Парламент палаталарының бірлескен отырысы, архивтегі сурет

Танымал қазақ актері мәжіліс депутаты болды

1038
(Жаңартылды 19:10 16.08.2019)
Парламент мәжіліс төрт жаңа депутатпен толықты

НҰР-СҰЛТАН, 16 тамыз – Sputnik. "Елбасы жолы" киноэпопеясында Нұрсұлтан Назарбаевты сомдаған актер Нұрлан Әлімжанов мәжіліс депутаты атанды, деп хабарлайды Қазақстанның тұңғыш президенті – Елбасының ресми сайты.

"Саяси кеңестің бюро отырысында Nur Otan партиясының тізімі бойынша парламент мәжілісі депутаттарының мандаттарын Гүлшара Әбдіқалықоваға, Нұрлан Әлімжановқа, Нұржан Әшімбетовке және Жұлдыз Омарбековаға беру туралы шешім қабылданды", - делінген хабарламада.

Жаңа депутаттар туралы не білеміз

Гульшара Абдыкаликова
© Photo : Служба центральных коммуникаций
Гүлшара Әбдіқалықова

Гүлшара Әбдіқалықова 1965 жылы 15 мамырда туған. Еңбек және халықты әлеуметтік қорғау министрі қызметін атқарды. Қазақстанның оныншы мемлекеттік хатшысы болды. 2019 жылдың 25 ақпанынан премьер-министрдің орынбасары болды.

Посмотреть эту публикацию в Instagram

Публикация от Nurlan Alimzhanov (@nurlan_alimzhanov_official)

Нұрлан Әлімжанов 1984 жылы 29 сәуірде өмірге келді. Белгілі театр және кино әртісі, сазгер және орындаушы, тележүргізуші. "Елбасы жолы" киноэпопеясында Нұрсұлтан Назарбаевтың рөлін сомдады. 2013 жылы "Қазақстанның еңбек сіңірген қайраткері" құрметті атағын алды.

Нуржан Ашимбетов
© Sputnik
Нұржан Әшімбетов

Нұржан Әшімбетов 1969 жылы 26 маусымда туған. Екібастұз қаласының бұрынғы әкімі.

Жулдыз Омарбекова
© Sputnik / Владислав Воднев
Жұлдыз Омарбекова

Жұлдыз Омарбекова 1983 жылы 24 қыркүйекте дүниеге келді. Қоғамдық даму вице-министрі қызметін атқарды, Қазақстан президенті жанындағы әйелдер істері және отбасылық-демографиялық саясат жөніндегі ұлттық комиссияның мүшесі болды. Белгілі қазақстандық филантроп, журналист, "Бауыржан" қайырымдылық қорының негізін қалаушы және президенті. Әлеуметтік ғылымдар кандидаты.

1038
Кілт сөздер:
мәжіліс депутаты, Гүлшара Әбдіқалықова, Нұрлан Әлімжанов, 'Елбасы жолы. Астана', Назарбаев
вакцина

Тоқаев вакциналау паспортын өзара мойындау мәселесін екінші мәрте көтерді

66
(Жаңартылды 16:12 15.10.2021)
Бұған дейін Қасым-Жомарт Тоқаев Шанхай ынтымақтастық ұйымының көшбасшылармен кездесу кезінде де бұл жайлы айтқан болатын

НҰР-СҰЛТАН, 15 қазан – Sputnik. Қазақстан президенті Қасым-Жомарт Тоқаев ТМД елдері арасында вакциналау паспортын мойындау ісін жеделтеуге шақырды.

Оның айтуынша, бұл өзара сенімнің маңызды қадамы.

Мемлекет басшысы Қазақстанда отандық вакцинаны өндіру бойынша атқарылып жатқан шараларға тоқталды. Сонымен қатар QazVac вакцинасының өзге елдерге гуманитарлық көмек ретінде жөнелтілгенін атап өтті.

"Күрделі кезеңде ТМД елдері бір-біріне қолдау білдіріп, ынтымақтастық пен бірліктің жарқын үлгісін көрсетті. Бұл жерде Ресейдің рөлі ерекше. Біздің елдер коронавирусқа қарсы күресте жақсы тәжірибе жинақтады. Соның ішінде вакцина жасау ісінде ілгерлеу бар. Тек жалпыхалықтық иммундау ғана жағдайды тұрақтандырып, азаматтарымыздың денсаулығын қорғай алатыны анық", - деді Тоқаев ТМД елдері басшыларының онлайн кеңесінде.

Президенттің сөзінше, қазақстандық QazVac вакцинасы жоғары тиімділікті көрсетті. Тағы бір отандық препарат сынақтан өткізіліп жатыр. Үш вакцина клиникалық сынаққа дейінгі кезеңде. Сонымен қатар Қазақстан ресейлік Спутник V вакцинасын өндіреді.

"Сіздердің елдеріңіз де бұл салада белсенді жұмыс атқарып жатқаныны білемін. Қазақстан тәжірибе алмасуға, әріптестікке және вакцина жеткізуге де дайын. Сонымен қатар ТМД елдері арасында вакциналау паспортын өзара мойындау ісін жеделтеуді ұсынамын", - деді президент.

Бұған дейін Қасым-Жомарт Тоқаев Шанхай ынтымақтастық ұйымының көшбасшылармен кездесу кезінде де осы мәселені көтерген болатын.

Қазақстан 13 елдің вакцина паспортын мойындады. Олардың қатарында - Аргентина, Венгрия, Грузия, Иран, Армения, Беларусь, Молдова, Сан-Марино, Қырғызстан, Монғолия, Таиланд, Түркия және Эстония бар.

Оқи отырыңыз:

66
Кілт сөздер:
Қасым-Жомарт Тоқаев, вакцина, ТМД елдері
Тақырып бойынша
Шығыс Қазақстан полицейлері вакцина алмағандарды іздеуге шықты
Вакцина алмаған ұжымдарды тексеру қалай жүргізіледі
Цой таяуда тағы кімдер коронавирусқа қарсы вакцина алатынын айтты
Шымкент вакцина салдыру жоспарын 100 процентке орындады
БҰҰ логотипі

Қазақстан БҰҰ адам құқығы жөніндегі кеңесінің мүшесі болды

37
Адам құқығы жөніндегі кеңес – БҰҰ жүйесінің үкіметаралық органы. Бұған дейін Қазақстан адам құқығы жөніндегі кеңеске 2013-2015 жылдары сайланған

АЛМАТЫ, 15 қазан – Sputnik. Қазақстан 2022-2024 жылдарға Біріккен ұлттар ұйымының адам құқықтары жөніндегі кеңесінің мүшесі болып сайланды, деп хабарлайды Sputnik Қазақстан.

Елдің сыртқы істер министрлігінің баспасөз қызметінің хабарлауынша, мұндай шешім БҰҰ Бас Ассамблеясының 76-сессиясында қабылданды.

Қазақстан жұмысының басым бағыттары ретінде гендерлік теңдікті ілгерілету және әйелдер құқығы мен мүмкіндігін кеңейту, өлім жазасын жаппай жою, төзбеушіліктің барлық нысандарына қарсы күрес, дін мен сенім бостандығы, инклюзивті және жалпыға бірдей білім беруді қамтамасыз ету, сондай-ақ COVID-19 пандемиясы кезінде адам құқығын құрметтеу бекітілген.

"Қазақстанның дүниежүзілік ұйымның бас құқық қорғау органына сайлануы оның адам құқығы мен бостандығын қорғау саласындағы халықаралық нормалар мен стандарттарды ілгерілету процесіне белсенді және жауапты қатысушы ретіндегі рөлін мойындау болып саналады", - деп мәлімдеді министрлік.

Қазақстанмен бірге БҰҰ адам құқықтары жөніндегі кеңесінің құрамына АҚШ, Люксембург, Финляндия, Литва, Черногория, Аргентина, Гондурас, Парагвай, Бенин, Камерун, Эритрея, Гамбия, Сомали, Үндістан, Малайзия, Қатар және Біріккен Араб Әмірліктері кірді.

Бұған дейін Қазақстан адам құқығы жөніндегі кеңеске 2013-2015 жылдары сайланған.

Касым-Жомарт Токаев на открытии Общих дебатов 74-й сессии Генеральной Ассамблеи ООН
Президент Қасым-Жомарт Тоқаев БҰҰ Бас Ассамблеясының 74-ші сессиясында

Адам құқығы жөніндегі кеңес – БҰҰ жүйесінің үкіметаралық органы. Оның құрамына әлемдегі адам құқығые көтермелеуге және қорғауға жауапты 47 мемлекет кіреді. Кеңес назар аударуды талап ететін адам құқығы саласындағы барлық мәселені талқылайды.

Кеңес мүшелері бес өңірлік топтан сайланады және өз міндеттерін үш жыл бойы атқарады. Адам құқықтары жөніндегі кеңестің отырысы БҰҰ-ның Женевадағы бөлімшесінде өтеді.

37
Кілт сөздер:
Қазақстан, БҰҰ, адам құқығы
Тақырып бойынша
Әлем құрдымға кетудің алдында тұр – БҰҰ үндеу жасады
БҰҰ Бас хатшысы отандық QazVac вакцинасына қатысты ойын айтты
"Бауырластықтың шынайы рухы": БҰҰ басшысы Тоқаевқа алғыс білдірді
Ауғанстаннан Алматыға келген БҰҰ қызметкерлері қайда тұрады
Президент БҰҰ-да Қазақстандағы құрғақшылық туралы айтты
жер

Жері заңсыз сатылып кеткен университет маңындағы тұрғындар үйсіз қалудан қорқады

0
(Жаңартылды 23:29 15.10.2021)
Халық университет мен әкімдік арасындағы соттың шешімі дұрыс болмай, үйсіз қаламыз деп үрейленіп отыр

НҰР-СҰЛТАН, 15 қазан – Sputnik. Қазақ ұлттық қыздар  педагогикалық университетіне тиесілі жерді заңсыз саудалағандар ұсталды, деп хабарлады "Астана" телеарнасы. 

Алматы облыстық сыбайлас жемқорлыққа қарсы қызмет агенттігі күдіктілердің 9 гектар жер телімін сатқандарын мәлімдеді.

Ал талан-таражға кеткен учаскілерді кезінде сатып алып, үй салған халық қайда барарын білмейді. Жер телімдері тұрғындарға 3 жыл бұрын сатыла бастаған. Учаскілерді олар заңды құжатпен алғандарын айтады.

Халық ҚызПУ мен әкімдік арасындағы соттың шешімі дұрыс болмай, үйімізді тартып ала ма деп үрейленеді.

"Өзім 2019 да алдым жерді. Наурызда келіп фундамент құйдым. 80 процент халық тұрады осы жерде. Газ, су жүргізілді, өзіміздің ақшамызға жолды жөндеттік. Әр үй 40 мың теңгеден шығардық", - дейді Кемертоған ауылының тұрғыны Алмас Нұртазин.  

Ал облыстық сыбайлас жемқорлыққа қарсы қызмет агенттігі жерді заңсыз сатқандарды анықтады. Күдікті ретінде білім ордасының бұрынғы қызметкері, "Азаматтарға арналған үкімет" облыстық филиалының Қарасай аудандық тіркеу және жер кадастры бөлімі, Қарасай ауданы әкімдігінің жер қатынастары бөлімі басшылары ұсталған.

"Біз де жәбірленуші тараптанбыз. Университеттің балансындағы меншік жоғалып отыр", - дейді университеттің ресми өкілі Жандарбек Асан.

Облыстық сыбайлас жемқорлыққа қарсы қызметі агенттігі күдіктілерге қатысты тиісті тергеу шаралары жүріп жатқанын айтты.

Білім ордасының басшылары тергеу амалдарының әділ жүргізілетіне үмітті. Ал халық маңдай терімен алған жер телімінің бір қарысын да қайтармауға бекінген. Олар енді қол жинап президент атына хат жазбақшы.

Оқи отырыңыз: 

0
Кілт сөздер:
жер, заң бұзу, видео
Тақырып бойынша
Қазақстанда тағы бір университет бас лицензиясынан айырылды
Қазақстанда 3,5 мыңға жуық студент оқыған университет жабылды
Вакцина салдырған студенттерге сыйлық беретін университет көбейді
Тағы бір университет жабылудың аз-ақ алдында тұр