Еуропадағы қауіпсіздік және ынтымақтастық ұйымының туы

Халықаралық бақылаушылар сайлаудағы заңбұзушылықтар туралы айтты

176
(Жаңартылды 21:56 10.06.2019)
ЕҚЫҰ миссиясының бақылаушылары тараптардың диалог орнатуы керек екенін атап өтті

НҰР-СҰЛТАН, 10 маусым – Sputnik. Еуропадағы қауіпсіздік және ынтымақтастық ұйымының бақылаушылары сайлауды бір ай бойы бақылады, деп хабарлайды Sputnik Қазақстан тілшісі.

Жастардың үніне құлақ асу қажет

ЕҚЫҰ миссиясының үйлестірушісі Георгий Церетелидің айтуынша, сайлауға дайындық қысқа уақыттың ішінде атқарылса да, дауыс беру шаралары тәртіппен өтті. Дегенмен, сайлау күні бірқатар олқылық болды. Соның ішінде бейбіт митингіге шыққандарды қамауға алу әрекеттері де бар. Ондай оқиғалар Қазақстанның атақ-абыройына кері әсерін тигізеді.

Миссия наблюдателей Организации по безопасности и сотрудничеству в Европе в составе Бюро по Демократическим Институтам и Правам Человека (БДИПЧ) ОБСЕ и Парламентской Ассамблеи ОБСЕ (ПА ОБСЕ) сделала заявление по итогам президентских выборов в Казахстане
© Sputnik / Абзал Калиев
ЕҚЫҰ миссиясының үйлестірушісі Георгий Церетели

"Негізі, жастардың үніне құлақ асып, олардың айтқан ұсыныстарын ескеру керек. Олар өте белсенді. Дәл осы энергия жағымды өзгерістерге негіз бола алады", - дейді Церетели.

Оның сөзіне қарағанда, Қазақстанда өткен президент сайлауының басты ерекшелігі – тұңғыш президенттің өз кандидатурасын ұсынбауында. Алайда заңға енгізілген өзгерістердің нәтижесінде үміткерлерге тым қатты талап қойылды.

Тағы оқыңыз: "Телефонға түсіріп алдық": бақылаушы сайлау учаскесінде нені көріп таңғалды?

"Осы жолы алғаш рет Қазақстанның тұңғыш президенті сайлауға қатысқан жоқ. Дегенмен, кандидаттар үшін тым қатал талап қойылды. Мәселен, үміткердің мемлекеттік қызметте бесжылдық еңбек тәжірибесі болуы шарт. Ондай талап президенттікке таласатын адамдардың санын қысқартады", - дейді Церетели.

Саяси реформаларды жалғастыру қажет

ЕҚЫҰ парламенттік ассамблеясынан келген бақылаушылар миссиясының басшысы Маргарета Киннер Неллен де бейбіт митингтер мәселесіне тоқталды. Оның айтуынша, қарапайым адамдармен бірге журналистерді де ұстаса, бейбіт жиналыстарға деген адам құқықтарымен бірге сөз бостандығы да бұзылып отыр.

© Sputnik / Абзал Калиев
ЕҚЫҰ парламенттік ассамблеясынан келген бақылаушылар миссиясының басшысы Маргарета Киннер Неллен

Ал ЕҚЫҰ демократиялық институттар мен адам құқықтары бюросы атынан келген делегацияның басшысы Уршула Гацек Қазақстанда әлі саяси реформалар жасау қажеттігін жеткізді. Себебі сайлау кезінде тәртіпбұзушылықтар болды. Байқаушы сайттарды бұғаттау мәселесіне де тоқталды.

Глава миссии по наблюдению за выборами БДИПЧ Уршула Гацек
© Sputnik / Абзал Калиев
ЕҚЫҰ демократиялық институттар мен адам құқықтары бюросы атынан келген делегацияның басшысы Уршула Гацек

"Бұл жерде біз тағы не байқадық? Электронды бұқаралық ақпарат құралдарын шектеу мәселесі бар. Мәселен, кейбір сайттарды уақытша бұғаттап қояды немесе әлеуметтік желілердің жұмысын баяулатып тастайды. Ал Конституция бойынша ақпарат қолжетімді болуы қажет", - деді Гацек.

Еске сала кетсек, кезектен тыс президент сайлауын бақылауға әлемнің 40 елінен 339 бақылаушы келген болатын.

176
Кілт сөздер:
сайлау, сарапшылар
Тақырып:
Президент сайлауы - 2019 (176)
Тақырып бойынша
Қазақстан президенті сайлауы демократияға сай әрі ашық болды – Сергей Лебедев
ШЫҰ миссиясының басшысы Қазақстандағы президент сайлауына баға берді
Қазақстандағы бұл сайлау ерекше болды – ТМД бақылаушылар миссиясының басшысы
Қытай бақылаушылары: Қазақстандағы сайлау әділ өтті
Шетелдік бақылаушы президент сайлауының маңызды бір ерекшелігін атады
Қазақстан туы

Елбасы көрші елдер жайлы: тағдырымыз солай

600
Назарбаев Қазақстанның шекарасын шегендеп, оны басқару тетіктерін қалыптастыру, елдің рухы мен әл-ауқатын арттыру, егемендікті баянды ету оңайға соқпағанын айтты

НҰР-СҰЛТАН, 25 қараша – Sputnik. Тұңғыш президент – Елбасы Нұрсұлтан Назарбаев Қазақстан көрші елдермен тату болуы керек екенін айтты, деп хабарлайды Sputnik Қазақстан тілшісі. 

"Тәуелсіздіктің тәтті дәмін сезінген халқымыздың ендігі не істесе де жолдасы –  сабыр мен ақыл ғана болуы керек. Көршілерімізбен тату болуымыз керек. Тағдырымыз солай, картаға қараңдар, қандай жерде отырмыз. Сондықтан менің жүргізген саясатым осы, аманатым да осы", - Елбасы Nur Otan партиясының кезектен тыс ХХ съезінде. 

Назарбаев Қазақстанның шекарасын шегендеп, оны басқару тетіктерін қалыптастыру, елдің рухы мен әл-ауқатын арттыру, егемендікті баянды ету оңайға соқпағанын айтты. 

"Бүгінде елдің басын қосып, ұйытып отырмыз. Қазір айтсаң, ертегі сияқты көрінеді", - деді ол. 

Тұңғыш президент өткен ғасырда қазақ халқы бастан кешірген қасіреттерді еске алды. 

"Өткен ғасырда біздің халқымыз тоғыз түрлі алапат қасіретті бастан кешірген екен. Екі дүниежүзілік соғыс, екі зұлмат ашаршылық, ұлт-азаттық қозғалыстар, қуғын-сүргін жылдары. Ойлап қараңдаршы. Сол ашаршылықтан, тағы басқадан 4 миллионнан астам біздің қазақстандық, қазақтар қыршын болды. 1,5 миллионы елінен қашып, шетке кетті. Ұлтымыз үшін бұл қандай ауыр қасірет?! Қай халық осындай қасіретті бастан кешірген екен?! Соған қарамастан ата-бабамыздың қалдырған жерінде отыр. Өзінің мемлекетін құрып отыр", - деді Назарбаев.

Елбасы бүгінде Қазақстанды бүкіл әлем танитынын атап өтті.

Еске салсақ, 25 қарашада Nur Otan партиясының кезектен тыс ХХ съезі өтті. Жиын барысында партия атынан алдағы мәжіліс сайлауына қатысатын үміткерлер тізімі бекітілді.

Жалпы Nur Otan-ның партиялық тізімі 126 кандидаттан тұрады. Олардың ішінде 77 кандидат партияішілік праймериз қорытындысы, ал 49 адам орталық партиялық квота бойынша бекітілді.

Мәжіліс депутаттығына үміткер болатын белгілі азаматтар арасында Дариға Назарбаева, Нұрлан Нығматулин, Асқар Мамин, Бекболат Тілеухан, Ахметжан Есімов, Тамара Дүйсенова, Айдос Сарым және тағы басқалары бар. 

Мәжіліс және мәслихаттар депутаттарының сайлауы 2021 жылы 10 қаңтарда өтеді.

600
Кілт сөздер:
Назарбаев
Тақырып бойынша
"Менің Назарбаевым адамды ешқашан қорламайды": Сара Алпысқызының сұхбаты - видео
Назарбаев "елде демократия жоқ" дейтіндерге жауап берді
Нұрсұлтан Назарбаев Елбасы ретіндегі миссиясын атады
Сара Назарбаева қазақстандықтарға үндеу жасады
Дариға Назарбаева мәжіліс депутаттығына кандидат болды
Аида Балаева

Билік пен қоғам арасындағы диалог: азаматтық форум онлайн режимде өтіп жатыр

34
(Жаңартылды 11:59 23.11.2020)
Азаматтық форумды ашқан Аида Балаеваның айтуынша, ұзақ мерзімді мүдделер уақытша қиындықтардан басым болады

НҰР-СҰЛТАН, 23 қараша – Sputnik. Ақпарат және әлеуметтік даму министрлігінің қолдауымен және Қазақстанның азаматтық альянсы ұйымының ұйымдастыруымен IX Азаматтық форум онлайн режимде басталды. Биылғы форум "Қоғам және мемлекет: #Birgemiz әріптестік пен дамудың 30 жылы" тақырыбы аясында өтуде.

"Қазақстанның тұңғыш президенті Нұрсұлтан Назарбаев тәуелсіздіктің алғашқы жылдарында жол ашқан және жаһандық пандемия жағдайындағы қазіргідей шектеулерге қарамастан мемлекет басшысы табысты алға жылжытқан азаматтық бастамалардың қолжетімді болуы және оның күн тәртібіне шығарылуы зор маңызға ие. Бұл дегеніміз, ұзақ мерзімді мүдделермен ұштасатын біздің кез-келген саладағы өзара іс-қимылымыз уақытша қиындықтардан басым түсетіндігін білдіреді", – деді ақпарат және әлеуметтік даму министрі Аида Балаева.

Министр билік өкілдері мен сарапшылар қауымдастығы, іскер топтар мен азаматтық қоғам белсенділері арасындағы диалог одан әрі тең құқылы ынтымақтастықты дамытуға, сенім мен өркендеуді арттыруға ықпал ететінін атап өтті.

"Жаһандық өзгерістер дәуірінде орнықты әлеуметтік дамуда жаңа міндеттер мен өзекті мәселелердің шешімін бірлесе іздеу, кезек күттірмейтін шауралардың бірі болып табылады. Бұл ретте, әрине бәрімізге бастамашылдық пен шығармашылық шеберлік, табандылық пен табысқа деген сенімділік қажет", – деп қосты Балаева.

Оқи отырыңыз: Мемлекеттік арнадағы түрік сериалдары қысқарады - ақпарат министрі

Айта кетейік, Азаматтық форум аясында қоғамдық кеңестердің тәжірибелік тиімділігін арттыру мен азаматтық қоғамды дамытудың мәселелері мен басымдықтары талқыланады. Шара барысында ішкі істер министрінің орынбасары Арыстанғани Заппаров пен бірінші қаржы министрі Берік Шолпанқұлов және денсаулық сақтау министрі Алексей Цой үкіметтік емес ұйым өкілдерімен кездеседі деп жоспарланған. Бағдарламаның толық нұсқасымен мына сілтемеге өту арқылы танысуға болады.

34
Кілт сөздер:
форум, қоғам
Тақырып бойынша
Балаева әр балаға 21 мың теңге қалай төленетінін түсіндірді
Қазақстанда атаулы әлеуметтік көмекті кімдер алады? Балаева түсіндірді
Аида Балаева анонимді Telegram-арналарды бұғаттауға қатысты пікір білдірді 
  Электронды үкімет мобильді қосымшасы

Электронды цифрлық қолтаңбаны заңсыз пайдалану фактілері  жиіледі

0
Электронды цифрлық қолтаңба қолмен қойылған қолтаңбаға теңестірілген және заңдық тұрғыда салдары онымен бірдей болады

НҰР-СҰЛТАН, 26 қараша – Sputnik. Қазақстанда электронды цифрлық қолтаңбаны (ЭЦҚ) заңсыз пайдалану фактілері  жиілеп кетті, деп хабарлады цифрлық даму, инновация және аэроғарыш өнеркәсібі министрлігі.

2015-2018 жылдар аралығында 640-бабы "Қазақстан Республикасының электронды құжаттар және электронды цифрлық қолтаңба туралы заңнамасын бұзу" бойынша 15 әкімшілік құқық бұзушылық тіркелді. 2019 жылы мұндай істердің саны күрт өсті – 52 іс қозғалды.  

Оқи отырыңыз: Енді электронды цифрлық қолтаңбаны компьютерде сақтау қажет емес 

"Осы жылдың 9 айында электронды цифрлық қолтаңбаны заңсыз берудің 30-дан астам фактісі және оны қорғау шараларын сақтамаудың бестен астам жағдайы анықталды. Бұл фактілер бойынша 10-нан 150 АЕК-ке (27 780-нен 416 700 теңгеге дейін – Sputnik) дейін айыппұл салынды", - деп нақтылады ведомство.

Соңғы кездері министрлікке жеке тұлғалардан және лауазымды адамдардан электронды цифрлық қолтаңбаны заңсыз беруге қатысты көптеген шағым түсіп жатыр.

"Электронды цифрлық қолтаңба қолмен қойылған қолтаңбаға теңестірілгенін және заңдық тұрғыда салдары онымен бірдей болатынын ұмытпау керек", - деп атап өтті ақпараттық қауіпсіздік комитетінің төрағасы Руслан Әбдіқалықов.

Өткен кезеңмен салыстырғанда мемлекеттік органдар мен ұйымдардың басшылары өздерінің ЭЦҚ-сын басқа қызметкерлерге беру жағдайлары, сондай-ақ жұмыс берушілер жұмыстан шығып кеткен қызметкерлердің ЭЦҚ-сын қайтарып алмайтын жағдайлар көбейді. Мұндай әрекеттер электронды цифрлық қолтаңбаны заңсыз қолдануға жол ашады, ал ол әкімшілік және тіпті қылмыстық жауапкершілікке әкеп соқтырады.

ЭЦҚ-ны қалай қорғауға болады

Өзіңді қорғау және алаяқтықтың құрбаны немесе керісінше заң бұзушы атанбау үшін министрлік мынадай кеңес береді:

  • ЭЦҚ-ны үшінші тұлғаларға беруге болмайды. Ұйымдарда құжаттарға қол қоюға жауапты қызметкерлерге жеке ЭСҚ беру керек;     
  • ЭСҚ-сы бар қызметкерлерді жұмыстан шығару фактілерін қадағалап, олардың ЭСҚ-сын дер кезінде қайтарып алған жөн;
  • ЭСҚ жоғалған жағдайда бұрынғысынан бас тарту арқылы дереу қайта шығарып, стандартты парольді күрделілеуіне ауыстыру қажет.

Айта кетейік, электронды цифрлық қолтаңбаны үйден шықпай-ақ алуға болады.  

0
Кілт сөздер:
электронды үкімет порталы, қолтаңба
Тақырып бойынша
Қазақстан премьері ЕАЭО үшін маңызды ұсыныс жасады
Электронды цифрлық қолтаңбаның мерзімін қалай ұзартуға болады – министр жауабы