Нұрлан Ермекбаев пен Сергей Шойгу

Шойгу екі ел арасындағы әскери ынтымақтастықты жоғары бағалады

34
Ресейдің қорғаныс министрі Қазақстанды Ресейдің негізгі стратегиялық одақтасы және жақын серіктесі деп атады

АЛМАТЫ, 16 қазан – Sputnik. Ресейдің қорғаныс министрі Сергей Шойгу Нұр-Сұлтанға сапары кезінде Қазақстанмен арадағы әскери ынтымақтастық жоғары деңгейге көтерілгенін мәлімдеді.

Бұған дейін Ресей министрінің Қазақстанға сапары кезінде бірқатар құжатқа қол қою жоспарланып отырғаны хабарланды. Олардың ең бастысы – әскери ынтымақтастық туралы мемлекетаралық шарт.

"Оның ережелері қазіргі замандағы жағдайға және қауіпсіздік саласындағы ықпалдастықтың қол жеткен деңгейіне толық сәйкес келеді. Қазақстан – Ресеймен кең ауқымды әскери ынтымақтастық пен терең әрі жан-жақты келісімді жүзеге асырып жатқан аз елдің бірі", - деді Шойгу әріптесі Нұрлан Ермекбаевқа.

Ресейдің қорғаныс министрі Қазақстанды пандемияға қарамастан әскери ынтымақтастық дамып келе жатқан Ресейдің "негізгі стратегиялық одақтасы" және "жақын серіктесі" деп атады, деп хабарлайды РИА Новости.

"Жедел және жауынгерлік даярлықтың бірлескен іс-шараларына, оның ішінде ҰҚШҰ, ТМД және ШЫҰ-ның көпжақты форматы шеңберіндегі іс-шараларға, сондай-ақ әуе шабуылына қарсы қорғанудың бірыңғай өңірлік жүйесін дамытуға назар аударамыз", - деп атап өтті Шойгу.

Оның айтуынша, Қазақстанда Ресей қорғаныс министрлігінің сынақ полигондары жұмыс істейді, жеңілдетілген тәртіппен ресейлік әскери жүктердің транзиті мәселесі шешіліп жатыр.

Қазақстан АрМИ-2021 ұйымдастырушысы болуға дайын

"Біз екіжақты форматтағы іс-шараларға ғана емес, ҰҚШҰ, ШЫҰ, ТМД-дағы көпжақты ынтымақтастық шеңберіндегі шараларға да белсенді қатысамыз. Қорғаныс ведомстволары басшыларының орынбасарлары деңгейінде құрылған қорғаныс консультациялары институты қол жеткен уағдаластықтарды іске асыруда басымдықтарды түзетуге және айқындауға мүмкіндік беретін тетік болып табылады", - деп атап өтті өз кезегінде Қазақстанның Қорғаныс министрі Нұрлан Ермекбаев.

Қазақстан мен Ресей өңірлік қорғаныс мүддесін стратегиялық әріптестіктің маңызды құрамдас бөлігі ретінде қарастыра отырып, қорғаныс және әскери-техникалық салаларда байланысын тұрақты түрде жетілдіріп отырады. Екі жақты ынтымақтастықтың негізгі элементі – әскери дайындық, әскери-техникалық ынтымақтастық және кадр даярлау мәселесі, деп атап өтті Қазақстанның қорғаныс ведомствосы.

Встреча министров обороны Казахстана Нурлана Ермекбаева  и России Сергеем Шойгу
© Photo : Пресс-центр министерства обороны Казахстана
Қазақстанның қорғаныс министрі Нұрлан Ермекбаевтың ресейлік әріптесі Сергей Шойгумен ресми сапары аясында кездесті

Биыл санитарлық-эпидемиологиялық жағдайға байланысты қазақстандық әскери қызметшілер "АрМИ-2020" байқауына толыққанды қатыса алмады. Дей тұрғанмен ведомство қазақстандық тараптың халықаралық армия ойындарына одан әрі қатысуға мүдделі екенін, сондай-ақ 2021 жылы оны ұйымдастыруға дайын екенін атап өтті.

Қазақстан мен Ресей арасындағы әскери-техникалық ынтымақтастықтың жоғары деңгейі қару-жарақ пен әскери техниканы жеткізу бойынша бірлескен жобаларды толық көлемде іске асыруға мүмкіндік беретіні айтылды.

Әскери ынтымақтастық туралы жаңа шарт

Кездесу барысында Қазақстан мен Ресей қорғаныс министрлері екі ел арасындағы әскери ынтымақтастық туралы жаңартылған шартқа қол қойды.

Қазақстан қорғаныс министрлігінің баспасөз қызметі жаңартылған келісімге сәйкес, әскери ынтымақтастық кең ауқымда жүзеге асырылады. Сондай-ақ, әскери білім беру мен кадрларды даярлауды, қару-жарақ пен техниканы жеткізуді, бірлескен екіжақты және көпжақты оқу-жаттығуларға, әскерлердің жауынгерлік даярлық іс-шараларына қатысуды қамтиды.

Жаңартылған шарт бітімгершілік қызметті, халықаралық ұйымдар шеңберіндегі өзара іс-қимылды, өңірлік қауіпсіздіктің, мәдениет пен спорттың сын-тегеуріндері мен қатерлеріне қарсы іс-қимылды қамтитын өзара іс-қимылдың жаңа бағыттары мен нысандарымен де толықтырылды.

Шарт ережелерін дамыту үшін әскери салада үш жылға арналған стратегиялық әріптестік бағдарламасы әзірленіп жатыр. Ол әріптес мемлекеттер бірлесе атқаратын бағдарларды айқындайды және бірлескен іс-шаралардың жыл сайынғы жоспарларын дайындауға негіз болады.

Қандай құжаттарға қол қойылды

Келіссөздер қорытындысы бойынша 2 екіжақты құжатқа қол қойылды: Қазақстан Республикасының қорғаныс министрлігі мен Ресей Федерациясының қорғаныс министрлігі арасындағы тамақтандыруды ұйымдастыру кезіндегі өзара есеп айырысу тәртібі туралы келісім және Қазақстан мен Ресей қорғаныс министрліктері арасындағы 2021 жылға арналған екі жақты әскери ынтымақтастық жоспары.

 

34
парламент палаталарының бірлескен отырысы

Қазақстанда қандай партиялар тіркелген?

57
Қазақстанда парламенттік сайлау 2021 жылдың қаңтарында өтеді, оған алты саяси партия қатыса алады

НҰР-СҰЛТАН, 21 қазан - Sputnik. Бизнес-сәйкестендіру нөмірлерінің ұлттық тізіліміне сәйкес, 2020 жылдың қазан айындағы жағдай бойынша Қазақстанда алты саяси партия тіркелген. Бұл туралы Sputnik Қазақстанға әділет министрлігі хабарлады.

Саяси партиялардың тізімі

  • Nur Otan партиясы
  • Қазақстанның "Ақ жол" демократиялық партиясы
  • Қазақстан халықтық коммунистік партиясы
  • "Ауыл" ұлттық-демократиялық партиясы
  • "Бiрлік" саяси партиясы
  • Жалпыұлттық социал-демократиялық партия (ЖСДП)

Қазіргі таңда Қазақстан парламентінде саяси партиялардың үш фракциясы бар: "Нұр Отан", "Халықтық коммунистер" және "Ақ жол".

2021 жылы мәжіліс сайлауы өтеді

Қазақстан президенті Қасым-Жомарт Тоқаев өз жарлығымен парламент мәжілісі депутаттарының сайлауын 2021 жылдың 10 қаңтарына белгіледі.

Қазақстанда парламент екі палаталы, ол мәжілістен - төменгі палатадан және сенаттан - жоғарғы палатадан тұрады.

Мәжіліс сайлауының тарихы
© Sputnik /
Мәжіліс сайлауының тарихы
57
Кілт сөздер:
Мәжіліс, партия
Тақырып:
Мәжіліс сайлауы
Нұрлан Нығматулин

"Өте маңызды қадам": Нығматулин алдағы мәжіліс сайлауы туралы айтты

62
(Жаңартылды 11:47 21.10.2020)
Парламент сайлауы барлық саяси партияның өз бағдарламаларын таныстыруға және халықтың сеніміне ие болуға үлкен мүмкіндік береді, дейді мәжіліс төрағасы

НҰР-СҰЛТАН, 21 қазан – Sputnik. Парламент мәжілісінің төрағасы Нұрлан Нығматулин депутаттар сайлауына қатысты пікір білдірді, деп хабарлайды Sputnik Қазақстан тілшісі.

"Бүгін мемлекет басшысы Қасым-Жомарт Кемелұлы Тоқаев кезекті парламент сайлауын өткізу туралы жарлыққа қол қойды. Әрине, парламент сайлауы еліміз үшін, соның ішінде халқымыз үшін өте маңызды қадам. Себебі парламент сайлауы барлық саяси партияның өз бағдарламаларын таныстыруға және халықтың сеніміне ие болуға үлкен мүмкіндік береді", - деді Нығматулин мәжілістің жалпы отырысында.

Осы орайда мәжіліс спикері алдағы сайлау демократияның нығайтуға, қоғамдық ынтымақтастықты күшейтуге және еліміздің дамуына жаңа серпін беретініне сенім білдірді.

"Партиялар бәсекелестік күресте халық сенімінің мандатын ала алады. Тәуелсіздік жылдарында болған парламент сайлауы болсын, президент сайлауы болсын, қазақстандықтар үнемі жоғары саяси мәдениетті көрсетіп келеді. Алдағы сайлау да қоғамдық диалогқа, әріптестікке және еліміздегі көппартиялы демократияның дамуына жағдай жасайды деп білемін", - деп атап көрсетті Нығматулин.

Айта кетсек, парламенттің төменгі палатасының кезекті сайлауын өткізу күнін Қазақстан президенті Қасым-Жомарт Тоқаев өз жарлығымен бекітті.

Сонымен, мәжілісі сайлауы 2021 жылдың 10 қаңтарында өтеді. Қазақстан халқы Ассамблеясынан парламентке өтетін депутаттардың сайлауы 11 қаңтарға белгіленді. 

62
Кілт сөздер:
Мәжіліс, сайлау, Нұрлан Нығматулин
Тақырып:
Мәжіліс сайлауы
Ақша, теңге

Мәжіліс пен мәслихат сайлауына жұмсалатын қаржы көлемі жарияланды 

5
(Жаңартылды 16:21 21.10.2020)
Халық санының өсуіне байланысты сайлауға кететін шығындардың көлемі артып отыр. Биыл қараша айында кандидаттарды ұсыну мен партиялық тізімдерді тіркеу шаралары атқарылады

НҰР-СҰЛТАН, 21 қазан – Sputnik. Орталық сайлау комиссиясы мәжіліс пен мәслихаттар сайлауына жұмсалатын қаржының көлемін жариялады, деп хабарлайды Sputnik Қазақстан тілшісі.

Комиссия мүшесі Сәбилә Мұстафинаның айтуынша, халық санының өсуіне байланысты сайлауға кететін шығындардың көлемі артып отыр. Биыл қараша айында кандидаттарды ұсыну мен партиялық тізімдерді тіркеу шаралары атқарылады. Желтоқсанда үгіт-насихит басталады. Ал келесі жылы 10 қаңтарда сайлау өтеді. Сондықтан шығындардың басым бөлігі осы жылға жоспарланған. 

"2020 жылға үкіметке ұсынылған шығындардың сметасы 10,8 миллиард теңгені құрайды. Осы қаржының басым бөлігі  10 061 сайлау комиссиясында жұмыс істейтін 70 681 адамның еңбекақысына жұмсалады. Ол, шамамен, 7,3 миллиард теңге, яғни, жалпы шығындардың 68 проценті", - деді Мұстафина ОСК-ның бүгінгі отырысында. 

Оның айтуынша, қалған 3,5 миллиард теңге (32% ) бюллетеньдерді шығаруға, полиграфиялық қызметтерге, ақпараттық жұмысқа және сайлау комиссияларының ұйымдастырушылық шараларына жұмсалады. Карантиндік ережелер де сақталады. Сондықтан комиссия мүшелеріне жеке қорғаныс құралдары таратылады. Оған 341,4 миллион теңге бөлінеді. 

"Ал келесі жылдың шығындары 2021-2023 жылдарға арналған республикалық бюджет туралы заңда қарастырылған. Оның көлемі - 4,5 миллиард теңге. Осы қаржының барлығы дерлік сайлау комиссияларының мүшелері алатын жалақыға жұмсалады. Осылайша, жалпы парламент мәжілісі мен мәслихаттардың сайлау науқанына кететін шығындардың жобалық сметасы 15,3 миллиард теңгені құрайды", - деп атап көрсетті Мұстафина.

5
Кілт сөздер:
қаржыландыру, сайлау, Мәжіліс
Тақырып:
Мәжіліс сайлауы
Тақырып бойынша
Мәжіліс депутаты қайтыс болды
Мәжіліс сайлауының тарихы
"Өте маңызды қадам": Нығматулин алдағы мәжіліс сайлауы туралы айтты
Мәжіліс сайлауы: кім дауыс бере алады
Мәжіліс сайлауы қалай өтеді – орталық комиссия тәртібін жариялады