Қазақстан мен Ресей тулары

Лавров Қазақстанға не үшін келгенін айтты

502
Ресейдің сыртқы істер министрі Қазақстанда өткен келіссөздерге көңілі толатынын атап өтті. Екі елдің байланысы жалғаса беретініне сенім білдірді

НҰР-СҰЛТАН, 9 қазан – Sputnik. Сыртқы істер министрі Мұхтар Тілеуберді Қазақстанға ресми сапармен келген Ресейдің сыртқы істер министрі Сергей Лавровпен кездесті, деп хабарлайды Sputnik Қазақстан тілшісі.

"Біз екіжақты ынтымақтастықтың даму болашағын талқыладық. Орталық Азия, Украина мен Таяу Шығыста қауіпсіздікті орнату мәселесі бойынша өзара пікір алмастық. Әсіресе, алдағы халықаралық дәрежедегі шараларға баса назар аудардық. Себебі Қазақстан мен Ресейдің шекара маңындағы ынтымақтастығы өзара сауда-саттықтың 70 процентін алып отыр. Біз аймақаралық ынтымақтастықтың XVI форумына дайындық мәселелерін пысықтап шықтық. Осы форум 7 қарашада Омбы қаласында өтеді", - деді Тілеуберді арнайы баспасөз мәслихатында.

Министр Ресеймен арадағы әріптестік байланыстар Қазақстанның сыртқы саясатының басым бағыты болып қала беретінін ерекше атап өтті. Ал Ресейдің сыртқы істер министрі Сергей Лавров жаңадан тайындалған министрмен алғаш рет кездесіп отырғанын және екіжақты ынтымақтастықты одан ары жалғастыру жайын талқылап шыққанын жеткізді.

Тағы оқыңыз: Ресей тарапы Қытайдағы лагерьлерге қатысты ұстанымын ашық айтты

"Қарашаның басында Омбы қаласында XVI аймақаралық ынтымақтастық форумы өтеді. Оның алдында алғаш рет Қазақстан мен Ресейдің жас көшбасшыларының форумы ұйымдастырылады. Оған екі жақтан сыртқы істер министрлігінің жас қызметкерлері қатысады. Осы орайда жас дипломаттардың өзара тәжірибе алмасуы тиімді болады деп сенеміз. Әрине, бүгін біз энергетика, көлік, ғарыш, білім мен ғылым саласында бірлесіп жұмыс істеу мәселелерін де талқылап шықтық", - дейді Лавров.

Бұдан бөлек, халықаралық ұйымдар аясында өзара үйлестіру шараларын күшейту жайы да сөз болды. Әсіресе, Еуразиялық экономикалық одақ аясында интеграция мәселелеріне баса назар аударылып, осы ұйымның әлеуетін барынша пайдалану жағы қаралды.

"Біз Орталық Азия арасындағы байланыстардың оң динамикасын қолдаймыз. ТМД елдері сыртқы істері министрлерінің кеңесі қарсаңында Ашхабадта Орталық Азия бестігі мен Ресейдің сыртқы істер министрлерінің кездесуі өтеді. Біздіңше, осындай бейресми диалогтың пайдасы мол", - деп атап көрсетті Лавров.

Сондай-ақ, Сирия мәселесін реттеу саласындағы Астана процесінің үлесі сөз болды.

"Дәл осы форматта гарант мемлекеттер конституциялық комитет аясында ресми үкімет пен оппозиция арасындағы нақты келіссөздердің басталуына жағдай жасады. Осы органның ережелері келісілді. Енді, осы келісімдер Біріккен ұлттар ұйымы шешімдерінің орындалуына негіз болады деп сенеміз. Біз соған жағдай жасаймыз", - деді Лавров.

Ресейдің министрі Украина мәселесін де талқылағанын жеткізді. Осы орайда ол Владимир Зеленскийдің Минск келісімін сақтайтынына сенім білдірді.

"Жалпы, бүгін Қазақстанда өткен келіссөздерге көңіліміз толып отыр. Біз тығыз қарым-қатынасымызды жалғастыра береміз. Мен өз әріптесім Мұхтар Бескенұлын Ресейге сапармен келуге шақырдым", - деп атап көрсетті Лавров.

502
Кілт сөздер:
сыртқы істер министрлігі, Ресей, Қазақстан
Тақырып бойынша
Ресей мен Қазақстан арасында жүк тасымалдау көлемі ұлғайды
Қазақстан мен Ресей өнім тасымалдау жөнінде келісімге келді
Ресей мен Қазақстан кәсіби білім беруді WorldSkills стандартына сәйкес дамытып жатыр
Қазақстан мен Ресей Алматыда Ми тікұшағын құрастырады
Қазақстан мен Ресейдің сыртқы істер министрлері кездесті – видеотрансляция
Нұрсұлтан Назарбаев

Назарбаев Абу-Дабидің тақ мұрагерімен телефон арқылы сөйлесті

1393
Әңгіме барысында қалалық және туристік инфрақұрылымның ауқымды құрылысы жүріп жатқан Түркістанды қайта түлету мәселесі де сөз болды

НҰР-СҰЛТАН, 18 қазан – Sputnik. Елбасы Нұрсұлтан Назарбаев Абу-Дабидің тақ мұрагері, Біріккен Араб Әмірліктерінің Қарулы күштері Жоғарғы Бас қолбасшысының орынбасары шейх Мұхаммед бен Заид Әл Наһаянмен телефон арқылы сөйлесті, деп хабарлады Қазақстанның тұңғыш президентінің баспасөз қызметі. 

Әңгіме барысында Елбасы мен Абу-Дабидің тақ мұрагері Қазақстан Республикасы мен Біріккен Араб Әмірліктері арасындағы дәстүрлі достық қарым-қатынастардың қарқынды дамып келе жатқанын ерекше атап өтті.

Осы орайда Нұрсұлтан Назарбаев пен шейх Мұхаммед бен Заид Әл Наһаян жуырда Қазақстан премьер-министрі Асқар Маминнің Абу-Даби қаласына жасаған жұмыс сапарының нәтижелеріне назар аударды.

Оқи отырыңыз: 100 мың отбасыға 50 мың теңгеден беріледі – Назарбаев тапсырма берді

Сапар аясында Қазақстанда өнеркәсіп, ауыл шаруашылығы, энергетика, мұнай химиясы және фармацевтика сияқты салаларда жаңа инвестициялық жобаларды іске асыру туралы үкіметаралық құжатқа қол қойылған болатын.

Сондай-ақ тараптар қазіргі уақытта қалалық және туристік инфрақұрылымның ауқымды құрылысы жүріп жатқан Түркістанды қайта түлету тақырыбына тоқталды.

Соңында Елбасы мен Абу-Дабидің тақ мұрагері бауырлас екі мемлекет арасындағы ынтымақтастықтың одан әрі тереңдейтініне және кеңейе түсетініне сенім білдірді.

 

1393
Кілт сөздер:
Назарбаев, Елбасы
Тоқаев Шойгуді Достық орденімен марапаттады

Тоқаев Шойгуді "Достық" орденімен марапаттады

47
(Жаңартылды 20:45 16.10.2020)
Тоқаев Сергей Шойгуді Жеңістің 75 жылдығына арналған парадтың жоғары деңгейде ұйымдастырылып, табысты өткізілгенімен құттықтады

НҰР-СҰЛТАН, 16 қазан - Sputnik. Қазақстан президенті Ресей Федерациясының Қорғаныс министрі Сергей Шойгуді қабылдады.

Кездесу барысында Қазақстан мен Ресейдің әскери және әскери-техникалық ынтымақтастығын нығайту мәселелері талқыланды.

"Әскери-техникалық сала, әскери бағыт Қазақстан Республикасы мен Ресей Федерациясы арасындағы стратегиялық серіктестік пен одақтастық қатынастарда маңызды орын алады", – деді gрезидент.

Мемлекет басшысы екі ел арасындағы қол қойылған Әскери ынтымақтастық туралы шартты құптады және оның Ресей Қорғаныс министрінің Қазақстанға жасаған сапарының маңызды нәтижелерінің бірі екенін айтты.

Қасым-Жомарт Тоқаев Сергей Шойгуді Жеңістің 75 жылдығына арналған парадтың жоғары деңгейде ұйымдастырылып, табысты өткізілгенімен құттықтады.

Касым-Жомарт Токаев и Сергей Шойгу
Қазақстан президенті Ресей Федерациясының Қорғаныс министрі Сергей Шойгуді қабылдады

Ресей Қорғаныс министрі кездесуге және қазіргі заманның өзекті мәселелерін талқылауға мүмкіндік жасағаны үшін Қазақстан gрезидентіне алғыс айтты.

"Әскери және әскери-техникалық ынтымақтастықтың дәстүрлі стратегиялық және одақтастық сипаты бар. Бүгінгі қол қойған келісімнің аса маңызды екені сөзсіз. Бұл барлық әскери ынтымақтастық туралы келісімдердің ішіндегі ең ауқымдысы әрі мазмұндысы", – деді Сергей Шойгу.  

Ресейдің Қорғаныс министрі Қазақстан әскерилерінің Қызыл алаңда өткен Жеңістің мерейтойлық парадына жоғары деңгейде қатысқаны үшін Мемлекет басшысына алғысын білдірді. Оның айтуынша, бұл екі ел арасындағы қатынастардың жоғары деңгейде екенін көрсетті. Сонымен қатар ол Қазақстан Қарулы Күштері сарбаздарының Халықаралық әскери ойындарға белсенді қатысқанын атап өтті.

Кездесу соңында Қазақстан президенті әскери және әскери-техникалық ынтымақтастықты дамытуға қосқан үлесі үшін Сергей Шойгуді І дәрежелі "Достық" орденімен марапаттады.

47
Тақырып бойынша
Тоқаев елдегі эпидемиологиялық ахуалға қатысты Маминге тапсырма берді
Ресейдің қорғаныс министрі Қазақстанға келді
Шойгу екі ел арасындағы әскери ынтымақтастықты жоғары бағалады
Қазақстан сыртқы істер министрі Қырғызстандағы жағдайға қатысты мәлімдеме жасады
Тоқаев Шпекбаевты қабылдады
Күзгі астана

Қазақстанда 20 қазанда қандай маңызды оқиғалар болады

0
Sputnik Қазақстан 20-29 қазан аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

20 ҚАЗАНҒА ЖОСПАРЛАНҒАН ШАРАЛАР

09:00 – Үкімет отырысы. Күн тәртібінде ветеринарлық, фитосанитарлық қауіпсіздік, дәрі-дәрмекпен қамту мәселелері талқыланады. Отырыс PrimeMinister.kz сайтында және әлеуметтік желідегі ресми аккаунттарда көрсетіледі. Байланыс: 8 (7172) 75 00 10, press.kpm@mail.ru.

11.00 – Бернард Шоудың "Пигмалион" пьесасын онлайн оқу. Максим Горький атындағы Мемлекеттік академиялық орыс драма театрының актрисасы оқиды (трансляция театрдың Instagram парақшасында жасалады).

12.30 - Sputnik Қазақстан баспасөз орталығында диктант жазудан халықаралық акцияға арналған Спикерлер: ғарышкер Айдын Айымбетов (диктант оқитын адам), жоба үлестірушісі Лаура Ілиясова, Нұр-Сұлтандағы Ресейдің ғылым және мәдениет орталығының директоры Алексей Коропченко. Байланыс үшін: +7 (747) 2207401 (WhatsApp). Трансляция Sputnik Қазақстан сайты мен YouTube-каналда жасалады.

21 ҚАЗАНҒА ЖОСПАРЛАНҒАН ШАРАЛАР

14.00 – Мәскеу - Ереван - Минск - Нұр-Сұлтан бейнекөпірі. Іс-шара Еуразиялық даму банкінің басқарма төрағасының орынбасары Тигран Саркисянның қатысуымен Еуразиялық кеңістіктегі COVID-19 пандемиясының таралуына және жағымсыз салдарларын жеңуге және еңсеруге арналған үздік цифрлық шешімдерге арналған Еуразиялық даму банкінің (ЕДБ) цифрлық бастамалар қоры конкурсының қорытындылары аясында өтеді. Бейнекөпірдің трансляциясы Sputnik.kz сайтында және біздің Facebook парақшасында қолжетімді. Спикерге қойылатын сұрақтарды a.nurgazinova@sputniknews.com мекен-жайына жіберуге болады.

23 ҚАЗАНҒА ЖОСПАРЛАНҒАН ШАРАЛАР  

19.00 – "Женитьба" қойылымы, Максим Горький атындағы Мемлекеттік академиялық орыс драма театры (Нұр-Сұлтан, Желтоқсан көшесі 11-13).

26 ҚАЗАНҒА ЖОСПАРЛАНҒАН ШАРАЛАР  
Алматы

17.00 – "Счастливые поют" музыкалық қойылымы – қос сахна саңлағы – Фрэнк Синатра мен Эдит Пиафқа арналған қойылым (Лермонтов атындағы Мемлекеттік академиялық орыс драма театры).

28 ҚАЗАНҒА ЖОСПАРЛАНҒАН ШАРАЛАР
Нұр-Сұлтан

19.00 – "Мадам Баттерфляй" операсының премьерасы, "Астана Опера" театры (Қонаев көшесі, 1. Байланыс телефоны: +7 (7172) 70 95 94).

29 ҚАЗАНҒА ЖОСПАРЛАНҒАН ШАРАЛАР

19.00 – "Дикарь. Третье слово" қойылымы, Максим Горький атындағы Мемлекеттік академиялық орыс драма театры (Нұр-Сұлтан қаласы, Желтоқсан көшесі 11-13).

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0