Саясат

Қазақстанда жауапты хатшылар болмайды – мәжіліс заң жобасын мақұлдады

© Sputnik / Владислав ВодневДепутаты мажилиса во время пленарного заседания
Депутаты мажилиса во время пленарного заседания  - Sputnik Қазақстан
Жазылу
Қазіргі уақытта жауапты хатшыларды президент тағайындайды. Түзетулер қабылданғаннан кейін олардың міндеттері аппарат басшысына жүктеледі

НҰР-СҰЛТАН, 18 қараша – Sputnik. Мәжіліс Қазақстан үкіметі туралы конституциялық заңға өзгерістер енгізу туралы заң жобасын бірінші оқылымда мақұлдады, деп хабарлайды Sputnik Қазақстан тілшісі. 

Мемлекеттік қызмет істері агенттігінің төрайымы Анар Жайылғанованың айтуынша, заң жобасы президенттің 2020 жылы 1 қыркүйекте жауапты хатшылар институтын тарату туралы тапсырмасын орындау мақсатында әзірленді. 

"Қазіргі уақытта жауапты хатшыларды президент тағайындайды және олар, тиісінше, жоғары статусқа ие. Осы түзетулер қабылданғаннан кейін олардың міндеттері аппарат басшысына жүктеледі", - деді Жайылғанова мәжілістің жалпы отырысында. 

Аппарат басшыларын министрлер тағайындайды және олар министрлерге есеп береді. 

Осыған байланысты агенттік үкімет туралы конституциялық заңнан жауапты хатшылардың мәртебесі мен өкілеттіктерін реттейтін нормаларды алып тастауды және оларды мемлекеттік қызмет туралы заңда аппарат басшыларына бекітуді ұсынды. 

Мәжіліс депутаттары заң жобасын бірінші оқылымда бірауыздан мақұлдады.

Жаңалықтар
0