Портфель, архивтегі сурет

Шымкент қаласының жаңа әкімі тағайындалды

1671
(Жаңартылды 19:51 30.07.2019)
Ерлан Айтаханов бұған дейін Түркістан облысы Отырар ауданының әкімі болған

НҰР-СҰЛТАН, 30 шілде — Sputnik. Шымкент қаласының әкімі қызметіне Ерлан Айтаханов тағайындалды, деп хабарлайды Ақорда.

"Ерлан Қуанышұлы Айтаханов Шымкент қаласының әкімі болып тағайындалсын", - деп жазылған жарлықта.

Жаңа әкім бұл қызметте Ғабидолла Әбдірахымовты алмастырды. Бұған дейін Ерлан Айтаханов Түркістан облысы Отырар ауданының әкімі қызметін атқарған.

Ерлан Айтаханов туралы не білеміз?

Ерлан Айтаханов 1971 жылы 10 желтоқсанда бұрынғы Шымкент облысы Алғабас ауданында туған.

Ерлан Айтаханов
Ерлан Айтаханов

М.В. Ломоносов атындағы Мәскеу мемлекеттік университетін, Қазақ мемлекеттік заң академиясын тәмамдаған. Экономика ғылымдарының кандидаты.

Еңбек жолын 1994 жылы Alem Bank Kazakstan кредит беру департаментінің экономисі болып бастаған. 1995-2012 жылдары Орталық Азия ынтымақтастық және даму банкінің кредит беру департаментінің бас маманы, "Қазақстан темір жолы" қаржы және бухгалтерлік есеп бас басқармасының бастығы, экономика, қаржы және бухгалтерлік есеп департаментінің бастығы болып жұмыс істеген.

Оңтүстік Қазақстан облысы әкімінің орынбасары, ҚР президенті әкімшілігінің мемлекеттік инспекторы қызметін атқарған. 2014 жылғы қазан айынан бастап Оңтүстік Қазақстан облысы әкімінің орынбасары, 2016 жылдан бастап Отырар ауданының әкімі болды.

Тағы оқыңыз: Ғабидолла Әбдірахымов туралы қызықты деректер

Қазақ, орыс, ағылшын тілін меңгерген.

Бұрынғы сенатор Қуаныш Айтахановтың баласы.

Үйленген, екі ұлы бар.

1671
Кілт сөздер:
жаңа әкім, қала, Шымкент
Тақырып бойынша
Асқар Бейсенбаев туралы не білеміз?
Шымкентті "зың" деп, "вау" етуге уәде берген Ғабидолла Әбдірахымов – қызықты деректер
"Жұмыс істе" Назарбаевтан екі рет сөз естіген Астана әкімі туралы не білмейміз?
"Паранжа киіп жүрейін бе?" Шымкент әкімі киіміне қатысты сұраққа жауап берді
Қазақстан президенті Қасым-Жомарт Тоқаев

Тоқаев халықаралық форумда бейне үндеу жасады

173
(Жаңартылды 09:53 30.10.2020)
Қазақстан мен Оңтүстік Корея арасындағы стратегиялық ынтымақтастық ортақ құндылықтарға, өзара қолдау мен тығыз байланыстарға негізделген, деп атап өтті мемлекет басшысы

НҰР-СҰЛТАН, 30 қазан – Sputnik. Қазақстан президенті Қасым-Жомарт Тоқаев Солтүстік экономикалық ынтымақтастық – 2020 халықаралық форумында бейне үндеу жасады, деп хабарлады Ақорда.

"COVID-19-дан кейінгі жаһандық өзгерістер және солтүстік экономикалық ынтымақтастықтың келешегі" тақырыбындағы шара бүгін Сеул қаласында басталды.  

Мемлекет басшысы Қасым-Жомарт Тоқаев президент Мун Чжэ Ин бастамашы болған және соңғы үш жылдың ішінде өзінің өзектілігі мен өміршеңдігін дәлелдеген "Жаңа Солтүстік саясат" стратегиясын жоғары бағалап, Оңтүстік Корея басшысының өркендеген, өзара байланысы мығым және тұрақты Еуразия құру көреген идеясын құптады.

Қазақстан президентінің пікірінше, қазіргідей әлем коронавирус пандемиясының теңдессіз тегеуріндеріне тап болған кезде саяси жігер мен экономикалық сана синергиясы ерекше мәнге ие.

Қасым-Жомарт Тоқаев Қазақстан мен Оңтүстік Корея арасындағы стратегиялық ынтымақтастықтың ортақ құндылықтарға, өзара қолдау мен тығыз байланыстарға негізделгенін айта келе, елімізде өмір сүріп жатқан, достықтың "алтын көпірі" саналатын жүз мың корей қауымдастығының екі ел арасындағы қарым-қатынасқа қосқан үлесін атап өтті.

"Кореяның Қазақстан экономикасына жасаған инвестициясы 7 миллиард доллардан асты. Жаһандық тұрақсыздыққа қарамастан, екіжақты тауар айналымы артты. Орталық Азияның барлық бес елінің ортақ жалпы ішкі өнімнің 70 пайызы Қазақстанның үлесіне тиесілі. Корей мемлекеті жетекші инвесторлардың арасындағы 10-орынға ие. Бұл ретте, өзара тиімді ынтымақтастықты одан ары жалғастырудың әлі де пайдаланылмаған үлкен әлеуеті бар", – деді мемлекет басшысы.

Қазақстан президенті 2019 жылдың сәуір айында Мун Чжэ Иннің елімізге жасаған тарихи сапары екіжақты өзара іс-қимылдың жаңа белесін ашты деп санайды. Сапар аясында қол қойылған "Самал жел" бағдарламасы қазақ-корей экономикалық, сауда және мәдени жан-жақты байланыстарды жандандыруға бағытталған.

Сонымен қатар Қасым-Жомарт Тоқаев "Самал жел" бағдарламасы мен "Жаңа Солтүстік саясат" стратегиясы "Цифрлы Қазақстан", "Нұрлы жол" секілді ұлттық бағдарламаларда белгіленген стратегиялық міндеттерге сәйкес келетінін айтты.

Оқи отырыңыз: Оңтүстік Кореядан Қазақстанға айына 5 миллиард теңге аударылады 

Мемлекет басшысы әлемдегі ұзаққа созылған мұнай дәуірінің аяқталып келе жатқанын айтып, Қазақстан үшін әртараптандырылған және тұрақты экономика құрудың ерекше маңызды екенін атап өтті.

"Осыған байланысты мен Жаңа экономикалық бағыттың бастамашысы болдым. Бұл бағыт құрылымдық реформалармен ғана емес, сондай-ақ барынша қарқынды әрі мықты мемлекет құрумен байланысты. Қазақстан корей инвесторлары үшін арнайы әзірленген құралдарды ұсынуға әзір. Бұл ретте, салық және кеден артықшылықтары, жобаларды қоса қаржыландыру, экспортты қолдаудың ішінара кепілдіктері мен тетіктерін айтуға болады", –  деді президент.

Мемлекет басшысы ағылшын құқығы бойынша қызмет көрсететін "Астана" халықаралық қаржы орталығының әлеуетін де сөз етті. Президент бұл орталықтың шетелдік бизнеске арналған экожүйесінің бірегейлігін ерекше атап өтті.

Сөз соңында Қасым-Жомарт Тоқаев форум қатысушыларына жұмыстың табысты, ал Оңтүстік Корея президенті мен үкіметінің игі бастамаларының сәтті болуына тілектестік білдірді.

173
Кілт сөздер:
үндеу, Қасым-Жомарт Тоқаев
Реформалар жөніндегі жоғары кеңес отырысы

Реформалар жөніндегі жоғары кеңестің екінші отырысы желтоқсанда өтеді

26
Реформалар жөніндегі жоғары кеңес 14 қыркүйекте құрылған болатын. 21 қазанда өткен кеңестің бірінші отырысында президент алты жұмыс тобын құруды ұсынды

НҰР-СҰЛТАН, 29 қазан — Sputnik. Қасым-Жомарт Тоқаев Реформалар жөніндегі жоғары кеңес төрағасының орынбасары Сэр Сума Чакрабартиді қабылдады.

"Кездесу барысында желтоқсан айына жоспарланған Реформа жөніндегі жоғары кеңестің екінші отырысына дайындық барысы және кеңестің 2021 жылға арналған жұмыс жоспары талқыланды", - деп хабарлады Ақорда.

Еске сала кетсек, Реформалар жөніндегі жоғары кеңес 14 қыркүйекте құрылған болатын. Мақсаты - елдің тұрақты дамуын жоспарлау және экономикалық, әлеуметтік және саяси реформаларды қарап, бекіту.

21 қазанда өткен кеңестің бірінші отырысында президент алты жұмыс тобын құруды ұсынды. Олар реформалардың алты бағытын қамтиды.

Жұмыс тобына Жоғары кеңес мүшелерінен бөлек лауазымды тұлғалар, қоғамдық ұйым өкілдері мен тәуелсіз сарапшылар ене алады.

26
Тақырып бойынша
Құдайбергеновтің президент кеңесшісі қызметінен неге босатылғаны белгілі болды
Өзбекстан президенті Тоқаевтың кеңесшісін жалдады
Тоқаевқа қарайтын жоғары кеңестің құрамы жарияланды 
Жоғары кеңестің алғашқы отырысы: Тоқаев алты бағытты айқындады
Тоқаев тағы бір кеңесшісін қызметінен босатты
Банкоматта тұрған адам

Көкшетауда ер адам банкоматта қалып қойған жарты миллион теңгені алып кетті

0
(Жаңартылды 10:41 30.10.2020)
Полиция көп ұзамай ер адамның кім екенін анықтады, қазір процессуалды шешім қабылдау мәселесі шешіліп жатыр

НҰР-СҰЛТАН, 30 қазан – Sputnik. Көкшетау тұрғыны бөтен адамның банкоматта қалдырып кеткен ақшасын алып, ізін жасырды, деп хабарлайды Ақмола облысы полиция департаментінің баспасөз қызметі.

Көкшетаудың полиция басқармасына 39 жастағы тұрғын арызданған. Ол банкомат арқылы 540 мың теңгені аудармақ болғанын, алайда ақшаны ұяшыққа салғаннан кейін алаңғасарлықпен операцияны аяқтауды ұмытып кеткенін айтты. Банкке келген келесі клиент банкоматта қалып қойған ақшаны алып, қауіпсіздік қызметіне хабар берместен, банктен шығып кеткен.

Тағы оқыңыз: Маман адамдар банкомат арқылы қалай алданып қалатынын айтты

Жедел іздестіру шаралары барысында тәртіп сақшылары ер адамның кім екенін анықтады. Ол Көкшетау қаласының 45 жастағы тұрғыны. Қазір процессуалды шешім қабылдау мәселесі шешіліп жатыр, деп мәлімдеді полициядан.

0
Кілт сөздер:
миллион теңге, банкомат, Көкшетау