Сайлау 2019

"Бір сайлаушыға бес бюллетень берілген": Бас прокуратура заңбұзушылықтар туралы айтты

607
(Жаңартылды 19:42 10.06.2019)
Бас прокуратураның өкілі берген мәліметке сүйенсек, сайлау заңнамасын бұзатын 19 жайт тіркелген

НҰР-СҰЛТАН, 9 маусым – Sputnik. Қазақстанда кезектен тыс президент сайлауы кезінде сайлау учаскесінде бір сайлаушыға бес бюллетень берілгені анықталды. Бұл туралы Бас прокуратураның қоғамдық мүдделерді қорғау қызметінің басшысы Сапарбек Нұрпейісов мәлімдеді, деп хабарлайды Sputnik Қазақстан тілшісі.

Нұрпейісов жалпы сайлау процесі республикада бірқалыпты өткенін айтты. Азаматтардың құқықтарын өрескел бұзу фактісі тіркелмеген. Десе де, оның айтуынша, сайлау заңнамасын бұзатын 19 жайт анықталды.

"Заңсыз үгіт – 1, азаматтардың қолдарына бірнеше бюллетень беру – 11, жәшікке екі-үш бюллетень салу және екі учаскеде дауыс беру – 2 факті. Бұл фактілер бойынша прокурорлар 18 әкімшілік іс қозғады", - деді ол ОСК-да өткен брифингте.

Нұрпейісовтің айтуынша, бірнеше бюллетень беру бойынша 12 іс, екі немесе одан көп рет басқа сайлаушы үшін дауыс беру фактісі бойынша 6 әкімшілік іс қозғалған. Барлық материал қазір сотта.

Тағы оқыңыз: "Телефонға түсіріп алдық": бақылаушы сайлау учаскесінде нені көріп таңғалды?

"Заң бұзушылыққа жол берген комиссия мүшелері жұмыстан шеттетілді. Мәселен, Қызылордада №251 сайлау учаскесінде бір сайлаушыға бес бюллетень берілгені тіркелді. Оған қатысты 110-бап бойынша әкімшілік іс қозғалып, 25 АЕК айыппұл салынды", - деді Нұрпейісов.

Ол Алматы қаласы, Алматы облысы мен Түркістан облысында екі-үш бюллеттеннен беру, елордада екі учаскеде дауыс берген бір сайлаушыға қатысты прокурорлар 108-баппен іс қозғалғанын атап өтті.

"Олардың төртеуі сотта қаралды, 25 АЕК мөлшерінде айыппұл салынды", - деді ол.

Тағы оқыңыз: "Урнаны теуіп сындырды": ІІМ учаскеде болған жайтты айтып берді

607
Кілт сөздер:
заң бұзу, Бас прокуратура, президент сайлауы
Тақырып бойынша
Самал Еслямова дауыс беру үшін Қазақстанға арнайы келді
Қыз Жібек пен Төлеген сайлауға барды - фото
Шетелдегі 8 мыңнан аса қазақстандық сайлауда өз таңдауын жасады
Қазақстанның басым бөлігінде сайлау учаскелері жабылды
Президент сайлауы: қазақстандықтардың 77%-і дауыс берді
Үй, ақша

Тоқаев баспана мен жол құрылысына қатысты тапсырма берді

1885
(Жаңартылды 19:36 23.07.2021)
Мемлекет басшысы Индустрия және инфрақұрылымдық даму министрі Бейбіт Атамқұловтың есебін тыңдады

НҰР-СҰЛТАН, 23 шілде – Sputnik. Индустрия және инфрақұрылымдық даму министрі президентке мемлекеттік бағдарламалардың жүзеге асырылу барысы мен бірінші жартыжылдықтағы жұмыстың негізгі бағыттары туралы баяндады.

Ведомство басшысы өңдеу өнеркәсібінің дамуы жөнінде егжей-тегжейлі есеп берді. Оның айтуынша, жыл басынан бері өсім көрсеткіші 5,6 процентке, соның ішінде, фармацевтика 31 процентке, машина жасау саласы 22%-ке, химия 2,8%-ке және металлургия 0,8 процентке артқан.

"Бұдан бөлек жыл соңына дейін қосымша 126-дан астам жоба іске қосылады. Бұл жобаларға 1,1 триллион теңге көлемінде инвестиция салынған", - деп жазды президенттің баспасөз хатшысы Берік Уәли өзінің Facebook-тегі парақшасында.

Мемлекет басшысына "Нұрлы жол" бағдарламасы аясында жыл басынан бері ұзындығы 2,2 мың шақырым автомобиль жолдары пайдалануға берілгені жөнінде баяндалды. Транзиттік жүк тасымалы артып келеді, соның ішінде, Қытай – Еуропа – Қытай бағыты бойынша бұл көрсеткіш 59 процентке өскен.

"Нұрлы жер" бағдарламасы бойынша бүгінде 6,6 миллион шаршы метр тұрғын үй пайдалануға берілген. Жыл соңына дейін бұл көрсеткішті 17 миллион шаршы метрге дейін жеткізу жоспарланып отыр.

Қасым-Жомарт Тоқаев ведомство жұмысының негізгі бағыттары бойынша тапсырма берді. 

Мемлекет басшысы жергілікті қатынас жолдарын дамыту және қайта жөндеу, сондай-ақ, жалға берілетін тұрғын үйлердің құрылысын маңызды міндеттер ретінде атап өтті.

1885
Кілт сөздер:
құрылыс, жол, баспана, Қасым-Жомарт Тоқаев
Тақырып бойынша
Тоқаев қазақстандықтарға үндеу жасады
Тоқаев: былтыр жазда болған жағдайдың қайталануына жол беруге болмайды
Тоқаев вакциналау паспортын қолдан жасағандар қатаң жазаланатынын айтты
"Қайғырып көңіл айтамын": Тоқаев Си Цзиньпинге жеделхат жолдады
Тоқаев ардагер журналисті 100 жасқа толуымен құттықтады
Қазақстан мен Қытай туы

"Қайғырып көңіл айтамын": Тоқаев Си Цзиньпинге жеделхат жолдады

6331
(Жаңартылды 18:25 22.07.2021)
Қасым-Жомарт Тоқаев қажеттілік болған жағдайда Қазақстан үкіметі тиісті көмек көрсетуге дайын екенін нақтылады

АЛМАТЫ, 22 шілде – Sputnik. Президент Қасым-Жомарт Тоқаев Қытай Халық Республикасының төрағасы Си Цзиньпинге көңіл айту жеделхатын жолдады, деп хабарлады Ақорда.

Мемлекет басшысы Қытайдың Хэнань провинциясындағы толассыз жаңбыр мен су тасқыны салдарынан көптеген адамның қаза болғаны және зардап шеккені туралы суыт хабарды терең күйзеліспен қабылдады.

"Осындай ауыр сәтте қайғы-қасіреттеріңізге ортақтасып, барша қазақстандықтардың және жеке өзімнің атымнан сізге, жақындарынан айырылған отбасыларға, сондай-ақ, бүкіл Қытай халқына қайғырып көңіл айтамын. Табиғи апаттан жарақат алғандардың тез арада сауығып, із-түссіз жоғалғандардың аман-есен отбасыларына оралуына тілектестігімді білдіремін", – делінген жеделхатта.

Қасым-Жомарт Тоқаев қажеттілік болған жағдайда Қазақстан үкіметі тиісті көмек көрсетуге дайын екенін нақтылады.

Қытайдың Хэнань провинциясында нөсер жаңбыр салдарынан қаза тапқандардың саны 33 адамға жетті, тағы сегіз адам хабар-ошарсыз кетті.

Взрослые перевозят детей на надувном матрасе в затопленном после наводнения городском районе в Китае
© REUTERS / ALY SONG
Қытайдың Хэнань провинциясы

Апат аймағында үш миллионнан астам адам бар, қауіпті аудандардан 375 мың тұрғын шұғыл эвакуацияланды.

6331
Кілт сөздер:
Қытай, Қасым-Жомарт Тоқаев
Тақырып бойынша
"Сондай күлкілі": Қытай елшісі Жаңаөзендегі митинг жайлы не ойлайтынын ашық айтты
Тоқаевтың Қытай төрағасымен не туралы сөйлескені белгілі болды
Қытайдағы қазақтар "қайта оқыту" орталықтарынан босатылды - министр
Қытай елшісі Назарбаевқа: шешіміңізді жоғары бағалаймыз
Қытайдың ең бай 15 адамының бірі көз жұмды

Жүкті әйелдерге коронавирусқа қарсы вакцина салдыруға бола ма видео

0
Дүниежүзілік денсаулық сақтау ұйымы жүкті әйелдерде коронавирус инфекциясына қарсы вакцина салдыруға болатынын мәлімдеді. Сондай-ақ вакцина салдырған әйелдер баласын әрі қарай емізе алатынын айтты 

Бұл тақырып кейінгі кездері Қазақстанда да жиі талқыланып жүр. Соған байланысты Sputnik Қазақстан денсаулық сақтау министрлігінен ресми жауап беруін сұрады.

Вакциналау және жүктілік тақырыбы бойынша денсаулық сақтау министрлігі акушерлік, гинекология және перинатология ғылыми орталығының басқарма төрағасы Динара Мырзахметова және қоғамдық денсаулық сақтау ұлттық орталығы басқарма басшысының орынбасары Айнагүл Қуатбаева жүкті әйелдерге коронавирус инфекциясына қарсы вакцина салуға қатысты сауалдарға жауап берді.

Динара Мырзахметованың айтуынша, қазірге дейін вакцинаның жүкті әйелдерге қалай әсер ететіні туралы зерттеу жүргізілмеген. Сол себепті жүктілік кезінде вакцина салу қарсы көрсеткіш болып саналады.

"Дүниежүзілік денсаулық сақтау ұйымы вакцина шығарылатын өндірістерде жүргізілетін клиникалық өзгерістердің нәтижесі бойынша белгілі бір тұжырымдар жасайды. Соңғы 10 күнде Америкада 90 мыңға жуық жүкті әйел коронавирусқа қарсы екпемен қамтылғаны туралы ақпарат түсіп жатыр. (...) Біздің елге келіп түскен 4 түрлі вакцинаның сипаты, шығару, өндіру технологиясына жүгінетін болсақ, бұл вакциналардың құрамында жүктілік кезінде кері әсер ететін ингредиенттер жоқ", - дейді Айнагүл Қуатбаева.

Маманның сөзінше, Қазақстанда кейінгі жылдары жүктілік кезінде тұмауға қарсы вакцина салынады. Қазірге дейін олардың арасында вакцинадан кейін ауыр жағдайға тап болғандар тіркелмеген.

Сонымен қатар елімізде вакцинаның бірінші компонентін салдырған соң өзінің жүкті екенін білгендер бар. Мұндай жағдайда жүктілікті тоқтатудың қажеті жоқ.

"Мамандардың кеңесіне жүгіну қажет. Статистикалық мәлімет бойынша мұндай жағдай өте аз кездеседі. Алайда нақты саны жоқ, оларды жаппай статистикаға алып жатқан жоқпыз. Әр өңірден келіп түсетін бірен-саран жағдайлар", - дейді Айнагүл Қуатбаева.

Толығырақ Sputnik Қазақстан видеосынан көріңіз.

0
Кілт сөздер:
вакцина, коронавирус, жүкті әйел