Евгений Бажанов

Ресейлік дипломат Тоқаев қытай тілінің арқасында қандай ерлік жасағанын айтты

9645
(Жаңартылды 11:07 30.09.2019)
Қасым-Жомарт Тоқаев отыз жыл бұрын аудармашы ретінде Горбачевпен бірге Қытайға барып, екі елді елдестіруге үлес қосқан

НҰР-СҰЛТАН, 30 қыркүйек – Sputnik. Қазақстанның қазіргі президенті Қасым-Жомарт Тоқаевтың отыз жыл бұрын Қытай мен КСРО арасындағы салқындықты жойып, тараптардың табысуына септігін тигізгенін бүгінде біреу білсе, біреу білмейді. Көпке беймәлім оқиға жайлы Sputnik Қазақстанға белгілі ресейлік дипломат Евгений Бажанов айтып берді.

Дипломаттың айтуынша, 1989 жылдың маусымында бас хатшы Михаил Горбачев Қытай мен КСРО арасындағы қарым-қатынасты жолға қою үшін Бейжіңге жол тартады. Тоқаевтың қытай тілін жақсы меңгергені соншалық, Горбачевтің аудармашыларының арасында ол да болған.

"Біздің арамызда бірнеше ондаған жыл бойы текетірес болды. Сондықтан тараптардың татуласуы әр аударылған сөзге байланысты еді. Ақыры оған да қол жеткіздік, Тоқаев өз міндетін абыроймен орындап шықты", - деп еске алды Бажанов.

Евгений Бажанов пен Қасым-Жомарт Тоқаев қырық жылдай дос. Ресейлік дипломат сыртқы саясатта Тоқаевтай білімі мен тәжірибесі мол басқа адамды танымайтынын айтады.

Бұдан бөлек, ол Тоқаевқа мансап жолында ілгерілеуге қытай тілі қалай көмектескенін әңгімелеп берді.

Тағы оқыңыз: Беларусь президенті Тоқаевтың қандай адам екенін ашық айтты

Кеңес одағы ыдырағаннан кейін Қазақстанның сол кездегі премьер-министрі Сергей Терещенко Қытайға ресми сапармен бармақшы болып, аудармашы іздеген екен. Сол кезде Қасым-Жомарт Тоқаев аудармашы ретінде үкімет басшысымен еріп барған.

Дипломат Евгений Бажанов показывает фото с Касым-Жомартом Токаевым
© Sputnik / Кирилл Каллиников
Евгений Бажанов Қасым-Жомарт Тоқаевпен бірге түскен суретін көрсетіп жатыр

"Тоқаев Қазақстан премьеріне ұнап қалды. Осыдан кейін ол бірден сыртқы істер министрінің орынбасары болды. Кейін сыртқы істер министрі, премьер-министр, парламент сенатының төрағасы, БҰҰ-ның Женевадағы бас хатшысының орынбасары және тағы басқа лауазымды атқарды. Таңғажайып карьера жасады", - деп санамалап берді Бажанов.

9645
Кілт сөздер:
дипломаттар, Қытай, Қасым-Жомарт Тоқаев
Ақорда ғимараты

Тоқаев Әбдірахмановты қызметінен босатты

1807
(Жаңартылды 15:16 05.12.2020)
Қазақстандық дипломат бұл қызметті екі жылға жуық уақыт атқарды. Екі елде Қазақстан елшісі болды

НҰР-СҰЛТАН, 5 желтоқсан – Sputnik. Мемлекет басшысының жарлығымен Қайрат Әбдірахманов Қазақстанның Швеция корольдігіндегі төтенше және өкілетті елшісі қызметінен, Дания корольдігіндегі елші қызметін қоса атқарудан босатылды, деп хабарлады Ақорда.

Министр иностранных дел Кайрат Абдрахманов
© Sputnik / Болат Шайхинов
Қайрат Әбдірахманов

Ол бұл қызметке 2019 жылдың наурыз айында тағайындалған болатын. Әбдірахманов Еуропа қауіпсіздік және ынтымақтастық ұйымы, БҰҰ, Австрия, Израиль, Ұлыбританияда Қазақстан мүддесін білдірді. 2016-2018 жылдар аралығында Қазақстан сыртқы істер министрі лауазымында болды.

Жуырда Қайрат Әбдірахманов Еуропа қауіпсіздік және ынтымақтастық ұйымы аз ұлттар ісі жөніндегі жоғарғы комиссары болып тағайындалғаны хабарланған болатын.

"ТМД, Орталық Азия елдері бұған дейін ұйым жетекшілігінде болған емес. Қазақстан ОБСЕ аз ұлттар ісі жөніндегі жоғарғы комиссары қызметіне қазақстандық дипломат Қайрат Әбдірахманов кандидатурасын ұсынды", - деген еді Қазақстанның сыртқы істер министрі Мұхтар Тілеуберді.

1807
Кілт сөздер:
қызметтен кету, Қайрат Әбдірахманов, Қасым-Жомарт Тоқаев
Тақырып бойынша
Отставкаға дейін Тоқаев пен Назарбаев не туралы сөйлескені белгілі болды
"Кінәлілер жауапқа тартылады": Тоқаев Алматыдағы оқиғаға қатысты тапсырма берді
Тоқаев ата-аналарды шыдамдылық танытуға шақырды
Тоқаев үш жылға арналған республикалық бюджет туралы заңға қол қойды
Мемлекеттік қызметшілердің бойында уайымдау сезімі болуы керек – Тоқаев
Встреча президента Казахстана Касым-Жомарта Токаева с Дмитрием Козаком

Путиннің тапсырмасы: Козак Қазақстанға не үшін келді?

66
(Жаңартылды 16:03 04.12.2020)
Владимир Путиннің тапсырмасымен РФ президенті әкімшілігі басшысының орынбасары Дмитрий Козак Қазақстан мен Өзбекстанға барды. Жоғары лауазымды шенеунік екі елдің басшылығымен кездесті. Оны президенттер Қасым-Жомарт Тоқаев пен Шавкат Мирзиеёв те қабылдады

НҰР-СҰЛТАН, 4 желтоқсан – Sputnik. Қазақстан мен Өзбекстанда өткен келіссөздердің негізгі тақырыбы – Мәскеудің Нұр-Сұлтан мен Ташкентпен арадағы қарым-қатынасты күшейту. Сондай-ақ, екіжақты және көпжақты форматта сан алуан саммитерге дайындық мәселелері талқыланды. Мәселен, 11 желтоқсанда Жоғары Еуразиялық кеңестің онлайн отырысы өтеді.

Нұр-Сұлтандағы кездесу

Қазақстан астанасында Дмитрий Козакты президент Қасым-Жомарт Тоқаев қабылдаған болатын. Кездесу кезінде Қазақстан мен Ресей арасындағы әріптестіктің өзекті мәселелері талқыланды. Ақорданың мәліметіне сәйкес, тараптар саяси, сауда-экономикалық және гуманитарлық ынтымақтастықты дамыту мәселесіне баса назар аударды. Сондай-ақ, Жоғары Еуразиялық экономикалық кеңестің отырысы қарсаңында еуразиялық интеграция жайы сөз болды.   

Встреча президента Казахстана Касым-Жомарта Токаева с Дмитрием Козаком
© Официальный сайт Президента РК / AMAN
Қазақстан президенті Қасым-Жомарт Тоқаев Дмитрий Козакпен кездесті

Қасым-Жомарт Тоқаев Ресей Федерациясымен күн тәртібінде тұрған барлық мәселе бойынша одақтас байланыстарын дамыту маңызды екенін мәлімдеді. Бұдан бөлек, екі жақ президент әкімшіліктерінің арасында қарым-қатынасты дамытуға келісті. Дмитрий Козак Қазақстан президенті әкімшілігінің басшысы Ерлан Қошанов пен премьер-министр Асқар Маминмен де кездесті.

"Келіссөздер барысында тараптар Ресей-Қазақстан одақтастық қатынастарының қазіргі жағдайы, екіжақты ынтымақтастықты дамыту перспективалары және ҰҚШҰ, ЕАЭО, ТМД, ШЫҰ шеңберіндегі интеграциялық байланыстарды нығайту мәселелері бойынша пікір алмасты", - деп хабарлады Қазақстандағы Ресей елшілігінің баспасөз қызметі.

Ташкенттегі жүздесу

Өзбекстан президентінің баспасөз қызметі таратқан ақпаратқа сәйкес, "Шавкат Мирзиёев соңғы жылдары жоғары деңгейдегі жемісті диалог Өзбекстан мен Ресейдің арасындағы көпжоспарлы ынтымақтастықты, стратегиялық әріптестік мен одақтастық байланыстарды күшейтуді қамтамасыз еткенін үлкен ризашылықпен атап өткен".

Встреча Дмитрия Козака и президента Узбекистана Шавката Мирзиёева
Дмитрий Козак пен Өзбекстан президенті Шавкат Мирзиёевтің кездесуі

Дмитрий Козак өз кезегінде Өзбекстан басшысына жылы қарсы алғаны үшін алғыс білдіріп, Ресей президенті Владимир Путиннің ізгі тілегін жеткізді. Кездесуде екеуі жоғары деңгейде өтетін шаралардың күн тәртібін барынша мазмұнды ету жайын талқылады. Атап айтқанда, алдағы уақытта ТМД басшыларының саммиті өтеді. Оны кейінге шегерген болатын. Бұдан бөлек, тараптар халықаралық саясаттың кейбір мәселелерін де талқылады.

Қазақстан мен Ресей арасындағы дипломатиялық қарым-қатынас

1992 жылы 22 қазанда екі елдің арасында дипломатиялық байланыстар орнатылған болатын. Сол жылы "Достық, ынтымақтастық пен өзара көмек", "Ұжымдық қауіпсіздік туралы келісім" сияқты негізгі құжаттар рәсімделді. Одан кейін "XXI ғасырдағы тату көршілік пен одақтастық туралы келісімшарт", "Еуразиялық экономикалық одақ" сынды базалық шарттарға қол қойылды.

2020 жылы қазан айында Қазақстанға Ресейдің қорғаныс министрі Сергей Шойгу іссапармен келіп кетті. Екі елдің министрлері әскери ынтымақтастық туралы жаңа шартты рәсімдеді. Шойгу қазақстандық әріптестерімен арадағы байланыстарға жоғары баға беріп, екі елдің шекарасы толығымен демилитаризацияланғанын жеткізді.

Тығыз қарым-қатынастың тағы бір көрінісі – денсаулық сақтау саласы. Биыл 22 желтоқсаннан бастап Қазақстанда коронавирусқа қарсы "Спутник V" атты ресейлік вакцина өндіріске шығарылады. 

Бұдан бөлек, Ресей Қазақстанның ірі әрі маңызды сауда әріптесті болып саналады. Отандық өнім өндірушілер көрші елдің нарығына ғана емес, ол арқылы Еуропаға да шыға алады. Отын-энергетика саласы да тыс қалмады. Биыл Қазақстан билігі шығыс өңірлерін Ресейден келетін құбыр арқылы газдандыруға мүдделі екенін мәлімдеген.

66
КамАЗ аударылды

Шымкентте КамАЗ 11 автокөлікті соқты видео

130
Жүк көлігінің жүргізушісі зардап шекті, алайда алғашқы көмек көрсетілгеннен кейін амбулаторлық емге жіберілді

НҰР-СҰЛТАН, 5 желтоқсан – Sputnik. Шымкентте Тәуке хан даңғылында ірі жол апаты болды. Алдын ала мәліметке сүйенсек, арматура тиелген жүк көлігінің тежегіші істен шыққан.

Жол-көлік оқиғасы 4 желтоқсан күні кешке болды. Арматура тиелген жүк көлігі 11 автокөлікті соқты. Оған тежегіштің істен шығуы себеп болған.

Апат салдарынан төрт адам зардап шекті, арасында жүк көлігінің жүргізушісі де бар. Дәрігерлер олардың жағдайы қанағаттанарлық екенін айтты, ауруханаға жатқызылған жоқ.

Посмотреть эту публикацию в Instagram

Публикация от ОТЫРАР Новости Шымкент (@otyrarkz)

Құқыққорғау органдарының қызметкерлері оқиғаның мән-жайын анықтап жатыр.

Еске салсақ, бұған дейін Алматы облысында жантүршігерлік апаттан екі адамның көз жұмғаны хабарланды. Бетон тиелген көлік жеңіл машина мен бензовозға құлаған.

Жол апаты салдарынан Lexus көлігінің жүргізушісі мен жолаушысы қаза болды. Олардың денесін құтқарушылар алып шықты.

130
Кілт сөздер:
КамАЗ, жол апаты, Шымкент
Тақырып бойынша
Щучинсктегі жол апаты: министр қаза тапқан полицейлердің отбасына көңіл айтты
Нұр-Сұлтанда жаппай жол апаты болып, бір адам жарақат алды – видео
Түйе көліктің ішіне кіріп кеткен: Маңғыстауда жантүршігерлік жол апаты болды
Алматы облысында жол апаты болып, екі адам көз жұмды – видео