Ақорданың жанындағы автокөліктер, архивтегі фото

Тоқаев Қарағанды облысы мен Шымкент қаласының әкімін қабылдады

2410
(Жаңартылды 19:31 31.10.2019)
Мемлекет басшысы азық-түліктің бағасын, атаулы әлеуметтік көмектің берілуін бақылауда ұстауға байланысты бірқатар тапсырма берді

НҰР-СҰЛТАН, 31 қазан – Sputnik. Мемлекет басшысы Қасым-Жомарт Тоқаев бірқатар кездесу өткізді, деп хабарлады Ақорданың баспасөз қызметі.

Мемлекеттік қызмет істері агенттігінің төрағасы Анар Жайылғанова Қасым-Жомарт Тоқаевқа Президенттік жастар кадрлық резервін жасақтауға байланысты конкурстың өткізілуі жөнінде баяндады.

Мемлекет басшысы әділ әрі ашық байқау өткізіп, ең үздік кандидаттарды іріктеудің, сондай-ақ, таяу жылдары оларды жұмысқа орналастыру мәселесін шешудің маңыздылығын айтты.

"Мойындау керек": Тоқаев азық-түліктің қымбаттауы нені білдіретінін айтты

Қарағанды облысының әкімі Жеңіс Қасымбек Қасым-Жомарт Тоқаевқа биылғы 9 айдың қорытындысы бойынша өңірдің әлеуметтік-экономикалық дамуы, жүзеге асырылып жатқан инвестициялық жобалар, әлеуметтік инфрақұрылымның ахуалы, денсаулық сақтау және білім беру салаларындағы нысандардың құрылысы, сондай-ақ, тұрғын үй және  автожол салу жұмыстарының барысы туралы мәлімет берді.

"Мемлекет басшысы әлеуметтік маңызы бар азық-түліктердің бағасын, жылу беру маусымының өткізілуін, сонымен қатар, атаулы әлеуметтік көмектің берілуін бақылауда ұстауға байланысты бірқатар тапсырма берді", - делінген хабарламада. 

Шымкент қаласының әкімі Ерлан Айтаханов Қасым-Жомарт Тоқаевқа тұрғындардың әл-ауқатын арттыру және қалаға қосылған аумақтардың инфрақұрылымын дамыту жайында баяндады. Сондай-ақ кездесу барысында президентке Шымкент қаласын дамытудың үшжылдық жоспары ұсынылды.

Мемлекет басшысы Шымкент қаласының әкіміне қала төңірегін электр қуаты, газ, ауызсу және жол секілді қажетті инфрақұрылымдармен қамтамасыз ету жұмыстарын белсенді жүргізу аса маңызды екенін айтты.

2410
Кілт сөздер:
әкімдер, Қасым-Жомарт Тоқаев
Тақырып бойынша
Тоқаев шетелдіктерді тіркеуді алып тастауды тапсырды
"Қос билік" туралы сөздер Конституциялық кеңес экс-басшысының күлкісін келтірді
"Министрдің сөзі қисынсыз": Тоқаевтың баспасөз хатшысы жаңа жарлықты түсіндірді
Тоқаевтың тапсырмасы: заң бұзған жүргізушілер көлігінен айырылуы мүмкін
Тоқаев "Көк Жайлау" құрылысына қатысты соңғы сөзін айтты
парламент мәжілісінің ғимараты

Парламент сайлауы қашан өтетіні белгілі болды - Тоқаев жарлыққа қол қойды

180
(Жаңартылды 09:39 21.10.2020)
Мемлекет басшысының жарлығымен парламент мәжілісінің сайлауы 2021 жылдың 10 қаңтарында өтеді деп белгіленді

НҰР-СҰЛТАН, 21 қазан – Sputnik. Қазақстанда парламенттің төменгі палатасының кезекті сайлауын өткізу күнін Қазақстан президенті Қасым-Жомарт Тоқаев өз жарлығымен бекітті.

Парламент сайлауын тағайындау регламенті

Конституцияның 49-бабының екінші тармағына сәйкес, парламенттің өкілеттігі оның бірінші сессиясы ашылған сәттен басталып, жаңа шақырылымдағы парламенттің бірінші сессиясы жұмысының басталуымен аяқталады.

Мәжілістің бұған дейінгі сайлауы 2016 жылдың 20 наурызында, бірінші сессиясы 2016 жылдың 25 наурызында өтті. Дәл осы күннен бастап палатаның қазіргі құрамының өкілеттігі басталды.

Мәжіліс депутаттарының өкілеттік мерзімі – бес жыл. Осылайша, мәжілістің қазіргі шақырылымының өкілеттігі 2021 жылдың 24 наурызында аяқталады.

Мәжіліс депутаттарының кезекті сайлауы парламенттің қазіргі шақырылымының өкілеттік мерзімі аяқталғанға дейін екі айдан кешіктірілмей өткізіледі. Өкілеттігі 2021 жылдың 24 наурызында аяқталатын парламенттің төменгі палатасының сайлауы 2021 жылдың қаңтарынан кешіктірілмей өткізілуі қажет.

"Қазақстандағы сайлау туралы" конституциялық заңға сәйкес, Қазақстан президенті кезекті сайлауды мәжіліс депутаттарының өкілеттік мерзімі аяқталғанға дейін кемінде бес ай бұрын тағайындайды.

Қазір мәжіліс депутаттары 2020 жылдың 1 қыркүйегінде ашылған алтыншы шақырылымның алтыншы сессиясы аясында жұмыс істеп жатыр.

Қазақстанда қанша мәжіліс сайлауы өтті

Қазіргі Қазақстан тарихында парламент мәжілісіне сайлау алты рет - 1995, 1999, 2004, 2007, 2012 және 2016 жылдары өтті.

Олардың ішінде мәжіліс депутаттарының кезектен тыс сайлауы үш рет  – 2007, 2012 және 2016 жылдары (мәжілістің үшінші, төртінші және бесінші шақырылымы) тағайындалды.

Мәжіліс құрамы

Қазақстан Конституциясына сәйкес, мәжіліс 107 депутаттан тұрады. Тоғыз депутат Қазақстан халқы ассамблеясынан сайланады. Қалған 98 депутат бірыңғай жалпыұлттық сайлау округі бойынша партиялық тізім негізінде сайланады. Яғни, сайлаушылар өз дауысын саяси партияларға береді, ал олар өз кезегінде кандидат тізімін қалыптастырып, оны орталық сайлау комиссиясына ұсынады. Партиялар мәжіліске өтуі үшін 7 проценттік шекті еңсеруі қажет.

Мәжілістегі орындар партияның сайлаушылардың қанша процент дауысына ие болғанына байланысты бөлінеді.

Жаңа заңға сәйкес, (2020 жылдың мамырында қабылданды) саяси партияларды құру үшін тіркеу шегі партияның 40 мың мүшесінен 20 мыңға дейін төмендеді. Сондай-ақ, партиядан мәжіліс пен мәслихат депутаттығына кандидаттарды тіркеу үшін тізімге енгізілген адамдардың жалпы санынан жастар (29 жасқа толмаған адамдар) мен әйелдер үшін кемінде 30% мөлшерінде квота белгіленді.

180
Кілт сөздер:
Мәжіліс, сайлау
Нұрсұлтан Назарбаев

Назарбаев Абу-Дабидің тақ мұрагерімен телефон арқылы сөйлесті

1446
Әңгіме барысында қалалық және туристік инфрақұрылымның ауқымды құрылысы жүріп жатқан Түркістанды қайта түлету мәселесі де сөз болды

НҰР-СҰЛТАН, 18 қазан – Sputnik. Елбасы Нұрсұлтан Назарбаев Абу-Дабидің тақ мұрагері, Біріккен Араб Әмірліктерінің Қарулы күштері Жоғарғы Бас қолбасшысының орынбасары шейх Мұхаммед бен Заид Әл Наһаянмен телефон арқылы сөйлесті, деп хабарлады Қазақстанның тұңғыш президентінің баспасөз қызметі. 

Әңгіме барысында Елбасы мен Абу-Дабидің тақ мұрагері Қазақстан Республикасы мен Біріккен Араб Әмірліктері арасындағы дәстүрлі достық қарым-қатынастардың қарқынды дамып келе жатқанын ерекше атап өтті.

Осы орайда Нұрсұлтан Назарбаев пен шейх Мұхаммед бен Заид Әл Наһаян жуырда Қазақстан премьер-министрі Асқар Маминнің Абу-Даби қаласына жасаған жұмыс сапарының нәтижелеріне назар аударды.

Оқи отырыңыз: 100 мың отбасыға 50 мың теңгеден беріледі – Назарбаев тапсырма берді

Сапар аясында Қазақстанда өнеркәсіп, ауыл шаруашылығы, энергетика, мұнай химиясы және фармацевтика сияқты салаларда жаңа инвестициялық жобаларды іске асыру туралы үкіметаралық құжатқа қол қойылған болатын.

Сондай-ақ тараптар қазіргі уақытта қалалық және туристік инфрақұрылымның ауқымды құрылысы жүріп жатқан Түркістанды қайта түлету тақырыбына тоқталды.

Соңында Елбасы мен Абу-Дабидің тақ мұрагері бауырлас екі мемлекет арасындағы ынтымақтастықтың одан әрі тереңдейтініне және кеңейе түсетініне сенім білдірді.

 

1446
Кілт сөздер:
Назарбаев, Елбасы
Шығыс Қазақстан облысының әкімі Даниал Ахметов тұрғындармен кездесті

Полиция бөліміндегі адам өлімі: Даниал Ахметов ауыл тұрғындарымен кездесті

8
Ахметовтің айтуынша, облыста полиция департаментінің бастығы мен облыс прокуроры бастаған арнайы топ жұмыс істеп жатыр. Сондай-ақ, істің тергелуі үкімет басшысының жіті бақылауында

НҰР-СҰЛТАН, 21 қазан – Sputnik. Шығыс Қазақстан облысының әкімі Даниал Ахметов қоғамды дүр сілкіндірген қайғылы оқиға болған Мақаншы ауылының тұрғындарымен кездесті, деп хабарлайды Sputnik Қазақстан.

Бірнеше күн бұрын мал ұрлады деген айыппен тұтқындалған ер адамның қайтыс болуына полиция қызметкерлері кінәлі деп күдіктелуде.

Аймақ басшысы қайтыс болған Азамат Оразалының анасы мен туыстарына көңіл айтты.

"Марқұмның ата-анасы мен барлық туыс, бауырларына және достарына қайғырып көңіл айтамын. Бұл жағдай үкімет басшысының жеке бақылауында екенін ерекше атап өткім келеді", – деді Үржар ауданына жасаған сапарын қорытындылаған Ахметов.
Посмотреть эту публикацию в Instagram

Публикация от Danial Akhmetov (@danial.akhmetov.official)

Әкімнің айтуынша, қазір облыста полиция департаментінің бастығы мен облыс прокуроры бастаған арнайы топ жұмыс істеп жатыр.

"Бұл істің сотқа дейінгі тергеуі заң аясында мейлінше ашық және жариялы түрде жүргізілетіндігіне сендіремін. Жақын күндері ауданға тағы да келемін. Қылмыскерлер заңда белгіленген жазасын алады. Бұл менімен кездесуге келген Қаратұма және Мақаншы ауылындағы ақсақалдар мен тұрғындардың басты өтініші, – деп жазды Ахметов әлеуметтік желідегі ресми парақшасында.

Полиция бөліміндегі адам өлімі

Бірнеше күн бұрын мал ұрлады деп күдіктелген ер адам Шығыс Қазақстан облысының Мақаншы ауылындағы полиция бөлімінде қайтыс болды. Көп ұзамай марқұмды азаптау фактісі бойынша тергеу басталды.

Кейіннен оқиға болған жерге жақын туыстарының қатысуымен тексеру жүргізілгені де хабарланды.

Көп ұзамай азаптауға күдіктелген үш адамның ішкі істер органдарынан қуылып, уақытша ұстау изоляторына қамалғаны белгілі болды.

Бұл жағдайға қатысты облыстық полиция департаментінің баспасөз қызметі:

"Өзіндік қауіпсіздік басқармасы тарапынан ішкі қызметтік тергеу жүргізілді", – деп хабарлады.

Сонымен қатар Үржар аудандық полиция бөлімінің екі басшысы қызметінен босатылды.

Азаптау үшін қандай жаза қолданылады?

Қылмыстық кодекстің 146-бабы (азаптау) бойынша тергеуші, анықтама жүргізетін адам немесе басқа да лауазымды адам қасақана физикалық немесе психикалық зиян келтіргені үшін бес мың айлық есептік көрсеткішке дейінгі айыппұлмен жазаланады (13 890 000 теңге – Sputnik). Сол сияқты осы мөлшерде түзеу жұмыстарына тартылады немесе бас бостандығы бес жылға дейін шектеледі. Белгілі бір лауазымдарды атқару немесе белгілі бір қызметпен айналысу құқығынан үш жылға дейін айыра отырып, сол мерзімге бас бостандығынан айыру көзделеді.

Оқи отырыңыз: "Қорықпауға шақырамын": Даниал Ахметов желіде видео жариялады

Денсаулыққа ауыр зиян келтіру немесе абайсызда жәбірленушінің өліміне әкеп соққан дәл сол әрекет белгілі бір лауазымдарды атқару немесе белгілі бір қызметпен айналысу құқығынан үш жылға дейінгі мерзімге айыра отырып, бес жылдан 12 жылға дейінгі мерзімге бас бостандығынан айыруға жазаланады.

8
Кілт сөздер:
қайғылы оқиға, Даниал Ахметов, Шығыс Қазақстан
Тақырып бойынша
"Мақтан тұтамын": Даниал Ахметов соғысқа қатысқан әкесі туралы айтып берді 
Мешіттегі қанды қырғын: желіде оқиға орнында түсірілген видеолар жарияланды
Қарағандыда дүйім жұртты дүр сілкіндірген қанды оқиға бойынша сот басталды
Даниал Ахметов Көктал ауылының тұрғындарына өтемақы берілетінін мәлімдеді
Шымкенттегі қанды оқиға: қылмыскер 4 адамды қалай өлтіргенін айтып берді