Дариға Назарбаева, архивтегі фото

Дариға Назарбаева Елбасыдан бұрын сөйлеп, қайдан қауіп төніп тұрғанын айтты

24484
(Жаңартылды 15:52 11.11.2019)
Елордада "Astana club" саяси форумының жыл сайынғы отырысы басталды. Биыл осы халықаралық пікірталас алаңының құрылғанына бес жыл толып отыр

НҰР-СҰЛТАН, 11 қараша – Sputnik. Бүгін сарапшылар Еуразия құрлығы үшін 2020 жылдағы 10 басты сын-қатердің тізімін жариялады. Бұдан бөлек, державалар арасындағы әскери және саяси-экономикалық текетірес мәселесі кеңінен талқыланды, деп хабарлайды Sputnik Қазақстан тілшісі.

Форумның ашылу рәсімінде сенат төрағасы Дариға Назарбаева сөз сөйледі. Ал Қазақстанның тұңғыш президенті Нұрсұлтан Назарбаев форумның ертеңгі пленарлық отырысына қатысады.

Сенат төрағасы "Astana club-тың" осы жолғы тақырыбына бас назар аударды. Оның айтуынша, бүгінде шиеленістердің басым бөлігі Еуразияның ішінде немесе айналасында шоғырланып отыр. Ал Қазақстанның сыртқы саясаты тиімді интеграцияны, өзара пайдалы ынтымақтастық пен ортақ экономикалық мақсаттарды көздейді. Сондықтан қазіргі қауіп-қатерлерге төтеп берудің бірден-бір жолы – жаһандық ынтымақтастық.

"Әділ, ашық және тікелей диалог болмаса, ынтымақтастық орнату мүмкін емес. Осындай диалогтың арқасында Еуразия құрлығында ғана емес, жалпы әлем бойынша барлығына ортақ ережелер орнатуға болады. Осы орайда Astana club отырыстары аса өзекті болып тұр. Бұл жерде маңызды мәселелер ашық талқыланады. Бұл – Қазақстанның, жалпы біздің жаһандық ынтымақтастықты құруға қосқан ортақ үлесіміз", - деді Назарбаева.

Ал арнайы баспасөз мәслихатында сарапшылар "Еуразия 2020 үшін 10 басты сын-қатер" тәуекелдер рейтингісінің екінші басылымын таныстырды. Аталмыш зерттеу жұмысына ірі БАҚ пен халықаралық институттар, 40 беделді сарапшы мен саясаткер қатысты. Бұдан бөлек, арнайы сауалнамаға 70 елден 1100-ден астам кәсіби маман тартылды.

Рейтингіге сәйкес, бірінші орында 2020 жылғы АҚШ-тағы президент сайлауынан кейінгі ахуал тұр. Елдің қазіргі президенті Дональд Трамп жаңа мерзімге қайта сайлану науқанын бастап кетті.

"Алайда қарсыластары оны импичментпен қорқытуда. Әлемнің жетекші державасының саяси дамуындағы белгісіздік бүкіл Еуразия үшін елеулі сын-қатерге ұласуы мүмкін", - дейді мамандар.

Бұдан бөлек, жаһандық экономикалық құлдырау, АҚШ пен Қытай текетіресінің ушығуы, жаһандық қарулану жарысының жаңа кезеңі, технологиялық үстемдік жарысының үдеуі, Иранға қарсы әскери соғыс, Корей түбегіндегі ядролық дағдарыс, терроризмнің жаңа толқыны, басқыншы ұлтшылдық пен популизм толқыны, сондай-ақ климаттың өзгеруі сияқты жаһандық мәселелер бар.

Тағы оқыңыз: "Ғалымдардың өзі бас қатырып жүр". Назарбаева қазақ тіліне қатысты ойын айтты

Жоба жетекшісі Қазақстан Республикасы Тұңғыш президенті – Елбасы қоры жанындағы Әлемдік экономика және саясат институтының директоры (ӘЭСИ) Ержан Салтыбаевтың айтуынша, осы рейтингінің тағы бір маңызды тұсы, ол барлық халықаралық зерттеуден бұрын жарияланып отыр.

Айта кетейік, биылғы отырыстың тақырыбы – "Үлкен Еуразияны құру: серіктестіктің жаңа үлгісі". Спикерлердің ішінде бұрынғы мемлекет және үкімет басшылары, министрлер мен Нобель сыйлығының лауреаттары бар. Ертең, 12 қарашада форумның пленарлық отырысы өтеді. Оған Қазақстанның тұңғыш президенті Нұрсұлтан Назарбаев қатысады.

24484
Кілт сөздер:
қауіп-қатер, Елбасы, Дариға Назарбаева
Тақырып бойынша
Дариға Назарбаева Елбасы өзіне қандай бата бергенін айтты
"Біреуінің де нәтижесін көрмедік": Назарбаева облыс әкімінің сөзіне күмән келтірді
Мәдениет министрі Дариға Назарбаеваның қандай қасиетіне тамсанатынын айтты
Ресейлік саясаткер Дариға Назарбаеваға ерекше ұсыныс жасады
Аида Балаева

Билік пен қоғам арасындағы диалог: азаматтық форум онлайн режимде өтіп жатыр

26
(Жаңартылды 11:59 23.11.2020)
Азаматтық форумды ашқан Аида Балаеваның айтуынша, ұзақ мерзімді мүдделер уақытша қиындықтардан басым болады

НҰР-СҰЛТАН, 23 қараша – Sputnik. Ақпарат және әлеуметтік даму министрлігінің қолдауымен және Қазақстанның азаматтық альянсы ұйымының ұйымдастыруымен IX Азаматтық форум онлайн режимде басталды. Биылғы форум "Қоғам және мемлекет: #Birgemiz әріптестік пен дамудың 30 жылы" тақырыбы аясында өтуде.

"Қазақстанның тұңғыш президенті Нұрсұлтан Назарбаев тәуелсіздіктің алғашқы жылдарында жол ашқан және жаһандық пандемия жағдайындағы қазіргідей шектеулерге қарамастан мемлекет басшысы табысты алға жылжытқан азаматтық бастамалардың қолжетімді болуы және оның күн тәртібіне шығарылуы зор маңызға ие. Бұл дегеніміз, ұзақ мерзімді мүдделермен ұштасатын біздің кез-келген саладағы өзара іс-қимылымыз уақытша қиындықтардан басым түсетіндігін білдіреді", – деді ақпарат және әлеуметтік даму министрі Аида Балаева.

Министр билік өкілдері мен сарапшылар қауымдастығы, іскер топтар мен азаматтық қоғам белсенділері арасындағы диалог одан әрі тең құқылы ынтымақтастықты дамытуға, сенім мен өркендеуді арттыруға ықпал ететінін атап өтті.

"Жаһандық өзгерістер дәуірінде орнықты әлеуметтік дамуда жаңа міндеттер мен өзекті мәселелердің шешімін бірлесе іздеу, кезек күттірмейтін шауралардың бірі болып табылады. Бұл ретте, әрине бәрімізге бастамашылдық пен шығармашылық шеберлік, табандылық пен табысқа деген сенімділік қажет", – деп қосты Балаева.

Оқи отырыңыз: Мемлекеттік арнадағы түрік сериалдары қысқарады - ақпарат министрі

Айта кетейік, Азаматтық форум аясында қоғамдық кеңестердің тәжірибелік тиімділігін арттыру мен азаматтық қоғамды дамытудың мәселелері мен басымдықтары талқыланады. Шара барысында ішкі істер министрінің орынбасары Арыстанғани Заппаров пен бірінші қаржы министрі Берік Шолпанқұлов және денсаулық сақтау министрі Алексей Цой үкіметтік емес ұйым өкілдерімен кездеседі деп жоспарланған. Бағдарламаның толық нұсқасымен мына сілтемеге өту арқылы танысуға болады.

26
Кілт сөздер:
форум, қоғам
Тақырып бойынша
Балаева әр балаға 21 мың теңге қалай төленетінін түсіндірді
Қазақстанда атаулы әлеуметтік көмекті кімдер алады? Балаева түсіндірді
Аида Балаева анонимді Telegram-арналарды бұғаттауға қатысты пікір білдірді 
Қазақстан үкіметі

Украина шенеуніктері Қазақстанға жалған анықтамамен келді деген ақпарат түсіндірілді

262
(Жаңартылды 11:46 23.11.2020)
Бұған дейін БАҚ Украина делегациясы Қазақстанға коронавирус тест қорытындысының жалған анықтамасымен келгенін хабарлаған болатын

НҰР-СҰЛТАН, 23 қараша — Sputnik. Премьер-министр Асқар Мамин анықтама мерзімі өтіп кеткендіктен, украиналық делегациямен кездескен жоқ, деп хабарлады үкіметтің баспасөз қызметі.

Украинаның инфрақұрылым министрі Владислав Криклийдің сапары аясында Қазақстанның индустия және инфрақұрылымдық даму министрлігі мен Украина инфрақұрылым министрлігі аясында меморандумға қол қойылды.

Украиналық тараппен Қазақстан үкімет басшысының орынбасары Роман Скляр кездесті.

"Қазақстандық тарап Асқар Мамин мен Украинаның инфрақұрылым министрі Владислав Криклий кездесуін ұйымдастыруға дайын болды. Алайда ПТР-анықтаманың мерзімі өтіп кеткендіктен (5 күннен асып кеткен) украиналық делегация премьер-министрмен кездесе алмады", - делінген хабарламада.

Пандемия кезінде кездесуге қатысушылар қауіпсіздігін қамтамасыз ету үшін бірқатар санитарлық талап енгізілді. ПТР-анықтаманы ұсыну солардың қатарында.

Бұған дейін Украинаның инфрақұрылым министрі Владислав Криклий пен Украинаның Қазақстандағы елшісі Петр Врублевский халықаралық даудың ортасында қалғаны хабарланған болатын.

Олар Қазақстанның премьер-министрі Асқар Маминмен кездесуге жалған ПТР-анықтамамен келді, деп жазды "Комсомольская правда Казахстан".

262
Кілт сөздер:
анықтама, түсініктеме, үкімет, Украина, Қазақстан
Тақырып бойынша
Тоқаевтың сөзінен кейін Украина сыртқы істер министрлігі Қазақстан елшісін шақырды
"Украина мұны ұмытпайды": Зеленский Қазақстанға не үшін алғыс айтты
Мамин Қазақстанда зейнет жасын төмендету туралы ұсынысқа жауап берді
Мамин Қазақстан азық-түлік импортынан қашан құтылатынын айтты
Тауарлардың заңдылығын мобильді қосымша арқылы тегін тексеруге болады – Мамин
Алматы, архивтегі фото

Алматы полициясы күшейтілген жұмыс тәртібіне көшті

0
Тәртіп сақшылары мен әскери қызметкерлер көшелер мен аулаларда, саябақтарда, саяжайларда және өзге де қоғамдық орындарда рейд жүргізеді

НҰР-СҰЛТАН, 23 қараша – Sputnik. Алматы полициясы күшейтілген жұмыс тәртібіне көшірілді, деп хабарлады Polisia.kz.

Қазақстан аумағында осы жылдың 23 қарашасында басталған "Құқық тәртібі" жедел алдын алу іс-шарасы 30 қараша айына дейін жалғасады. Осыған байланысты Алматы полициясы күшейтілген жұмыс тәртібіне көшірілді. 

Қалалық полиция департаменті жергілікті полиция қызметінің бастығы Манап Саттаровтың айтуынша, аталған іс-шараға полиция қызметкерлерімен қоса Ұлттық ұлан сарбаздары да жұмылдырылады.

"Іс-шара барысында қоғамдық тәртіпті қадағалау үшін полицияның жеке құрамы күшейтілген жұмыс тәртібіне көшірілді. Қала бойынша полиция жасақтары көбейтіліп, "Құқық бұзушылыққа мүлдем төзбеушілік" қағидасы бойынша тәртіп сақшылары мен әскери қызметкерлер көшелер мен аулаларда, саябақтарда, саяжайларда және өзге де қоғамдық орындарда рейд жүргізеді", - дейді ол.

Сондай-ақ көші-қон заңдарын бұзатын келімсектерді анықтау үшін құрылыс алаңдары мен тамақтану орындары тексеріледі. Арнайы есепте тұратын адамдар мен азаматтық қару иелері де полицияның назарынан тыс қалмайды.

"Ал жедел басқарма қызметкерлері пәтер тонау, көлік ұрлығы сияқты қылмыстарды жасайтын қылмыстық топтар мен із-түзсіз жоғалған адамдарды және бұрын қылмыс жасап іздеу жарияланған адамдарды анықтауға бағытталған жұмыстарды атқарады", – деп түйіндеді Саттаров.

Алматыда 10 адамды өлтірген қылмыскерге сот үкімі шықты

Айта кетейік, кең көлемде ұйымдастырылып отырған аталған іс-шара қылмыстық ахуалды тұрақтандыруға, қылмыстар мен құқық бұзушылықтардың алдын алуға бағытталған.

0
Кілт сөздер:
полиция, Алматы
Тақырып бойынша
Жалған 900 мың долларды сатпақ болған Алматы тұрғыны ұсталды
Алматылық ағайындылар қылмысы әшкере болды
Дәретханада қыздарға порно көрсеткен ер адам 10 жылға сотталды
Нұр-Сұлтанда әйелдерге шабуыл жасаған шетелдік ұсталды