Қазақстан президенті Қасым-Жомарт Тоқаев

Иран өз кінәсін мойындады: Тоқаев желіде жазба қалдырды

543
(Жаңартылды 10:44 12.01.2020)
Мемлекет басшысы бейбіт азаматтардың қауіпсіздігі үшін шиеленіске қатысушы барлық тарап ұстамдылық танытуы қажет деп санайды

НҰР-СҰЛТАН, 12 қаңтар – Sputnik. Қазақстан президенті Қасым-Жомарт Тоқаев Иранның әуе апаты үшін өз кінәсін мойындауы маңызды шешім екенін атап өтті.

"Иран билігінің бірқатар мемлекет азаматтарының өмірін қиған әуе апаты үшін өз кінәсін мойындауы маңызды шешім болды. Бейбіт азаматтарды да құрбан қылатын шиеленісті бәсеңдету үшін, қалыптасып отырған жағдайда барлық тараптар ұстамдылық танытуы керек", - деп жазды президент твиттерде.

Украиналық "Боинг" ұшағының апатқа ұшырауы

2 қаңтарда Бағдад әуежайына бірнеше зымыран соққысы жасалды. Шабуыл салдарынан Иран Ислам революциясы сақшылары корпусы "Кудс" арнайы бөлімшесінің басшысы, генерал Касем Сулеймани және Ирактың "Аль-Хашд аш-Шааби" шейіт жасағының бірқатар жоғары лауазымды мүшесі қаза тапты.

Шабуыл үшін жауапкершілікті АҚШ өзіне алды. Иран өз кезегінде генерал Сулеймани өлімі үшін АҚШ-тан кек қайтарамыз деп уәде берді.

Тағы оқыңыз: Қаза болған стюардессаның соңғы жазбасы: "Жұмыс, мен сені жақсы көремін"  

8 қаңтарда Ислам революциясы сақшылары корпусы Сулеймани өліміне жауап ретінде Ирак аумағында орналасқан Америка Құрама Штаттарының "Айн-аль-Асад" әуе базасы мен Эрбиль әуежайына зымыран соққысын жасады.

Дәл сол күні таңертең Тегеран әуежайынан ұшып шыққан украиналық Boeing 737-800 лайнері апатқа ұшырады. Ұшақ бортында болған 176 адам – 167 жолаушы мен 9 экипаж мүшесі қаза тапты. Экипаж мүшелерінің барлығы украиналықтар болған, ал жолаушылар арасында Иран, Украина, Канада, Германия, Швеция және Ауғанстан азаматтары болды.

Алғашқыда ұшақтың құлауына техникалық ақау себеп болды деген болжам айтылды.

Алайда 11 қаңтарда ресми Тегеран Украина ұшағын зымыранмен байқамай атып түсіргенін мойындады.

543
Кілт сөздер:
ұшақ апаты, Иран, Қасым-Жомарт Тоқаев
Тақырып бойынша
Ирандағы ұшақты зымыранмен атып түсірді: Иран Канаданың мәлімдемесіне жауап берді
Сулеймани өлімінен кейінгі АҚШ пен Иран текетіресі: кім мықты
БҰҰ жанындағы Иран өкілі: Сулеймани үшін кек алдық, әскери іс-қимыл тоқтайды
Саясаттанушы АҚШ-Иран қақтығысы жайлы: Трамп абырой-беделін көтеріп алды
Иран украиналық ұшақты байқаусызда атып түсіргенін мойындады
АҚШ пен Иран қақтығысы: Таяу Шығыстағы жағдай шиеленісуі мүмкін бе?
Асқар Мамин жаңа ұлттық экономика министрі Әсет Ерғалиевті таныстырды

Үкімет басшысы жаңа министрлердің алдына маңызды міндеттер қойды

47
Асқар Мамин тағайындалған министрлер әлеуметтік-экономикалық дамудың жаңа саясатын іске асыратынын атап өтті

НҰР-СҰЛТАН, 18 қаңтар — Sputnik. Премьер-министр Асқар Мамин ұлттық экономика, сондай-ақ еңбек және халықты әлеуметтік қорғау министрлерін таныстырды. 

Үкімет басшысы ұлттық экономика, сондай-ақ еңбек және халықты әлеуметтік қорғау министрліктерінің ұжымдарына жаңа тағайындалған министрлер – Әсет Ерғалиев пен Серік Шәпкеновті таныстырды.  

Мамин бұрынғы ұлттық экономика министрі Руслан Дәленовке, сондай-ақ бұрынғы еңбек және халықты әлеуметтік қорғау министрі Біржан Нұрымбетовке атқарған жұмысы үшін алғыс айтты.

Оқи отырыңыз: Тоқаев үкіметтің жаңа мүшелерін тағайындады 

Жаңа ұлттық экономика министрін таныстыра отырып, Асқар Мамин Әсет Ерғалиевтің жоғары кәсібилігі мен құзыреттілігін атап өтті. Түрлі жылдары ол Еуропа қайта құру және даму банкінде аймақтық бас сарапшы, премьер-министрдің кеңесшісі, ұлттық экономика вице-министрі, премьер-министр кеңсесі басшысының орынбасары  болып жұмыс істеді. Осы уақытқа дейін ұлттық экономика бірінші вице-министрі қызметін атқарды.

Жаңа еңбек және халықты әлеуметтік қорғау министрін таныстыра отырып, Асқар Мамин Серік Шәпкеновтің Батыс Қазақстан және Атырау облыстары әкімдерінің бірінші орынбасары ретіндегі үлкен тәжірибесін атап өтті. Осы уақытқа дейін Шәпкенов еңбек және халықты әлеуметтік қорғау вице-министрі қызметін атқарды.

"Мемлекет басшысы Қасым-Жомарт Кемелұлы Тоқаев еліміздің әлеуметтік-экономикалық дамуының жаңа саясатын іске асыру бойынша алдымызға маңызды міндеттер қойды. Олар экономикалық даму сапасын арттыруға, экономиканың өзіндік жеткіліктілігіне, салық саясатын жетілдіруге, инвестициялар тартуға және экспортты дамытуға бағытталған құрылымдық реформаларды жүргізуді қамтиды", — деді Мамин.

Сондай-ақ премьер-министр әлеуметтік саланы жаңғырту бойынша маңызды міндеттер іске асырылатынын атап өтті.

47
Тақырып бойынша
Еңбек және халықты әлеуметтік қорғау министрі туралы не білеміз
"Үкімет мұны түсінген жоқ": депутаттар Маминді қолдамады
Қазақстанның премьер-министрі тағайындалды
Мамин халық табысын қалай арттыруға болатынын айтты
Бірнеше депутат премьер-министр кандидатурасын қолдамады – Тоқаев не деді
Үкіметтің жаңа құрамы: ең жас министр
Серік Шәпкенов

Еңбек және халықты әлеуметтік қорғау министрі туралы не білеміз

48
(Жаңартылды 21:02 18.01.2021)
Серік Жамбылұлы 2020 жылдың маусым айынан бері еңбек және халықты әлеуметтік қорғау вице-министрі қызметін атқарып келген

НҰР-СҰЛТАН, 18 қаңтар – Sputnik. Президент жарлығымен Серік Шәпкенов еңбек және халықты әлеуметтік қорғау министрі қызметіне тағайындалды.

Экономист-математик

Серік Жамбылұлы 1979 жылы 29 шілдеде Батыс Қазақстан облысындағы Қаратөбе ауылында дүниеге келген. 2000 жылы Махамбет Өтемісов атындағы Батыс Қазақстан мемлекеттік университетін жоғарғы кәсіби білімді экономист-математик мамандығы бойынша тәмамдаған. Содан бастап өзі бітірген университетте оқытушылық қызметке кірісті. Ал бір жылдан кейін Батыс Қазақстан облыстық қоршаған ортаны қорғау қорының жетекші маманы болып жұмыс істеді.

2002 жылдың маусымынан бастап 2006 жылдың қаңтарына дейін – Батыс Қазақстан қаржы басқармасының жетекші маманы, бас маманы. Одан кейін БҚО экономика және бюджеттік жоспарлау департаменті шынайы секторды дамыту бөлімінің бастығы болды.

Ал 2006 жылдың наурызында БҚО ауыл шаруашылығы департаменті әкімшілік бөлімінің бастығы қызметіне тағайындалды.

2007 жылдың басында ауыл шаруашылығы департаменті директорының орынбасары, қазан айында облыстық экономика және бюджеттік жоспарлау департаменті бастығының орынбасары. 2009 жылы қыркүйек айында басқарма бастығына дейін көтерілді.

  • 2014 жылы – президент әкімшілігінің мемлекеттік бақылау және ұйымдастыру-аумақтық жұмыс бөлімінің мемлекеттік инспекторы;
  • 2016-2018 жылдары – Атырау қаласының әкімі;
  • 2018-2020 – Атырау облысы әкімінің орынбасары;
  • 2020 жылдың маусым айынан бері еңбек және халықты әлеуметтік қорғау вице-министрі қызметін атқарып келген.
48
Кілт сөздер:
үкімет мүшелері, үкімет
Тақырып бойынша
"Халыққа жеңілдік беруді сұраймыз": депутаттар үкімет басшысына сауал жолдады
Коронавирустың "қызыл зонасына" екі облыс кірді – үкімет басшысы тапсырма берді
Үкімет отставкаға кетуі керек – Тоқаев
Үкімет басына кім келеді – саясаттанушы үш адамның атын атады
"Үкімет мұны түсінген жоқ": депутаттар Маминді қолдамады
Архивтегі фото

Павлодар облысы әкімдігінде қайта ұйымдастыру жұмыстары жүргізілді

0
Мемлекеттік мекемелер құрамына жаңа қызметкерлер тартылмайды. Ведомстволардың штат саны қолда бар қызметкерлер есебінен қалыптасады

НҰР-СҰЛТАН, 18 қаңтар — Sputnik. Павлодар облысында екі басқарма біріктіріліп, жаңа басқармалар құрылды, деп хабарлады өңір әкімінің баспасөз қызметі.

Кәсіпкерлік және сауда басқармасы мен индустриялық-инновациялық даму басқармасы біріктірілді.

"Кәсіпкерлік және индустриялық-инновациялық даму басқармасы Павлодар облысының бизнес, өнеркәсіп және инновациялар мәселелеріне бақылау жасайды", - делінген хабарламада.

Өңірде цифрландыруды дамытумен айналысатын цифрлық технологиялар басқармасы жеке құрылымға шығарылды.

Ауыл шаруашылығы басқармасында да өзгеріс болды. Бұрын бұл ведомство ветеринарияға да жауапты болса, енді онымен ветеринария басқармасы айналысады. Сонымен қатар Павлодар облысында дін істері басқармасы қайта құрылды. 

Оқи отырыңыз: 2021 жылы Нұр-Сұлтанда не өзгереді 

Басқарма құрылымдары бекітілді. Ведомстволардың штат саны қолда бар қызметкерлер есебінен қалыптасады. Мемлекеттік мекемелер құрамына жаңа қызметкерлер тартылмайды.

0