Иллюстративті фото

Қазақстанның төтенше жағдайлар вице-министрлері тағайындалды

46
Ибрагим Күлшімбаев, Мереке Пішембаев және Марат Күлдіков төтенше жағдайлар министрінің орынбасары болды

НҰР-СҰЛТАН, 13 қазан – Sputnik. Үкімет қаулысымен үш төтенше жағдайлар вице-министрі тағайындалды, деп хабарлады Қазақстан премьер-министрінің баспасөз қызметі. 

Бірінші вице-министр Ибрагим Күлшімбаев туралы не білеміз

1972 жылы Қарағанды облысында дүниеге келген. 1994 жылы Қарағанды политехникалық институтын, 2004 жылы Ресей ТЖМ Азаматтық қорғау академиясын тәмамдаған.

Еңбек жолын 1994 жылы Қарағанды облысындағы Нұра ауданының Амантау кеңшарында автопарк механигі болып бастаған.

1996-1999 жылдары — Қазақстан қорғаныс министрлігі 1-армия корпусы 78 танк дивизиясы 143 танк полкінің штаб бастығының орынбасары, танк взводының командирі.

2000-2004 жылдары — ҚР ТЖМ 52859 әскери бөлімі рота командирінің тәрбие және әлеуметтік-құқықтық жұмыстар жөніндегі орынбасары.

2004-2005 жылдары — Қарағанды облыстық төтенше жағдайлар басқармасы дайындық және оқыту орталығының бөлім басшысының орынбасары.

2005 жылдан бастап 2009 жылға дейін Қарағанды облысының төтенше жағдайлар департаментінің құрылымында жұмыс істеді.

2009-2013 жылдары табиғи және техногендік сипаттағы төтенше жағдайларды жою міндеттерін орындайтын ҚР ТЖМ 52859 әскери бөліміне басшылық етті.

2013-2016 жылдары — Астана қаласы төтенше жағдайлар департаменті басшысының орынбасары.

2016 жылдан бастап бүгінгі күнге дейін Қарағанды облысының төтенше жағдайлар департаментінің басшысы қызметін атқарды. 

Вице-министр Мереке Пішембаев туралы не білеміз

1962 жылы Павлодар облысында дүниеге келген. Өскемен жол-құрылыс институтын, Қазақ мемлекеттік басқару академиясы жанындағы Нарық институтын, РФ президенті жанындағы Ресей мемлекеттік қызмет академиясын тәмамдаған. Мамандығы — инженер-құрылысшы, экономист, менеджер.

Еңбек жолын 1985 жылы Павлодар облыстық автомобиль жолдары басқармасының Май аудандық автомобиль жолында аға жол шебері, бас инженер болып бастаған.

1986 жылдан бастап 1996 жылға дейін квазимемлекеттік секторда түрлі лауазымдарды атқарған.

1997 жылғы қыркүйектен 2000 жылдың ақпанына дейін көлік және коммуникациялар министрлігінде басшылық лауазымдарда еңбек еткен.

2000-2002 жылдары – Солтүстік Қазақстан мемлекеттік автомобиль жолдары мекемесінің директоры, Солтүстік Қазақстан облыстық автомобиль жолдары басқармасының басшысы.

2002-2013 жылдары — көлік және коммуникациялар министрлігінің автомобиль жолдары және инфрақұрылымдық кешен құрылысы комитетінің "Қазақавтожол" республикалық мемлекеттік кәсіпорнының бас директоры.

2013 жылдан бастап 2014 жылға дейін — көлік және коммуникациялар вице-министрі;

2014 жылғы тамыздан бастап 2019 жылғы наурызға дейін — инвестициялар және даму министрлігінің автомобиль жолдары комитетінің төрағасы.

2019 жылғы наурыздан бастап бүгінгі күнге дейін индустрия және инфрақұрылымдық даму министрлігінің жауапты хатшысы қызметін атқарды. 

Вице-министр Марат Күлдіков туралы не білеміз

1967 жылы Семей облысында туған. 1994 жылы ҚР ІІМ Алматы жоғары техникалық училищесін "өрттен қорғану техникасы және оны ұйымдастыру" мамандығы бойынша, 2000 жылы ҚР ТЖК Көкшетау техникалық институтын "өрт қауіпсіздігі" мамандығы бойынша  бітірген.

Еңбек жолын 1989 жылы Семей қаласын күзету жөніндегі ІІБ №79 әскерилендірілген өрт сөндіру бөліміне бағынысты өрт сөндіруші болып бастады.

1993-2008 жылдары Шығыс Қазақстан облысының мемлекеттік өртке қарсы қызмет органдарында орта және аға басшы құрамының түрлі лауазымдарын атқарды. 

2008-2012 жылдары – Шығыс Қазақстан облысының төтенше жағдайлар департаменті бастығының орынбасары – Семей қаласы төтенше жағдайлар басқармасының бастығы.

2012-2014 жылдары – Жамбыл облысы төтенше жағдайлар департаментінің бастығы.

2014-2016 жылдары – Батыс Қазақстан облысы төтенше жағдайлар департаментінің бастығы. 

2016-2019 жылдары – ҚР ІІМ төтенше жағдайлар комитеті төрағасының орынбасары.

2019 жылдан бүгінгі күнге дейін төтенше жағдайлар комитеті төрағасының бірінші орынбасары қызметін атқарды. 

Оқи отырыңыз: Марченко Еуразия даму банкі басқарма төрағасының кеңесшісі болды

46
Кілт сөздер:
тағайындау, вице-министр
Тақырып бойынша
Тоқаев стратегиялық жоспарлау және реформалар агенттігінің құрылымын бекітті
Әділ Ахметов басшылық қызметке тағайындалды
Мәжіліс депутатының өкілеттігі тоқтатылды
Тоқаев Мәдиев пен Өтеновті жаңа қызметке тағайындады
Тоқаев кадрлық ауыс-түйіс жасады
Қазақстан туы

Тоқаев 2021 жылда қандай мәселелерді шешуге басымдық берілетінін айтты

108
(Жаңартылды 20:43 22.10.2020)
Мерейтой саяси-экономикалық реформалар, цифрландыру, балалар мен мүгедектердің құқығын қорғау, экология мәселесін шешу аясында өтеді

НҰР-СҰЛТАН, 22 қазан – Sputnik. Президент Қасым-Жомарт Тоқаев 2021 жылды Тәуелсіздіктің 30 жылдығы жылы деп жариялады.

"Ұлттық қоғамдық сенім кеңесінің IV отырысында 2021 жылды Тәуелсіздіктің 30 жылдығы деп жариялау туралы шешімімді айттым. Бұл өткен жолымызды зерделеуге жақсы мүмкіндік", - деп жазды президент Twitter парақшасында.

Ол мерейтой саяси-экономикалық реформалар, цифрландыру, балалар мен мүгедектердің құқығын қорғау, экология мәселесін шешу аясында өтетінін хабарлады.

"Біз оқу сауаттылығы деңгейін арттыруға баса мән беруіміз қажет. Бұл бағытта жаңғыртуды және цифрландыруды қажет ететін кітапханалар маңызды рөл атқарады", - деді президент.

Бұған дейін мемлекет басшысы мерейтойды сан алуан салтанатты жиындармен атап өтетін уақыт емес екенін айтқан болатын. Бұл дата саяси және экономикалық реформалар, цифрландыру, адам құқықтарын қорғау, білім мен денсаулық саласын дамыту, экологияны қорғау сияқты шаралармен есте қалуы керек. Сондықтан біз қысқа уақыттың ішінде нақты нәтижеге жетуіміз керек, деді президент.

108
Кілт сөздер:
тәуелсіздік, Қасым-Жомарт Тоқаев
Тақырып бойынша
"Асыра сілтеу болмасын": Тоқаев ел үшін аса маңызды мәселе туралы айтты
"Сатылмайды": Тоқаев жұрттың көкейінде жүрген күдікті сейілтті
Жоғары кеңестің алғашқы отырысы: Тоқаев алты бағытты айқындады
Тәуелсіздігіміздің 30 жылдығын нақты істермен қарсы алуымыз керек – Тоқаев
Тоқаев шетелде жұмыс істейтін қазақстандықтар туралы айтты
Қасым-Жомарт Тоқаев пен Владимир Путин

Тоқаев пен Путин Көкшетауда кездеседі

403
(Жаңартылды 18:25 22.10.2020)
Қазақстан мен Ресей өңіраралық ынтымақтастық форумы қарашада Көкшетауда өтеді деп жоспарланып отыр

НҰР-СҰЛТАН, 22 қазан — Sputnik. Қазақстан мен Ресей президенттері қараша айында өңіраралық ынтымақтастық форумында кездеседі. Бұл туралы Sputnik Қазақстанға сыртқы істер министрлігі хабарлады.

"Қасым-Жомарт Тоқаев пен Владимир Путин Көкшетауда өтетін өңіраралық ынтымақтастық форумының жұмысына қатысады деп жоспарланып отыр", - деді сыртқы істер министрлігінде.

Бұған дейін он жетінші Қазақстан мен Ресей өңіраралық ынтымақтастық форумы Көкшетауда өтетіні хабарланған болатын. 2020 жылы форум экология мәселесіне арналады. Тақырыпты Қасым-Жомарт Тоқаев ұсынды.

Омбы сауда-өнеркәсіптік палатасының сайтында шара 12-13 қарашада өтетіні жазылған.

Алғашқы өңіраралық форум 2003 жылы Ресейдің Омбы қаласында өтті. Сол кезден бастап шекаралас өңірлерде кездесу дәстүрге айналды.

Ақмола облысы форумды өткізетін Ресеймен шекаралас емес алғашқы аймақ. 

403
Кілт сөздер:
Көкшетау, Владимир Путин, Қасым-Жомарт Тоқаев
Арал теңізінің маңындағы Ақкеспе ауылы

Одақ төрағасы ауыл мәселесімен айналысатын арнайы комитет құруды ұсынды

0
Дайрабаевтың айтуынша, ауылдардың қазіргі жағдайы жергілікті тұрғындармен бірлесіп кеңінен талқылауды талап етеді

АЛМАТЫ, 23 қазан – Sputnik. Қазақстан фермерлері одағы қауымдастығының төрағасы Жигули Дайрабаев қазіргі ауылдардағы басты мәселелерді санамалап берді, деп хабарлайды Sputnik Қазақстан тілшісі.

"Қазақстанда 230 мыңға жуық түрлі агроқұрылым бар. Оның басым көпшілігі – ұсақ шаруашылықтар. Республика бойынша өндірілетін өнімнің 85%-ін солар беріп отыр. Яғни, бүкіл елді астық өнімдерімен қамтамасыз етуде. Қазіргі кезде ауыл адамдары аса бай деңгейде өмір сүріп жатқан жоқ. Ауыл – қазақ елінің түп тамыры. Сол тамыр жойылса, бұл елдің әлсіреуі деген сөз. Бұл жай айтылып жатқан сөз емес, бұл – қазіргі ащы шындық", – деп бастады сөзін Дайрабаев.

Қауымдастық төрағасы ең алдымен ауыл жолдарын жөндеу қажет екенін айтты.

"Жол инфрақұрылымын дамытпаса, маңдай терін төгіп өндірген өнімді өткізуде фермер де, тұтынушы да зиян шегеді. Жолдардың жағдайын өз көзімен көру үшін атқарушы билік өкілдері сол жолдармен барлық бағытта автокөлікпен жүріп өткендері жөн. Жол мәселесін шешу үшін шұғыл шаралар қабылдау қажет. Тіпті "ауыл жолдары" деген нысаналы бағдарлама қабылдап, 3-5 жыл ішінде аймақтарды жолмен қамту қажет", – деді Дайрабаев.

Айтуынша, жол болмаған ауылдарда адам тұрақтамайды. Ауылдардың іші тура соғыстан кейінгідей жағдайда тұр. Бұл Солтүстік Қазақстан облысында қатты байқалады.

"Ауыл жағдайының нашарлауының тағы бір себебі – ауылдың инфрақұрылымдық әлеуметтік мәселелерімен тікелей айналысатын мемлекеттік органның болмауы. Кезінде ауыл шаруашылығы министрлігінде ауылдың әл-ауқаты, мәселелерімен айналысатын арнайы комитет болған. Меніңше, сол комитетті қайта құру қажет", – деді Жигули Дайрабаев.

Қазақстан фермерлері одағы қауымдастығы төрағасының айтуынша, ауылдағы қазіргі жағдайды жергілікті тұрғындармен бірлесіп кеңінен талқылауды талап етеді.

"Көп жағдайда ауылдың тағдырына қатысты маңызды шешімдер министрліктердің кабинетінде қабылданады. Айта берсек ауылда мәселе жеткілікті. Шаруа субсидия, кредит бер деп үкіметтің артынан емес, үкімет соның бәрін ұсынып шаруаның артынан жүруі керек. Себебі өнімді беретін, елді асырайтын – шаруалар. Ауыл шаруашылығы дамыған елдің бәрінде осылай", – деді Дайрабаев.

Оқи отырыңыз: Жапырақ үстіне төселген жол: тұрғындар шағымынан соң құрылыс алаңына әкім шұғыл жетті

Сонымен қатар Қазақстан фермерлері одағы қауымдастығы төрағасының айтуынша, бүгінде елімізде агроном, мал дәрігері секілді ауыл шаруашылығымен айналысатын мамандар тапшы.

0
Кілт сөздер:
әлеуметтік сала, ауыл
Тақырып бойынша
"Өліп жатсаң да келмейді": Алматы облысында ауыл тұрғындары митингіге шықты
Балалардың ерекше құттықтауынан кейін ауыл жолы жөнделетін болды
Қазақстанда бес жыл ішінде 3500 ауыл жаңғыртылады
Ауыл шаруашылығы министрлігі өлген құстарға өтемақы төлеу тәртібін түсіндірді
"Нұр-Сұлтан – Щучинск" ақылы жол уческесінде көпір қирағалы тұр – видео