Қарабақтағы қарулы қақтығыс

Әзербайжан мен Армения басшысы Қарабақтағы жағдайға байланысты Sputnik-ке сұқбат берді

69
(Жаңартылды 10:39 16.10.2020)
Ильхам Әлиев пен Никол Пашинян келіссөз кезінде қандай шарттарды қабылдамайтынын және Қарабақтағы қақтығысты шешу үшін қандай әрекетке бармайтынын айтты

АЛМАТЫ, 16 қазан – Sputnik. Әзербайжан президенті мен Арменияның премьер-министрі өз елі үшін нені "қызыл сызық" деп санайтынын айтты.

Баку Қарабақтың тәуелсіздік алуына келіспейді

"Қызыл сызыққа" келер болсақ, біз бұл туралы бұған дейін де нақты жауап бердік. Мұны Минск тобы да жақсы біледі. Әзербайжанның аумақтық тұтастығы ешқандай жағдайда бұзылмайды, Әзербайжан Таулы Қарабақтың тәуелсіздік алуына ешқандай жағдайда келісім бермейді", - деді Ильхам Әлиев "Россия сегодня" ХАА бас директоры Дмитрий Киселевке арнайы Sputnik үшін берген сұқбатында.

Қарабақ өз тағдырын өзі шешу керек – Пашинян

Сұқбат кезінде Никол Пашинян Ереван үшін "қызыл сызық" Таулы Қарабақтың өз тағдырын өзі шешу құқығы екенін атап өтті.

"Осындай шекара бар, бұл шекара – Таулы Қарабақ халқының таңдау құқығы. Армения әрдайым осындай ымыраға келуге дайын болды",- деді Пашинян екі ел басшысының бір мезетте Sputnik-ке берген сұқбатында.

Пашинян Армения нақты ымыраға келуге дайын болған кездегі Қазан бастамасы жайлы да айтты. Алайда Әзербайжан ол келісімге қол қоюдан бас тартты, өйткені Әзербайжан Таулы Қарабақ халқының шешім қабылдау құқығы бар екенін қабылдағысы келмеді және әлі де қабылдай алмай келеді, деді ол.

"Таулы Қарабақ өзі үшін шешім қабылдай алады, бұл біз үшін – "қызыл сызық", біз оны аттап кете алмаймыз", - деп түйіндеді Пашинян.

Қарабақтағы жағдайдың ушығуы

27 қыркүйекте Әзербайжан қорғаныс министрлігі Армения Қарулы күштерінің Қарабақ маңындағы елді мекендерге оқ жаудырғанын мәлімдеді. Құрбан болғандар бар. Ал Армения қорғаныс министрлігінің мәлімдемесіне сәйкес, Қарабақ Әзербайжан тарапынан "әуе және зымыран шабуылына" ұшырады.

Ал мойындалмаған Таулы Қарабақ республикасының басшысы Араик Арутюнян ел ішінде соғыс жағдайын енгізді. Арменияда да әскери жағдай енгізіліп, жалпы жұмылдыру жарияланды.

Қарабақтағы қақтығыс тарихы

Қарабақтағы қақтығыс 1988 жылы ақпанда басталды. Ол кезде Таулы Қарабақ автономиялық облысы кеңестік Әзербайжан құрамынан шыққанын жариялады. 1992-1994 жылдардағы қарулы қақтығыс кезінде Баку Таулы Қарабақ пен оған іргелес жатқан жеті ауданды бақылауды уысынан шығарып алды.

1992 жылдан бастап ЕҚЫҰ-ның Минск тобы шеңберінде Ресей, АҚШ және Франция төрағалығымен жанжалды бейбіт шешу бойынша келіссөздер жүргізіліп келеді.

69
Мишустин мен Мамин

Мишустин Маминді құттықтады

10
Тараптар телефон арқылы екі елдің сауда-экономикалық байланысын дамыту мәселесін талқылағаны хабарланды

НҰР-СҰЛТАН, 23 қазан — Sputnik. Жұма күні Қазақстан премьер-министрі Асқар Мамин мен Ресейдің үкімет басшысы Михаил Мишустин телефон арқылы сөйлесті.

"Михаил Мишустин Асқар Маминді 55 жасқа толуымен құттықтады. Денсаулық пен береке мен жаңа жетістіктер тіледі", - деп хабарлады Ресей үкіметінің баспасөз қызметі.

Екі елдің премьерлері сауда-экономикалық байланыс мен Еуразиялық экономикалық одақ аясындағы бірлескен жұмысты талқылады. 

Сондай-ақ, үкімет желісі бойынша алдағы келісімшарттар сөз болды.

Асқар Мамин 1965 жылы Целиноградта дүниеге келді. Целиноград инженерлік-құрылыс институтын, инженер-құрылысшы, экономист мамандығы бойынша Г. В. Плеханов атындағы Ресей экономикалық академиясын тәмамдаған. 2019 жылдың 25 ақпанында Қазақстанның премьер-министрі қызметіне тағайындалды.

10
Ақорда ғимараты

Тоқаев Гүлшара Әбдіқалықованы қабылдады

32
Президент өңірдегі эпидемиологиялық ахуалды қатаң бақылауда ұстауды тапсырды. Қайта өңдеу өнеркәсібіндегі өсім көрсеткішін жақсарту, шағын және орта бизнеске қолдау көрсетуге қатысты бірқатар тапсырма берді

АЛМАТЫ, 23 қазан – Sputnik. Мемлекет басшысы Қызылорда облысының әкімі Гүлшара Әбдіқалықованы қабылдады, деп хабарлайды Ақорда.

Президентке биыл 9 ай ішіндегі Қызылорда облысының әлеуметтік-экономикалық дамуының негізгі көрсеткіштері туралы есеп берілді.

Әбдіқалықова Қызылорда облысының 2023 жылға дейінгі экономикалық даму жоспарының әзірленуі туралы айтты. Экономиканың түрлі салалары бойынша құны 271 миллиард теңге болатын 265 жобаны жүзеге асыру және 4 610 тұрақты жұмыс орнын ашу қарастырылуда. Облыс әкімінің айтуынша, биыл жалпы құны 26 миллиард теңге болатын 110 жоба іске асырыла бастаған. Бұл бастамалар аясында 2000 жұмыс орны ашылады.

Сондай-ақ, президентке 15,5 мың гектар жерге егілген дәнді және майлы дақылдарды жинау науқанының аяқталғаны жөнінде ақпарат берілді. 551,3 мың тонна күріш жиналып, жақсы көрсеткішке қол жеткізілген.

Касым-Жомарт Токаев принял акима Кызылординской области Гульшару Абдыкаликову
Президентке биыл 9 ай ішіндегі Қызылорда облысының әлеуметтік-экономикалық дамуының негізгі көрсеткіштері туралы есеп берілді

Облыс әкімі мемлекет басшысына жұмыспен қамтудың жол картасының іске асырылу барысы туралы айтты. Бұл бағдарлама аясында инфрақұрылымдық жобаларды жүзеге асыру үшін 38 миллиард теңге тартылып, 9 мыңнан астам жұмыс орны ашылған.

Өңірде коронавируспен күреске қарсы қабылданған шаралар сөз болды. Өңір әкімінің айтуынша, қазіргі таңда барлық медициналық ұйымдар штаттық режимде жұмыс істеп жатыр. Қажет болған жағдайда 21 жұқпалы аурулар стационарында қосымша 3200-ге дейін төсек орын дайындауға мүмкіндік бар. Аймақ қажетті дәрі-дәрмектермен және қорғаныш құралдарымен толық қамтамасыз етілген. Гүлшара Әбдіқалықова президентке 200 орындық модульді жұқпалы аурулар ауруханасының құрылысы басталғанын жеткізді. Нысан осы жылдың 1 желтоқсанына дейін іске қосылады деп жоспарланып отыр.

Кездесу соңында Тоқаев Қызылорда облысының әкіміне қайта өңдеу өнеркәсібіндегі өсім көрсеткішін жақсарту, шағын және орта бизнеске қолдау көрсету, экономикалық жобаларды әртараптандыру қажеттігіне қатысты бірқатар тапсырма берді. Сондай-ақ президент өңірдегі эпидемиологиялық ахуалды қатаң бақылауда ұстауды тапсырды.  

32
Кілт сөздер:
Гүлшара Әбдіқалықова, Қасым-Жомарт Тоқаев
Тақырып бойынша
"Ханның қызысыз ба?": Әбдіқалықова желіде тараған видеоға түсініктеме берді  
"Көзіме жас келді": Әбдіқалықова Назарбаевтың кетуін қалай қабылдағанын айтты
Назарбаев Тоқаев неге президент болғанын айтып берді
"Бізге қысым көрсетеді": қоғам белсендісі Тоқаевтың алдында шындықты жайып салды
Тоқаевтың тапсырмасы: мемлекеттік қызметшілердің жалақысы қаншаға өседі