Ресей Федерациясының президенті Владимир Путин және Қазақстан Республикасының тұңғыш президенті Нұрсұлтан Назарбаев

"Нұрсұлтан Әбішұлы, бәрі жұмыс істеп тұр": Путин Назарбаевқа алғыс айтты

524
(Жаңартылды 18:46 20.12.2019)
Қазақстан президенті Қасым-Жомарт Тоқаев Санкт-Петербургтегі Жоғары еуразиялық экономикалық кеңестің отырысына бармады – Қазақстанның атынан Елбасы Нұрсұлтан Назарбаев қатысып жатыр

НҰР-СҰЛТАН, 20 желтоқсан – Sputnik. Қазақстанның тұңғыш президенті Нұрсұлтан Назарбаев Ресейдің Санкт-Петербург қаласында Жоғары еуразиялық экономикалық кеңестің отырысына қатысып жатыр, деп хабарлайды Sputnik Қазақстан тілшісі.

Шағын құрамда өткен кездесу кезінде Ресей Федерациясының президенті Владимир Путин барлығына сәттілік тілеп, ұйымның құрметті төрағасы Нұрсұлтан Назарбаевқа алғыс білдірді. 

"Бүгін біз жаңа жылдың алдында кездесіп отырмыз. Сондықтан осынау мерекенің алдында біздің жұмысымыз көңіл-күйімізге сай болады деп сенемін. Ал осы жұмыстың негізгі мақсаты – барлық жоспарымызды іске асыру. Соған қарай жүруіміз керек. Мен дәл қазір ортақ жұмыстың барлық артықшылығын тәптіштеп, айтпай-ақ қояйын", - деді Путин.

Ресей басшысы осы орайда құрметті төраға Нұрсұлтан Назарбаевқа тағы бір мәрте алғыс айтты.

"Ол осы бірлестіктің құрылуына бастамашы болды. Нұрсұлтан Әбішұлы, бізде бәрі жұмыс істеп тұр, бәрі өте жақсы жұмыс істеп тұр. Біз сізді қарсы алғанымызға қуыныштымыз", - деп түйіндеді ол.

Тағы оқыңыз: Путин Назарбаевтың ұсынысы туралы не ойлайтынын айтты - видео 

Айта кетейік, Жоғары еуразиялық экономикалық кеңес одақтың негізгі мәселелерін шешіп отырады. Бұдан бөлек, ұйымның стратегиясы мен интеграцияның бағыттарын айқындап, ЕАЭО-ның негізгі шешімдерін қабылдайды. Жоғары еуразиялық экономикалық кеңестің төрағалығы Беларуське ауысты.

524
Кілт сөздер:
Назарбаев, Владимир Путин
Тақырып бойынша
Путин ЕАЭО-дағы ықпалдастықты жоғары бағалады
Назарбаевтың кеңесшісі Елбасы ұсынысына қатысты түсініктеме берді
Назарбаев ұсыныс жасады: Кремльдің жауабы қандай?
Назарбаевтың неліктен Ресей мен Украинаны татуластырғысы келетіні айтылды
Тоқаев Санкт-Петербургтегі Еуразиялық экономикалық одақтың саммитіне бармайды
Нұрсұлтан Назарбаев

Назарбаев білім министрі Аймағамбетовты қабылдады

449
Асхат Аймағамбетов "Nur Otan" партиясының  сайлауалды бағдарламасының ғылымды дамыту мен жастар тәрбиесі бағыттарын жүзеге асыру жоспарлары туралы айтты  

АЛМАТЫ, 25 қаңтар – Sputnik. Елбасы Нұрсұлтан Назарбаев білім және ғылым министрі Асхат Аймағамбетов пен жоғары сот кеңесінің төрағасы Талғат Донақовты қабылдады, деп хабарлайды Sputnik Қазақстан.

Елбасының ресми сайтының хабарлауынша, Асхат Аймағамбетов білім және ғылым саласының қазіргі ахуалын баяндады. Сонымен қатар "Nur Otan" партиясының  сайлауалды бағдарламасының ғылымды дамыту мен жастар тәрбиесі бағыттарын жүзеге асыру жоспарлары туралы айтты.

Ал Талғат Донақов Нұрсұлтан Назарбаевқа "100 нақты қадам" ұлт жоспарын жүзеге асыру аясында судьяларды іріктеу жүйесін жетілдіру бойынша қабылданған шаралар жайында ақпарат берді.

449
Кілт сөздер:
Асхат Аймағамбетов, Назарбаев
Тақырып бойынша
Назарбаев Әлімғазы Райымбековтің отбасына көңіл айтты
Nur Otan-ның жас депутаты неге жұрттың сынына ұшырады
Назарбаев Нығматулиннің кандидатурасын басшылық қызметке ұсынды
Дариға Назарбаева мәжілісте немен айналысады
Назарбаевтың биыл қандай шараларға қатысатыны нақтыланды
Назарбаев Алтай Көлгіновті қабылдады
Мемлекет басшысы Қасым-Жомарт Тоқаев

Тоқаев ертең министрлер мен әкімдерді жинайды

3721
Отырыс онлайн өтеді, жиында елдің әлеуметтік-экономикалық дамуының 2020 жылғы қорытындылары мен алдағы жоспары талқыланады

НҰР-СҰЛТАН, 25 қаңтар – Sputnik. 26 қаңтарда президент Қасым-Жомарт Тоқаевтың төрағалығымен үкіметтің кеңейтілген отырысы өтеді.

Бұл туралы мемлекет басшысының баспасөз хатшысы Берік Уәли Facebook-те жазды.

"Ертең, яғни 26 қаңтарда, мемлекет басшысы Қасым-Жомарт Тоқаевтың төрағалығымен үкіметтің кеңейтілген құрамдағы отырысы өтеді. Онлайн форматта өтетін жиында елдің әлеуметтік-экономикалық дамуының 2020 жылғы қорытындылары мен алдағы жоспары талқыланбақ", - деді ол. 

БАҚ өкілдері іс-шараны "Қазмедиа орталығынан" дер кезінде таратуға мүмкіндік алады.

Еске салсақ, парламент сайлауынан кейін 18 қаңтарда Қазақстан үкіметінің жаңа құрамы бекітілді.

Премьер-министр мен министрлердің басым бөлігі өз орнын сақтап қалды. Екі министр ғана ауысты. Еңбек және халықты әлеуметтік қорғау министрлігіне Серік Шәпкенов келсе, ұлттық экономика министрлігін Әсет Ерғалиев басқарды.

Сондай-ақ, сыртқы істер министрі Мұхтар Тілеуберді төртінші вице-премьер қызметін қоса атқарады.

3721
Кілт сөздер:
Үкімет, Қасым-Жомарт Тоқаев
Тақырып бойынша
Тоқаев биыл кімдердің жалақысы өсетінін айтты
Бірнеше депутат премьер-министр кандидатурасын қолдамады – Тоқаев не деді
Тоқаев үкіметтің жаңа мүшелерін тағайындады
Тоқаев қазақстандықтар қызу талқылап жатқан заң жобасына қатысты пікір білдірді
Архивтегі фото

Американың теңіз жаяу әскері Норвегияда не істеп жүр?

0
Ақпанда америкалықтар, норвегиялықтар, сондай-ақ голландиялықтар мен британдықтар Joint Viking 2021 ауқымды маневрлеріне қатысады

НҰР-СҰЛТАН, 25 қаңтар – Sputnik. АҚШ Ресей шекарасына жақын орналасқан Норвегияда әскерін күшейтіп жатыр. Мұнда қаңтарда мыңға жуық теңіз жаяу әскері қоныстанды. Ал америкалық саясаткерлер мен генералдар Арктикадағы шиеленістің күшеюін жиі сөз етіп жатыр. Бірақ, сарапшылардың пікірінше, бұл шиеленісті тудырып жатқан да өздері, деп жазды РИА Новости.

Теңіз жаяу әскерлері ротация аясында Солтүстік Каролинадан Норвегияға қоныс аударды. Америкалықтар бірнеше жылдан бері осындай қулыққа барып жатыр: бір бөлімшені басқа бөлімшемен ауыстырып, АҚШ-тың әскери контингенті елден кеткен емес.

Теңіз жаяу әскерлерінің міндеті – Норвегия нұсқаушыларының жетекшілігімен Арктиканың қатал жағдайында ұрыс қимылдарын жүргізуді үйрену және НАТО-дағы әріптестерімен тығыз іс-әрекетті  пысықтау.

Ақпан айында америкалықтар, норвегиялықтар, сондай-ақ голландиялықтар мен британдықтар – барлығы он мыңға жуық жауынгер Joint Viking 2021 ауқымды маневрлеріне қатысады. Натолықтар әскердің үлкен қашықтықтарда жылдам орын ауыстыруын пысықтап, барлық деңгейде ақпарат алмасу әдістерін игереді және бірнеше бірлескен операция жүргізеді.

JointViking оқу-жаттығулары жыл сайын өтеді. Броньды техника, артиллерия, авиация, кемелер және суасты қайықтары орманды немесе таулы алқапта бірнеше жүздеген шаршы километр аумақта жоғары қарқынды соғыс жағдайын қалыптастырады.

Әскери сарапшы Александр Жилин РИА Новостиге берген сұхбатында АҚШ-тың әскери доктринасына сәйкес, олардың армиясы ең алдымен шетелде соғысуға дағдыланатанын айтты.

"Сондықтан, мемлекеттің саясаты америкалық әскери күш басқа елдерде үнемі жауынгерлік операциялар, барлау, аэродромдарды айнала ұшу, теңіз жолдарын айналып өтуді пысықтау мүмкін болатындай етіп құрылды", - деп түсіндірді ол.

Сарапшының айтуынша, Пентагон жағдайды әдейі шиеленістіріп отыр. Себебі, АҚШ пен НАТО Арктикадан дәмелі.

"Теңіз жаяу әскерінің оқу-жаттығулары қорғану емес, шабуылдау сипатында өтеді, - деп сенім білдірді Жилин. – Соның ішінде, Ресейге қарсы әрекеттер пысықталады. НАТО-ның Еуропадағы маневрлеріне тұтастай сипаттама берер болсақ, онда олар Мәскеу үшін шиеленіс аймақтарын құру бойынша ұйымдастырылатыны анық. Біздің әскер алаңсыз отыра бермейді, әрине. Әсіресе, Норвегияда болып жатқан оқиғаларға қатысты әрекет ету керек. Ешқандай дегбірсіздік жоқ, бірақ біз кез келген арандатушылыққа жол бермей, жағдайды толығымен бақылауды ұстау керекпіз".

"Валдай" аналитикалық клубының сарапшысы Артем Куреев америкалықтардың Аляскада Арктикадағы әскери әрекеттерді пысықтауға арналған инфрақұрылымы бар екенін айтты. Бірақ АҚШ сонда да оқу-жаттығуда Норвегияда өткізуді ұйғарып отыр.

"Бұл НАТО көшбасшылары ретінде оларға қажет. Норвегия – альянстың ең "аға" мүшесі. Осло Ресейді ықтимал қарсылас деп санайды. Алда-жалда қақтығыс бола қалса, Солтүстік Норвегия НАТО-ның басты плацдармына айналады", - деп санайды Куреев.

Вашингтонның Арктикаға берік орын теуіп, ол жақтан басқа мемлекеттерді ығыстырғысы келген ниетіне Әскери-теңіз күші мен Теңіз жаяу әскері корпусының жаңа Арктикалық стратегиясы дәлел. Бұл құжатта "арктикалық өңірге америкалықтардың әскери-теңіз араласуы болмаса, әлемге төнген Ресей мен Қытай қаупі азаймайды" деп жазылған.

АҚШ Әскери-теңіз күштерінің хатшысы Кеннет Брейтуэйт атап өткендей, Ресей жағалауына жақын акваторияны патрульдеу және "Мәскеудің Қиыр Солтүстікке шабуыл жасауына" жол бермеу мақсатында Пентагон тұрақты түрде Арктикада әскери кемелер мен сүңгуір қайықтарды орналастырады.

Мойындау керек, АҚШ Солтүстікке нық орналасып алды. Норвегия бұл мәселеде басты рөл ойнап отыр. Қыркүйек айында норвегиялық Тромсе портына Seawolf субмариналары қоныс тебетіні туралы хабарланды. Бұл сүңгуір қайықтар ресейлік суасты қайықтарының бағыттарын бақылауда ұстауға негізделген.

Пентагон Арктикадағы әуе күштерін нығайтуға шындап кірісті. Өткен жылы америкалық және норвегиялық әскери-әуе күштерінің ауқымды оқу-жаттығулары өтті. Алты B-52 Stratofortress стратегиялық бомбалаушылары Солтүстік полюстің үстімен ұшып өтіп, Норвегия әскери-әуе күштерінің жойғыштарымен бірге жаттығу жасады.

0