Қырғызстанның бұрынғы президенті Алмазбек Атамбаев Кой-Таш ауылында

Екі күндік операция: Атамбаев қалай ұсталды?

3190
(Жаңартылды 00:46 11.08.2019)
Экс-президенттің жақтастары мен арнайы жасақтың қақтығысынан 98 адам зардап шекті

НҰР-СҰЛТАН, 9 тамыз – Sputnik. Қырғызстанның бұрынғы президенті Алмазбек Атамбаев 8 тамыз күні кешке ұсталды. Енді ол 26 тамызға дейін тергеу абақтысында қамауда болады. Sputnik Қазақстан екі күнге созылған арнайы операцияға шолу жасады.

Атамбаевты ұстау операциясы: бірінші күн

7 тамыз күні кешке Атамбаевтың Кой-Таш ауылындағы үйіне шабуыл жасалды. Экс-президенттің резиденциясы орналасқан ауыл Бішкектен 20 шақырым қашықтықта. Атамбаевты ұстау операциясын елдің мемлекеттік ұлттық қауіпсіздік комитетінің арнайы жасағы жүргізген. Олар саясаткердің үйінің ауласына баса-көктеп кіріп, резеңке оқпен ата бастаған. Алайда жергілікті халық пен жақтастарының тегеурінді қарсылығына тап болды.

Шабуыл жасалған кезде экс-президент үйде болыпты. Оған әлеуметтік желіде жарияланған видео дәлел.

Күш құрылымдарының әрекетіне жауап ретінде Атамбаевтың жақтастары үйге кіріп, арнайы жасақ сарбаздарын кепілге алды. Артынша атыс басталды.

Үй аумағына жиналған ауыл тұрғындары мен Атамбаевтың жақтастары сарбаздарға тас лақтырып, жағдай шиеленісе түсті.

Sputnik Қырғызстан журналистері шабуылдан кейінгі алғашқы минуттарда Алмазбек Атамбаевтың үйінде болып, видео түсірген болатын.

Мемлекеттік ұлттық қауіпсіздік комитеті арнайы жасақ сарбаздарының тек резеңке оқ қолданғанын мәлімдеді. Ал Атамбаевтың жақтастары атыс қаруынан оқ жаудырған көрінеді. Кейінірек Кой-Таш ауылының аумағынан 300 дана атыс қаруы табылды.

Мыңға жуық милиция қызметкері экс-президенттің үйіне жақындай алмады, оларға саясаткердің жақтастары тосқауыл болған.

Осылайша бірінші күні Алмазбек Атамбаевты ұстау операциясы сәтсіз аяқталды. Таңға қарай жүздеген милиционер Кой-Таш ауылынан кетті.

Тағы оқыңыз: Қуғынға ұшыраған президенттер: Атамбаевқа дейінгі басшылар қайда жүр?

Елдегі дүрбелеңнен кейін, оқиға орнынан трансляция жүргізіп жатқан "Апрел" мен НТС цифрлық телеарналары хабар таратуын тоқтатты. Кешке таман ауыл аумағында ұялы байланыс та нашарлаған.

Қырғызстан президенті Сооронбай Жээнбеков 5 тамызда бір апталық демалысқа шыққан болатын. Алайда елдегі жағдайдан кейін демалысын тоқтатып, Бішкекке оралды.

Екінші күн

Бұрынғы мемлекет басшысын ұстау операциясы екінші күні де жалғасты. 8 тамыз сағат он бірлер шамасында Атамбаевтың үйінің маңында 300-ге жуық адам болған.

Қырғыз президенті Сооронбай Жээнбеков таңертең Қауіпсіздік кеңесінің отырысын өткізді. Отырысқа БАҚ өкілдері шақырылған жоқ.

Елдегі ахуалға қарамастан шекарадағы өткізу пунктері штатты режимде жұмыс істеді.

Тағы оқыңыз: Тоқаев Қырғызстан президентімен телефон арқылы сөйлесті

Қырғызстан президенті Сооронбай Жээнбеков Атамбаевтың заң аясында тергеу шараларын жүргізуге қарулы қарсылық көрсетіп, Қырғызстанның Конституциясы мен заңдарын өрескел бұзғанын атап өтті. Сондай-ақ, Атамбаевтың енді куәгер емес, күдікті екенін ашық айтты.

Атамбаевтың жақтастары кепілге алған арнайы жасақ сарбаздары бейнеүндеу жолдады. Экс-президенттің үйінде алты бірдей сарбаз тұтқында болған.

Көп ұзамай саясаткердің өзі де мәлімдеме жасады.

"Күш құрылымдарына үндеу жасаймын: өз халқыңа оқ атпа, мұның бәрі сендерге жақсылық әкелмейді", - деді Қырғызстанның экс-басшысы.

Атамбаев өз үндеуінде көптеген жазықсыз адамның зардап шеккеніне өкініш білдірді.

Сағат 14:00-де Жогорку Кенештің кезектен тыс сессиясы өтті. Сессияға президент Жээнбеков те қатысты. Ол мінберге шығып, сөз сөйледі.

Мемлекеттік ұлттық қауіпсіздік комитетінің басшысы Орозбек Опумбаев сәтсіз операциядан кейін отставкаға кетуге дайын екенін мәлімдеді. Тіпті президентке өтініш жазып қойғанын да айтты. Алайда Сооронбай Жээнбеков комитет басшысының отставкасын қабылдаған жоқ.

Тағы оқыңыз: Қырғызстандағы дүрбелең: Атамбаевқа қандай айып тағылып отыр?

Түстен кейін Кой-Таш ауылына 200-ге жуық милиционер тартылды.  Атамбаев жақтастарының саны олардан екі есеге артық болды.

Осыдан кейін екі жақтың арасында тағы да қақтығыс басталды. Тәртіп сақшыларына тас пен Молотов коктейлі лақтырылды. Ал милиция жарық-дыбыстық граната қолданған. Бұдан соң, Атамбаевтың жақтастарының күші кем түсе бастады.

Арнайы жасақ Кой-Таш ауылына апаратын жолды жауып тастады.

Кешкі алтылар шамасында күш құрылымдары су шашатын көлікпен Атамбаевтың үйінің қақпасын бұзып кірді. Артынша атыс басталды.

Жеті жарымдар шамасында Алмазбек Атамбаевтың ұсталғаны белгілі болды.

Атамбаев ұсталғаннан кейін саясаткердің жақтастары Бішкектегі Ала-Тоо алаңына жиналды. Митингке 300-ге тарта адам шыққан.

Алайда милиция қызметкерлері наразылық шеруіне шыққандарды күшпен таратты. Экс-президенттің жақтастары да қарап тұрмады, тәртіп сақшыларына тас лақтырып, қарсылық көрсетті.

Шабуыл кезінде қанша адам зардап шекті

Соңғы деректерге сүйенсек, екі күнге созылған қақтығыстан 98 адам зардап шеккен, арнайы жасақтың бір сарбазына оқ тиіп, көз жұмды.

Қазір Атамбаев қайда?

Алмазбек Атамбаев ұсталғаннан кейін Қырғызстанның ішкі істер министрлігіне жеткізілді.

Экс-президент 26 тамызға дейін мемлекеттік ұлттық қауіпсіздік комитетінің уақытша ұстау абақтысына қамалды.

Саясаткерге Қылмыстық кодекстің 319-бабы "Жемқорлық" бойынша айып тағылып отыр.

Посмотреть эту публикацию в Instagram

Публикация от @bespredelKG телеграм (@bezpredelkg)

Әлеуметтік желіде Алмазбек Атамбаевтың қылмыстық істі тергеу барысында түсірілген фотосы тарады.

Бәрі неден басталды?

Қырғызстан ІІМ Алмазбек Атамбаевты қылмыс әлемінің серкесі Азиз Батукаевтың ісі бойынша куәгер ретінде үш рет жауап алуға шақырған болатын. Бірақ ол бірде біреуіне барған жоқ. Осыдан кейін күш құрылымдары экс-президентті күшпен әкелуге бел буды.

Атамбаев Батукаевты заңсыз босатуға қатысты деген күдікке ілінді. Батукаев 2006 жылы 16 жыл және 8 айға бас бостандығынан айырылған еді. 2013 жылы "ауыр дертке" байланысты шартты түрде мерзімінен бұрын босап, Қырғызстаннан кетті.

Тағы оқыңыз: Медведев Атамбаевтың ұсталуына қатысты пікір білдірді

Қазір Батукаев, ІІМ мәліметінше, қару сақтағаны үшін Шешенстанда жазасын өтеп жатыр. Ішкі істер министрлігі Батукаевтың жалған диагноз қою арқылы Атамбаевтың тікелей нұсқауымен босатылғанын мәлімдеді.

Атамбаев экс-президент мәртебесінен қалай айырылды

Осы жылдың 13 маусымында қырғыз парламенті арнайы комиссия құрды. Комиссия экс-президенттің алты бірдей қылмысқа қатысы болуы мүмкін деген қорытынды шығарды. 20 маусымда Жогорку Кенеш бұл қорытындыны мақұлдап, бас прокуратураға жолдады. Елдің қадағалау органы алты фактінің бесеуі бойынша Атамбаевтың үстінен қылмыстық іс қозғауға негіз бар екенін мәлімдеді. Олардың арасында қылмыс әлемінің серкесі Батукаевтың ісі де бар.

27 маусымда Жогорку Кенеш Алмазбек Атамбаевты экс-президент мәртебесі мен жеке басына тиіспеушілік құқығынан айырды.

3190
Кілт сөздер:
Ішкі істер министрлігі, ұстау, Сооронбай Жээнбеков, арнайы операция, Қырғызстан, Алмазбек Атамбаев
Тақырып:
Атамбаевты ұстау операциясы (18)
Премьер-министр Казахстана Аскар Мамин на заседании правительства

Мамин халық табысын қалай арттыруға болатынын айтты

144
(Жаңартылды 18:23 15.01.2021)
Экономиканың бәсекеге қабілеттілігін артттыру, инвестицияларды тарту, жаңа технологияларды енгізу, жаңа жұмыс орындарын құру және тағы басқа бағыттар бойынша тиімді шаралар іске асырылады, деді Мамин

НҰР-СҰЛТАН, 15 қаңтар – Sputnik. Үкімет басшысы Асқар Мамин президент жүктеген міндеттерді қалай орындайтынын айтты, деп хабарлайды Sputnik Қазақстан тілшісі.

Бүгін парламенттің бірлескен отырысында депутаттардың басым бөлігі премьер-министр қызметіне ұсынылған Асқар Маминнің кандидатурасын қолдады. Осыдан кейін мәжіліс төрағасы мінберге үкімет басшысын шақырды. Асқар Мамин өзіне сенім білдіргені үшін алғыс айтып, алда маңызды әрі үлкен мақсат-міндеттердің тұрағанын ерекше атап өтті. 

"Бүгін мемлекет басшысы Қасым-Жомарт Кемелұлы Тоқаев еліміздің дамуының басымды бағыттарын жариялады. Соның ішінде ең бастысы - халықтың өмір сүру сапасын және әл-ауқатын жақсарту, халықтың табысын арттыру. Бұл міндеттерді экономиканы қарқынды дамыту арқылы орындауға болады", - деді Мамин. 

Премьер-министрдің айтуынша, экономиканың бәсекеге қабілеттілігін артттыру, инвестицияларды тарту, жаңа технологияларды енгізу, жаңа жұмыс орындарын құру және тағы басқа бағыттар бойынша тиімді шаралар іске асырылады. 

"Осы стратегиялық міндеттерді іске асыруда үкімет парламентпен бірге үйлесімді әрі нәтижелі жұмыс жасайтын болады", - деп атап көрсетті Мамин.

Отырысқа қатысқан мемлекет басшысы Қасым-Жомарт Тоқаев премьер-министрді құттықтап, жұмысына сәттілік тіледі. 

"Асқар Ұзақбайұлы шын жүректен құттықтаймын. Үлкен лауазым, үлкен жауапкершілік. Сондықтын жұмысыңыз мардымды, табысты, жемісті бола берсін", - деді Тоқаев.

Айта кетсек, бүгін парламент мәжілісінің жалпы отырысында Асқар Мамин Қазақстанның премьер-министрі болып тағайындалды. 99 депутаттың 78-і қолдап дауыс берді, 21 адам қалыс қалды.

144
Здание правительства РК в Астане

Қазақстанның премьер-министрі тағайындалды

5809
(Жаңартылды 17:33 15.01.2021)
Асқар Мамин 2019 жылдың ақпанында премьер-министр болып тағайындалған болатын. Мамин үкіметі парламент сайлауынан кейін отставкаға кетті

АЛМАТЫ, 15 қаңтар – Sputnik. Асқар Мамин Қазақстанның премьер-министрі болып тағайындалды, деп хабарлайды Sputnik Қазақстан тілшісі.

Маминге парламент мәжілісінің жалпы отырысына қатысқан 99 депутаттың 78-і қолдап дауыс берді, 21 адам қалыс қалды.

Айта кетейік, жиында мемлекет басшысы Қасым-Жомарт Тоқаев премьер-министр лауазымына Асқар Маминді ұсынды. Мәжіліс отырысында президент үкіметтің пандемия кезінде дағдарысқа қарсы шараларды дер кезінде қабылдағанын айтты.

"Қазір еліміз күрделі кезеңді бастан өткеруде. Бүкіл әлем соңғы жылдарда ешкім күтпеген дағдарысқа тап болды. Оның салдары Қазақстанға да әсерін тигізді. Біз Тәуелсіздік жылдары әлеуметтік-экономикалық әлеуетімізді арттырып, қиындықтарды еңсеру үшін мол қор жинадық. Соның арқасында үкімет дағдарысқа қарсы шараларды дер кезінде қабылдады. Олар бұрын-соңды болмаған ауқымда жүзеге асырылды", - деді мемлекет басшысы мәжіліс отырысында.

Қазақстанда 10 қаңтарда мәжіліс депутаттарын сайлау өтті. Парламентке үш партия келді:

Nur Otan партиясы (71,09%)

"Ақ жол"Қазақстанның демократиялық партиясы (10,95%)

Қазақстан халық партиясы (9,10%).

Үкіметтің отставкаға кетуі

Конституциялық заңға сәйкес, мәжіліс құрамы қайта сайланғаннан кейін үкімет өз өкілетін тоқтатады. Осыған байланысты Мамин үкіметі парламент сайлауынан кейін отставкаға кеткен. Енді Асқар Мамин премьер-министр қызметіне қайта сайланып отыр.

 

 

5809
Газ құбыры

"Солтүстік ағын - 2" жобасы құрылысының кестесі нақтыланды

0
"Солтүстік ағын – 2" жобасына қатысқан даниялық Ramboll компаниясы Вашингтонның санкцияларынан сескенді, деп хабарлады БАҚ. Расында да, 1 қаңтардан бастап Америка құрама штаттары жобамен байланыстыларға қарсы шараларды күшейтті

Еуропада шиеленіс артып жатыр: немістер санкциялардан қорғайтын қор дайындап жатса, ағылшындар америкалықтардан үлгі алып жатыр, ал шведтер "газ соғысы" басталады деп секемденіп отыр. Газ құбырының тағдыры не болмақ?

"Солтүстік ағын -2" құбырының шетелдегі құрлықтағы бөлігінің құрылысы сәтті аяқталды. Қазір Германия суларында құбырлар төселуде. Одан кейін Даниядағы суларда салынады. Жоба аяқталуға бет бұрды. 1 қаңтардан бастап қорғаныс бюджеті туралы жаңа заң күшіне енді. Ол құжатта Ресейдің газ құбырына қарсы қосымша санкциялар қарастырылған.

Негізінен, мұнда мәселе тестілеу, инспекция немесе сертификаттау қызметтерін ұсынатын ұйымдарға қатысты болып отыр. Норвегиялық DNV GL компаниясы қазірдің өзінде газ құбырын тексеру бойынша барлық әрекеттерді тоқтататынын және оны сертификаттай алмайтынын мәлімдеді.

АҚШ Сенатындағы республикашылардың көшбасшысы Митч Макконнелл бұған дейін қорғаныс бюджеті туралы заң мемлекет қауіпсіздігінде және "Қытай мен Ресей сияқты қарсылас державалардың жолын кесуде" шешуші мәнге ие екенін мәлімдеді. Бұл құжат АҚШ-тың "теңіздегі, құрлықтағы, әуедегі, киберкеңістіктегі және ғарыштағы басымдылығын" бекітеді. 

"Газпром" енді шамамен 150 километр құбыр салуы керек (120 – Данияда және 30-дан астам Германияда). Газ құбыры 94%-ке дайын. 

11 қаңтарда Германияның аймақтық суларындағы жұмыс бір жылдық үзілістен кейін қайта жанданды. 15 қаңтардан бастап Дания жағалауында құбыр тқсеу басталады. 

"Фортуна" құбыр төсейтін кемеге "Мурман" және Ресейдің теңіздегі құтқару қызметінің "Балтийский исследователь" кемелері және тағы басқа қамсыздандыру кемелері көмектеседі. Теңізде құбыр төселетін аймақтың екі жағынан ені 200 метр уақытша шектеу орны құрылады. 

"Газпром экспорт" бас директоры Елена Бурмистрова теңіздегі учаскенің құрылысын аяқтау көпи жағдайға, соның ішінде, ауа райына байланысты болатынын мәлімдеді. 

Ал АҚШ СА-2 құрылысына қол ұшын беріп жатқан компанияларды қорытып-үркітуін тоқтатар емес. 

"Біз тәуекелдер жайлы хабардар етіп, кеш болмай тұрғанда серіктестіктен бас тартуға шақырып отырмыз", - деді Мемлекеттік департаменттегілер. Reuters агенттігінің ақапараты бойынша, алдағы күндері Ақ үй "тиімсіз компаниялар" тізімін жариялайды. 

Ресей СІМ "газпромның" шет елдердегі серіктестеріне АҚШ қанша қысым көрсетсе де, бұл жоба сәтті аяқталатынына Ресей еш күмән келтірмейтінін айтты. Германия "Солтүстік ағын -2" жобасын экономикалық жоба ретінде қарастыруды жалғастыруда және АҚШ-тың экстерриториялық санкцияларына қарсы. Германия парламенті " MV климатын және қоршаған ортасын қорғау" атты экологиялық қор құру туралы шешім қабылдады. 

Бұл қор америкалық санкцияларды айналып өтуге мүмкіндік береді. Мекеме жоба аясындағы қажетті жабдықтарды сатып алуға құқылы және ол ең алдымен газ құбырын экология үшін маңызды деп шешім шығарады. Санкциялар қупі төнген компаниялар осы кәсіпорын ұсынатын экономикалық құралдар арқылы ресейлік тараппен өзара әрекеттесе алады. 

Айта кету керек, немістер санкциялардан қорғанып үлгеретіні жөнінде сарапшылар екіұдай пікір білдіруде. Себебі, бір жағынан, қор Вашингтонның барлық күш салуын жоққа шығаруға жеткілікті инвестициялар мен құзыретке ие болды. Ал, екінші жағынан бұл қорды құру идеясы "жасыл экономиканы" жақтаушылардың наразылығын тудырды. Соондықтан, СА-2 жақтаушылары қоршаған орта үшін қауіпті жобаны "жасыл" деп жіктеуге қарсылық білдіргендермен келісімге келуі керек. 

Өнеркәсіптік сарапшы Леонид Хазанов қалай болғанда да Германия Вашингтонның жетегінде кетпейді. 

"Әрине, қор санкцияларға ұшырайды, бірақ олардың әсері болмайды. Оның мердігерлеріне қарсы олар жаңа заң жобасын дайындап, оны Конгресс арқылы қабылдауы және президенттің қол қоюын күтуі керек болады. Бұл процесс алты айға дейін созылуы мүмкін. Осы уақыт ішінде "Солтүстік ағын – 2" жобасының құрылысы аяқталып үлгереді", - деп санайды сарапшы. 

Британдық парламентші консерватор Дэниел Кочинскидің айтуынша, британдықтар Еуроодаққа мүше болмағандықтан, "америкалық достарының ізінен еріп, "Солтүстік ағын – 2" жобасына тартылған барлық компанияларға қарсы санкциялар енгізу керек". 

Ал, Швециядағылар Джо Байденнің президент болуы газ құбыры үшін елге жақын маңда "газ соғысының" басталуына ықпал етеді ме деп қорқуда. Жергілікті басылым, америкалық демократтың Дональд Трампқа қарағанда әлдеқайда қатал екенін атап көрсетті.

0