Қайрат Мәми

Конституциялық кеңес президент сайлауына қатысты мәлімдеме жасады

2295
Қайрат Мәми Қазақстанда жоғары биліктің байсалды түрде ауысқанын айтты

НҰР-СҰЛТАН, 20 маусым – Sputnik. Мемлекет басшысы өкілеттігінің көшуі және кезектен тыс президент сайлауы Конституция талаптарына қатаң сәйкестікте өтті. Бұл туралы Конституциялық кеңестің төрағасы Қайрат Мәми мәлімдеді, деп хабарлайды Sputnik Қазақстан тілшісі.

Бүгін парламент палаталарының бірлескен отырысында Қазақстанның Конституциялық кеңесі "Қазақстан Республикасындағы конституциялық заңдылықтың жай-күйі туралы" жолдау жариялады. Кеңес төрағасы Қайрат Мәми жуырда өткен кезектен тыс президент сайлауына тоқталды. Ол Қазақстанда жоғары билік байсалды түрде ауысқанын атап өтті.

Тағы оқыңыз: Тоқаев сайлау қорытындысын естігенде қандай сезімде болды?

"Қазақстанның тұңғыш президенті – Елбасы Нұрсұлтан Назарбаев 2019 жылғы 19 наурызда өз еркімен отставкаға кететінін жариялап, мемлекет басшысы ретіндегі өкілеттігін тоқтатты. Конституция нормаларына сәйкес, республика президентінің өкілеттігі парламент сенатының төрағасына өтті. 9 маусымда өткен кезектен тыс президент сайлауында Қазақстан президенті болып Қасым-Жомарт Тоқаев сайланды. Мемлекет басшысы өкілеттігінің көшуі және кезектен тыс президент сайлауы Конституция талаптарына қатаң сәйкестікте өтті", - деді Мәми.

Оның айтуынша, осылайша Ата заңды адал сақтау бағытының сабақтастығы және қоғам мен мемлекеттің бұлжымастығы тағы да расталды.

"Биліктің көшуі қалыпты жағдайда өтті. Бұл Қазақстанның ішкі тұрақтылығын қамтамасыз етудің және халықаралық беделінің деңгейін анықтайтын маңызды факторлар", - деді кеңес төрағасы.

Сондай-ақ, Мәми есептік кезеңде елімізде конституционализмді дәйекті түрде орнықтыру, Конституцияның ережелері мен нормаларын қолданудың тиімділігін арттыру, адамның және азаматтың құқықтары мен бостандығына кепілдік беру жөнінде ауқымды жұмыс атқарылғанын айтты.

Президент сайлауы

Айта кетсек, 9 маусымда Қазақстанда кезектен тыс президент сайлауы өтті. Бұл жолы мемлекет басшысы лауазымына жеті кандидат таласты. Қасым-Жомарт Тоқаев сайлаушылардың басым бөлігінің сеніміне ие болды. Екінші орынға "Ұлт тағдыры" қозғалысы атынан сайлауға түскен Әміржан Қосанов, ал үшінші орынға "Ақ жол" демократиялық партиясының кандидаты, жалғыз әйел үміткер Дания Еспаева жайғасты.

2295
Кілт сөздер:
мәлімдеме, президент сайлауы, Конституциялық кеңес
Тақырып:
Президент сайлауы - 2019 (176)
Тақырып бойынша
Қытай Тоқаевтың президент болып сайлануына қатысты пікір білдірді  
Әміржан Қосанов билікке таласа алатын жаңа оппозиция құратынын айтты
"Халық кедейліктен көшеге шықты": Тоқаев Қазақстандағы митингілер туралы айтты
Тоқаев қазақстандықтарға наразылық шеруіне шығуға рұқсат берілетінін айтты
Митинг кезінде 4 мыңға жуық адамның ұсталғаны белгілі болды
Премьер-министр Казахстана Аскар Мамин на заседании правительства

Мамин халық табысын қалай арттыруға болатынын айтты

392
(Жаңартылды 18:23 15.01.2021)
Экономиканың бәсекеге қабілеттілігін артттыру, инвестицияларды тарту, жаңа технологияларды енгізу, жаңа жұмыс орындарын құру және тағы басқа бағыттар бойынша тиімді шаралар іске асырылады, деді Мамин

НҰР-СҰЛТАН, 15 қаңтар – Sputnik. Үкімет басшысы Асқар Мамин президент жүктеген міндеттерді қалай орындайтынын айтты, деп хабарлайды Sputnik Қазақстан тілшісі.

Бүгін парламенттің бірлескен отырысында депутаттардың басым бөлігі премьер-министр қызметіне ұсынылған Асқар Маминнің кандидатурасын қолдады. Осыдан кейін мәжіліс төрағасы мінберге үкімет басшысын шақырды. Асқар Мамин өзіне сенім білдіргені үшін алғыс айтып, алда маңызды әрі үлкен мақсат-міндеттердің тұрағанын ерекше атап өтті. 

"Бүгін мемлекет басшысы Қасым-Жомарт Кемелұлы Тоқаев еліміздің дамуының басымды бағыттарын жариялады. Соның ішінде ең бастысы - халықтың өмір сүру сапасын және әл-ауқатын жақсарту, халықтың табысын арттыру. Бұл міндеттерді экономиканы қарқынды дамыту арқылы орындауға болады", - деді Мамин. 

Премьер-министрдің айтуынша, экономиканың бәсекеге қабілеттілігін артттыру, инвестицияларды тарту, жаңа технологияларды енгізу, жаңа жұмыс орындарын құру және тағы басқа бағыттар бойынша тиімді шаралар іске асырылады. 

"Осы стратегиялық міндеттерді іске асыруда үкімет парламентпен бірге үйлесімді әрі нәтижелі жұмыс жасайтын болады", - деп атап көрсетті Мамин.

Отырысқа қатысқан мемлекет басшысы Қасым-Жомарт Тоқаев премьер-министрді құттықтап, жұмысына сәттілік тіледі. 

"Асқар Ұзақбайұлы шын жүректен құттықтаймын. Үлкен лауазым, үлкен жауапкершілік. Сондықтын жұмысыңыз мардымды, табысты, жемісті бола берсін", - деді Тоқаев.

Айта кетсек, бүгін парламент мәжілісінің жалпы отырысында Асқар Мамин Қазақстанның премьер-министрі болып тағайындалды. 99 депутаттың 78-і қолдап дауыс берді, 21 адам қалыс қалды.

392
Здание правительства РК в Астане

Қазақстанның премьер-министрі тағайындалды

6308
(Жаңартылды 17:33 15.01.2021)
Асқар Мамин 2019 жылдың ақпанында премьер-министр болып тағайындалған болатын. Мамин үкіметі парламент сайлауынан кейін отставкаға кетті

АЛМАТЫ, 15 қаңтар – Sputnik. Асқар Мамин Қазақстанның премьер-министрі болып тағайындалды, деп хабарлайды Sputnik Қазақстан тілшісі.

Маминге парламент мәжілісінің жалпы отырысына қатысқан 99 депутаттың 78-і қолдап дауыс берді, 21 адам қалыс қалды.

Айта кетейік, жиында мемлекет басшысы Қасым-Жомарт Тоқаев премьер-министр лауазымына Асқар Маминді ұсынды. Мәжіліс отырысында президент үкіметтің пандемия кезінде дағдарысқа қарсы шараларды дер кезінде қабылдағанын айтты.

"Қазір еліміз күрделі кезеңді бастан өткеруде. Бүкіл әлем соңғы жылдарда ешкім күтпеген дағдарысқа тап болды. Оның салдары Қазақстанға да әсерін тигізді. Біз Тәуелсіздік жылдары әлеуметтік-экономикалық әлеуетімізді арттырып, қиындықтарды еңсеру үшін мол қор жинадық. Соның арқасында үкімет дағдарысқа қарсы шараларды дер кезінде қабылдады. Олар бұрын-соңды болмаған ауқымда жүзеге асырылды", - деді мемлекет басшысы мәжіліс отырысында.

Қазақстанда 10 қаңтарда мәжіліс депутаттарын сайлау өтті. Парламентке үш партия келді:

Nur Otan партиясы (71,09%)

"Ақ жол"Қазақстанның демократиялық партиясы (10,95%)

Қазақстан халық партиясы (9,10%).

Үкіметтің отставкаға кетуі

Конституциялық заңға сәйкес, мәжіліс құрамы қайта сайланғаннан кейін үкімет өз өкілетін тоқтатады. Осыған байланысты Мамин үкіметі парламент сайлауынан кейін отставкаға кеткен. Енді Асқар Мамин премьер-министр қызметіне қайта сайланып отыр.

 

 

6308
Дәрігер, архивтегі фото

Талғар аудандық ауруханасының бас дәрігері коронавирустан қайтыс болды

0
Нұрлан Құлсейітов сенбі, 16 қаңтарда өмірден өтті. Ол коронавирус инфекциясынан қайтыс болғаны хабарланды

АЛМАТЫ, 16 қаңтар – Sputnik. Талғар аудандық ауруханасының бас дәрігері Нұрлан Құлсейітов коронавирустан қайтыс болды, оның өкпесі 90-95 процентке зақымданды, деп хабарлады аудан әкімдігінің баспасөз қызметі.

"Жұмыс барысында ол өзін жауапты басшы ретінде танытты. Оның бай тәжірибесі мен кең теориялық және практикалық білімі болды. Отбасы мен жақындарына көңіл айтамыз", - делінген әкімдіктің хабарламасында.

Онда сондай-ақ шамамен тоғыз жыл бұрын Құлсейітов жол апатына ұшырап, бір ажалдан аман қалғаны айтылған. Бұл жағдай оның денсаулығына әсер еткен. Ол инфекциямен 2020 жылдың 30 желтоқсанынан бері күресіп келген.  

Нұрлан Құлсейітов желіде тараған видеодан кейін қайтыс болардан біраз уақыт бұрын тәртіптік жауапкершілікке тартылды.

Роликтен кездесуге қатысушылардың бірі дәрі-дәрмек жетіспеушілігі туралы сұраққа жауап алуға тырысып жатқанын көруге болады.

Бірақ оның сөзі медициналық мекеме басшысының ашуын келтіреді, ол айқайлап, үстелді жұдырығымен бір ұрған. Содан кейін ол жиналыстан кетіп қалады. Осыдан кейін оған тәртіптік жаза тағайындалды.   

0
Кілт сөздер:
коронавирус, бас дәрігер
Тақырып бойынша
Олжас Сүлейменов әйелімен бірге Алматыда ауруханада жатыр
Теңізде коронавирустан емделіп жатқандар саны 700-ден асты
Ер адам коронавирустан емделемін деп өліп кете жаздады
Алматының бас дәрігері тұрғындарға үйден көп шықпауға кеңес берді   
Министрлік коронавирус пен пневмониядан неше адам қайтыс болғанын жариялады