Нұрсұлтан Назарбаев

Назарбаев Абу-Дабидің тақ мұрагерімен телефон арқылы сөйлесті

1468
Әңгіме барысында қалалық және туристік инфрақұрылымның ауқымды құрылысы жүріп жатқан Түркістанды қайта түлету мәселесі де сөз болды

НҰР-СҰЛТАН, 18 қазан – Sputnik. Елбасы Нұрсұлтан Назарбаев Абу-Дабидің тақ мұрагері, Біріккен Араб Әмірліктерінің Қарулы күштері Жоғарғы Бас қолбасшысының орынбасары шейх Мұхаммед бен Заид Әл Наһаянмен телефон арқылы сөйлесті, деп хабарлады Қазақстанның тұңғыш президентінің баспасөз қызметі. 

Әңгіме барысында Елбасы мен Абу-Дабидің тақ мұрагері Қазақстан Республикасы мен Біріккен Араб Әмірліктері арасындағы дәстүрлі достық қарым-қатынастардың қарқынды дамып келе жатқанын ерекше атап өтті.

Осы орайда Нұрсұлтан Назарбаев пен шейх Мұхаммед бен Заид Әл Наһаян жуырда Қазақстан премьер-министрі Асқар Маминнің Абу-Даби қаласына жасаған жұмыс сапарының нәтижелеріне назар аударды.

Оқи отырыңыз: 100 мың отбасыға 50 мың теңгеден беріледі – Назарбаев тапсырма берді

Сапар аясында Қазақстанда өнеркәсіп, ауыл шаруашылығы, энергетика, мұнай химиясы және фармацевтика сияқты салаларда жаңа инвестициялық жобаларды іске асыру туралы үкіметаралық құжатқа қол қойылған болатын.

Сондай-ақ тараптар қазіргі уақытта қалалық және туристік инфрақұрылымның ауқымды құрылысы жүріп жатқан Түркістанды қайта түлету тақырыбына тоқталды.

Соңында Елбасы мен Абу-Дабидің тақ мұрагері бауырлас екі мемлекет арасындағы ынтымақтастықтың одан әрі тереңдейтініне және кеңейе түсетініне сенім білдірді.

 

1468
Кілт сөздер:
Назарбаев, Елбасы
Садыр Жапаров

Қырғызстан президентінің міндетін атқарушы Жапаров отставкаға кететін болды

1387
Саясаткер президент сайлауына қатысу үшін отставкаға кетпекші. Егер сайлауда жеңілсе, қатардағы азамат болып қала беретінін айтты

НҰР-СҰЛТАН, 26 қазан – Sputnik. Сооронбай Жээнбековтің отставкасынан кейін Қырғызстан президентінің міндетін атқарып жүрген премьер-министр Садыр Жапаров отставкаға кететінін мәлімдеді, деп хабарлайды Sputnik Қырғызстан.

"Мен ел қатарлы сайлауға түсемін. Егер жеңсем, президент боламын. Жеңілсем, сіздердің араларыңызда қатардағы азамат болып жүре беремін", - деді Жапаров Нарын облысы халқының алдында сөз сөйлегенде.

Сооронбай Жээнбековтің отставкасынан кейін өткелі жатқан мерзімінен бұрын президент сайлауы 2021 жылдың 10 қаңтарына белгіленді. Конституция бойынша президенттің міндетін атқарушы мемлекет басшысы қызметіне өз кандидатурасын ұсына алмайды.

Бұған дейін Жапаров егер мүмкіндік жасалса, сайлауға қатысатынын айтқан еді. Алайда қырғызстандықтар саясаткер үшін Конституцияны қайта қарауға дайын емес.

Жапаров кім

Садыр Жапаров 1968 жылы 6 желтоқсанда Қырғызстанның Ыстықкөл облысы Кен-Суу ауылында дүниеге келді. Үйленген. Төрт баланың әкесі.

Еңбек жолын Қырғызстанның Шу ауданы "Санташ" ұжымшарында қарапайым жұмысшы болып бастады.

2005 жылға дейін бірқатар кәсіпорынды басқарды. Саяси мансабын 2005 жылы Қызғалдақ төңкерісінен кейін бастады. 2005-2007 және 2010-2013 жылдары Жогорку Кенеш депутаты болып сайланды.

Тағы оқыңыз: Қырғызстан премьері президент міндетін атқаратын болды

2007-2009 жылдар аралығында Қырғызстанның экс-президенті Құрманбек Бәкиевтің кеңесшісі, сыбайлас жемқорлықтың алдын алу жөніндегі ұлттық агенттіктің комиссары болды. 2009-2010 жылдары Қырғызстан мемлекеттік кадр қызметі жанындағы сыбайлас жемқорлықтың алдын алу агенттігін басқарды.

2012 жылдың күзінде Жапаров "Құмторды" мемлекет меншігіне алуды талап еткен азаматтармен бірге митингке шығып, Ақ үйді басып алмақ болды.

2013 жылдың наурызында сот оны кінәлі деп тауып, 1,5 жылға бас бостандығынан айырды. Алайда маусымның ортасында саясаткер ақталып, сот залынан босап шықты.

2013 жылы маусымның соңында Қаракөлде "Құмторға" қарсы митинг өтіп, наразылық білдіргендер облыс губернаторы Эмилбек Каптагаевты кепілге алмақ болды. Үкімет бұған Садыр Жапаров пен Кубанычбек Кадыровты айыптады.

Наразылық лидерлері ұсталды, бірақ Садыр Жапаров еш қатысы жоқ екенін айтып, елден кетті. Саясаткер 2017 жылға дейін Кипрде тұрды.

2017 жылы 25 наурызда елге оралмақ болғанда қырғыз-қазақ шекарасында ұсталды.

Осыдан кейін сот Жогорку Кенештің бұрынғы депутаты Садыр Жапаровты облыс губернаторын кепілге алғаны үшін 11 жыл 6 айға бас бостандығынан айырды.

2020 жылы 5-нен 6 қазанға қараған түні Жапаровты жақтастары түрмеден босатып алды.

1387
Кілт сөздер:
президент сайлауы, премьер-министр, Қырғызстан
Тақырып бойынша
Қырғызстанда президент сайлауы қашан өтетіні белгілі болды
Қырғызстандағы дүрбелең басталған бір аптада қандай оқиғалар болды?
Қазақстан сыртқы істер министрі Қырғызстандағы жағдайға қатысты мәлімдеме жасады
Қырғызстанда арнайы қызметтер жаңа басшыға бағынбай, ғимараттан шығарып жіберді
Түркияның қорғаныс министрі Қазақстанға келді

Түркияның қорғаныс министрі Қазақстанға келді 

1483
(Жаңартылды 12:19 26.10.2020)
Күн тәртібінде әскери және әскери-техникалық ынтымақтастық, соның ішінде әскери кадрларды даярлау және әскери білім беру, әскери дайындық, сондай-ақ, оқу-жаттығуларға қатысу шаралары бар

НҰР-СҰЛТАН, 26 қазан – Sputnik. Қазақстанға ресми сапармен Түркияның қорғаныс министрі Хулуси Акар келді. ҚР Қорғаныс министрі Нұрлан Ермекбаевпен өтетін кездесу кезінде аймақтық қауіпсіздік мәселелері де талқыланады, деп хабарлайды Sputnik Қазақстан тілшісі.  

Бұдан бөлек, күн тәртібінде әскери және әскери-техникалық ынтымақтастық, соның ішінде әскери кадрларды даярлау және әскери білім беру, әскери дайындық, сондай-ақ, оқу-жаттығуларға қатысу шаралары бар. 

"Қазақстан Түркиямен арадағы көп жоспарлы стратегиялық қарым-қатынасты нығайтуға үлкен мән береді. Ал екі мемлекет көшбасшылары арасындағы өзара түсіністік пен достық атмосферасы екіжақты ынтымақтастықтың кеңеюінде негізгі рөл атқарады", - делінген қорғаныс ведомствосының ресми хабарламасында.

Осы орайда қорғаныс министрлігі Қазақстанның қарулы күштерінің құрылуы мен дамуының алғашқы кезеңінде Түркияның қарулы күштері мен Бас штабының бірінші болып қолдау көрсеткенін де еске салды. Атап айтқанда, Түркия 1990-2000 жылдары қайтарымсыз негізде Қазақстанға әскери мүлік жеткізіп отырған. Соның ішінде кеңсе техникасы, картографиялық құрал-жабдықтар, байланыс құрылғылары және жол талғамайтын көліктер бар. 

Уақыт өте келе, тараптар көпмақсатты жеңіл брондалған көліктер мен оптикалық-электронды құралдар өндірісі саласында өзара тиімді байланыстарға көшті. Ал әскери білім саласында курсанттар Түркияның жетекші әскери училищелерінде өз дайындықтарын шыңдайды. Қазақстанның әскерилері де сан алуан оқыту орталықтарына барып тұрады. 

2018 жылы қыркүйек  айында Қазақстанның тұңғыш президенті – Елбасы Нұрсұлтан Назарбаев Түркияға ресми сапармен барған. Сол кезде Анкара қаласында бірқатар маңызды құжаттарға қол қойылды. Соның ішінде әскери ынтымақтастық туралы келісім де бар.

1483
Кілт сөздер:
қорғаныс министрі, Қазақстан, Түркия
Тақырып бойынша
"Қамығып отырмыз": Түркиядағы қазақтар Нұрсұлтан Назарбаевқа хат жолдады
Түркиядағы көлде тұз қалай өндіріледі – таңғажайып суреттер
"Қиыншылық көресің": Түркиядағы қазақ елге неге оралғысы келмейтінін айтты
"Бұл адамзат үшін бір белгі": Қазақ қызы Түркияда не болып жатқанын айтып берді
Түркияда Абай Құнанбаевтың құрметіне саябақ ашылды
Павлодар қаласының көрінісі

Қол алысуға болмайды: Павлодар облысында жаңа қаулы шықты

0
Қаулыға сәйкес, мекемелер штатында 30 адамнан артық қызметкер болған жағдайда олардың 70 проценті қашықтан жұмыс істеуге жіберілуі керек

НҰР-СҰЛТАН, 27 қазан – Sputnik. Павлодар облысының бас санитар дәрігерінің орынбасары Замзагүл Дощанов жаңа қаулыға қол қойды, деп хабарлайды Sputnik Қазақстан.

Құжатта санитарлық нормаларды сақтау шараларына басымдық берілген. Соның ішінде бетперде кию мен әлеуметтік арақашықтықты сақтау бар. Тіпті, санитар дәрігерлер қол алысып амандаспауға кеңес беріп отыр.

"Объектілер мен қоғамдық көлікте, сондай-ақ жұмыс орындарында азаматтардың қол алысуын болдырмау, адамдар арасында екі метр әлеуметтік арақашықтықты сақтау мен бетперделерді дұрыс кию қамтамасыз етілсін. Жеке гигиена, түшкіру мен жөтелу этикетін сақтау қажет", – делінген қаулыда.

Бұдан бөлек, респираторлық инфекцияның алғашқы белгілері пайда болғанда бірден жедел жәрдем шақыру керек. Осы орайда облыстық бас санитар дәрігер орынбасары емханаға бармай, үйде медициналық көмекке шұғыл жүгінуге кеңес береді.

Қаулыға сәйкес, мемлекеттік органдар, квазимемлекеттік сектор, ұлттық компаниялар, сондай-ақ, кәсіпкерлік нысандар штатында 30 адамнан артық қызметкер болған жағдайда олардың 70 проценті қашықтан жұмыс істеуге жіберілуі керек.

ХҚКО-лар қалай жұмыс істейді

"Азаматтарға арналған үкімет" корпорациясына қарасты халыққа қызмет көрсету орталықтары мен 1414 байланыс қызметінің жұмыс кестесі сағат 09:00-ден бастап 17:00-ге дейін, ал сенбі 14:00-ге дейін белгіленді. Мамандырылған ХҚКО да солай жұмыс істейді.

Жексенбі күндері қоғамдық көлік қозғалысы тоқтатылады. Сондай-ақ, 500 шаршы метрден асатын сауда ойын-сауық орталықтары, сауда үйлері мен жабық базарлар жұмыс істемейді.

Жабық үй-жайларда, сондай-ақ ашық орындарда ойын-сауық, спорттық және отбасылық шараларды өткізуге тыйым салынған. Ойын-сауық мекемелері де жұмыс істемейді. Олардың қатарында караоке, бильярд, компьютер клубтары, букмекер кеңселері, түнгі клубтар, боулинг орталықтары, кинотеатрлар мен тағы басқа адам көп жиналатын орындар бар.

50 адамға дейін шектеу қойылды

Ал кітапхана мен музей сияқты мәдениет нысандары жұмыс істейді. Бірақ ішінде жүргендердің саны 30 адамнан аспауы тиіс. Театрларда 50 адамға дейінгі шектеу қойылған. Діни нысандар да ашылады. Алайда ұжымдық шараларды өткізуге рұқсат жоқ.

Сауда орталықтары, сауда үйлері мен азық-түлік дүкендері түнгі сағат 22:00-ге дейін жұмыс істесе, азық-түлік тауарлары сатылатын жабық базарлар мен азық-түлік сатпайтын дүкендер кешкі сағат 18:00-де жабылады.

Мейрамханалар мен дәмханалар, ойын-сауық сауда орталықтарында орналасқан қоғамдық тамақтану орындары жұмыс істей береді. Сұлулық салондары, шаштараздар, СПА-орталықтар, моншалар мен сауналар кешкі сағат 20:00-ге дейін ашық болады.

Оқи отырыңыз: Биыл біз қатаң шектеу шараларынан айналып өте аламыз – Тоқаев

Облыстық командаларды даярлау үшін оқу-жаттығу жиындарын қайта бастауға рұқсат берілді. Бірақ бір мезгілде 30 адамнан артық жиналмау қажет. Спорт кешендері мен бассейіндер жұмыс істейді.

0
Кілт сөздер:
Павлодар, шектеу, карантин
Тақырып:
Төтенше жағдай және карантин
Тақырып бойынша
Тоқаев карантин енгізген кезде кәсіпкерлердің мүддесін ескеруді тапсырды
Нұр-Сұлтанда карантин күшейтіле ме – әкім астаналықтарға үндеу жасады
Қазақстан Ресеймен шекарада неге шектеу енгізді?
Қазақстанда карантин жеңілдетілді – қандай шектеу сақталады
Қандай жағдайда алматылық кәсіпорындар қызметіне шектеу қойылатыны белгілі болды