Қазақстан мен Қытай тулары

Депутаттар қазақ-қытай шекарасындағы жағдайға алаңдаушылық білдірді

4559
(Жаңартылды 14:09 24.12.2020)
Қытай ел аумағына Қазақстаннан кіретін авто және теміржол көліктерінің санын шектеген. Ал бұл өткізу бекеттеріне салмақ түсіріп, ұзын-сонар кезектің түзілуіне әкеп соқты

НҰР-СҰЛТАН, 24 желтоқсан – Sputnik. Қытайдың Қазақстанмен шекарасында карантинді күшейтуі ұзын-сонар кезек пен отандық экспорттың азаюына әкеп соқты. Сенат депутаттары құзырлы органдардан жағдайды шешу үшін қандай шара қабылданып жатқанын сұрады, деп хабарлайды Sputnik Қазақстан тілшісі. 

Сенат отырысында техникалық реттеу туралы заң жобасын талқылау кезінде депутат Ольга Булавкина қазақ-қытай шекарасында коронавирусқа байланысты қатаң карантин енгізілгеніне назар аударды. Айтуынша, Қытай ел аумағына Қазақстаннан кіретін авто және теміржол көліктерінің санын шектеген. Ал бұл өткізу бекеттеріне салмақ түсіріп, ұзын-сонар кезектің түзілуіне әкеп соқты.  

"Пандемия басталғалы көліктерді өткізу 10 есе төмендеді. Кей жерлерде, тіпті, жүк тасымалына тыйым салынған, бұл қосымша шығындарды, шарт міндеттемелерінің орындалмауына әкеледі, қазақстандық кәсіпкерлер үшін тасымалды жоспарлау принциптерін бұзады", - деді сенатор. 

Есесіне Қазақстан Қытайдан келетін жүктерді жылдам әрі толық көлемде қабылдауда. 

Осыған байланысты депутат Қазақстанның жауапты мемлекеттік органдары қалыптасқан жағдайды реттеу, тауар экспортын толық көлемде жандандыру және елдер арасында жүк тасымалын ұлғайту бойынша қандай шаралар қабылдап жатқанын сұрады. 

Сауда және интеграция министрі Бақыт Сұлтанов екі ел шекарасында мұндай проблема барын жоққа шығармады. Айтуынша, Қытаймен шекарада жүктің барлық түрінің санитарлық өңделуі кептеліс тудырды, көп жағдайда 14 күндік карантин енгізілуде. 

"Бүгінде Қытайдың Ресеймен, Моңғолиямен, Қырғызстанмен және басқа да елдермен шекарасында осыған ұқсас жағдай байқалады. Біз өз тарапымыздан Қытайдың елшілігімен де, салалық министрлігімен де бірнеше келіссөз жүргіздік. Бірақ олар шекара бойынша барлық серіктесіне бірдей талап қойған. Дегенмен де қосымша шаралар қабылданып жатыр", - деді министр. 

Мәселен, шекара маңындағы көліктік-логистикалық өткізу пунктерінде жүктерді ауыстырып тиеу тетігі енгізілуде.

"Нұр жолы" ірі өткізу бекетінде жүктерді өткізу мүмкіндігін ұлғайту мәселелері пысықталуда. Жүкті тиеу және түсіру, санитарлық өңдеу процестерін жылдамдату үшін осы тауар партияларын ірілендіру көзделіп отыр. Сондай-ақ, Қытайдың өткізу пунктеріндегі әріптестермен жұмыс кестесін үйлестіру, яғни бірлесіп 1,5 сағатқа ұзарту пысықталуда", - деді ол.

Сұлтановтың ойынша, Қытай шекарасындағы жағдай Қазақстанға алдын ала декларациялау, жұмысшыларды жалдауға шарт жасау жүйесін өзгерту керек екенін көрсетті. 

Қаржы вице-министрі Қанат Баеділов те шекарада күрделі жағдай қалыптасқанын атап өтті. 

"Экпортқа қатысты айтар болсақ, шынымен де, қазір Қытай тарапы қазақстандық тауарлардың экспортын мүлде өткізіп отырған жоқ, ел аумағына кіретін көліктер саны 10 есеге қысқарды", - деді ол. 

Алайда қаржы министрлігі өз құзыреті шегінде тиісті шаралар қабылдады. 

"Шілде айынан бастап біз төтенше жағдайға байланысты жабылған үш өткізу бекетін аштық. Бірақ, Қытай өз тарапынан тек бір ғана өткізу пунктін ашты,  екеуі әлі де жабық. Сонымен қатар, кезегін күтіп отырған тасымалдаушыларға жағдай жасадық. Арнайы автотұрақ ұйымдастырылды, электронды кезек жасалды", - деп толықтырды вице-министр. 

Бұдан бөлек, Қазақстан Қытайдың кеден органдарына өткізу мүмкіндігін ұлғайту туралы өтінішпен хат жолдаған. 

"Өкінішке қарай, бүгінде қабылданып отырған шаралар жемісін беріп отырған жоқ. Шекарадағы жағдай пандемиямен байланысты ахуалдың жақсаруына қарай қалпына келеді деген ойдамын", - деді Баеділов.

4559
Кілт сөздер:
шекара, қытай, Қазақстан
Тақырып бойынша
"Сондай күлкілі": Қытай елшісі Жаңаөзендегі митинг жайлы не ойлайтынын ашық айтты
Си Цзиньпин Қытай әскерін соғысқа дайын болуға шақырды
"Халық қытай радиосын тыңдауға мәжбүр": депутат 29 жылда шешілмеген мәселені көтерді
"Бұл біздің уәдеміз": Қытай елшісі COVID-19-ға қарсы вакцина туралы айтты
Үш қазақстандық әйел Қытай азаматтарына бала туып берді – оқиғаның мән-жайы
Қасым-Жомарт Тоқаев, архивтегі фото

Тоқаев сыбайлас жемқорлыққа қарсы агенттіктегі ауыс-түйіс туралы айтты

3427
Президент мемлекеттің қауіпсіздігі және халықтың әл-ауқаты жемқорлықпен күресте жүзеге асырылатын жүйелі әрі тиімді шараларға тікелей байланысты екенін атап өтті 

НҰР-СҰЛТАН, 16 сәуір – Sputnik. Мемлекет басшысы Қасым-Жомарт Тоқаев Сыбайлас жемқорлыққа қарсы іс-қимыл агенттігінің бұрынғы төрағасы Алик Шпекбаевқа алғыс айтып, агенттікке бірқатар тапсырма берді.

Президенттің баспасөз хатшысы Берік Уәли фейсбукте Тоқаевтың Сыбайлас жемқорлыққа қарсы іс-қимыл жөніндегі кеңесте сөйлеген сөзін жариялады.

"Менің жарлығыма сәйкес Алик Шпекбаев Сыбайлас жемқорлыққа қарсы іс-қимыл агенттігінің төрағасы лауазымынан босатылды. Агенттікте оның басшылығымен жемқорлықпен күресте ауқымды жұмыс атқарылды. Осы құрылымның қызметі айтарлықтай жаңғырды. Жемқорлыққа қарсы бірқатар жоба мен бастама қолға алынды. Солардың қатарында "Adaldyq alany", "Antikor ortalygy", "Adal bilim" және тағы басқалары бар", - деген президент Шпекбаевқа осы қызметтегі табысты жұмысы үшін алғыс айтты. 

Сондай-ақ ол Сыбайлас жемқорлыққа қарсы іс-қимыл агенттігінің төрағасы лауазымына Марат Ахметжановты неге тағайындағанын түсіндірді.

"Мемлекеттік қызметтегі тәжірибесі мол маман. Әділет министрлігінде, Бас прокуратурада басшылық лауазымдарды атқарды. Кезінде Экономикалық қылмысқа және сыбайлас жемқорлыққа қарсы күрес агенттігінің орынбасары болды. Сондықтан мен оны осы лауазымға тағайындау туралы шешім қабылдадым", - деді мемлекет басшысы.

Тоқаев мемлекеттің қауіпсіздігі және халықтың әл-ауқаты жемқорлықпен күресте жүзеге асырылатын жүйелі әрі тиімді шараларға тікелей байланысты екенін атап өтті. 

Оқи отырыңыз: Сыбайлас жемқорлыққа қарсы агенттіктің жаңа басшысы тағайындалды

Президент агенттік алдында тұрған бірқатар маңызды міндетке тоқталды.

"Біріншіден, сыбайлас жемқорлыққа қарсы іс-қимылды барлық деңгейде тиімді жүргізу үшін кешенді жұмыс атқару қажет. Мұндай шаралар қылмыстық қудалау әрекетімен ғана шектелмеуі керек. Ондай тәсілдің кері әсері болады. Мемлекеттік аппарат шешім қабылдаудан тартынып, бюрократияға бой алдырады және лауазымды тұлғалар жеке жауапкершілік алудан жалтарады", - деді Тоқаев.  

Айтуынша, агенттік жұмыс барысында жіберілетін қателіктерді қасақана жасалған қылмыстардан ажырата білуге тиіс. Сондай-ақ, кінәлі адамды қылмыстың барлық құрамы болған кезде ғана жауапқа тартуы қажет. 

Екіншіден, қоғам өкілдерінің белсене атсалысуы және алдын алу шаралары сыбайлас жемқорлыққа қарсы күрестің басты құралдарына айналуы керек.

Президент қазір өзінің тапсырмасымен "Қоғамдық бақылау туралы" заң әзірленіп жатқанын еске салды.

Бұл құжат мемлекеттік органдардың қоғам алдындағы ашықтығы мен есептілігін қамтамасыз етуді көздейді. Сондай-ақ белсенді азаматтарға құқықтық бақылау құралдарын береді. Осы заң жобасының әлеуетін барынша пайдаланып, қоғамды жемқорлықпен күресуге кеңінен тарту қажет, деп жалғастырды мемлекет басшысы.

"Үшіншіден, қылмыстық жолмен алынған мүлікті іздестіру және тәркілеу ісіне баса мән берген жөн. Мұны "follow the money" қағидаты дейді. Қылмыстық жолмен алынған дүние-мүлікті тәркілеу жөніндегі бұлжымас қағидат сыбайлас жемқорлыққа қатысты кез келген іс-әрекеттен аулақ болуға ынталандыруға тиіс. Бұл жұмысты Агенттік қаржы мониторингі органдарымен бірлесіп атқаруы керек", деді Тоқаев.

Сонымен қатар, президенттің тапсырмасымен қылмыстық процестің үш буынды моделі енгізіліп жатыр. Мұндай модель айыптаушылық ұстанымды бәсеңдетіп, қылмыстық процеске заңсыз араласуды болдырмайды.    

Президент агенттікке өз қызметін қылмыстық процестің үш буынды моделіне бейімдеуді тапсырды.

"Жалпы, халықаралық озық тәжірибені ескеріп, сыбайлас жемқорлыққа қарсы бастамаларды енгізуді жалғастыра берген жөн. Қоғам, бизнес және инвесторлар сыбайлас жемқорлық қысымынан сақтайтын мықты қорған бар екенін сезінуге тиіс. Жаңа басшы агенттік жұмысының тиімділігін одан әрі арттыра түседі деп сенемін", - деді Тоқаев.

3427
Ер адам мен кресло, иллюстративті фото

Сыбайлас жемқорлыққа қарсы агенттіктің жаңа басшысы тағайындалды

2506
(Жаңартылды 17:25 16.04.2021)
Марат Ахметжанов бас прокурордың орынбасары лауазымынан босатылды

НҰР-СҰЛТАН, 16 сәуір — Sputnik. Президент Қасым-Жомарт Тоқаевтың жарлығымен сыбайлас жемқорлыққа қарсы агенттіктің жаңа басшысы тағайындалды, деп хабарлайды Ақорда.  

"Марат Мұратұлы Ахметжанов Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызметтің) төрағасы лауазымына тағайындалсын", - делінген жарлық мәтінінде.

Президент агенттіктің бұрынғы басшысы Алик Шпекбаевты қызметінен босатты.

Бұған дейін Марат Ахметжанов Қазақстан бас прокурорының орынбасары болды. Тоқаевтың өкімімен ол бұл лауазымнан босатылды. 

Марат Ахметжанов туралы не білеміз

Марат Мұратұлы Ахметжанов 1964 жылы 22 желтоқсанда Павлодар облысында Баянауыл ауданына қарасты Теңдік ауылында дүниеге келген. Евней Бөкетов атындағы Қарағанды мемлекеттік университетінде заңгер мамандығы бойынша білім алған.

Еңбек жолын 1991 жылы Теміртау қаласының прокуратурасында бастады Ал үш жылдан кейін бас прокуратураға ауысты.

Тағы оқыңыз: Тоқаев жұмысын дұрыс атқармаған басшыны қызметінен босатуды бұйырды

1997-1998 жылдары - Қазақстан мемлекеттік тергеу комитеті, кейін ішкі істер министрінің әскери-тергеу департаментінде тергеу басқармасының бастығы;

1998-2001 жылдары - тергеу департаменті директорының орынбасары, Қазақстан сот қаулыларын орындау жөніндегі комитеті төрағасының орынбасары;

2001-2003 жылдары бас прокуратураның алдын ала тергеу мен зерттеудің заңдылығын қадағалау жөніндегі департаментінің бастығы;

2003-2006 жылдары – Павлодар облысының прокуроры;

2006 – 2019 жылдары – сол кездегі Оңтүстік Қазақстан облысының прокуроры;

2009-2021 жылдары – бас прокуратураның құқықтық статистика және арнайы есепке алу комитетінің төрағасы;

2012-2014 жылдары – қаржы полициясы төрағасының орынбасары;

2016 жылдан бері бас прокурордың орынбасары қызметін атқарды.

Марат Мұратұлы "Құрмет" орденімен, "Мінсіз қызметі үшін" және тағы басқа медальдармен марапатталған.

Бұдан бөлек, Ресейдің мемлекеттік "І Петр" және "Адмирал Кузнецов" атындағы медалін алды. Беларусьтің марапатына да ие болды. Шені - генерал-майор, 3-сыныпты әділет кеңесшісі.

2506
Кілт сөздер:
Алик Шпекбаев, Марат Ахметжанов, Мемлекеттік қызмет істері және сыбайлас жемқорлыққа қарсы іс-қимыл агенттігі, Қасым-Жомарт Тоқаев
Тақырып бойынша
Тоқаев кейбір салаларға қосымша қаражат бөлуді тапсырды
Тоқаев ұлттық экономика министріне бірқатар тапсырма берді
Әскери оқу-жаттығу

Жағдай шиеленісіп барады: Ресей мен Украина қатынасы қалай өрбиді

0
Британдық және америкалық радиоэлектронды барлау ұшақтары мен кемеге қарсы ұшақтар Қара теңіздің бейтарап аумағында тынымсыз ұшып жүр

НҰР-СҰЛТАН, 16 сәуір – Sputnik. Соңғы күні Солтүстікатлантикалық альянс шығыс Еуропада күрт белсенділік танытып жатыр. Бұл Киевтің Донбаспен шекараға қосымша бөлімшелер мен техника жеткізуіне қатысты жауапты әрекет екені ешкімге жасырын емес, деп жазады РИА Новости.

Донбастағы жағдайдың кезекті рет өршуіне байланысты НАТО елдерінің авиациясы бұл аймақта жиі төбе көрсетіп жүр. Түйісу орнында RQ-4 Global Hawk барлаушы дрондары тұрақты күзетте тұр. Олар ДХР мен ЛХР әскерінің қорғанысқа даярлығын назардан тыс қалдырмауда. Ұшқышсыз ұшу аппараттары түсірген суреттер сол мезетте киевтік әскери қолбасшылардың үстеліне жететініне еш күмән жоқ.

Украина қарулы күштері де әуе барлауын күшейтті. Сарбаздар Түркиядан сатып алған Bayraktar TB2 соққы жасаушы дрондарын байқаған. УҚК-де мұндай алты дрон бар. Қосымша ұшқышсыз ұшу аппараттарын жеткізу туралы келісімшарт жақында Украина президенті Владимир Зеленскийдің Түркияға сапары кезінде жасалғаны мәлім болды.

Сонымен қатар, батыс авиациясы Қырым жағалауына күн сайын мониторинг жүргізіп отыр. Британдық және америкалық Boeing RC135W және Lockheed P-3COrion радиоэлектронды барлау ұшағы мен P-8APoseidon кемеге қарсы ұшағы Қара теңіздің бейтарап аумағында тынымсыз ұшып жүр. Олардың басты міндеті – Қара теңіз флоты кемелерінің әрекетін қадағалау және түбекте орналасқан әскери топтың әуе шабуылынан қорғаныс жүйелерінің позицияларын анықтау.

НАТО өңірдегі әскери-теңіз қатысуын да күшейтіп жатыр. Сәуірдің соңына дейін АҚШ ӘТК-нің екі зымыран эсминеці Қара теңізге шығуы керек. Пентагонның ресми мәлімдемесі бойынша, кемелерді бағыттау қалыпты сипатқи ие. Алайда Кремль жағдайды назарда ұстап отыр. Себебі бұл эсминецтер елуден астам "Томагавк" қанатты зымыранын тасымалдайды.

"Америка Құрама Штаттарының әскери белсенділігіне, соның ішінде Қара теңізге кеме кіргізуіне келсек, бұл тұрақты болып жатыр. Қазір бұл әсіресе агрессивті қарқында орындалуда", – дейді Ресей СІМ басшысы Сергей Лавров.

Тағы бір қызық жағдай: АҚШ ӘӘК әскери-көлік авиациясының ұшақтары Киевке қандай жүк жеткізіп жатыр?

Мамандар FlightRadar интернет сервисінің көрсеткішіне назар аударып, АҚШ, Германия мен Балтық маңы елдерінен ұшып шыққан америкалық С-17 мен С-30 Борисполь әуежайына тоқтап, жүк түсіріп, кері қайтып жатқанын анықтады.

Әскери сарапшы Алексей Леонковтың пікірінше, Вашингтон Украинаға радиоэлектронды күрес кешендерін жеткізіп жатыр. Бұл жақын уақытта УҚК шабуыл жасайды дегенді білдіреді. Ресей де қол қусырып отырмайтыны анық.

"Егер жағдай ушығатын болса, онда біз өзіміздің және қай жерде жүрсе де, өз азаматтарымыздың қауіпсіздігін қамтамасыз ету үшін барлығын жасаймыз. Мұндай өршуге Киев пен оның Батыстағы кураторлары толық жауапты болады. Сондай-ақ біз Қырымнан, Қара теңіздегі жағалаудан аулақ болу туралы АҚШ-қа ескертеміз", – деді СІМ басшысының орынбасары Сергей Рябков.

Батыс елдерінің ресейлік шекара маңында белсенділігінің артуына тағы бір себеп – НАТО әскерлерінің мамырдың ортасында өтетін ең ауқымды Defender Europe 2021 оқу-жаттығуына дайындығы.

Өткен жылмен салыстырғанда 2021 жылғы әскери шара кезінде Шығыс емес, Оңтүстік Еуропаға көп көңіл бөлінеді. Маневрлер Черногория, Косово және Албанияда жоспарланған. Болгария мен Румынияда әуедегі шабуылдан қорғаныс жүйелері мен "жер – жер" тобындағы зымырандардың жаттығуы өтеді. Ал Венгрия тыл қызметін атқарады. Маневрлерге украин әскери қызметшілері де қатысады.

Еуропадағы АҚШ Құрлық әскерінің ресми сайтында жарияланған баспасөз релизіне сәйкес, оқу-жаттығулар "АҚШ, НАТО бойынша одақтастар мен серіктестері арасындағы стратегиялық және жедел дайындық пен өзара әрекеттесуді күшейтуге бағытталған". Бұл маневрлер үшінші мемлекеттер үшін ешқандай қауіп төндірмейтіні жазылған. Алайда Defender Europe 2021 антиресейлік бағытта өрбитіні айдан анық.

Сондықтан Ресей мен Белоруссия қыркүйекте "Батыс-2021" маневрлерін өткізеді. Белоруссияның қорғаныс министрі Виктор Хренин атап өткендей, "бірлескен оқу-жаттығулар жоғары урбанизацияланған елді мекендерде шабуылдау бөлімшелерінің бірлескен іс-қимылдарының жаңа әдістерін сынауға мүмкіндік береді" деп санайды.

0
Кілт сөздер:
Украина, Ресей