Ақорда

Тоқаев: Коронавирус індеті адамзатқа төнген аса қауіпті қатер

344
Қазақстан президенті жаһандық пандемияның салдары жойылғаннан кейін Израильмен арадағы екіжақты байланыстардың толық қалпына келетініне сенім білдірді  

НҰР-СҰЛТАН, 3 сәуір – Sputnik. Израиль тарапының бастамасымен мемлекет басшысы Қасым-Жомарт Тоқаев Израиль мемлекетінің президенті Реувен Ривлинмен телефон арқылы сөйлесті.

Әңгімелесу барысында Израиль саясаткері коронавирус індетінің таралуына қарсы күресте Қазақстан халқы мен Үкіметіне қолдау көрсететінін айтты, деп хабарлайды Ақорданың баспасөз қызметі.

Оның айтуынша, Израиль Қазақстан президентінің COVID-19 вирусының одан әрі таралуына жол бермеу, шағын және орта бизнесті қолдау, сондай-ақ, халық алдындағы әлеуметтік міндеттемелерді орындау жөніндегі нақты іс-қимылдары мен шешімдерін мұқият бақылап отыр. Реувен Ривлиннің пікірінше, Қазақстан дағдарысқа қарсы барлық шараны дер кезінде қабылдады және оның бәрі пандемия жағдайында елдің қауіпсіздігін қамтамасыз етуге бағытталған.

Тоқаев тұрғындардың әнұранды балконда орындауы ненің көрінісі екенін айтты

Израиль президенті қазіргі уақытта бүкіл әлем миллиондаған адамның жаппай індет жұқтыруын болдырмау үшін қатаң қадамдарға барып, тіпті, оқшаулауға және төтенше жағдай жариялауға мәжбүр болып отырғанын айтты.

Қасым-Жомарт Тоқаев коронавирус індетінің Екінші дүниежүзілік соғыстан кейінгі адамзатқа төнген аса қауіпті қатер екенін атап өтті.

"Бүгінде бүкіл әлем пандемиямен оның салдарына тиісті жауап беру мақсатында күш біріктіріп, жұмылуы қажет. Осыған орай Қазақстан аталған қатерге қарсы тұру үшін өңірлік және халықаралық деңгейдегі ынтымақтастықты жалғастыруға ниетті", - деді мемлекет басшысы.

Реувен Ривлин екіжақты қарым-қатынастарды талқылай отырып, Қазақстанмен саяси, экономикалық және мәдени-гуманитарлық ынтымақтастықты одан әрі нығайтуға қызығушылық білдірді. Осыған байланысты ол Қазақстан президентін 2020 жылы күзде Израильге сапар жасауға шақырды.

Қазақстан президенті шақыруды ілтипатпен қабыл алды және жаһандық пандемияның салдарын жойғаннан кейін Израильмен арадағы екіжақты байланыстардың даму қарқыны толық қалпына келетініне сенім білдірді.

344
Кілт сөздер:
Қасым-Жомарт Тоқаев, Израиль
Тақырып бойынша
"Birgemiz" қоры қазақстандықтарға 50 мың теңгеден таратып береді
Министр зейнетақы қашан және қалай көтерілетінін айтты 
Тоқаев Намаевты қызметінен босатты
Тоқаев телеарналар арқылы мәлімдеме жасады – толық мәтін
"Басты тойларымыз әлі алда": Тоқаев қазақстандықтарға үндеу жасады
Тоқаев жарлығы: жиынға шақырылған әскери міндеттілерге қанша төленеді
Ақорда

Тоқаев Ердоғанға: бауырлас түрік халқына көмек көрсетуге дайынбыз

53
(Жаңартылды 19:43 31.07.2021)
Қазақстан президенті Режеп Ердоғанға елдегі табиғат апатына қарсы күресте сәттілік тіледі

НҰР-СҰЛТАН, 31 шілде – Sputnik. Қазақстан президенті Қасым-Жомарт Тоқаев Түркиядағы алапат өртке байланысты Режеп Тайип Ердоғанға жеделхатын жолдады. Бұл туралы мемлекет басшысының баспасөз хатшысы Берік Уәли хабарлады.

"Мемлекет басшысы Қасым-Жомарт Тоқаев Түркияда болған алапат өрт салдарынан елдің экономикасы мен туристік базасына орасан зор шығын келгеніне және азаматтардың денсаулығына ауыр зардабын тигізгеніне байланысты Түркия президенті Режеп Тайип Ердоғанға ниеттестік білдірген жеделхат жолдады", - деп жазды Уәли.

Қазақстан президенті өз жеделхатында бауырлас түрік халқына гуманитарлық көмек көрсетуге дайын екенін атап өтіп, президент Режеп Ердоғанға елдегі табиғат апатына қарсы күресте сәттілік тіледі.

Айта кетері, Түркияда соңғы бірнеше күнде орман өрті өршіп тұр. Кеше Адана (Пос ауданы), Анталья (Манавгат, Аксеки, Газипаша), Мугла (Мармарис, Кёйджегиз), Мерсин (Айдынджик, Силифке), Османие (Кадирли) аймақтарында он ошақ сөндіріліп жатқаны хабарланды. Өрт салдарынан алты адам қаза болды, 180-нен астамы зардам шекті. Курортта демалып жатқан туристер қауіпсіз аймаққа көшірілді. 

Оқи отырыңыз: Анталиядағы алапат өрт: демалыстағы қазақстандық видео жариялады

 

53
Кілт сөздер:
Қасым-Жомарт Тоқаев, Режеп Тайип Ердоған
Тоқаев Ақмола облысының жаңадан сайланған ауыл әкімдерімен кездесті

Тоқаев ауыл әкімдерін сайлау туралы: алғаш рет ашық әрі әділ өткізіліп отыр

50
(Жаңартылды 16:36 27.07.2021)
Тоқаев сайлаудың ауылдағы ағайынға өз әлеуетін толық пайдаланып, елді мекендерді дамыту үшін жаңа мүмкіндік беретінін атап өтті

АЛМАТЫ, 27 шілде – Sputnik. Мемлекет басшысы Қасым-Жомарт Тоқаев Ақмола облысының жаңадан сайланған ауыл әкімдерімен кездесті, деп хабарлады Ақорда.

Президент ауылдардың, аудандық маңызы бар қалалар мен ауылдық округтердің басшыларының тікелей сайлауы саяси жаңғырудың жаңа кезеңін білдіретін маңызды әрі тарихи оқиға екенін атап өтті.

"Шын мәнінде ел тарихында осындай сайлау алғаш рет ашық әрі әділ өткізіліп отыр. Халық тарапынан ешқандай шағым түспеді. Мұндай сайлау болған емес. Біз сайлауды біреуге ұнау үшін емес, азаматтардың тұрмыс сапасын жақсарту үшін өткіземіз", – деді Қасым-Жомарт Тоқаев.

Мемлекет басшысы бұл сайлаудың ауылдағы ағайынға өз әлеуетін толық пайдаланып, елді мекендерді дамыту үшін жаңа мүмкіндік беретініне тоқталды.

Президент әкімдердің сайлауалды жұмыстарына оң баға беріп, олардың қызметіне табыс тіледі.

Қасым-Жомарт Тоқаев олардың халық сенімін ақтау үшін қолдан келгеннің бәрін жасайтынына сенім білдірді.

Жиын соңында жаңадан сайланған әкімдер мемлекет басшысына өз бастамасын жүзеге асырғаны және еліміз бен ауыл игілігі жолында еңбек етуге мүмкіндік бергені үшін алғыс айтты.

Қазақстанда 25 шілдеде ауыл әкімдерін тікелей сайлау өткенін еске салып өтейік. 

50
Кілт сөздер:
Қасым-Жомарт Тоқаев, сайлау
солдат

Отставкадағы генерал-лейтенант Құрбан Қаражанов өмірден озды

0
Қорғаныс министрлігінің басшылығы мен қарулы күштердің жеке құрамы Құрбан Сәкенұлының мезгілсіз қайтыс болуына байланысты туыстарына көңіл айтты

НҰР-СҰЛТАН, 31 шілде – Sputnik. 64 жасына қараған шағында отставкадағы генерал-лейтенант Құрбан Қаражанов коронавирус инфекциясынан қайтыс болды, деп хабарлады қорғаныс министрлігі.

Генерал-лейтенант в отставке Курбан Каражанов
© Photo : министерство обороны Республики Казахстан
Құрбан Қаражанов

Құрбан Қаражановтың 31 шілдеде қайтыс болғаны хабарланды.

"Генерал-лейтенант Құрбан Қаражанов абыройлы, ерік-жігері мықты, нағыз патриот болатын. Ол ұдайы күрделі қызметтерді атқарды. Бүкіл ғұмырын елдің қорғаныс қабілетін нығайтуға арнады", - делінген хабарламада.

Генерал-лейтенант Құрбан Сәкенұлы Конев атындағы Алматы жоғары жалпы әскери командалық училищені бітірген. Әскери мансабын 1979 жылы мотоатқыштар взводының командирі қызметінен бастады.

Қазақстан армиясы құрылған сәттен бастап әр жылдары еліміздің қарулы күштерінде жауапты қызметтер атқарды. ІІ дәрежелі "Данқ" орденімен марапатталған.

Қазақстанның қорғаныс министрлігінің басшылығы мен қарулы күштерінің жеке құрамы Құрбан Сәкенұлының мезгілсіз қайтыс болуына байланысты туыстары мен жақындарына қайғырып көңіл айтады.

0