Тәуелсіз мемлекеттер достастығы бақылаушыларының миссиясының басшысы Сергей Лебедев

Қазақстандағы бұл сайлау ерекше болды ТМД бақылаушылар миссиясының басшысы

167
Бақылаушылар Қазақстанда сайлау жоғары деңгейде ұйымдастырылған және еркін атмосферада өтті деген қорытындыға келді

НҰР-СҰЛТАН, 10 маусым — Sputnik. Тәуелсіз мемлекеттер достастығы бақылаушыларының миссиясы Қазақстандағы кезектен тыс президент сайлауын еркін және өткізілді деп таныды. Бұл туралы Орталық сайлау комиссиясындағы брифингте миссияның басшысы Сергей Лебедев мәлімдеді.

Ол ТМД елдерінің сегіз елінен келген 432 адам Қазақстандағы сайлауды бақылағанын атап өтті. 20 мамырдан бері бақылаушылар республиканың барлық өңірінде болып, 3 812 сайлау учаскесіне барған.

"Біз Қазақстанда сайлау жоғары деңгейде ұйымдастырылған және еркін атмосферада өтті деген қорытындыға келдік. Сайлау Конституцияға және конституциялық заңдарға сәйкес өткізілді. Ол ашық, демократияға сай және тартысты болды", - делінген ТМД миссиясы бақылаушыларының мәлімдемесінде.

Миссия құрамына ТМД елдерінің парламентшілері, Орталық сайлау комиссияларының басшылары мен дипломаттар кірді.

"Біздің ойымызша, өкілдік жоғары деңгейі бізге сайлаудың объективті және ауқымды картинасын алуға мүмкіндік берді. Бұл сайлау ерекше болды. Тәуелсіз Қазақстан тарихында алғаш рет Нұрсұлтан Назарбаев сайлауға тікелей қатыспады. Оның сайлау қарсаңында сөйлеген сөзінен ел болашағына бей-жай қарамайтыны сезілді. Ол елінің болашағына алаңдайды", - деді Лебедев брифингте.

ТМД миссиясының басшысы сайлауға Елбасы ғана емес, көптеген қазақстандық алаңдаушылық білдіргенін атап өтті. Сергей Лебедевтің айтуынша, бұл жолы егде тартқан адамдар ғана емес, жас сайлаушылар да белсенділік танытқан.

"Қазақстанда поскеңестік кезеңдегі сайлауды мерекеге айналдыру дәстүрі сақталған – музыка ойнап, буфеттер жұмыс істеді.Мүгедектерге арнайы кабиналар мен пандустар болды. 12 мыңға жуық мүгедек осы жағдайды пайдаланды", - деді ТМД бақылаушылар миссиясының басшысы.

Сонымен қатар, Сергей Лебедев сайлау алдындағы науқан кезінде атқарылған ақпараттандыру жұмыстарына жоғары баға берді. Қазақстандықтар жеті үміткердің бағдарламасымен толығымен танысуға мүмкіндік алды.

ТМД миссиясының бақылаушылары сайлау кезінде тіркелген заң бұзушылықтарға қатысты сұраққа жауап бере келе, заң бұзушылықтар аз болды деген қорытындыға келді.

"Ондаған кемшілік болды, ал дауыс бергендердің саны тоғыз миллионнан асады. Сондықтан жалпы алғанда бұл сандар елеусіз. Сандар Қазақстан халқының еркіне сай келеді. Біз бұл сайлауды мойындаймыз", - деді Сергей Лебедев.

167
Кілт сөздер:
президент сайлауы
Тақырып:
Президент сайлауы - 2019 (176)
Тақырып бойынша
ШЫҰ миссиясының басшысы Қазақстандағы президент сайлауына баға берді
"Телефонға түсіріп алдық": бақылаушы сайлау учаскесінде нені көріп таңғалды?
ҰҚШҰ Парламент ассамблеясының бақылаушылары сайлауда заңбұзушылықтарды байқамаған
Шетелдік бақылаушы президент сайлауының маңызды бір ерекшелігін атады
Қазақстан президенті сайлауы демократияға сай әрі ашық болды – Сергей Лебедев
ҰҚШҰ елдерінің тулары

Президент ҰҚШҰ қауіпсіздік кеңесінің сессиясына қатысады

785
Мемлекет басшысы ұжымдық қауіпсіздік туралы шарт ұйымын әрі қарай дамыту бойынша бірқатар ұсыныс айтады деп жоспарланып отыр

АЛМАТЫ, 2 желтоқсан – Sputnik. Қазақстан президенті Қасым-Жомарт Тоқаев Ұжымдық қауіпсіздік туралы шарт ұйымының қауіпсіздік кеңесінің сессиясына қатысады. Жиын видеоконференция форматында өтеді. Бұл туралы президенттің баспасөз хатшысы Берік Уәли хабарлады.

Ұжымдық қауіпсіздік кеңесінің сессиясы бүгін сағат 15.00-де өтеді.

"Саммит барысында ҰҚШҰ-ға мүше мемлекеттердің басшылары халықаралық және өңірлік қауіпсіздік мәселелері жөнінде пікір алмасып, ұйымның биылғы жұмысындағы басым бағыттардың жүзеге асырылуын қорытындылайды. Алдағы кезеңге арналған жоспарын айқындайды", - деп жазды Уәли Facebook парақшасында.

Мемлекет басшысы ұжымдық қауіпсіздік туралы шарт ұйымындағы әріптестеріне ұйымның жұмысы жөніндегі өзекті мәселелер бойынша еліміздің ұстанымын жеткізіп, оны әрі қарай дамыту үшін бірқатар ұсыныс айтады деп жоспарланып отыр.

Жиын қорытындысы бойынша ҰҚШҰ-ның тиімділігін одан әрі арттыруға бағытталған бірқатар құжат қабылданады.

Айта кетейік, 2019 жылы Ұжымдық қауіпсіздік шарт ұйымының ұжымдық қауіпсіздік кеңесінің сессиясы Бішкек қаласында өтті.

785
Қасым-Жомарт Тоқаев пен Шавкат Мирзиёев

Өзбекстан президенті Тоқаевқа қоңырау шалды

49
(Жаңартылды 20:36 01.12.2020)
Қос президент күн тәртібіндегі өңірлік деңгейдегі бірқатар өзекті мәселелер бойынша пікір алмасып, биылғы жылдың аяғына дейінгі іс-шараларды талқылады

НҰР-СҰЛТАН, 1 желтоқсан – Sputnik. Мемлекет басшысы Қасым-Жомарт Тоқаев пен Өзбекстан президенті Шавкат Мирзиёевпен телефон арқылы сөйлесті, деп хабарлайды Ақорда.

Шавкат Мирзиёев Қасым-Жомарт Тоқаевты Қазақстанның Тұңғыш президенті күні мерекесімен құттықтап, еліміздің дамуы баянды және халықаралық қауымдастықтағы мерейінің лайым үстем болуына тілектестігін білдірді.

"Мемлекет басшылары Қазақстан мен Өзбекстан арасындағы достық пен бауырластыққа, тату көршілік пен стратегиялық серіктестікке негізделген екіжақты саяси, экономикалық және мәдени-гуманитарлық қатынастарды әрі қарай нығайтуға мүдделілік танытты", – делінген хабарламада.

Сонымен қатар, Қасым-Жомарт Тоқаев пен Шавкат Мирзиёев күн тәртібіндегі өңірлік деңгейдегі бірқатар өзекті мәселелер бойынша пікір алмасып, биылғы жылдың аяғына дейінгі іс-шараларды талқылады.

Қазақстандағы Тұңғыш президент күні

Жыл сайын 1 желтоқсанда қазақстандықтар ұлттық мереке – Тұңғыш президент күнін атап өтеді. Бұл күн мереке ретінде кездейсоқ таңдалған жоқ – 1991 жылы 1 желтоқсанда алғашқы жалпыхалықтық сайлау өтіп, онда Нұрсұлтан Назарбаев 98,7% дауысқа ие болды.

Оқи отырыңыз: Тоқаев Қазақстанның абыройын асырған Қарақат Башанова туралы жазды

Он күннен кейін елдің бірінші президенті Қазақ КСР-ін Қазақстан Республикасы деп өзгерту туралы заңға қол қойды. 16 желтоқсанда Жоғарғы Кеңес республиканың тәуелсіздігін жариялады. Қазақстандықтар бұл күнді 2012 жылдан бері атап өтіп келеді.

49
Кілт сөздер:
Шавкат Мирзиёев, Қасым-Жомарт Тоқаев, президент
Тақырып бойынша
Жәрдемақыны оңды-солды таратуды доғару қажет – Тоқаев
"Кінәлілер жауапқа тартылады": Тоқаев Алматыдағы оқиғаға қатысты тапсырма берді
Тоқаев пен Мясникович ЕАЭО саммитінің күн тәртібін талқылады
Тоқаев арнаулы жәрдемақы кімдерге төленетінін айтты
Маржықпаев Көкшетауда Тоқаев пен Путиннің қатысуымен форум қашан өтетінін айтты
Орталық сайлау комиссиясының ғимараты

ОСК мәжіліс сайлауына "Nur Otan"партиясы кандидаттарының тізімін тіркеді

0
"Nur Otan" партиясының тізімінде 126 адам бар. ОСК кандидаттардың заң талаптарына сәйкестігіне тексеру жүргізді

НҰР-СҰЛТАН, 2 желтоқсан – Sputnik. Қазақстанның орталық сайлау комиссиясы мәжіліс сайлауына "Nur Otan"партиясы кандидаттарының тізімін тіркеді, деп хабарлайды Sputnik Қазақстан.  

"Nur Otan" партиясы парламент сайлауына кандидаттарды ұсыну туралы құжаттарды Орталық сайлау комиссиясына 2020 жылдың 26 қарашада ұсынды.

Оқи отырыңыз: "Ақ жол" партиясы мәжіліс депутаттығына кандидаттар тізімін жариялады 

"Nur Otan" партиясының тізімінде 126 адам бар. Оның 40-ы әйелдер мен жиырма тоғыз жасқа толмаған жастар, олар тізімге енгізілгендердің жалпы санының 31,7 процентін құрайды. Уәкілетті органдар ұсынған мәліметтер негізінде Орталық сайлау комиссиясы мәжіліс депутаты болып сайлану үшін партиялық тізімге енгізілген адамдардың Конституция мен "ҚР сайлау туралы заңы" талаптарына сәйкестігіне тексеру жүргізді", - деп атап өтті ОСК мүшесі Асылбек Смағұлов отырыс барысында.

Тексеріс нәтижесінде партиялық тізімге енгізілген барлық адам заң талаптарына сай келетіні белгілі болды.  

Осыған байланысты, Орталық сайлау комиссиясының мүшелері "2021 жылдың 10 қаңтарына белгіленген Қазақстан Республикасы парламенті мәжілісі депутаттарының кезекті сайлауында "Nur Otan" партиясының партиялық тізімін тіркеу туралы" қаулы қабылдады.

0
Кілт сөздер:
сайлау, Мәжіліс
Тақырып бойынша
Қазақстанда жаңа саяси партия құрылып жатыр – депутат Әлтаев
"Nur Otan" сайлау алдында берген уәделерінің басым бөлігін орындады – Назарбаев
Әлі талай құшақтасатын боламыз – Назарбаев
Дариға Назарбаева мәжіліс депутаттығына кандидат болды
Сайлауға бойкот жариялау ұсынылды – ЖСДП мүшелері қандай шешім қабылдады