президент Тоқаев

Президенттің Германияға сапары: Тоқаев Меркельмен келіссөз жүргізеді

96
(Жаңартылды 15:02 04.12.2019)
Мемлекет басшысы Қасым-Жомарт Тоқаев жақын арада Германияға ресми сапармен барады

НҰР-СҰЛТАН, 4 желтоқсан – Sputnik. Биылғы 5-6 желтоқсанда Қазақстан президенті Қасым-Жомарт Тоқаев Германия федеративтік республикасына ресми сапармен барады.

Сапар барысында канцлер Ангела Меркельмен келіссөз жүргізіледі. Қазақстан және Германия арасындағы екіжақты өзара қарым-қатынастардың қазіргі жағдайы мен даму перспективалары қарастырылады деп жоспарланған.

"Сапар бағдарламасына мемлекет басшысының президент Франк-Вальтер Штайнмайермен және Бундестаг төрағасы Вольфганг Шойблемен кездесуі енгізілген", - деп хабарлады президенттің баспасөз хатшысы Берік Уәли.

Қасым-Жомарт Тоқаев 6 желтоқсанда Берлинде көрнекті саяси және қоғам қайраткерлері, Германияның мемлекеттік органдары өкілдері, «Германия – Орталық Азия» парламенттік достық тобы мүшелерінің алдында сөз сөйлейді. Берлин еуразиялық клубының 28-отырысына қатысады.

Сондай-ақ, неміс компанияларының басшыларымен кездесу өткізеді.

96
Кілт сөздер:
Германия, Ангела Меркель, Қасым-Жомарт Тоқаев
Тақырып бойынша
Қазақстанда қай көшелерге Нұрсұлтан Назарбаевтың есімі берілді
Тоқаевтың тапсырмасы: салықтан кімдер босатылмайтыны белгілі болды
Таразға жаңа әкім келді
Тоқаев автобус апатынан қаза болғандардың туыстарына көңіл айтты
Жеке куәлікте әке атын жазуға қатысты өзгеріс енгізілді
Садыр Жапаров

Қырғызстан президентінің міндетін атқарушы Жапаров отставкаға кететін болды

924
Саясаткер президент сайлауына қатысу үшін отставкаға кетпекші. Егер сайлауда жеңілсе, қатардағы азамат болып қала беретінін айтты

НҰР-СҰЛТАН, 26 қазан – Sputnik. Сооронбай Жээнбековтің отставкасынан кейін Қырғызстан президентінің міндетін атқарып жүрген премьер-министр Садыр Жапаров отставкаға кететінін мәлімдеді, деп хабарлайды Sputnik Қырғызстан.

"Мен ел қатарлы сайлауға түсемін. Егер жеңсем, президент боламын. Жеңілсем, сіздердің араларыңызда қатардағы азамат болып жүре беремін", - деді Жапаров Нарын облысы халқының алдында сөз сөйлегенде.

Сооронбай Жээнбековтің отставкасынан кейін өткелі жатқан мерзімінен бұрын президент сайлауы 2021 жылдың 10 қаңтарына белгіленді. Конституция бойынша президенттің міндетін атқарушы мемлекет басшысы қызметіне өз кандидатурасын ұсына алмайды.

Бұған дейін Жапаров егер мүмкіндік жасалса, сайлауға қатысатынын айтқан еді. Алайда қырғызстандықтар саясаткер үшін Конституцияны қайта қарауға дайын емес.

Жапаров кім

Садыр Жапаров 1968 жылы 6 желтоқсанда Қырғызстанның Ыстықкөл облысы Кен-Суу ауылында дүниеге келді. Үйленген. Төрт баланың әкесі.

Еңбек жолын Қырғызстанның Шу ауданы "Санташ" ұжымшарында қарапайым жұмысшы болып бастады.

2005 жылға дейін бірқатар кәсіпорынды басқарды. Саяси мансабын 2005 жылы Қызғалдақ төңкерісінен кейін бастады. 2005-2007 және 2010-2013 жылдары Жогорку Кенеш депутаты болып сайланды.

Тағы оқыңыз: Қырғызстан премьері президент міндетін атқаратын болды

2007-2009 жылдар аралығында Қырғызстанның экс-президенті Құрманбек Бәкиевтің кеңесшісі, сыбайлас жемқорлықтың алдын алу жөніндегі ұлттық агенттіктің комиссары болды. 2009-2010 жылдары Қырғызстан мемлекеттік кадр қызметі жанындағы сыбайлас жемқорлықтың алдын алу агенттігін басқарды.

2012 жылдың күзінде Жапаров "Құмторды" мемлекет меншігіне алуды талап еткен азаматтармен бірге митингке шығып, Ақ үйді басып алмақ болды.

2013 жылдың наурызында сот оны кінәлі деп тауып, 1,5 жылға бас бостандығынан айырды. Алайда маусымның ортасында саясаткер ақталып, сот залынан босап шықты.

2013 жылы маусымның соңында Қаракөлде "Құмторға" қарсы митинг өтіп, наразылық білдіргендер облыс губернаторы Эмилбек Каптагаевты кепілге алмақ болды. Үкімет бұған Садыр Жапаров пен Кубанычбек Кадыровты айыптады.

Наразылық лидерлері ұсталды, бірақ Садыр Жапаров еш қатысы жоқ екенін айтып, елден кетті. Саясаткер 2017 жылға дейін Кипрде тұрды.

2017 жылы 25 наурызда елге оралмақ болғанда қырғыз-қазақ шекарасында ұсталды.

Осыдан кейін сот Жогорку Кенештің бұрынғы депутаты Садыр Жапаровты облыс губернаторын кепілге алғаны үшін 11 жыл 6 айға бас бостандығынан айырды.

2020 жылы 5-нен 6 қазанға қараған түні Жапаровты жақтастары түрмеден босатып алды.

924
Кілт сөздер:
президент сайлауы, премьер-министр, Қырғызстан
Тақырып бойынша
Қырғызстанда президент сайлауы қашан өтетіні белгілі болды
Қырғызстандағы дүрбелең басталған бір аптада қандай оқиғалар болды?
Қазақстан сыртқы істер министрі Қырғызстандағы жағдайға қатысты мәлімдеме жасады
Қырғызстанда арнайы қызметтер жаңа басшыға бағынбай, ғимараттан шығарып жіберді
Түркияның қорғаныс министрі Қазақстанға келді

Түркияның қорғаныс министрі Қазақстанға келді 

1296
(Жаңартылды 12:19 26.10.2020)
Күн тәртібінде әскери және әскери-техникалық ынтымақтастық, соның ішінде әскери кадрларды даярлау және әскери білім беру, әскери дайындық, сондай-ақ, оқу-жаттығуларға қатысу шаралары бар

НҰР-СҰЛТАН, 26 қазан – Sputnik. Қазақстанға ресми сапармен Түркияның қорғаныс министрі Хулуси Акар келді. ҚР Қорғаныс министрі Нұрлан Ермекбаевпен өтетін кездесу кезінде аймақтық қауіпсіздік мәселелері де талқыланады, деп хабарлайды Sputnik Қазақстан тілшісі.  

Бұдан бөлек, күн тәртібінде әскери және әскери-техникалық ынтымақтастық, соның ішінде әскери кадрларды даярлау және әскери білім беру, әскери дайындық, сондай-ақ, оқу-жаттығуларға қатысу шаралары бар. 

"Қазақстан Түркиямен арадағы көп жоспарлы стратегиялық қарым-қатынасты нығайтуға үлкен мән береді. Ал екі мемлекет көшбасшылары арасындағы өзара түсіністік пен достық атмосферасы екіжақты ынтымақтастықтың кеңеюінде негізгі рөл атқарады", - делінген қорғаныс ведомствосының ресми хабарламасында.

Осы орайда қорғаныс министрлігі Қазақстанның қарулы күштерінің құрылуы мен дамуының алғашқы кезеңінде Түркияның қарулы күштері мен Бас штабының бірінші болып қолдау көрсеткенін де еске салды. Атап айтқанда, Түркия 1990-2000 жылдары қайтарымсыз негізде Қазақстанға әскери мүлік жеткізіп отырған. Соның ішінде кеңсе техникасы, картографиялық құрал-жабдықтар, байланыс құрылғылары және жол талғамайтын көліктер бар. 

Уақыт өте келе, тараптар көпмақсатты жеңіл брондалған көліктер мен оптикалық-электронды құралдар өндірісі саласында өзара тиімді байланыстарға көшті. Ал әскери білім саласында курсанттар Түркияның жетекші әскери училищелерінде өз дайындықтарын шыңдайды. Қазақстанның әскерилері де сан алуан оқыту орталықтарына барып тұрады. 

2018 жылы қыркүйек  айында Қазақстанның тұңғыш президенті – Елбасы Нұрсұлтан Назарбаев Түркияға ресми сапармен барған. Сол кезде Анкара қаласында бірқатар маңызды құжаттарға қол қойылды. Соның ішінде әскери ынтымақтастық туралы келісім де бар.

1296
Кілт сөздер:
қорғаныс министрі, Қазақстан, Түркия
Тақырып бойынша
"Қамығып отырмыз": Түркиядағы қазақтар Нұрсұлтан Назарбаевқа хат жолдады
Түркиядағы көлде тұз қалай өндіріледі – таңғажайып суреттер
"Қиыншылық көресің": Түркиядағы қазақ елге неге оралғысы келмейтінін айтты
"Бұл адамзат үшін бір белгі": Қазақ қызы Түркияда не болып жатқанын айтып берді
Түркияда Абай Құнанбаевтың құрметіне саябақ ашылды
Нұрсұлтан Назарбаев әуежайы, жолаушыларды тіркеу

Бекшин коронавирус жұқтырғандардың қай елдерден көп келетінін айтты

0
COVID-19 инфекциясын жұқтырғандардың барлығы демалыс орындарынан келіп жатыр, деп атап өтті Жандарбек Бекшин

АЛМАТЫ, 26 қазан – Sputnik. Алматының бас санитар дәрігері Жандарбек Бекшин шетелден коронавирус жұқтырып келгендердің көбісі Мысыр, Түркия және Біріккен Араб Әмірліктерінде болғанын айтты, деп хабарлайды Sputnik Қазақстан тілшісі.

"Инфекция жұқтырғандардың барлығы демалыс орындарынан келіп жатыр. Мысырдан келген 14 адамнан коронавирус табылды. Екінші орында Түркия тұр. Анталия, Ыстамбұл қаласынан келген сегіз адам ауру жұқтырған. Үшінші орында Біріккен Араб Әмірліктері тұр. Бұл жақтан оралған 6 қазақстандықтан инфекция табылды", - деді Жандарбек Бекшин.

Айтуынша, барлығы инфекциялық стационарға оқшауланған. Олармен байланыста болғандар тексеріліп, медициналық бақылауға алынды.

Оқи отырыңыз: Алматыда бас санитар дәрігердің жаңа қаулысы шықты 

Айта кетейік, 26 қазанда Алматының бас санитар дәрігері Жандарбек Бекшиннің жаңа қаулысы шықты. Оған сәйкес, шетелден дене қызуы көтеріліп келген жолаушылар стационарға жатқызылып, зертханалық тексерістен өтеді.

Сондай-ақ, коронавирустың бар-жоғын анықтайтын ПТР-тестен өтпеген қазақстандықтар карантиндік стационарларға орналастырылады.

0
Кілт сөздер:
коронавирус, Жандарбек Бекшин
Тақырып:
Коронавирус эпидемиясы
Тақырып бойынша
Кинотеатрға екі қаланың тұрғындары ғана бара алады  
Нұр-Сұлтанға келген 100-ден астам жолаушы карантинге жіберілді
Тоқаев карантин енгізген кезде кәсіпкерлердің мүддесін ескеруді тапсырды
Бекшин Алматыдағы кинотеатрлардың жұмыс істеу тәртібін түсіндірді