Беларусь президенті Александр Лукашенко

Лукашенко басқа елдер ЕАЭО-мен ынтымақтасудан неге қорқатынын айтты

680
Беларусь президенті Еуразиялық экономикалық одақ әлемдік аренада беделі бар ұйым екенін атап өтті

НҰР-СҰЛТАН, 29 мамыр – Sputnik. Беларусь президенті Александр Лукашенко Еуразиялық экономикалық одақ әлемдік аренада беделі бар ұйым екенін айтты, деп хабарлайды Sputnik Қазақстан тілшісі.

Лукашенко ЕАЭО ішінде тауар айналымын өсіру қарқыны бәсеңдеп, ал үшінші елдермен, керісінше, ұлғайып бара жатқаны алаңдататынын жеткізді.

Тағы оқыңыз: Жоғарғы Еуразиялық экономикалық кеңестің келесі отырысы қашан өтеді?

"Біз халықты жұмыспен қамту мәселесін бақылауға алдық. Өзара есеп айырысуда ұлттық валютаны қолдану артып келеді. Мұның бәрі одақ қатысушыларының келісілген макроэкономикалық саясатты жүргізуде өз позицияларын біртіндеп жақындатып, даму процестерін үйлестіріп отырғанын білдіреді. Мұндай тәжірибені ортақ салалық стратегиялар қалыптастыруда – өнеркәсіп, көлік, энергетика, ауыл шаруашылығы және тағы басқа салаларда қолдануымыз керек", - деді Беларусь президенті Жоғары Еуразиялық экономикалық кеңестің отырысында.

Мемлекет басшысы Еуразиялық экономикалық одақ әлемдік аренада беделі бар ұйым екенін атап өтті.

"Бізбен ынтымақтасқысы келмейді дегенді жиі естіп те, айтып та жүрміз. Кейбірі көре алмайды, біреулер қорқады, бәсекелестік бар. Мұның бәрі табиғи құбылыс. Бірақ бізді көзге ілмей жүре де алмайды", - деді Лукашенко.

Ол қазір басқа елдермен, өңірлік бірлестіктермен және халықаралық құрылымдармен диалог жалғасып жатқанын айтты. Десек те, оның айтуынша, Еуразия құрлығындағы экономикалық интеграцияның жүйе құраушы бірлестігі ретінде ЕАЭО-ға оң көзқарас күшейіп келе жатыр.

Тағы оқыңыз: Назарбаев ЕАЭО саммитінде: сіздерге пайдамды тигізуге тырысамын

"Күн тәртібі жаңа бағыттармен толығуда. Біз цифрлық трансформацияға көштік, нақты секторда трансшекаралық байланысты жандандыруға кірістік, инновациялық және интеграциялық жобаларды жүзеге асыру тетіктерін жасадық. Осының барлығы біздің ынтымақтастығымыздың маңызды перспективті сегменттері", - деді Лукашенко.

Беларусь президенті ортақ нарық құру, капитал, тауар, жұмыс пен қызметтің еркін қозғалысын қамтамасыз ету бойынша қол жеткізілген уағдаластықтарды сапалы орындау қажеттігін қадап айтты.

680
Кілт сөздер:
ЕАЭО, Александр Лукашенко, Беларусь
Тақырып бойынша
ЕАЭО-ға 5 жыл: бүгін Нұр-Сұлтанда одақтың мерейтойлық саммиті өтеді
ЕАЭО-ның мерейтойлық саммитінде Назарбаевқа жаңа мәртебе берілді
Нұр-Сұлтандағы Жоғарғы Еуразиялық экономикалық кеңестің отырысы – видеотрансляция  
сенат сайлауы, архив

Мәжіліс сайлауына қатысуға кім дайын - саяси партиялар жауап берді

31
(Жаңартылды 17:34 21.10.2020)
Қазақстанда алты саяси партия тіркелген, оның үшеуі қазіргі уақытта парламент мәжілісінің құрамында бар

НҰР-СҰЛТАН, 21 қазан - Sputnik. Алты партияның төртеуі қазіргі уақытта сайлауға қатысуға ниет білдірді. Қалғандары не партияның съезін күтуде, не ресми мәлімдеме әзірлеуде.

Қазақстан президенті Қасым-Жомарт Тоқаев парламенттің төменгі палатасына сайлауды келесі жылдың 10 қаңтарына белгіледі. Қазақстанда алты саяси партия тіркелген. Олардың үшеуі– Nur Otan партиясы, Қазақстан халықтық коммунистік партиясы (ҚХКП) мен "Ақ жол" партиясының фракциялары қазіргі кезде мәжілістің құрамында жұмыс істеуде.

Парламенттік сайлауға қатысатынын растау үшін партиялар съезд өткізуі керек. Мәжіліс сайлауына қай қазақстандық партия қатысуды көздеп отыр, кім съездің күнін белгіледі? Sputnik Қазақстан сұрап білді.

Nur Otan партиясы

Nur Otan партиясының баспасөз қызметі барлық шешім партияның съезінде қабылданатынын жеткізді.

Съездің нақты күні әлі белгісіз. Бұл туралы қосымша хабарланады, деп атап өтті баспасөз қызметі.

Өздеріңіз білетіндей, қазан айының басында Nur Otan партиясы партиялық ішкі праймериз өткізді. Оған 11 мыңға жуық үміткер қатысты.

Қазақстанның "Ақ жол" демократиялық партиясы

Партия төрағасы Азат Перуашев "Ақ жол" президенттің мәслихаттар мен мәжіліс депутаттарының сайлауын өткізу туралы шешімін құптайтынын және қолдайтынын мәлімдеді.

"Ақ жол" демократиялық партиясы Қазақстанның жетекші саяси ұйымдарының бірі ретінде осы сайлауға қатысатынын мәлімдейді. Біз құрылған кезден бастап барлық парламенттік сайлауға қатыстық. 2004 жылы "Ақ жол" партиялық тізім бойынша 12% дауысқа ие болды, ал 2012 жылдан бастап мәжілісте үнемі парламенттік фракция құрып келеді", - делінген мәлімдемеде. 

"Ақ жол" мәслихат пен мәжіліс депутаттарының сайлауы конституциялық мерзімде өтетінін, саяси партиялардың депутаттыққа ұсынатын кандидаттар тізімі "Қазақстан Республикасындағы сайлау туралы" заңға енгізілген жаңа түзетулерге сәйкес жасалатынын атап өтті. Яғни, тізімге жастар мен әйелдерді қосу бойынша 30% мөлшеріндегі квота сақталады.

"Мәжіліс мен мәслихат депутаттарының сайлауын бір мезгілде өткізу мемлекеттің ұйымдастырушылық және қаржылық ресурсын оңтайландыруға мүмкіндік береді, бұл қазіргі экономикалық жағдайда айрықша маңызға ие", - деп есептейді Перуашев.

Сондай-ақ, партия пандемия қаупінің әлі де сақталуына және басқа да сыртқы сын-қатерлерге байланысты туындаған қиындықтарды атап өтті. Ол сайлау органдарын, басқа партиялардағы әріптестері мен сайлаушыларды сайлау науқаны кезінде барлық қауіпсіздік шарасын сақтауға, сондай-ақ әділ және ашық сайлау өткізуге шақырады.

Sputnik Қазақстан тілшісімен телефон арқылы сөйлескен Азат Перуашев дауыс беру күніне бір ай қалғанда сайлауалды үгіттеу шарасы басталатынын, бұл уақытқа дейін партияның съезі өтетінін айтты.

Алдағы сайлауда партия қанша орынға үміттеніп отыр деген сауалға Перуашев "партияны күшейту жоспарланып отыр, бірақ барлығын сайлаушылар шешеді" деп жауап берді.

Қазақстан халықтық коммунистік партиясы (ҚХКП)

ҚХКП да алдағы сайлауға қатысатынын мәлімдеді.

"Бізде тең күрес жүргізу үшін барлық қажетті ресурс бар және біз жеңіске жетуге деген сенімділікпен сайлау науқанына кірісуге дайынбыз", - делінген партияның мәлімдемесінде.

ҚХКП-ның баспасөз қызметі партияның саяси бюросының отырысы 23 қазанда өтетінін хабарлады.

"Ауыл" халықтық-демократиялық партиясы

"Ауыл" халықтық-демократиялық партиясы 21 қазан, сәрсенбіде шешім қабылдайды. Ол партияның сайтында жарияланады.

"Ауыл" партиясының саяси кеңесінің төралқасы Тоқаевтың шешімін құптап, сайлау туралы мәлімдеме жасады.

"Бұл дұрыс қадам, ол коронавирус пандемиясына қарамастан, біздің елдің барлық азаматына конституциялық таңдау құқығын жүзеге асыруға мүмкіндік береді. Сайлау - кез келген мемлекеттің демократиялық дамуының ажырамас бөлігі саналады", - делінген хабарламада.

Алдағы сайлау конституциялық мерзімде және белгілі бір жаңашылдықтармен өткізіледі, мысалы, әйелдер мен жастарға арналған 30%-тік квота, парламенттік оппозиция институтын енгізу, сондай-ақ партиялық тізім бойынша мәслихаттарды сайлау.

"Біз халықтың көп бөлігінің мүддесін білдіретін партия ретінде бұл шара халықтың саяси партиялар институтына деген сенімін күшейтеді деген сеніміміз бар. Алдағы сайлау халықтың жаңару талабына жауап беретін көппартиялы парламенттің қалыптасуына ықпал етуі қажет деген сенімдеміз", - деп есептейді "Ауыл".

Партия көппартиялы парламент уақыт талабы екенін, бұл Қазақстанның саяси жүйесін модернизациялаудың жаңа кезеңі саналатынын атап өтті.

"Біз барлық саяси партия арасындағы әділ және бәсекелі күрес, сайлау процесі мен дауыстарды санаудың ашықтығы ғана Қазақстанның одан әрі дамуына кепілдік береді деп есептейміз", - деп қорытындылады Ауыл.

"Бiрлiк" саяси партиясы

"Бірлік" саяси партиясы мемлекет басшысының мәжіліс пен мәслихат сайлауын өткізу туралы үндеуін қолдайтынын және оған қатысуға дайын екенін мәлімдеді.

"Біздің партия сайлауды Конституцияда белгіленген мерзімде өткізуді қолдайды. Мүлдем жаңа жағдайларда, пандемияның таралуы, өмірдің барлық саласында түбегейлі өзгерістер, жаңа экономикалық сын-қатерлер туындаған кезде сайлауды заңмен бекітілген мерзімде өткізу маңызды болып отыр. Бұл барлық партияға дайындық жүргізуге мүміндік беруде", - делінген партияның мәлімдемесінде.

Сондай-ақ, партия бәсекеге толы науқанға қатысу үшін өзінің қолдаушылары, көзқарасы және инфрақұрылымы бар екенін мәлімдеді.

"Мен "Бірлік" партиясының төрағасы ретінде партиямыздың алдағы сайлауға қатысуға дайын екендігін ресми түрде мәлімдеймін. Сондықтан жақын уақытта өтетін съезде тиісті шешім қабылдап, қазіргі сайлау науқанына қатысу үшін ең белсенді мүшелер ішінен партиялық тізімді бекітеміз", - деді партия лидері Серік Сұлтанғали.

"Бірлік" алдағы уақытта өтетін съездің күнін әлі айтқан жоқ.

Жалпыұлттық социал-демократиялық партия (ЖСДП)

Жалпыұлттық социал-демократиялық партия сайлауға қатысуға ниет білдіріп отырғанын растады. Партия төрағасы Асхат Рахымжанов мәлімдеме дайындап жатыр.

31
Кілт сөздер:
партия, Мәжіліс
Тақырып:
Мәжіліс сайлауы
парламент палаталарының бірлескен отырысы

Қазақстанда қандай партиялар тіркелген?

69
Қазақстанда парламенттік сайлау 2021 жылдың қаңтарында өтеді, оған алты саяси партия қатыса алады

НҰР-СҰЛТАН, 21 қазан - Sputnik. Бизнес-сәйкестендіру нөмірлерінің ұлттық тізіліміне сәйкес, 2020 жылдың қазан айындағы жағдай бойынша Қазақстанда алты саяси партия тіркелген. Бұл туралы Sputnik Қазақстанға әділет министрлігі хабарлады.

Саяси партиялардың тізімі

  • Nur Otan партиясы
  • Қазақстанның "Ақ жол" демократиялық партиясы
  • Қазақстан халықтық коммунистік партиясы
  • "Ауыл" ұлттық-демократиялық партиясы
  • "Бiрлік" саяси партиясы
  • Жалпыұлттық социал-демократиялық партия (ЖСДП)

Қазіргі таңда Қазақстан парламентінде саяси партиялардың үш фракциясы бар: "Нұр Отан", "Халықтық коммунистер" және "Ақ жол".

2021 жылы мәжіліс сайлауы өтеді

Қазақстан президенті Қасым-Жомарт Тоқаев өз жарлығымен парламент мәжілісі депутаттарының сайлауын 2021 жылдың 10 қаңтарына белгіледі.

Қазақстанда парламент екі палаталы, ол мәжілістен - төменгі палатадан және сенаттан - жоғарғы палатадан тұрады.

Мәжіліс сайлауының тарихы
© Sputnik /
Мәжіліс сайлауының тарихы
69
Кілт сөздер:
Мәжіліс, партия
Тақырып:
Мәжіліс сайлауы
Нидерланды, архив

Ресей еуропалықтарды өзара сыйластыққа негізделген диалогқа мәжбүрлемек пе?

0
Еуропа Ресей Федерациясының MH17 рейсінің күйреуіне байланысты Нидерланды және Австралиямен үшжақты консультациядан шығу туралы шешіміне байланысты шу шығарды

Алайда бұл шудың табиғаты мен жоғары лауазымды шенеуніктердің сөздері батыстың қайғылы жағдайдың себептерін анықтауға қатысты ниетінің шынайы еместігін көрсетеді, деп жазады РИА Новости. 

Нидерланды сыртқы істер министрі Стеф Блоктың: "Бүгін Ресей Федерациясы MH17 рейсінің жойылуы төңірегінде өз жауапкершілігіне қатысты келіссөздерді тоқтату туралы біржақты шешім қабылдады" деген ресми мәлімдемесінен осыны аңғаруға болады.

Естеріңізге сала кетейік, 2014 жылдың шілдесінде малайзиялық "Боинг" ұшағы апатының мән-жайына қатысты алғашқы консультация 2019 жылдың басында өткен болатын. Ресей тарапы бірден: "Олардың назары "апатқа байланысты Ресейдің заңды тұрғыдағы жауапкершілігін мойындауға" емес, осы оқиғаға байланысты және оның шынайы себептерін анықтауға бағытталған түбегейлі маңызды мәселелердің барлығына аударылатын болады" деп мәлімдеді. Сонымен қатар, Мәскеу соғыс жүріп жатқан аймақта өз әуе кеңістігін жаппағаны үшін Украинаның жауапкершілігі мәселесін қарау қажеттігін баса айтты.

Әрине, Блок мұны жақсы біледі. Бірақ шындықты әдейі бұрмалап отыр. Ресейдің нәтижесіз консультациялардан бас тартуы "әсіресе, құрбандардың туыстары үшін ауыр тиді" деген сөзі осыған дәлел бола алады.

Мәскеуді осы шешімі үшін айыптауға асыққан батыстың көптеген қайраткері де құрбандар тақырыбына қатысты шындықтан алшақ кетуге тырысуда. Осылайша, АҚШ-тың Нидерландыдағы елшісі Пит Хукстра Ресейдің консультациядан шығуын "құрбан болғандардың туыстарына және олардың әділеттілікке ұмтылысына жасалған кезекті бір соққы" деп мәлімдеді.

Мұндай жаңалықтарды шенеуніктер ұсынған қалыпта қабылдаған кейбір голландықтар реакциясының қатал шыққаны таңғаларлық емес. Мысалы, Блок оқырмандарының бірі бірден Ресейге қатысты: "Нидерландыдан барлық ресейлікті дереу шығарыңыз, елшілікті толығымен жабыңыз, Ресеймен сыртқы сауданы тоқтатыңыз, енді Ресей газын сатып алмаңыз. Біздің флотты Қырымға жіберіңіз" деп ашулы кеңес берді.

Алайда ешкім көңілі қалған Голландия қоғамына Мәскеудің мұндай қадамға не үшін барғанын нақты түсіндіріп бермей отыр. Ресей сыртқы істер министрлігі бұған дейін егер голландықтар ақыр аяғында басқа жолды таңдамаса, яғни Адам құқықтары жөніндегі еуропалық сотқа Ресейге қарсы шағым түсірмесе, консультацияны айрықша ынтызарлықпен жалғастыратынын түсіндірген еді.

Сыртқы істер министрлігінің мәлімдемесінде: "Нидерландықтардың достық пиғылға жат мұндай әрекеттері үшжақты консультацияның жалғасуына және оған Ресейдің қатысу тетігіне нұқсан тигізеді. Ендеше, үшжақты консультацияның бұзылуына байланысты жауапкершілік толықтай ресми Гаагаға жүктеледі" делінген. Батыс баспасөзі міне, осы жәйтті көрсетпеуге, тіпті бұл туралы мүлде жақ ашпауға тырысуда. Айтпақшы, Гаага Адам құқықтары жөніндегі еуропалық сотқа шағым түсіру арқылы құрбан болған жандардың туыстарына зиян тигізіп отырғанын айтқан жөн.

Шындығында, нидерландықтар Адам құқықтары жөніндегі еуропалық сотқа бірнеше рет шағым түсірген. Алғашқысы 2016 жылдан бері қаралып келеді, кейін ол жаңа шағыммен толықтырылды. Ол кезде MH17 ұшағына қатысты іс жан-жақты қаралып жатты. Ал осы жылдың 10 шілдесінде Нидерланды үкіметі сол сотқа мемлекетаралық шағым түсіреді, оны сол жерде қаралып жатқан істерді қолдау мақсатында түсіргенін мәлімдейді.

Белгілі бір мәселе бойынша Адам құқықтары жөніндегі еуропалық сотқа мемекетаралық шағым түсірген кезде, осы мәселе бойынша сол жерде қаралып жатқан барлық жеке істің тоқтатылатыны белгілі. Бұл 2018 жылы Еуропалық кеңеске мүше мемлекеттер бірауыздан қабылдаған Адам құқықтары туралы еуропалық конвенция жүйесін реформалау туралы Копенгаген декларациясының 45-тармағында нақты көрсетілген.

Сондай-ақ, Нидерландының Адам құқықтары жөніндегі еуропалық сотқа түсірген шағымы басқа заңды органмен - Украинаның Ресейге қарсы ісін қарастырып жатқан БҰҰ-ның халықаралық сотымен мүдделер қақтығысын тудыруы мүмкін екенін ұмытпаған жөн, оған MH17-ге қатысты жауапкершілік те кіреді. Еуропалық сот (ЕО-дағы жоғарғы инстанциялық сот) 2014 жылы Адам құқықтары жөніндегі еуропалық сотта қаралатын мемлекетаралық істер басқа халықаралық сот органдарының юрисдикциясын бұзбауы керек деген пікірін білдірді. Демек, Нидерланд үкіметі жекелеген істерді қарауды кешіктіріп қана қоймай, әртүрлі инстанциялар арасында мүдделер қақтығысын туғызып отыр, бұл да іске кедергі келтіруі мүмкін.

Бұл жерде заңды сауал туындайды: Гаагаға дәл қазір жанжалға негізделген шағымын түсіре отырып, бір уақытта Адам құқықтары жөніндегі еуропалық сот пен Ресеймен консультация мәселесі төңірегінде сот процесін бастау не үшін қажет болды? Бір қызығы, Нидерланд баспасөзі өзінің премьер-министрі Марк Рюттенің бұл сұраққа жауабын талап еткен емес. Марк Рютте тек: "ең жақсы уақытты таңдадым" дегенді ғана айтты, бірақ неге олай ойлайтынын түсіндіруден бас тартты.

Біріншіден, тағайындалған төрт "айыпталушының" MH17-тің жойылуына еш қатысы жоқ. Екіншіден, ресейлік арнайы қызметтің офицерін (демек, Ресей мемлекетін) осы процеске қатысты етіп көрсетуге тырысқан әрекет сәтсіз аяқталды. Есіңізде болса, 2018 жылдың көктемінде бүкіл әлемде бұқаралық ақпарат құралдары антиресейлік Bellincgat құрылымының ұсынысы бойынша бұл оқиғаға қатысты етіп Олег Иванниковтың есімін көрсетті. Алайда MH17 ісі бойынша Гаагада өткен алғашқы сот отырысында прокурорлар Иванниковты күдікті деп санамайтынын және бұл іске ешқандай қатысы жоқ екенін айтқан еді. Дегенмен, БАҚ бұл фактіні мүлдем елемеуге тырысты. 

"Боингте" қаза тапқандардың туыстары істің тұйыққа тірелуіне қатысты қатты алаңдайтынын америкалық елші Хукстраға жолдаған хатында білдіреді. Олар 2014 жылы мемлекеттік хатшы Джон Керри айтқандай, АҚШ-ты оқиғаға қатысты спутниктен түсірілген суреттерді сотқа ұсынуға шақырды. Алайда, ешқандай суреттер жіберілмеді. Бірақ Хукстра қазір қаза тапқандардың туыстарына алаңдап отырғандай сыңай танытып, белгілі бір дәрежеде бұған Ресейді айыптап отыр.

Соттағы істің тұйыққа тіреліп жатқанын түсінген Гаага Адам құқықтары жөніндегі еуропалық сотқа шағым түсіретін қадамға дейін барады. Ондағы көздеген мақсаты – жаңа шағым арқылы сот процесін мейлінше созу.

Ендеше, Нидерландымен, тіпті ресми емес топ шеңберінде болса да, қандай да бір диалогты бастаймын деп үміттенген Ресей не істеуі керек еді? Егер екінші тарап бәрін өзі шешіп қойған болса, қандай диалог туралы әңгіме айтуға болады?

Осындайда Сергей Лавровтың "Батыстың сыртқы саясатқа жауап беретін азаматтары өзара сыйластықтың қажет екенін түсінбейді. Мүмкін, біз олармен сөйлесуді біраз уақытқа доғаруымыз керек" деген сөзі еске түседі: Ресейдің MH17 бойынша консультациядан шығу туралы шешімі министрдің осы сөзін жүзеге асыру бағытында жасалған алғашқы қадамы деуге болады.

0