денсаулық сақтау саласы. Биыл 22 желтоқсаннан бастап Қазақстанда коронавирусқа қарсы "Спутник V" атты ресейлік вакцина өндіріске шығарылады. 

Бұдан бөлек, Ресей Қазақстанның ірі әрі маңызды сауда әріптесті болып саналады. Отандық өнім өндірушілер көрші елдің нарығына ғана емес, ол арқылы Еуропаға да шыға алады. Отын-энергетика саласы да тыс қалмады. Биыл Қазақстан билігі шығыс өңірлерін Ресейден келетін құбыр арқылы газдандыруға мүдделі екенін мәлімдеген.

53
Қасым-Жомарт Тоқаев

Тоқаевқа қосымша өкілеттілік беріледі - парламент заң қабылдады

1573
(Жаңартылды 12:42 03.12.2020)
Мемлекет басшысы республикалық, облыстық, аудандық маңызы бар қалалар мен елді мекендердің мәртебесін өзгерте алады

НҰР-СҰЛТАН, 3 желтоқсан – Sputnik. Сенат депутаттары "ҚР Әкiмшiлiк-аумақтық құрылысы туралы" заңға өзгерістер мен толықтырулар енгізуді көздейтін заңды қабылдады. Соның аясында президентке қосымша өкілеттілік беру қарастырылған, деп хабарлайды Sputnik Қазақстан тілшісі.

Салалық комитеттің өкілдері әкiмшiлiк-аумақтық құрылыс саласындағы заңнаманы жетілдіру жөніндегі заң жобасының негізгі мақсаты ерекше екенін атап өтті. Осыған байланысты бірқатар түзету енгізіліп отыр. Олар:

  • қаладағы аудандарды елді мекендердің құрамдық бөліктеріне жатқызу;
  • облыстық маңызы бар қаладағы, республикалық маңызы бар қаладағы, астанадағы халық саны 400 мың адамнан астам болған кезде, оларда аудан құру;
  • аудандық маңызы бар қаланың, кенттің және ауылдың өлшемшарттарын нақтылау;
  • Президентке үкіметтің ұсынуы бойынша және жергілікті өкілді және атқарушы органдардың пікірін ескере отырып, республикалық, облыстық және аудандық маңызы бар қалаларды өзге елді мекендер етіп қайта құру туралы шешім қабылдау бойынша өкілеттік беру;
  • Қазақстан президентіне республикалық, облыстық және аудандық маңызы бар қалаларды өзге елді мекендер етіп қайта құру туралы ұсыну енгізу бойынша жаңа құзырет беру;
  • облыстық өкілді және атқарушы органдарға Қазақстан Республикасының үкіметіне облыстық және аудандық маңызы бар қалаларды өзге елді мекендер етіп қайта құру туралы ұсыныс енгізу бойынша жаңа өкілеттік беру;
  • аудандық маңызы бар қала әкіміне аудандық өкілді және атқарушы органдарға аудандық маңызы бар қаланы кент, ауыл санатына жатқызу туралы ұсыныс енгізу бойынша өкілеттік беру.

Сенатор Нұрлан Бекназаровтың айтуынша, қолданыстағы заңда аудандық маңызы бар қалаларға халық саны 10 мың адамнан кем емес елді мекендер жатады. Алайда бүгінде 48 аудандық маңызы бар қаланың 13-і халықтың саны бойынша қала мәртебесіне сәйкес келмейді, яғни осы аудандық маңызы бар қалаларда тұрғындар санының аздығына байланысты олардың мәртебесін өзгерту қажет. 

"Алайда қолданыстағы заңнамада аудандық маңызы бар қаланың мәртебесін ауыл санатына өзгерту жөнінде норма қарастырылмаған. Сондықтан осы заң жобасында аудандық маңызы бар қалаларды өзге елді мекендерге қайта құру жөніндегі құзыретті айқындайтын түзетулер енгізіліп отыр", - деді Бекназаров сенаттың жалпы отырысында. 

Түзету енгізудің тағы бір ұтымды тұсы, қала мәртебесі ауылдық елді мекенге өзгерген жағдайда сонда тұратын азаматтар ауыл тұрғындары мемлекеттік әлеуметтік қолдау шараларына қатыса алады. Мысалы, денсаулық сақтау, білім беру, спорт, мәдениет, әлеуметтік қамсыздандыру салаларының қызметкерлерінің жалақысына жергілікті өкілді органдардың шешімдері бойынша 25 проценттен кем емес үстемақы қосылады. 

"Оған қоса, тұрғындар коммуналдық төлемдерге, қызметтік тұрғын үйге, "Дипломмен ауылға" мен "Еңбек" бағдарламасы бойынша кәсіптік білім алу мен ауылдық жерде кәсіпкерлікті қолдауға, дамытуға қатысты бірқатар жеңілдіктерді пайдалана алады", - деп атап көрсетті сенатор.

1573
Кілт сөздер:
өкілеттік, Қасым-Жомарт Тоқаев
Тақырып бойынша
"Кінәлілер жауапқа тартылады": Тоқаев Алматыдағы оқиғаға қатысты тапсырма берді
Отставкаға дейін Тоқаев пен Назарбаев не туралы сөйлескені белгілі болды
Тоқаев үш жылға арналған республикалық бюджет туралы заңға қол қойды
Жәрдемақыны оңды-солды таратуды доғару қажет – Тоқаев
Тоқаев Қазақстанның абыройын асырған Қарақат Башанова туралы жазды
 Қазақстан мен Ресейдің тулары

Көкшетауда өтетін өңіраралық ынтымақтастық форумына Тоқаев пен Путин қатысады

0
Қазақстан-Ресей форумын осы жылдың жылдың қараша айында өткізу жоспарланған болатын, коронавирус пандемиясына байланысты кейінге қалдырылды

НҰР-СҰЛТАН, 4 желтоқсан – Sputnik. Кейінге қалдырылған Қазақстан мен Ресей өңіраралық ынтымақтастық форумы келесі жылы өтеді, деп хабарлады экология, геология және табиғи ресурстар министрлігінің баспасөз қызметі.

Оқи отырыңыз: Тоқаев пен Путин қатысатын жиын кейінге шегерілді 

Жұма күні Мәскеуде Қазақстан Республикасының экология, геология және табиғи ресурстар министрі Мағзұм Мырзағалиев Ресей Федерациясының табиғи ресурстар және экология министрі Александр Козловпен кездесті. 

"Кездесу аясында 2021 жылы Көкшетау қаласында мемлекет басшыларының қатысуымен өтеді деп жоспарланған Қазақстан мен Ресейдің XVII өңіраралық ынтымақтастық форумына дайындық мәселелері де талқыланды", - делінген хабарламада. 

Форум 2021 жылдың қараша айында өтуі керек болатын, коронавирус пандемиясына байланысты кейінге қалдырылды.

Көкшетаудағы өңіраралық ынтымақтастық форумы

Қазақстан мен Ресейдің ХVII өңіраралық ынтымақтастық форумына экология және "жасыл" өсу тақырыбы арқау болады.

Алғашқы өңіраралық форум 2003 жылы Омбыда өтті, оған Қазақстанның тұңғыш президенті Нұрсұлтан Назарбаев пен Ресей басшысы Владимир Путин қатысты. Содан бері Қазақстан мен Ресей басшыларының шекаралас облыстардың бірінде кездесуі дәстүрге айналды. Алайда бұл жолы форум Ресей Федерациясымен шектеспейтін облыста ұйымдастырылып отыр.   

0
Тақырып бойынша
Тоқаев пен Путин Көкшетауда кездеседі
Путин Тоқаевқа ерекше құрмет көрсетті – видео
Путин мен Тоқаев Омбыда форум өткізіп, сыйлық алмасты – видео
Нұрсұлтан Назарбаев батыл ұсыныс жасады