Иллюстративті фото

Бай мемлекетте кедейлер болмау керек кандидаттардың сайлауалды бағдарламасы

2368
(Жаңартылды 17:39 15.05.2019)
Президенттікке кандидаттар өлім жазасын енгізіп, депутаттардың жеңілдіктерін алып тастауды қалайды. Сондай-ақ, шенеуніктердің офшорлық есепшоттарын ашуды ұсынып отыр

НҰР-СҰЛТАН, 15 мамыр – Sputnik. Президент сайлауына түсіп жатқан кандидаттар өз бағдарламаларын жариялады. Аталған құжаттарда экономика мен әлеуметтік саясат мәселелері қайталанса, басқа салаларда тың идеялар жоқ емес, деп хабарлайды Sputnik Қазақстан тілшісі.

Сәдібек Түгел өлім жазасын енгізуді қалайды

"Ұлы Дала Қырандары" қоғамдық бірлестігінің кандидаты Сәдібек Түгел халықтың мүддесін қорғап, Ұлы дала мәдениетін жаңғыртуға сөз беріп отыр. Оның сайлауалды бағдарламасы төрт бағыттан тұрады. Олар – идеология, әлеуметтік саясат, адал саясат пен әлеуметтік жауапты экономика. 

"Біздің негізгі міндетіміз – халықтың өмір сапасын жоғарылату, егде жастағы адамдарды лайықты зейнетақымен қамтамасыз ету, жастарымызды рухани күшейту. Бай мемлекетте кедейлер болмау керек! Билік пен мемлекеттік меншікті халыққа беру керек!", -  дейді Түгел.

Бұдан бөлек, президенттікке кандидат көп балалы аналарға жәрдемақыны екі есеге ұлғайтып, жастарға қолжетімді баспана беруді көздейді.

Кандидат адал саясатты Конституцияны өзгертуден бастау қажет деп санайды. Сосын сайлау заңнамасына түбегейлі өзгеріс енгізуді ұсынып отыр.

"Ауыл, аудан, облыс әкімдерін халық сайлауы керек. Оларға сайлау мерзімі үш жыл! "Билер сотын" енгізу керек. Бүкіл соттардың құрамы да тек сайлану арқылы бекітілуі тиіс. Сот практикасына қайтадан өлім жазасын енгізу қажет деп ойлаймын. Сонда жемқорларды, педофилдерді өлім жазасына кесу керек!", - деп атап көрсетті Түгел.

Кандидат депутаттардың барлық жеңілдігін алып тастауға мүдделі.  Ал парламенттің өзі бір палаталы болу керек дейді. Сондай-ақ, ол Қазақстанның әкімшілік-аумақтық құрылысын өзгертіп, Семей және Жезқазған аймақтарын қайта облыс етіп құру мәселесін көтеріп отыр.

"Семей аймағына Ұлы ойшыл данамыз Абайдың, Жезқазған облысына Ұлытау есімін беру. Сонымен қатар, Солтүстік Қазақстан облысына – Абылайханның, Павлодар облысына – Кенесарының атын беру!", - делінген кандидаттың сайлауалды бағдарламасында.

Жамбыл Ахметбеков ұрланған ақшаны қайтармақ

Ал Қазақстанның коммунистік халық партиясының атынан шығып отырған Жамбыл Ахметбековтың сайлауалды тұғырнамасы бес басымдыққа негізделген.  

  1. Батыстың ықпалы мен жалған құндылықтарынан бас тарту!
  2. Барлық қашқын олигархтарды сотқа тарту!
  3. Кедейлікпен күрес!
  4. Көрші елдермен экономикалық интеграция! 
  5. Әділетті салық салуды енгізу!

Халық коммунистері Батыстың ақшаға табынушылық дәстүрі біздің Отанымыз үшін қауіпті деп отыр. Ал кандидаттың өзі ұрланған ақшаны қайтаруға мүдделі.

"Президенттікке үміткер ретінде мен бізден ұрланған капиталдарды халыққа, Отанға қайтаруға мемлекет пен қоғамның бар күшін салатын уақыт жетті деп мәлімдеймін. Халықтың ақшасы халық мүддесі үшін қызмет етуі тиіс", - дейді Ахметбеков.

Бұдан бөлек, кандидат кедейлікпен күрес бағдарламасын қабылдап, байлардың салығын арттыру қажет деп санайды. 

"Қазақстанда ауқатты және өте ауқатты адамдардың саны өте көп. Мұнымен қатар кедейлік шегінде немесе оған жақын деңгейде өмір сүретін адамдардың саны артып келеді. Қазақстанның салық салу жүйесі байлар үшін елімізді жұмаққа айналдырып отыр. Бұл – әділетсіз!"-деп атап көрсетті кандидат.

Дания Еспаева өтірік айтқан шенеуніктерді жұмыстан шығармақшы

"Шағын және орта бизнестің құлдыратып, халықтың қалтасын жұқартатын тұрақты девальвация тәжірибесін тоқтату қажет. Егер министр немесе Ұлттық банк басшысы девальвация болмайды деп мәлімдесе, бірақ ол орын алатын болса, ондай шенеунік отставкаға кетуге тиіс", - деп бастайды кандидат өзінің сайлауалды тұғырнамасын

"Ақжол" партиясының кандидаты кредиттердің мөлшерлемесін төмендетіп, мемлекетке шығын келтірген бизнесті жазалау шараларын жеңілдету керек деп санайды. Сондай-ақ, партия шенеуніктердің оффшорлық есепшоттарын банк құпиясы санатынан алып тастауды көздейді.

"Халықаралық сарапшылардың есебіне сәйкес, жемқорлар 160 миллиард долларды шетелге алып шыққан. Ал өз елімізде жұмыссыз жүргендер аз емес. Себебі ол ақшаның барлығы ұрланған және Қазақстанның дамуына салынып жатқан жоқ", - делінген сайлауалды тұғырнамада.

Аталған құжатта партия сөз бостандығын барынша қорғап, журналистерді қудалауға қарсы екенін де мәлімдеді. Себебі ашық қоғам жемқорлыққа қарсы тиімді құралдардың бірі болып саналады.

Әміржан Қосанов шетелден қарыз алуды тоқтатуға мүдделі

"Ұлт тағдыры" қозғалысының кандидаты Әміржан Қосанов Қазақстанды шынайы демократиялық мемлекет ретінде қайта құрамын деп отыр. Ол үшін сайлау, саяси партиялар, кәсіподақтар мен бұқаралық ақпарат құралдарына арналған заңдарды өзгертпекші. "Мемлекеттік тіл туралы" жаңа заңды да қабылдап, онда заңдық тұрғыдан мемлекеттік тілді білуге міндетті мамандықтар тізімін бекітуді көздейді.

"Алпауыт шетелдік корпорациялармен жасалған жер қойнауын пайдалану туралы құжаттарды Қазақстанның заңды ұлттық және экономикалық мүдделері тұрғысынан халықаралық құқық аясында қайта қарап, шетелден бақылаусыз қарыз ала беру дағдысын доғару қажет", - делінген кандидаттың сайлауалды тұғырнамасында

Кандидат нәтижесіз мемлекеттік бағдарламаларын қысқарту қажет деп санайды. Ол Қазақстанда атом электр станцияларын салуға қарсы.  Оның орнына экологиялық  таза қуат көздерін дамытуды қалайды.

Оның ойынша, жемқорлардың мүлкін тәркілеп, оларға рақымшылық қолданбау және өмір бойы мемлекеттік қызметке жолатпау қажет.

Төлеутай Рақымбеков ауылды өркендетуді көздейді

"Ауыл" партиясының атынан ұсынылған Төлеутай Рахымбековтың сайлауалды бағдарламасы бірнеше бөлімнен тұрады. Олар:

– Ауылдар мен қалалардың әлеуметтік теңдігі – қоғамның өзекті мәселелерін шешу мүмкіндігі;  

– Дәстүрлі және рухани құндылықтарды сақтау – ел дамуының сенімді негізі;

–  Ауылдағы жастар саясатының тиімді моделі – ауылды өркендетудің құралы;

"Бүгінгі таңда біздің қоғамда болып отырған өткір әлеуметтік проблемаларды ескере отырып, қала мен ауыл арасындағы алшақтықты жеңу маңызды деп санаймыз. Әлеуметтік саясат барлық адамның және әрбір адамның дамуына қызмет етуі тиіс.", - дейді кандидат.

Амангелді Таспихов миллиардерлерден ақшаны қайтармақ

Ал ҚР Кәсіподақтар федерациясының кандидаты Амангелді Таспихов "жұмыс істейтін кез келді" дейді. Үміткер өзінің сайлауалды бағдарламасында жосықсыз жұмыс берушілердің жауапкершілігін арттыруды, қауіпсіз еңбек жағдайын жасауды, жұмысшылардың еңбек құқығын қамтамасыз етуді, лайықты еңбекақы төлеуді және еңбек миграциясын реттеуді басымды бағыттар ретінде белгілеп отыр.

Оның айтуынша, 90-жылдары кейбір жекелеген жұмыс берушілер еліміздің табиғи байлығы мен ресурстарын иемденіп, жеңіл жолмен байып, қашып кетті.

"Олар қарапайым жұмысшылардың адал еңбегі мен қыруар бюджет қаржысын иемдену есебінен миллиардер болды деп есептейміз. Бұл капитал қайтарылып, еліміздің экономикасын көтеруге, жаңа жұмыс орындарын ашуға жұмыс істеуі үшін бар күш-жігерімізді жұмсайтын боламыз", - дейді Таспихов.

Ресми статистикаға сәйкес, Қазақстанда жұмыссыздардың саны 400 мыңнан асады.

"Ал шындығына келгенде, елімізде жұмыспен қамтылмай отырғандар қатары 1 миллион адамнан асады. Біз жұмыспен қамту қызметтерінің жұмысын жақсартуды және еңбек нарығында тепе-теңдікті қамтамасыз етуді жөн көреміз. Жаңа жұмыс орындарына бірінші кезекте қазақстандық мамандар орналасуы кажет", - делінген кадидаттың сайлаулды бағдаламасында.

Тоқаев әділдік үшін күреседі 

Nur Otan-ның кандидаты Қасым-Жомарт Тоқаев өзінің сайлауалды бағдарламасын үш қағидат – сабақтастық, әділдік пен өрлеуге негіздеп отыр. Тоқаев Елбасының стратегиялық саясатын жалғастыруға мүдделі.

Оның айтуынша, біздің қоғамымызда биліктің ашықтығына, мемлекет пен қоғамның диалогына деген мұқтаждық бар. Мемлекет әділдікке қарай қадам жасауға дайын.

"Мен әрбір қазақстандықтың лайықты жұмысы болып, еңбегіне қарай әділ жалақы алғанын қалаймын. Әрбір азамат сапалы мемлекеттік қызметті пайдаланғанын қалаймын. Заманауи медицинаның қолжетімді болғанын қалаймын. Әрбір азаматтың үздік білім алып, заңмен толық қорғалғанын, болашаққа нық сеніммен қарағанын қалаймын", - деп атап көрсетті Тоқаев.

2368
Кілт сөздер:
президент сайлауы, бағдарлама, кедей
Тақырып бойынша
Қазақстанда президент сайлауын кімдер бақылайды?
Сайлаудан кейін девальвация бола ма – Ұлттық банк жауап берді
Қазақстанда президенттікке кандидаттар тегін тамақ, ақша тарата ала ма? 
Әміржан Қосанов: Тоқаевтың уәдесіне сеніп келдім
Сайлауда кімге дауыс бересіз – Қазақстанда мұндай сұрақты кім қоя алады
Қасым-Жомарт Тоқаев теледебатқа қатыса ма – саясаттанушы пікірі
Қасым-Жомарт Тоқаев

БҰҰ-да сөз сөйлеген Тоқаев: су дипломатиясына қатысты мәселелер өзекті

840
(Жаңартылды 08:33 24.09.2021)
Мемлекет басшысы Қазақстанның егін шаруашылығы қауіп-қатері бар аймақта орналасқанын және құрғақ климаттың әсерімен бетпе-бет келіп отырғанын айтты

НҰР-СҰЛТАН, 24 қыркүйек — Sputnik. Мемлекет басшысы БҰҰ-ның Азық-түлік жүйелері жөніндегі саммитте сөз сөйледі, деп хабарлайды Ақорда.

Қасым-Жомарт Тоқаев өз сөзінде бүгінгі таңда азық-түлік нарығының орнықты дамуы үшін жағдай жасау маңызды міндеттердің бірі екенін атап өтті. Оның айтуынша, азық-түлік жүйелері табиғи қажеттілік, қоршаған орта, экономика мен мәдениет сияқты адамзат болмысының барлық қырын қамтиды.

"Әлем бойынша азық-түлікті жеткізудің белсенді қатысушысы саналатын Қазақстан аграрлық секторды экологияландыруды және орнықты дамытуды қолдайды. Еліміз бидай мен ұн өндіруші ірі елдердің ондығына кіреді және жылына 7 миллион тоннаға дейін бидай экспорттайды. Біз негізгі тежеуші факторларға қарамастан, майлы дақылдар экспортын 1 миллион тоннадан асырдық. Дегенмен, азық-түлік жүйесі экономикалық, әлеуметтік және экологиялық тұрғыдан орнықты болуға тиіс", – деді Қазақстан президенті.

Мемлекет басшысы Қазақстанның егін шаруашылығы қауіп-қатері бар аймақта орналасқанын және құрғақ климаттың әсерімен бетпе-бет келіп отырғанын айтты. Еліміздің су шаруашылығы 40 процент көрші елдерден ағып келетін суға тәуелді.

"Жер-су ресурстарын барынша тиімді пайдалану мақсатында жердің құнарын арттыру, су үнемдеу технологияларын енгізу және су өткізу жүйелерін цифрландыру жөнінде шаралар қабылдадық. Орнықты азық-түлік жүйелері туралы айтқан кезде көптеген елде су дипломатиясына қатысты мәселелер өзекті екені анық байқалады. Азық-түлік жүйелері жөніндегі проблемалар мен су ресурсын басқару, шекарааралық өзендерді пайдалану мәселелері өзара тығыз байланысты. Мұның барлығы азық-түлік жүйелері туралы келісімдерде көрініс табуы керек", – деді Тоқаев.

Ол Қазақстан Азық-түлік қауіпсіздігі жөніндегі Ислам ұйымын құруға бастамашы болғанын айтып өтті. Қазіргі таңда оның құрамында халқының жалпы саны 1,4 миллиардқа жуық 36 ел бар.

Осы ұйым аясында Қазақстан жыл сайын мұқтаж елдерге, оның ішінде Ауған халқына бидай мен ұн жеткізу сияқты қайтарымсыз гуманитарлық көмек көрсетіп келеді.

Қасым-Жомарт Тоқаев мемлекеттер арасындағы агротехникалық, ғылыми және инновациялық байланыстарды нығайту, сонымен қатар қаржы, инвестиция, көлік және логистика салаларын да ілгерілету керек екенін атап өтті.

"БҰҰ-ның Азық-түлік және ауыл шаруашылығы ұйымы жаһандық азық-түлік қауіпсіздігін қамтамасыз ету және оны қолдау мақсатында тұрақты экожүйе қалыптастыру үшін барынша белсенді жұмыс істеуі қажет", – деді президент.

Ол саммит аштықты жою, азық-түлік қауіпсіздігін қамтамасыз ету және оны жақсарту, тұрақты ауыл шаруашылығының дамуына ықпал ету сияқты Орнықты дамудың екінші негізгі мақсатына қол жеткізуге мүмкіндік беретініне сенім білдірді. 

840
Кілт сөздер:
БҰҰ, Қасым-Жомарт Тоқаев, су
Тақырып бойынша
Банктегі ақшасын ала алмай жүр: қазақстандықтар Тоқаевқа хат дайындап жатыр
"Адамдар аштықтан өледі": Танымал әнші Тоқаевқа видео үндеу жолдады
Тоқаевтың Қытай төрағасымен не туралы сөйлескені белгілі болды
Тоқаевтың зейнетақы жинағына қатысты тапсырмасы қалай орындалып жатқаны айтылды
Желіде Тоқаевтың бейресми кездесуінің суреті жарияланды
"Жұмысты тоқтатамыз!": Тоқаевқа бірнеше ұжым бейнеүндеу жолдады 
 Отпантау-2021 оқу-жаттығу жиыны

Тоқаев: оқу-жаттығу күш құрылымдары мен әкімдіктер дағдарысқа дайын екенін көрсетті

50
(Жаңартылды 16:45 23.09.2021)
"Отпантау-2021" оқу-жаттығу жиыны ел әскерінің әзірлігін тосыннан тексерудің соңғы кезеңі болды

НҰР-СҰЛТАН, 23 қыркүйек – Sputnik. Қазақстан президенті – Жоғарғы бас қолбасшы Қасым-Жомарт Тоқаев Маңғыстау облысына жұмыс сапары барысында "Оймаша" полигонында өткен "Отпантау-2021" шұғыл-стратегиялық командалық-штабтық әскери оқу-жаттығу жиынына барды, деп хабарлайды Ақорда.

Жоғарғы бас қолбасшы Бас штабтың алдыңғы шептегі пунктін аралап көріп, қорғаныс министрінің, әуе қорғанысы, құрлық әскері, әскери-теңіз және десант-шабуылдаушы әскерлер күштері басшыларының, сондай-ақ Қарағанды облысы әкімінің баяндамасын тыңдады. Қасым-Жомарт Тоқаев арнаулы мақсаттағы бөлімдердің дайындығын тексеріп, қару-жарақтар мен техникалардың заманауи түрлерін көрді, сондай-ақ Ақтаудағы әскери госпиталь мен Маңғыстау облысындағы авиациялық инфрақұрылымның құрылыстарына қатысты презентациямен танысты.

Токаев на учениях Отпантау-2021
© Официальный сайт Президента РК
Қасым-Жомарт Тоқаев "Оймаша" полигонында өткен оқу-жаттығу жиынына қатысты

Содан кейін президент белсенді жүргізілген әскери әдіс-тәсілдердің көрсетілімін биік мінберден тамашалады.

Оқу-жаттығу қалай өтті

Оқу-жаттығу жиынының тәртібі бойынша әртүрлі әскер топтарының шартты қарсыластарына қарсы жүргізген әскери іс-қимылдарының қазіргі қарулы қақтығыстардың тәжірибесіне негізделген жаңа әдіс-тәсілдері іс-жүзінде көрсетілді. Әскер топтарының іс-қимылдары барысында әуедегі және жердегі барлау әрекеттері жүзеге асырылды. Оның нәтижелері ұшқышсыз басқарылатын аппараттар мен аралас авиация бөлімдеріне тура соққы жасалатын нысандарды көрсетіп отырған басқару пунктіне беріліп отырды.

Сонымен қатар шартты қарсыластардың ұшқышсыз басқарылатын аппараттарына қарсы күрес ұйымдастырылып, контрбатареялы соғыстың заманауи әдістері қолданылды. Оқу-жаттығу жиыны барысында әскерлердің ұтқырлық деңгейінің жоғары болуын қамтамасыз етуге назар аударылды.

Бұдан бөлек президентке Қарулы күштердің, ведомствоаралық бөлімдердің, сондай-ақ еліміздің әртүрлі өңірлеріндегі жергілікті атқарушы органдар мен орталық мемлекеттік органдардың аумақтық бөлімшелерінің жүргізген іс-қимылдары онлайн режимде көрсетілді. Атап айтқанда, Каспий теңізі айдынында әскери теңіз күштерінің авиация мен арнайы операциялар күштерінің қолдауымен еліміздің экономикалық нысандарын қорғауға бағытталған іс-қимылдары жүргізілді. Осындай әскери оқу-жаттығу жиындары Қарағанды облысындағы "Сарышаған", "Спасск" және Алматы облысындағы "Көктал" полигондарында өтті.

"Ел шетіне жау тигенде бабаларымыз "Ұран отын" жаққан"

Әдіс-тәсілдер көрсетілімі аяқталғаннан кейін әскери қызметшілер алдында сөз сөйлеген Жоғарғы бас қолбасшы "Оймаша" полигонында өткізілген оқу-жаттығу жиынының маңызы зор екенін айтты.

"Бұл тарихи мекен – елдік пен ерліктің, бірлік пен тұтастықтың символы. Ел шетіне жау тигенде бабаларымыз осы таудың басына "Ұран отын" жаққан. Жауапты сәтте бір тудың астына жиналған. Сондықтан жұртымыз оны "Бірліктің оты" деп атаған. Ерлеріміз туған жерді қорғау үшін жорыққа Отпантаудың бауырынан аттанған. Осы жерде ұлт тағдырын шешетін маңызды жиындар өткен. Бұл игі дәстүр қазіргі күнге дейін жетіп отыр. Біз батырларымыздың рухына тағзым етеміз. Сонымен бірге дәстүр сабақтастығын сақтаймыз. Ең бастысы, байтақ даланы ұрпағына мирас еткен бабалар аманатына адал болып, Отанымызды қорғаймыз", – деді мемлекет басшысы.

Президент әскери оқу-жаттығу жиындарында, соның ішінде халықаралық деңгейде тұрақты түрде жақсы нәтиже көрсетіп келе жатқан еліміздің Қарулы күштерінің әскери дайындығының деңгейі жоғары екенін атап өтті. Сондай-ақ әскеріміздің нақты соғыс жағдайында да биіктен көрінетініне сенім білдірді.

Токаев посетил военные учения Отпантау-2021
© Официальный сайт Президента РК
Президент әдіс-тәсілдер көрсетілімі аяқталғаннан кейін әскери қызметшілер алдында сөз сөйледі

"Армияда үнемі жаңғыру үдерісі жүргізіледі. Бұл заманауи сын-қатерлер мен қауіптерге дайындығымызды қамтамасыз етеді. Арнайы операциялар жүргізетін күштер, барлау бөлімдері мен арнаулы мақсаттағы бөлімшелер қарқынды дамып келеді. Диверсиялық әрекеттерге  қарсы іс-қимылдар пысықталады. Тура соққы жасайтын қарулар мен ұшқышсыз басқарылатын құралдар кеңінен қолданыла бастады", – деді президент.

Тоқаев әскери қызметшілер алдында сөйлеген сөзінде өңірдегі әскери-саяси ахуалдың күрделену жағдайында өткен бүгінгі кешенді оқу-жаттығу жиыны күштік құрылымдар мен жергілікті атқарушы биліктің дағдарыс жағдайын ауыздықтауға әзірлігін көрсеткенін жеткізді.

Жоғарғы бас қолбасшы оқу-жаттығу жиындары еліміздің әртүрлі өңірінде орналасқан жеті оқу-жаттығу полигонында және Каспий айдынында өткенін атап өтті. Жалпы оқу-жаттығу жиындары шығыстан батысқа қарай үш мың шақырым аумақты қамтыды.

Учения Отпантау-2021
© Официальный сайт Президента РК
Тоқаев Қарулы күштердің әскери дайындығының деңгейі жоғары екенін атап өтті

"Жеке құрам мен техниканы өз жүрістерімен, теміржол және әуе қатынастары арқылы жылжыту жұмыстары пысықталды. Бұл Қарулы күштердің стратегиялық ұтқырлығын, қауіп төндіретін негізгі бағыттар бойынша әскери топтарды жедел құру мүмкіндігін көрсетті. Штабтардың шұғыл жағдайлар кезіндегі үйлесімді жұмысын, жоғары технологиялы қарулар мен әскери іс-қимылдарды жоспарлау әдістемелерінің қолданылуын көрдік. Әкімдіктердің де дайындық деңгейінің жоғарылағанына куә болдық. Қазіргідей "стресс-тестілеу" кезінде олардың рөлі әскери құрамдардан кем түспейді", – деді Тоқаев.

Президент армияның мемлекет пен қоғам тарапынан жіті бақыланатын нысан екенін атап өтті. Сондай-ақ мемлекет басшысы әскерді заманауи қару-жарақпен және техникамен одан әрі жабдықтауға негізделген Қарулы күштерді және басқа да әскерлер мен әскери құрамдарды дамыту тұжырымдамасының бекітілгенін еске салды.

Учения Отпантау-2021
© Официальный сайт Президента РК
Қарулы күштердегі оқу-жаттығу жиындарына қыркүйек айының басынан бері 66 ұшу аппараты жұмылдырылды

"Олардың қатарында әуе шабуылына қарсы қорғаныс, ұшқышсыз басқарылатын ұшу аппараттары, барлау және радиоэлектронды күрес құралдары бар. Майдан, әскери және әскери-көлік авиация паркін жаңарту жұмыстары жалғасады. Әскеріміз шетелдік және отандық өндірісте жасалған тура соққы жасайтын зымыран кешендерімен жабдықталады. Жалпы Қарулы күштердің техникалық әлеуеті қазақстандық армияның жаңа келбетін көрсетеді", – деді ол.

Әскерилердің жалақысы қанша

Жоғарғы бас қолбасшы әскери қызметшілерге кешенді әлеуметтік қолдау көрсету мәселелеріне де тоқталды.

"Қаржыландыру мәселесі кезең-кезеңімен артып келеді. Биылдан бастап әскери қызметшілердің лауазымдық еңбекақысы 35 пайызға өсті. Алдағы екі жылда орташа есеппен 60 пайызға жоғарылайды. Барлық санаттағы әскери қызметшілер үшін тұрғын үй мәселесі заңнамалық тұрғыдан шешілген. ТМД-ның басқа елдеріне қарағанда қазақстандық әскердің әлеуметтік топтамасы – бәсекеге қабілетті. Әскери қызметшілерді әлеуметтік қорғау мәселесі әрдайым мемлекет басымдық беретін салалардың қатарында болады. Күшті әскер – қуатты егемен Қазақстанның кепілі", – деді президент.

Учения Отпантау-2021
© Официальный сайт Президента РК
"Отпантау-2021" оқу-жаттығу жиыны әскердің әзірлігін тосыннан тексерудің соңғы кезеңі болды

Қасым-Жомарт Тоқаев сөзінің соңында мінсіз қызметі үшін әскери қызметшілерге алғыс айтып, еліміздің қауіпсіздігін берік қорғайтынына сенім білдірді.

"Отпантау-2021" жедел-стратегиялық әскери-штабтың оқу-жаттығу жиыны әскеріміздің әзірлігін тосыннан тексерудің соңғы кезеңі болды. Қарулы күштердегі оқу-жаттығу жиындары биылғы қыркүйек айының басынан бері жүргізіліп келеді. Тексеріске 9 мыңға жуық әскери қызметші қатысып, 3 мыңнан астам қару-жарақ пен әскери техника, оның ішінде 66 ұшу аппараты мен 8 кеме жұмылдырылды.

50
Кілт сөздер:
Қасым-Жомарт Тоқаев, оқу-жаттығулар, Маңғыстау облысы
Пожар возле лицей №60 в Сарыаркинском районе столицы

Нұр-Сұлтанның оң жағалауында салынып бітпеген ғимарат өртеніп жатыр видео

0
(Жаңартылды 20:19 24.09.2021)
Өрт сағат 19.49-да оқшауланды. Қаза тапқандар мен зардап шеккендер жоқ

НҰР -СҰЛТАН, 24 қыркүйек – Sputnik. Өрт елордада салынып жатқан тұрғын үй кешенінен басталды.

Бұл туралы Нұр-Сұлтан қаласының төтенше жағдайлар департаменті хабарлады.

Сағат 19.35-те өрт сөндірушілер Кенесары көшесі, 3А мекенжайында түтін көрінгені туралы хабарламаға шығып кетті.

Өрт сөндірушілер оқиға орнына 7 минут ішінде жетіп, жаңадан салынып жатқан тұрғын үй кешенінің аумағында 50 шаршы метр аумақта рубероид жабыны мен жиналған қоқыс өртеніп жатқанын анықталды.

Өрт сағат 19.49-да оқшауланды.

Қаза тапқандар мен зардап шеккендер жоқ.

0