Ауыл партиясы

"Ауыл" партиясынан сайлауға кім түсетіні белгілі болды

800
(Жаңартылды 16:16 25.04.2019)
"Ауыл" партиясы алдағы президент сайлауына өз кандидатын ұсынды

НҰР-СҰЛТАН, 25 сәуір – Sputnik. "Ауыл" партиясы алдағы кезектен тыс президент сайлауына Төлеутай Рақымбековті ұсынып, кандидатурасын бірауыздан қолдады, деп хабарлайды Sputnik Қазақстан тілшісі.

Нұр-Сұлтан қаласында "Ауыл" партиясының кезектен тыс XV съезі өтті. Съездің күн тәртібінде алдағы кезектен тыс президент сайлауына партия атынан кандидатура ұсыну мәселесі қаралды. 

Кандидат от партии Ауыл Толеутай Рахимбеков
© Sputnik / Абзал Калиев
"Ауыл" партиясынан президенттікке кандидат Төлеутай Рақымбеков

"Ауыл" партиясының төрағасы Әли Бектаев партия мерзімінен бұрын президент сайлауына қатысатынын мәлімдеп, президенттікке үміткер ретінде Төлеутай Сатайұлы Рақымбековті ұсынды. Бектаев Төлеутай Рақымбеков қоғамға жақсы таныс, мелекеттік қызметте өзінің ұлтжандылығын көрсетіп, елге деген адалдығымен танылған азамат екенін атап өтті.

"Ақ жол" партиясынан президенттікке кандидат Дания Еспаева

Партия мүшелері президент лауазымына үміткерге түрлі сұрақтар қойды, соның бірі қазақ тілі мен жерге қатысты болды.

"Қазақстанда қазақ тілі бірінші орында тұруы керек", - деді кандидат.

Сондай-ақ, жерді 49 жылға жалға беруді құптайтынын, шетелдіктерге сатылмау керек екенін айтты. Жерді тиімді және дұрыс пайдалану керек деген пікірде.

Перуашев президент сайлауына неге түспегенін айтты

Төлеутай Рақымбеков туралы не білеміз?

Төлеутай Сатайұлы Рақымбеков 1964 жылы 19 шілдеде Қарағанды облысы, Жаңаарқа ауданы Атасу кентінде туған.

1986 жылы Қазақ ауыл шаруашылығы институтын инженер-механик мамандығы бойынша тәмамдады. Бөкетов атындағы Қарағанды мемлекеттік университетін заңгер мамандығы бойынша бітірген. Экономика ғылымдарының докторы.

Еңбек жолы

Еңбек жолын 1987 жылы Қазақ ауыл шаруашылығы институтының аспирантурасын бітіргеннен кейін, Қарағанды облыстық Жаңаарқа аудандық ауыл шаруашылығы техникалары бірлестігінде инженер болып бастаған.

1992 жылдан бері кәсіпкерлікпен айналысқан.

1999-2001 жылдары – Сәтбаев қаласы әкімінің орынбасары;

2001-2002 жылдары – Жезқазған мемлекеттік университетінің доценті;

Конституциялық кеңес Тоқаевтың өтінішіне байланысты шешім шығарды

2002-2006 жылдары Қазақстанның ауыл шаруашылығы министрлігінде басқарма басшысы, департамент директоры секілді түрлі басшылық қызметтер атқарды;

2006-2007 жылдары – Көлік және коммуникация министрлігі көлік саясаты және халықаралық ынтымақтастық департаментінің директоры;

2007-2009 жылдары – "ҚазАгроИнновация" АҚ президенті;

2009 жылдың наурызынан 2009 жылдың қарашасына дейін – премьер-министр орынбасарының кеңесшісі;

Назарбаев қазақстандықтар жазған хаттар туралы айтты

2009-2011 жылдары – Қарағанды облысы әкімінің орынбасары;

2017 жылдың наурызы мен 2017 жылдың шілдесі аралығында ауыл шаруашылығы вице-министрі болды.

2019 жылдың сәуір айынан бері – "Ұлттық аграрлық ғылыми-білім беру орталығы" КеАҚ басқарма төрағасы.

Марапаттары

"Құрмет" орденімен, түрлі медальдармен және құрмет грамотасымен марапатталған.

Отбасылық жағдайы

Үйленген, екі қызы бар.

Кандидат от партии Ауыл Толеутай Рахимбеков
© Sputnik / Абзал Калиев
"Ауыл" партиясынан президенттікке кандидат Төлеутай Рақымбеков

Кезектен тыс президент сайлауы

Қазақстан президенті Қасым-Жомарт Тоқаев 9 сәуірде ел халқына үндеу жасап, елде кезектен тыс президент сайлауы өтетінін жариялады. Мемлекет басшысы сайлауды 2019 жылдың 9 маусымына белгіледі.

Президенттікке кандидаттарды ұсыну 28 сәуір сағат 18:00-ге дейін жалғасады. Үміткерлерді елімізде тіркелген саяси партиялар мен республикалық қоғамдық бірлестіктер ұсына алады. Әр кандидат 118 140 сенімді сайлаушының қолын жинауы тиіс. Кандидаттарды тіркеу 11 мамырға дейін жалғасады.

Кезектен тыс президент сайлауына үкімет резервінен 9,4 миллиард теңге бөлінетін болды. Қаржының негізгі бөлігі республика бойынша құрылатын 10 мың сайлау учаскесінің жұмысын ұйымдастыруға бағытталмақ.

Кандидаттарға қойылатын талаптар

Президенттікке кандидат тумысынан Қазақстан азаматы, қырық жасқа толған, мемлекеттік тілді меңгерген, соңғы 15 жыл бойы Қазақстанда тұратын және жоғары білімі бар республика азаматы болуы тиіс. 

Бұған қоса, президент болып сайлану үшін азаматтың мемлекеттік қызметте немесе сайланбалы мемлекеттік лауазымдарда кемінде 5 жыл жұмыс тәжірибесі, сондай-ақ белсенді сайлау құқығы болуы тиіс.

Сондай-ақ, Қазақстан президенттігіне кандидаттар 107 түрлі жүйке дертіне тексеріледі.

800
Кілт сөздер:
президент сайлауы
Тақырып:
Президент сайлауы - 2019 (176)
Тақырып бойынша
Алғашқы кандидат Сәдібек Түгел неге президент болғысы келеді?
Назарбаев: билікті қолдан шығарып алсақ, тәуелсіздіктен айырыламыз
Үшінші кандидат: бұрынғы парламент депутаты президент сайлауына түседі
Алғашқы әйел үміткер: Дания Еспаева туралы не білеміз?
Кәсіподақтар федерациясынан президенттікке кандидат құжатын тапсырды – ОСК
ҰҚШҰ елдерінің тулары

Президент ҰҚШҰ қауіпсіздік кеңесінің сессиясына қатысады

610
Мемлекет басшысы ұжымдық қауіпсіздік туралы шарт ұйымын әрі қарай дамыту бойынша бірқатар ұсыныс айтады деп жоспарланып отыр

АЛМАТЫ, 2 желтоқсан – Sputnik. Қазақстан президенті Қасым-Жомарт Тоқаев Ұжымдық қауіпсіздік туралы шарт ұйымының қауіпсіздік кеңесінің сессиясына қатысады. Жиын видеоконференция форматында өтеді. Бұл туралы президенттің баспасөз хатшысы Берік Уәли хабарлады.

Ұжымдық қауіпсіздік кеңесінің сессиясы бүгін сағат 15.00-де өтеді.

"Саммит барысында ҰҚШҰ-ға мүше мемлекеттердің басшылары халықаралық және өңірлік қауіпсіздік мәселелері жөнінде пікір алмасып, ұйымның биылғы жұмысындағы басым бағыттардың жүзеге асырылуын қорытындылайды. Алдағы кезеңге арналған жоспарын айқындайды", - деп жазды Уәли Facebook парақшасында.

Мемлекет басшысы ұжымдық қауіпсіздік туралы шарт ұйымындағы әріптестеріне ұйымның жұмысы жөніндегі өзекті мәселелер бойынша еліміздің ұстанымын жеткізіп, оны әрі қарай дамыту үшін бірқатар ұсыныс айтады деп жоспарланып отыр.

Жиын қорытындысы бойынша ҰҚШҰ-ның тиімділігін одан әрі арттыруға бағытталған бірқатар құжат қабылданады.

Айта кетейік, 2019 жылы Ұжымдық қауіпсіздік шарт ұйымының ұжымдық қауіпсіздік кеңесінің сессиясы Бішкек қаласында өтті.

610
Қасым-Жомарт Тоқаев пен Шавкат Мирзиёев

Өзбекстан президенті Тоқаевқа қоңырау шалды

48
(Жаңартылды 20:36 01.12.2020)
Қос президент күн тәртібіндегі өңірлік деңгейдегі бірқатар өзекті мәселелер бойынша пікір алмасып, биылғы жылдың аяғына дейінгі іс-шараларды талқылады

НҰР-СҰЛТАН, 1 желтоқсан – Sputnik. Мемлекет басшысы Қасым-Жомарт Тоқаев пен Өзбекстан президенті Шавкат Мирзиёевпен телефон арқылы сөйлесті, деп хабарлайды Ақорда.

Шавкат Мирзиёев Қасым-Жомарт Тоқаевты Қазақстанның Тұңғыш президенті күні мерекесімен құттықтап, еліміздің дамуы баянды және халықаралық қауымдастықтағы мерейінің лайым үстем болуына тілектестігін білдірді.

"Мемлекет басшылары Қазақстан мен Өзбекстан арасындағы достық пен бауырластыққа, тату көршілік пен стратегиялық серіктестікке негізделген екіжақты саяси, экономикалық және мәдени-гуманитарлық қатынастарды әрі қарай нығайтуға мүдделілік танытты", – делінген хабарламада.

Сонымен қатар, Қасым-Жомарт Тоқаев пен Шавкат Мирзиёев күн тәртібіндегі өңірлік деңгейдегі бірқатар өзекті мәселелер бойынша пікір алмасып, биылғы жылдың аяғына дейінгі іс-шараларды талқылады.

Қазақстандағы Тұңғыш президент күні

Жыл сайын 1 желтоқсанда қазақстандықтар ұлттық мереке – Тұңғыш президент күнін атап өтеді. Бұл күн мереке ретінде кездейсоқ таңдалған жоқ – 1991 жылы 1 желтоқсанда алғашқы жалпыхалықтық сайлау өтіп, онда Нұрсұлтан Назарбаев 98,7% дауысқа ие болды.

Оқи отырыңыз: Тоқаев Қазақстанның абыройын асырған Қарақат Башанова туралы жазды

Он күннен кейін елдің бірінші президенті Қазақ КСР-ін Қазақстан Республикасы деп өзгерту туралы заңға қол қойды. 16 желтоқсанда Жоғарғы Кеңес республиканың тәуелсіздігін жариялады. Қазақстандықтар бұл күнді 2012 жылдан бері атап өтіп келеді.

48
Кілт сөздер:
Шавкат Мирзиёев, Қасым-Жомарт Тоқаев, президент
Тақырып бойынша
Жәрдемақыны оңды-солды таратуды доғару қажет – Тоқаев
"Кінәлілер жауапқа тартылады": Тоқаев Алматыдағы оқиғаға қатысты тапсырма берді
Тоқаев пен Мясникович ЕАЭО саммитінің күн тәртібін талқылады
Тоқаев арнаулы жәрдемақы кімдерге төленетінін айтты
Маржықпаев Көкшетауда Тоқаев пен Путиннің қатысуымен форум қашан өтетінін айтты
Нұр-Сұлтан қаласы

Қазақстанда 3 желтоқсанда қандай маңызды оқиғалар болады

0
Sputnik Қазақстан 3-15 желтоқсан аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

3 ЖЕЛТОҚСАНҒА ЖОСПАРЛАНҒАН ШАРАЛАР

10.00 – Парламент сенатының отырысы. www.parlam.kz сайтында онлайн режимінде көрсетіледі.

11.00 - 13.00 – "Әділ сөз" қоры журналистер мен блогерлерге үшін вебинар өткізеді. Онда сіз қандай жағдайда теріске шығару туралы талап заңсыз болып есептелетінін; сотқа дейінгі талапқа жауап беру қажет пе; сот процесінде қандай дәлелдер қажет; "моральдық шығын" дегеніміз не және ол сотта қалай дәлелденетінін білесіз. Қатысқысы келетіндер бұл туралы алдымен +7 727 313 1473, 8 707 700 1322 телефондары немесе info@adilsoz.kz поштасы арқылы хабарлап, байланыс мәліметтерін қалдыруы керек.

11.00 – "2020 жылға арналған "Самұрық-Қазына"АҚ сатып алу процестерін жетілдіру нәтижелері" деген тақырыпта онлайн брифинг. Спикер –  "Самұрық-Қазына" қоры басқарма төрағасының орынбасары Ә.Пірметов. Тіркелудің аяқталу күні мен уақыты – 2 желтоқсан сағат 18.00-ге дейін. Тіркелуге арналған байланыс: press@sk.kz, +7 700 545 02 01. Трансляцияға сілтеме тікелей тіркелген журналистерге жіберіледі.

4 ЖЕЛТОҚСАНҒА ЖОСПАРЛАНҒАН ШАРАЛАР

11.00 - 13.00 – "Әділ сөз" қоры журналистер мен блогерлерге үшін вебинар өткізеді. Онда сіз қандай жағдайда теріске шығару туралы талап заңсыз болып есептелетінін; сотқа дейінгі талапқа жауап беру қажет пе; сот процесінде қандай дәлелдер қажет; "моральдық шығын" дегеніміз не және ол сотта қалай дәлелденетінін білесіз. Қатысқысы келетіндер бұл туралы алдымен +7 727 313 1473, 8 707 700 1322 телефондары немесе info@adilsoz.kz поштасы арқылы хабарлап, байланыс мәліметтерін қалдыруы керек.

8 ЖЕЛТОҚСАНҒА ЖОСПАРЛАНҒАН ШАРАЛАР

10.00 - Алтыншы шақырылған Алматы қаласы мәслихатының сессиясы бейнеконференц-байланыс режимінде өтеді. Күн тәртібі – Алматы қаласының 2021-2023 жылдарға арналған бюджеті. Бандамашы – Алматы қаласы стратегия және бюджет басқармасының бастығы Батанов Алмас Сұлтанұлы.

9 ЖЕЛТОҚСАНҒА ЖОСПАРЛАНҒАН ШАРАЛАР

Нұр-Сұлтан

19.00 - " Ғажайып сол сәт әлі есте..."концерті.  "Астана Опера" театры ресейлік және шетелдік композиторлардың вокалды миниатюралары шырқалатын "Романс тарихы" жаңа топтамасын ұсынады (Қонаева көшесі, 1)

11 ЖЕЛТОҚСАНҒА ЖОСПАРЛАНҒАН ШАРАЛАР

Нұр-Сұлтан

10.00 - Алтыншы шақырылған Нұр-Сұлтан қаласы мәслихатының кезекті сессиясы Zоm сервисінің бейнеконференц-байланыс алаңында өтеді. Сессияның қарауына мынадай мәселелер ұсынылады:

  • Нұр-Сұлтан қаласын газдандыру бағдарламасы;
  • 2021-2023 жылдарға арналған Нұр-Сұлтан қаласының бюджеті;
  • Нұр-Сұлтан қаласы мәслихаты хатшысының 2020 жылы атқарылған жұмыс туралы есебі;
  • мәслихаттың құрылыс, экология, көлік, сауда және тұрғын үй-коммуналдық шаруашылық мәселелері жөніндегі тұрақты комиссиясының есебі;
  • жер учаскелерін мемлекет қажеттілігі үшін алып қоюға байланысты жер учаскелерін немесе басқа жылжымайтын мүлікті иеліктен шығару туралы келісімдердің жобалары.

12 ЖЕЛТОҚСАНҒА ЖОСПАРЛАНҒАН ШАРАЛАР

Нұр-Сұлтан

18.00 – "Күлбике" балеті, "Астана Балет" театры (Ұлы Дала даңғылы, 9)

15 ЖЕЛТОҚСАНҒА ЖОСПАРЛАНҒАН ШАРАЛАР

Нұр-Сұлтан

19.00 – "Жас Абай" драмасының премьерасы. Режиссер – Нұрлан Жұманиязов (Nomad City Hall, байланыс телефоны: +7 775 284 02 96)  

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0